Nikamonan 110 - ᐅᒋᐺ ᑭᒋᒪᓯᓇᐃᑲᓐᑳᑎᐯᒋᑫᒡ ᑳᑮᐅᓈᐸᒫᒡ ᑭᒋᐅᑭᒫᓐ ᒦ ᐅᐌᓂ ᐯᔑᒃ ᑌᐱᑦ ᐅᓂᑲᒧᓐ 1 ᑳᑎᐯᒋᑫᒡ ᐅᑮᐃᓈᓐ ᑳᑎᐯᓂᒥᒥᒡ, ᐃᐃᒫ ᐃᔑ ᓇᒪᑕᐱᓐ ᓂᑭᒋᓂᑭᕽ ᐃᓇᑫ, ᐹᓂᒫ ᓴ ᑭᑲ ᐃᔑᐃᓐ ᒋᔖᑰᒋᐊᑣ ᑳᓂᔥᑫᓂᒥᒀ᙮ 2 ᑳᑎᐯᒋᑫᒡ ᐃᓴ ᑭᑲ ᒦᓂᒃ ᐅᑭᒫᐎ ᒪᔥᑲᐎᓰᐎᓐ ᓵᔭᓂᕽ Zion ᒋᐅᒋ ᑎᐯᒋᑫᐗᒡ ᐅᐅ ᒋᐃᓂᒃ, ᑎᐯᓂᒻ ᓴ ᐃᑭ ᑳᔒᑫᓂᒥᒀ᙮ 3 ᐊᐲ ᓴ ᑮᔑᑲᓂᓂᒃ ᒦᑳᓂᒪᒡ ᑳᔒᑫᓂᒥᒥᒃ, ᑭᐱᒫᑎᓰᒪᒃ ᓴ ᐁᔥᒀᑦ ᐃᑯ ᑕᐃᓀᑕᒧᒃ ᒋᐐᒋᐃᒀ᙮ ᑖᐱᔥᑰ ᑳᔖᐳᐲᑲᒥᑳᒃ ᐐᐸ ᑭᑭᔐᑉ ᒦ ᓴ ᐃ ᑫᐃᔑᓈᑯᓯᐙᒡ ᐅᔥᑭᓃᑭᐗᒃ ᑫᐱ ᓈᓯᑲᐎᒀ ᐁᔑᐊᔮᐗᒡ ᐗᒌᕽ ᑳᑭᑌᑖᑾᓂᓂᒃ᙮ 4 ᑳᑎᐯᒋᑫᒡ ᓴ ᑮᐊᐱᒧ ᐁᑮ ᐊᔓᑕᒫᑫᒡ ᑳᐐᓐ ᑲᔦ ᑕᐋᑌᑕᓰ, ᐅᐅ ᐁᑮ ᐃᑭᑐᒡ, ᑮᓐ ᓴ ᓀᐱᒡ ᑭᑭᒋ ᐊᓇᒥᐁᐎᑭᒫᐤ ᑖᐱᔥᑰ ᒣᓬᑭᓯᑌᒃ Melchizedek ᑳᑮ ᐃᔑ ᑭᒋ ᐊᓇᒥᐁᐎᑭᒫᐎᒡ᙮ 5 ᑳᑎᐯᒋᑫᒡ ᐅᔕ ᑭᐐᒌᐎᒃ ᑭᑭᒋᓂᑮᕽ ᐃᓇᑫ, ᐊᐲ ᓴ ᑮᔑᑲᓂᓂᒃ ᓂᔥᑳᑎᓯᒡ ᐐᑫ ᓴ ᐅᑲ ᐲᓯᐱᓈᐞ ᑭᒋᐅᑭᒫᐞ᙮ 6 ᐅᑲ ᐅᓈᑯᓈᐞ ᓴ ᑳᑕᓶᐙᓇᑭᓯᓂᒡ ᐯᒫᑎᓯᓂᒡ, ᒋᐅᑯᔑᒫᒡ ᑫᓂᓯᒥᓐᒡ ᑳᑕᔑ ᒦᑳᑎᐎᓐᒡ; ᐅᑲ ᔖᑰᒋᐋᐞ ᓴ ᑲᔦ ᑲᑭᓇ ᑭᒋᐅᑭᒫᐞ ᒥᓯᐌ ᐊᑮᕽ᙮ 7 ᐊᐊ ᑕᔥ ᑭᒋᐅᑭᒫ ᑕᐅᑖᑲᒪᒋᑫ ᐃᐃᒫ ᓰᐲᓯᕽ ᑳᐊᔮᓂᒃ ᒌᑭᑲᓇ ᑫᐅᒋ ᒪᔥᑲᐎ ᒪᒋᐅᒡ ᒋᐅᒋ ᔖᑰᒋᑣᒡ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society