Biblia Todo Logo
Bìoball air-loidhne

- Sanasan -

Hosiiya 3 - ᐅᒋᐺ ᑭᒋᒪᓯᓇᐃᑲᓐ


ᐅᓰᔭ ᑮᑮᐌᐐᒌᐙᒡ ᐐᐗᓐ

1 ᒦᑕᔥ ᐅᐅ ᑳᑎᐯᒋᑫᒡ ᑳᐃᔑᒡ, ᒫᒑᓐ ᒦᓇᐙ ᐊᐎ ᒥᓉᓂᒻ ᐊᐊ ᑭᐐᐤ ᑳᐱᔑᒀᒋᒋᑫᒡ, ᑳᒥᓉᓂᒫᒡ ᑯᑕᒃ ᐊᐎᔭᓐ ᐯᔑᒀᒋᒋᑫᓂᒡ᙮ ᒦ ᓴ ᐃ ᐁᔑᓈᑾᒃ ᒋᓵᑭᐊᒡ ᑖᐱᔥᑰ ᑳᔑ ᓵᑭᐊᒀ ᑫᔮᐱ ᐯᒫᑎᓯᐙᒡ ᐃᔅᕒᐃᔭᓬᐊᒃ, ᐋᓇᐐᓐ ᑯᑕᒃ ᒪᓂᑑᐞ ᐁᓈᓯᑲᐙᐙᒡ ᐁᐸᑭᑎᓇᒪᐙᐙᒡ ᑲᔦ ᔔᒥᓂ ᐸᑴᔑᑲᓀᓴᐞ, ᓂᑮᐃᒃ᙮

2 ᒦᑕᔥ ᑳᑮ ᑎᐸᐃᑫᔮᓐ ᒥᑖᔑᓈᓇᓐ 15 ᐙᐹᐱᑯ ᔔᓂᔮᔅ, ᓃᔣᓲᔥᑭᒧᑦ 7 ᒪᓅᒥᓐ ᐁᑮ ᐊᑖᐌᔮᓐ ᐊᐊ ᐃᑴ᙮

3 ᒦᔥ ᐅᐅ ᑳᐃᓇᒃ ᐊᐊ ᐃᑴ, ᒦ ᐅᔕ ᐃ ᐄᓴᓐ ᑭᓉᔥ ᒋᐐᒋᐊᔮᒥᔭᓐ᙮ ᑳᐐᓐ ᑲᔦ ᑭᑲ ᐱᔑᒀᒋᑴᐎᓰ, ᑳᐐᓐ ᑲᔦ ᑭᑲ ᐐᐯᒫᓰ ᑯᑕᒃ ᐃᓂᓂ, ᒦᔥ ᑫᓃᓐ ᑫᑑᑕᐎᓈᓐ, ᓂᑮ ᐃᓈ᙮

4 ᑭᓉᔥ ᐃᓴ ᐃᔅᕒᐃᔭᓬᐊᒃ ᑳᐐᓐ ᑕᐅᑭᒋ ᐅᑑᑭᒫᒥᓰᐗᒃ, ᑳᐐᓐ ᑲᔦ ᐅᑲ ᐊᔮᐙᓯᐙᐙᓐ ᑫᓃᑳᓂᓯᓂᒡ᙮ ᑳᐐᓐ ᑲᔦ ᑕᐅᒋ ᐸᑭᑎᓈᓱᓰᐗᒃ, ᑳᐐᓐ ᑲᔦ ᐅᑲ ᐊᔮᐙᓯᐙᐙᐞ ᑳᐊᓇᒥᐁᐌᑖᑯᓯᓂᒡ ᐊᓯᓃᐞ᙮ ᑳᐐᓐ ᑲᔦ ᑕᒪᓂᑑᑫᓰᐗᒃ, ᑳᐐᓐ ᑕᒪᒫᑖᐎ ᐊᑕ ᑭᑫᒋᑫᓰᐗᒃ᙮

5 ᓈᓈᑫ ᓴ ᑕᔥ ᐊᓂ ᐃᔑᓭᓂᒃ ᒦ ᐃ ᐃᔅᕒᐃᔭᓬᐊᒃ ᒋᑮᐌᓄᑕᐙᐙᒡ, ᒋᑮᐌ ᐊᑐᓀᐙᐙᒡ ᑳᑎᐯᒋᑫᓂᒡ ᐅᑭᔐᒪᓂᑑᒥᐙᓐ ᑲᔦ ᐅᑭᒋᐅᑭᒫᒥᐙᓐ ᑌᐱᑑᓐ᙮ ᐱᓈᓯᑲᐙᐙᒡ ᓴ ᑕᔥ ᑳᑎᐯᒋᑫᓂᒡ ᑕᓂᓂᑭᔥᑳᐗᒃ, ᒦᔥ ᑲᔦ ᒋᑌᐱᓇᒧᐙᒡ ᐁᔑ ᔕᐌᒋᑫᓂᒡ ᐌᑎ ᐃᔥᒀᒡ ᐊᓂ ᑲᑮᔑᑲᓂᓂᒃ᙮

Ojibwe Shorter Bible (Syllabic Script) © 2008 Canadian Bible Society

Canadian Bible Society
Lean sinn:



Sanasan