ᓬᐃᐱᑎᑲᔅ 19 - ᐅᒋᐺ ᑭᒋᒪᓯᓇᐃᑲᓐᑭᔐᒪᓂᑑ ᑮᐃᓈᑯᓂᑫᒡ ᒋᓵᑭᐐᒌᐎᑎᕽ 11 ᑳᑎᐯᒋᑫᒡ ᑕᔥ ᐃᑭᑐ, ᑫᑯ ᑮᒨᑎᑫᒃ, ᑫᑯ ᑲᔦ ᐗᔦᔑᒥᐌᑫᒃ, ᑫᑯ ᑲᔦ ᑮᐗᓂᒧᑖᑎᑫᒃ᙮ 12 ᑫᑯ ᑲᔦ ᓂᐐᓱᐎᓐ ᐊᐱᒧᑫᒃ ᑮᐊᔓᑕᒫᑫᔦᒃ ᑫᑰᓐ, ᒣᒥᑕᑫ ᑯᑕ ᐅᒋᑕ ᑮᐐ ᐃᔑᒋᑫᓯᐌᒃ ᑳᑮ ᐃᑭᑐᔦᒃ᙮ ᒦ ᐅᔕ ᐃᒫ ᐌᒋ ᒫᓀᒋᑳᑌᒃ ᓂᐐᓱᐎᓐ, ᓃᓐ ᐅᔕ ᑳᑎᐯᒋᑫᒡ ᑭᑭᔐᒪᓂᑑᒥᐙ᙮ 13 ᑫᑯ ᑲᔦ ᓂᔑ ᑲᒀᑕᑭᐋᑫᓐ ᑮᒋᐱᒫᑎᔅ, ᑫᑯ ᑮᒨᑎᒫᑫᓐ᙮ ᐃᐃᐌᓂ ᓴ ᐅᑲᔥᑭᒋᑫᐎᓐ ᐊᐊ ᑳᐊᓄᑮᑕᐎᒃ ᑫᑯ ᑭᒋᐎᓇᒪᐙᑫᓐ ᐯᔑᑯ ᑎᐱᒃ ᐲᓂᔥ ᒋᓂ ᐙᐸᓂᓂᒃ᙮ 14 ᑫᑯ ᑲᔦ ᒪᒋᐃᓈᑫᓐ ᐊᐎᔭ ᑳᐅᓯᑌᓯᒃ, ᑫᑯ ᑲᔦ ᐊᑖᐙᑫᓐ ᑫᑰᓂᓂ ᑫᐱᓱᑫᔑᕽ ᐊᐊ ᑳᐙᐱᓯᒃ᙮ ᒦ ᓴ ᐃ ᐁᔑᓈᑾᒃ ᒋᑯᑖᓀᓂᒪᑎᐸᓐ ᑭᑭᔐᒪᓂᑑᒥᐙ, ᓃᓐ ᐄᑐᒃ ᑳᑎᐯᒋᑫᒡ᙮ 15 ᑾᔭᒃ, ᐌᐌᓂ ᑲᔦ ᐃᓈᑯᓂᑫᒃ ᐊᐲ ᑮᐐ ᐅᓀᑕᒣᒃ ᐋᓃᓐ ᐊᐎᔭ ᑫᐃᓈᑯᓂᓐᒡ ᑮᑎᐹᑯᓂᑎᕽ᙮ ᑫᑯ ᐐᓐ ᓇᐗᒡ ᑰᐹᑌᓂᒫᑫᒃ ᑳᑭᑎᒫᑭᓯᒡ, ᑫᑯ ᑲᔦ ᑯᓵᑫᒀᓂᒃ ᑳᐌᓅᑎᓯᐙᒡ᙮ 16 ᑫᑯ ᑲᔦ ᐸᐹ ᑮᐗᓂᒧᑫᓐ ᒥᓯᐌ ᒋᐸᐹ ᑕᔑᒪᒡ ᑳᔑ ᐊᔮᐙᒡ ᑮᒋᐱᒫᑎᓰᒃ᙮ ᐊᐲ ᓴ ᐊᐎᔭ ᑎᐹᑯᓂᑲᓂᐎᒡ ᐅᐱᒫᑎᓯᐎᓐ ᑕᔥ ᓇᓃᓵᓇᑎᓂᓂᒃ, ᐱᓵᓂᑯ ᑮᑭᑐᓐ ᑮᔥᐱᓐ ᑯᑕ ᑫᐃᑭᑐᔭᓐ ᒋᓈᑕᒫᑯᒡ᙮ ᓃᓐ ᓴ ᑳᑎᐯᒋᑫᒡ᙮ 17 ᑫᑯ ᑲᔦ ᔒᑫᓂᒫᑫᓐ ᑮᒋᐱᒫᑎᔅ ᐃᐃᒫ ᑭᑌᐃᕽ᙮ ᑲᑴ ᓇᓇᐃᓯᑑᓐ ᓴ ᑳᔑ ᐯᐸᑳᓀᓂᑎᔦᒃ, ᒫᑭᔖ ᑮᓐ ᒋᐅᒋ ᒪᒋᑑᑕᓯᐗᓐ ᐐᓐ ᐅᒋ᙮ 18 ᑫᑯ ᒪᐎᓀᐙᑫᓐ ᐊᐎᔭ ᒋᑲᑴ ᓇᓇᐊᓴᒡ, ᑫᑯ ᑲᔦ ᔒᑫᓂᒫᑫᓐ ᑳᐐᒋ ᐅᒌᒪᑣ᙮ ᐁᐲᒋ ᓵᑭᐃᑎᓱᔭᓐ ᒦ ᐃ ᐊᐲᒋ ᓵᑭᐞ ᑮᒋᐱᒫᑎᔅ᙮ ᓃᓐ ᐅᔕ ᑳᑎᐯᒋᑫᒡ! |
Ojibwe Shorter Bible (Syllabic Script) © 2008 Canadian Bible Society
Canadian Bible Society