Nikamonan 127 - ᐅᒋᐺ ᑭᒋᒪᓯᓇᐃᑲᓐᑳᑎᐯᒋᑫᒡ ᒋᐊᐯᓂᒧᓄᑕᐎᑎᐸᓐ 1 ᑮᔥᐱᓐ ᓴ ᑳᑎᐯᒋᑫᒡ ᐅᔑᑑᓯᒃ ᐃᐃ ᐙᑳᐃᑲᓐ, ᒦ ᓴ ᐃ ᐊᓂᔖ ᐁᐊᓄᑮᐃᑎᓱᐙᒡ ᐃᑭ ᐅᑕᓄᑮᒃ; ᑮᔥᐱᓐ ᑲᔦ ᑳᑎᐯᒋᑫᒡ ᑲᓇᐌᑕᓯᒃ ᐆᑌᓇᓂ ᑳᐐᓐ ᐃᑯᑕᓄ ᑕᐃᓈᐸᑎᓯᓰᐗᒃ ᐃᑭ ᐅᑲᓇᐌᒋᑫᒃ᙮ 2 ᑳᐐᓐ ᓴ ᑫᑰᓐ ᑭᑲ ᐃᓈᐸᒋᑑᓰᓐ ᒋᑭᒋ ᐊᓄᑮᔭᐸᓐ ᐁᑲᑴ ᐱᒫᒋᐃᑎᓱᔭᓐ, ᐐᐸ ᑭᑭᔐᑉ ᐁᐗᓂᔥᑳᔭᓐ, ᑭᓉᔥ ᑲᔦ ᐁᓃᐯᐱᔭᓐ᙮ ᑳᑎᐯᒋᑫᒡ ᐅᔕ ᐅᑲ ᐅᑎᓇᒪᐙᐞ ᐃᐃ ᑳᓵᑭᐋᒡ ᒥᓴᐙ ᑯ ᓂᐹᓂᒡ᙮ 3 ᐊᐱᓅᒌᔕᐞ ᓴ ᒦ ᐃᐌᓂ ᑳᑎᐯᒋᑫᒡ ᐅᒦᑭᐌᐎᓐ, ᒦ ᓴ ᐃᐃᐌᓂ ᐃᓇᑫ ᐁᔑ ᑎᐸᐊᒫᑫᒡ᙮ 4 ᑖᐱᔥᑰ ᓴ ᔑᒫᑲᓂᔥ ᑳᐹᑏᓍᑯᓇᕽ ᐱᑾᑰᓐ, ᒦ ᓴ ᐃ ᐁᓀᑖᑯᓯᐙᒡ ᐃᑭ ᐅᑯᓯᓯᒫᒃ ᑳᐊᔮᐎᑣ ᒣᒀ ᑮᐅᔥᑳᑎᓯᕽ᙮ 5 ᐋᐱᒋ ᓴ ᑕᒥᓉᑕᒻ ᐊᐊ ᐃᐃ ᑳᒨᔥᑭᓇᑑᒡ ᐃᓂ ᐱᑾᑰᓐ ᐱᑾᑯᐗᔑᕽ! ᑳᐐᓐ ᓴ ᑕᔖᑰᓱᒫᓰ ᐊᐲ ᑮᑳᒥᑯᒡ ᑳᔒᑫᓂᒥᑯᒡ ᐃᐃᒫ ᑳᑕᔑ ᐅᓈᑯᓂᑎᐎᓐᒡ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society