Nikamonan 115 - ᐅᒋᐺ ᑭᒋᒪᓯᓇᐃᑲᓐᐁᒥᒋᐯᔑᑯᒡ ᑭᔐᒪᓂᑑ 1 ᑮᓐ ᓴ ᐱᑯ ᐁᑕ ᑌᐯᒋᑫᔭᓐ, ᑳᐐᓐ ᐐᓐ ᓃᓇᐎᓐᑦ, ᑮᓐ ᓴ ᐁᑕ ᑭᒋ ᐃᓀᑖᑾᓐ ᑭᐐᓱᐎᓐ ᐋᓃᔥ ᑭᓵᑭᐃᐌ, ᑭᑌᐺᔦᑖᑯᔅ ᑲᔦ᙮ 2 ᐌᑯᓀᓂᓂ ᑕᔥ ᑯᑕᒃ ᐯᒫᑎᓯᐙᒡ ᐌᒋ ᐃᑭᑐᐙᒡ, ᑳᓇᑲ ᑎᐱ ᐃᓂ ᐅᑭᔐᒪᓂᑑᒥᐙᓐ! 3 ᓂᑭᔐᒪᓂᑑᒥᓈᓐ ᐅᔕ ᑭᒋᑮᔑᑯᕽ ᐊᔮ, ᐋᓃᓐ ᐃᓴ ᑯᐁᔑ ᒥᓍᐸᑕᕽ ᐃᔑᒋᑫ᙮ 4 ᐃᑭᐌᓂᐗᒃ ᐃᑕᔥ ᐐᓐ ᐅᒪᓂᑑᒥᐙᐞ ᐃᓂᓃᕽ ᐅᒋ ᐅᔑᐃᒫᐗᐞ ᐙᐹᐱᑯ ᔔᓂᔮ ᐙᐱᑰᓐ, ᐅᓵᐎ ᔔᓂᔮ ᐙᐱᑰᓐ ᑲᔦ ᐁᐋᐸᑎᓯᓂᒡ᙮ 5 ᐋᓇ ᐅᑑᓂᐗᐞ, ᑳᐐᓐ ᐃᑕᔥ ᑮᑭᑐᓰᐗᐞ᙮ ᐋᓇ ᑲᔦ ᐅᔥᑮᔑᑯᐗᐞ, ᑳᐐᓐ ᐃᑕᔥ ᒋᐙᐱᓂᒡ᙮ 6 ᐋᓇ ᐅᑕᐗᑳᐗᐞ, ᑳᐐᓐ ᐃᑕᔥ ᒋᓅᑕᒥᓂᒡ᙮ ᐋᓇ ᑲᔦ ᐅᔕᑾᓂᐗᐞ, ᑳᐐᓐ ᒋᒥᓈᒋᑫᓂᒡ᙮ 7 ᐋᓇ ᑲᔦ ᐅᓂᒌᐗᐞ, ᑳᐐᓐ ᐃᑕᔥ ᓂᓯᑐᓂᑫᓰᐗᐞ, ᐁᐅᓯᑎᓂᒡ ᑲᔦ, ᑳᐐᓐ ᐃᑕᔥ ᒋᐱᒧᓭᓂᒡ᙮ ᑳᐐᓐ ᑲᔦ ᑲᓇᑫ ᐅᑯᑕᔥᒀᓃᕽ ᒋᐅᒋ ᓅᑖᑎᓂᒡ᙮ 8 ᒦ ᓴ ᐃ ᒪᔮ ᑫᐊᓂ ᐃᔑᓈᑯᓯᐙᒡ ᐃᑭ ᑳᑮ ᐅᔑᐋᐙᒡ ᐃᐃ ᒪᓂᑑᑳᓇᐞ, ᑲᑭᓇ ᑯ ᑲᔦ ᑳᑌᐺᔦᓂᒫᐙᒡ᙮ 9 ᑮᓇᐙ ᑕᔥ ᐐᓐ ᐃᔅᕒᐃᔭᓬᐊᒃ Israel, ᑌᐺᔦᓂᒥᒃ ᑳᑎᐯᒋᑫᒡ, ᐐᓐ ᐄᑐᒃ ᑳᐐᒋᐃᓀᒃ, ᑳᓇᑳᓇᕽ ᑲᔦ ᑫᑰᓐ ᑳᓈᓯᑳᑯᔦᒃ᙮ 10 ᑮᓇᐙ ᓴ ᐁᕒᐊᓄᕽ Aaron ᐌᑕᑳᓀᓯᔦᒃ, ᑌᐺᔦᓂᒥᒃ ᑳᑎᐯᒋᑫᒡ, ᐐᓐ ᐄᑐᒃ ᑳᐐᒋᐃᓀᒃ, ᑳᓇᑳᓇᕽ ᑲᔦ ᑫᑰᓐ ᑳᓈᓯᑳᑯᔦᒃ᙮ 11 ᑮᓇᐙ ᑳᑯᑖᓀᓂᒣᒃ ᑳᑎᐯᒋᑫᒡ, ᑌᐺᔦᓂᒥᒃ; ᐐᓐ ᐄᑐᒃ ᑳᐐᒋᐃᓀᒃ, ᐐᓐ ᑲᔦ ᑳᓇᑳᓇᕽ ᑫᑰᓐ ᑳᓈᓯᑳᑯᔦᒃ᙮ 12 ᑳᑎᐯᒋᑫᒡ ᓴ ᑭᓈᓈᑲᑕᐌᓂᒥᑯᓈᓐ, ᑭᑲ ᒥᓄᓭᐃᑯᓈᓐ ᑲᔦ; ᐅᑲ ᒥᓄᓭᐋᐞ ᓴ ᐃᔅᕒᐃᔭᓬᐊᐞ, ᐃᐃ ᑲᔦ ᐁᕒᐊᓄᕽ ᐌᑕᑳᓀᓯᓂᒡ᙮ 13 ᑳᑎᐯᒋᑫᒡ ᓴ ᐅᑲ ᒥᓄᓭᐋᐞ ᑳᑯᑖᓀᓂᒥᑯᒡ, ᑌᐸᓭᑖᑯᓯᓂᒡ, ᐁᔥᐯᑖᑯᓯᓂᒡ ᑲᔦ᙮ 14 ᑕᑲ ᑳᑎᐯᒋᑫᒡ ᑭᑲ ᐃᔑᐃᒃ ᒋᐊᓂ ᐹᑏᓄᐗᒡ, ᑮᓐ ᐃᑯ, ᑭᓃᒑᓂᓴᒃ ᑲᔦ᙮ 15 ᑕᑲ ᑳᑎᐯᒋᑫᒡ ᑭᑲ ᒥᓄᓭᐃᒃ, ᑳᑮ ᐅᔑᑑᒡ ᑮᔑᒃ, ᐊᑮᓂ ᑲᔦ᙮ 16 ᑳᑎᐯᒋᑫᒡ ᓴ ᐐᓐ ᐁᑕ ᑯ ᐅᑎᐯᑖᓐ ᑭᒋᑮᔑᒃ, ᐃᓂᓂᐗᓐ ᐃᑕᔥ ᐐᓐ ᐅᑮ ᒦᓈᓐ ᐊᑮᓂ᙮ 17 ᑳᐐᓐ ᐐᓐ ᑳᓂᐳᐙᒡ ᑳᓇᓈᑯᒫᐙᒡ ᑳᑎᐯᒋᑫᓂᒡ, ᐃᑭ ᑲᔦ ᑳᐃᔖᐙᒡ ᐁᔑᐊᔮᓂᒡ ᑳᓅᑖᑎᓯᓂᒃ᙮ 18 ᑮᓇᐎᓐᑦ ᐅᔕ ᐯᒫᑎᓯᔭᕽ ᑭᑲ ᓇᓈᑯᒫᓈᓐ ᑳᑎᐯᒋᑫᒡ ᓅᑯᒻ ᒋᒫᒋᑖᔭᕽ ᓀᐱᒡ ᐃᑕᔥ ᐃᑯ ᐃ ᒋᐃᔑᒋᑫᔭᕽ᙮ ᑕᑲ ᒦᑴᒋᐌᓂᒫᑖ ᑳᑎᐯᒋᑫᒡ! |
Ojibwe Shorter Bible (Syllabic Script) © 2008 Canadian Bible Society
Canadian Bible Society