Esara 7 - ᐅᒋᐺ ᑭᒋᒪᓯᓇᐃᑲᓐᐁᓴᕒᐊ ᑮᑕᑯᔑᕽ ᒉᕒᐆᓴᓬᐊᒥᕽ 1 ᑭᓉᔥ ᐊᐲ ᑳᐊᓂ ᐃᔑᓭᓂᒃ ᐁᑭᒋᐅᑭᒫᐎᓂᒡ ᐋᕒᑕᓴᕒᑭᓰᔅ Artaxerxes ᐁᔑᓂᑳᓱᓂᒡ ᐯᕒᔕ Persia ᐊᑮᕽ, ᒦ ᓴ ᐃ ᐁᓴᕒᐊ Ezra ᐌᑌᑌᒡ ᓰᕒᐁᔭᐗᓐ Seraiah ᑳᑮ ᒥᑲᕽ ᐋᑎ ᑳᐅᑕᑳᓀᓯᒡ᙮ ᐅᒥᔔᒥᓴᓐ ᓴ ᐁᓴᕒᐋᔭᐗᓐ Azariah ᑮᐃᔑᓂᑳᓱᐗᓐ, ᐅᑖᓂᑰᐱᓴᓐ ᐃᑕᔥ ᐃᓬᑳᔭᐗᓐ Hilkiah᙮ 2 ᐃᓬᑳᔭ ᓴ ᑮᐊᓂ ᐅᑌᑌ ᔕᓬᐊᒪᓐ Shallum, ᑳᑮ ᐊᓂ ᐅᑌᑌᓂᒡ ᓭᑕᑰᓐ Zadok, ᑳᑮ ᐊᓂ ᐅᑌᑌᓂᒡ ᐋᐊᐃᑕᐴᓐ Ahitub, 3 ᑳᑮ ᐊᓂ ᐅᑌᑌᓂᒡ ᐊᒪᕒᐋᔭᐗᓐ Amariah, ᑳᑮ ᐊᓂ ᐅᑌᑌᓂᒡ ᐁᓴᕒᐋᔭᐗᓐ, ᑳᑮ ᐊᓂ ᐅᑌᑌᓂᒡ ᒥᕒᐁᔭᑕᓐ Meraioth, 4 ᑳᑮ ᐊᓂ ᐅᑌᑌᓂᒡ ᓭᕒᐋᐊᔭᐗᓐ Zerahiah, ᑳᑮ ᐊᓂ ᐅᑌᑌᓂᒡ ᐊᓵᐃᐗᓐ Uzzi, ᑳᑮ ᐊᓂ ᐅᑌᑌᓂᒡ ᐸᑳᐃᐗᓐ Bukki, 5 ᑳᑮ ᐊᓂ ᐅᑌᑌᓂᒡ ᐊᐱᔔᐊᐗᓐ Abishua, ᑳᑮ ᐊᓂ ᐅᑌᑌᓂᒡ ᐱᓀᔭᓴᓐ Phinehas, ᑳᑮ ᐊᓂ ᐅᑌᑌᓂᒡ ᐁᓬᐃᐁᓴᕒᐆᓐ Eleazar, ᑳᑮ ᐊᓂ ᐅᑌᑌᓂᒡ ᐁᕒᐊᓅᓐ Aaron ᒫᐗᒡ ᓂᑕᒻ ᑳᑮ ᑭᒋ ᐊᓇᒥᐁᐎᑭᒫᐎᓂᒡ᙮ ᒦᑕᔥ ᐃᐃᒫ ᑳᑮ ᐱ ᐅᒌᒡ ᐁᓴᕒᐊ᙮ 6 ᒦ ᓴ ᐗᐊ ᐁᓴᕒᐊ ᐹᐱᓬᐊᓐ Babylon ᐊᑮᕽ ᑳᑮ ᐱᐅᒋ ᑕᑯᔑᕽ᙮ ᑮᐅᔑᐲᐃᑫᐎᓂᓃᐎ ᓴ ᐐᑫ ᐁᑮ ᓇᑲᒋ ᑭᑫᑕᕽ ᒨᓯᓲᓐ Moses ᐅᑑᓇᔓᐌᐎᓂᓂ, ᑳᑮ ᒦᓂᑯᓂᒡ ᑳᑎᐯᒋᑫᓂᒡ ᑳᐅᑭᔐᒪᓂᑑᒥᐙᒡ ᐃᔅᕒᐃᔭᓬᐊᒃ᙮ ᑭᒋᐅᑭᒫᓐ ᓴ ᐅᑮ ᒦᓂᑯᓐ ᑲᑭᓇ ᑫᑰᓐ ᑳᑮ ᑲᑴᑗᒡ ᐋᓃᔥ ᑳᑎᐯᒋᑫᓂᒡ ᐅᑮ ᐐᒌᐎᑰᓐ᙮ 7 ᑮᐹᑏᓄᐗᐞ ᐃᑕᔥ ᐃᔅᕒᐃᔭᓬᐊᐞ ᑳᑮᐱ ᑕᑯᔑᓂᓂᒡ ᐃᐃᒫ ᒉᕒᐆᓴᓬᐊᒥᕽ, ᐋᓂᑕ ᐊᓇᒥᐁᐎᑭᒫᐞ, ᐋᓂᑕ ᑲᔦ ᓬᐄᐹᐃ ᑳᐅᑕᑳᓀᓯᓂᒡ, ᑳᓂᑲᒧᓂᒡ ᑲᔦ, ᑫᓇᐌᒋᑫᐎ ᔑᒫᑲᓂᔕᐞ ᑲᔦ, ᐊᓇᒥᐁᐗᓄᑮᐋᑲᓇᐞ ᑲᔦ ᑮᐱ ᑕᑯᔑᓅᐞ ᓃᔣᓱ ᐱᐴᓐ ᐁᐊᓂ ᐃᔑᓭᓂᒃ ᑳᐱ ᐱᒥᑭᒫᐎᓂᒡ ᐋᕒᑕᓴᕒᑭᓰᓴᓐ Artaxerxes᙮ 8 ᐁᓴᕒᐊ ᓴ ᑮᑕᑯᔑᓐ ᐃᐃᒫ ᒉᕒᐆᓴᓬᐊᒥᕽ ᓈᓄᑮᓯᓲᓐ ᐁᐱᒪᑭᓱᓂᒡ, ᓃᔣᓱ 7 ᐱᐴᓐ ᑳᐱ ᑭᒋᐅᑭᒫᐎᓂᒡ᙮ 9 ᐯᔑᒃ ᐁᐃᓇᑭᓱᓂᒡ ᓂᑕᒻ ᑮᓯᓲᓐ ᑮᐱ ᒫᒑᑯᐸᓐ ᐌᑎ ᐹᐱᓬᐊᓐ ᐊᑮᕽ᙮ ᐯᔑᒃ ᐃᑕᔥ ᐁᐃᓇᑭᓱᓂᒡ ᓈᓄᑮᓯᓲᓐ ᑳᑮ ᑕᑯᔑᕽ ᐃᐃᒫ ᒉᕒᐆᓴᓬᐊᒥᕽ, ᐋᓃᔥ ᐌᐌᓂ ᐅᑮ ᐐᒌᐎᑰᓐ ᑳᑎᐯᒋᑫᓂᒡ᙮ 10 ᒦ ᐃᐌ ᐋᔕ ᑳᑮ ᐱ ᐃᔑ ᐅᓀᑕᕽ ᐅᑌᐃᕽ ᐁᐐ ᑲᑴ ᑭᑫᑕᕽ ᑳᑎᐯᒋᑫᓂᒡ ᐅᑑᓇᔓᐌᐎᓂᓂ, ᐁᐐ ᐃᔑᒋᑫᒡ ᑲᔦ ᐁᓇᑌᓂᒃ᙮ ᑮᐃᓀᑕᒻ ᑲᔦ ᐁᑭᑑᒪᑲᓂᓂᒃ, ᐁᓈᑯᓂᑫᒪᑲᓂᓂᒃ ᑲᔦ ᐁᐐ ᐃᔑ ᑭᑭᓄᐊᒪᐙᒡ ᐃᔅᕒᐃᔭᓬᐊᐞ᙮ ᑳᐃᔑᐲᐃᑳᑌᓂᒃ ᐁᓴᕒᐊ ᑳᑮᒦᓂᑯᒡ ᒫᐗᒡ ᑭᒋᐅᑭᒫᓐ 11 ᒦᑕᔥ ᐁᓴᕒᐊ Ezra ᐊᓇᒥᐁᐎᑭᒫ, ᑕᑯᔥ ᐃᑯ ᐅᔑᐲᐃᑫᐎᓂᓂ, ᑳᑮ ᑭᑫᑕᕽ ᑲᔦ ᑳᑎᐯᒋᑫᓂᒡ ᐁᓈᑯᓈᓂᒡ, ᐁᓈᓂᒡ ᑲᔦ ᐃᔅᕒᐃᔭᓬᐊᐞ Israel, ᑳᑮ ᒦᓂᑯᒡ ᐅᔑᐲᐃᑲᓐ ᑭᒋᐅᑭᒫᓐ ᐋᕒᑕᓴᕒᑭᓰᔅ Artaxerxes ᐁᔑᓂᑳᓱᓂᒡ: 12 ᓃᓐ ᐋᕒᑕᓴᕒᑭᓰᔅ, ᐌᑭᒫᑲᑕᐗᒀ ᑭᒋᐅᑭᒫᒃ, ᑭᑑᔑᐲᐊᒪᐎᓐ ᐁᓴᕒᐊ ᑳᐊᓇᒥᐁᐎᑭᒫᐎᔭᓐ, ᐌᔑᐲᐊᒧᐗᒡ ᑲᔦ ᐅᑑᓇᔓᐌᐎᓐ ᑭᔐᒪᓂᑑ ᑭᒋᑮᔑᑯᕽ ᐁᔮᒡ᙮ 13 ᒦ ᓴ ᐃ ᐁᓈᑯᓂᑫᔮᓐ ᐊᐌᓀᓇᒃ ᐃᑯ ᐃᔅᕒᐃᔭᓬᐊᒃ ᐁᔮᐙᒡ ᐁᔑ ᐅᑭᒫᐎᐗᒃ, ᐃᑭ ᑲᔦ ᐊᓇᒥᐁᐎᑭᒫᒃ, ᓬᐄᐹᐃ ᑳᐅᑕᑳᓀᓯᐙᒡ ᑲᔦ ᒣᓴᐌᑕᒧᐙᒡ ᐁᐐ ᐃᔖᐙᒡ ᒉᕒᐆᓴᓬᐊᒥᕽ, ᐱᓵᓐ ᓴ ᑭᑲ ᐐᒌᐎᑰᒃ᙮ 14 ᓃᓐ ᑳᑭᒋᐅᑭᒫᐎᔮᓐ ᓴ ᑭᑎᔑᓂᔕᐅᓐ, ᓃᔣᓱ ᑲᔦ ᓂᑑᓇᔓᐌᐎᓂᓃᒪᒃ, ᒋᐊᑕ ᑭᑫᑕᒧᐗᒡ ᒎᑕ Judah ᐊᑭ, ᒉᕒᐆᓴᓬᐊᒻ ᑲᔦ ᑕᑲ ᐅᓇᔓᐌᐎᓐ ᑭᔐᒪᓂᑑ ᑳᑮ ᒦᓂᒃ ᒋᓇᐃᒋᑳᑌᓂᑴᓇᓐ᙮ 15 ᒋᒫᒌᓇᒡ ᐃᑕᔥ ᑲᔦ ᐙᐹᐱᑯ ᔔᓂᔮ, ᐅᓵᐎ ᔔᓂᔮ ᑲᔦ ᓃᓐ ᑭᒋᐅᑭᒫ, ᐃᑭ ᑲᔦ ᐅᓇᔓᐌᐎᓂᓂᐗᒃ ᑳᒥᓴᐌᑕᒫᕽ ᐁᐐ ᒦᓂᒪᑭᒡ ᐅᑭᔐᒪᓂᑑᒥᐙᓐ ᐃᔅᕒᐃᔭᓬᐊᒃ, ᐁᔑᑖᓂᒡ ᒉᕒᐆᓴᓬᐊᒥᕽ᙮ 16 ᑲᑭᓇ ᑕᔥ ᐃᑯ ᐙᐹᐱᑯ ᔔᓂᔮ, ᐅᓵᐎ ᔔᓂᔮ ᑲᔦ ᒥᓂᒃ ᐃᑯ ᑫᐅᑎᓀᒃ ᐹᐱᓬᐊᓐ Babylon ᐊᑮᕽ, ᐃᓂ ᑲᔦ ᑫᐸᑭᑎᓂᑫᐙᒡ ᐃᔅᕒᐃᔭᓬᐊᒃ, ᐊᓇᒥᐁᐎᑭᒫᒃ ᑲᔦ᙮ ᒦ ᐃ ᐄᑐᒃ ᑳᐅᒋ ᐸᑭᑎᓂᑫᐙᒡ ᐅᐙᑳᐃᑲᓂᓂ ᐅᑭᔐᒪᓂᑑᒥᐙᓐ ᐁᔮᓂᒡ ᒉᕒᐆᓴᓬᐊᒥᕽ᙮ 17 ᐗᐊ ᓴ ᔔᓂᔮ ᐌᐌᓂ ᒋᐃᓈᐸᒋᐁᒃ, ᑫᒋᓈᒡ ᐃᑯ ᒋᐊᑖᐌᔦᒃ, ᐋᐯ ᐱᔑᑭᐗᒃ, ᐋᐯ ᒫᓇᒑᓂᔕᒃ, ᐋᐯ ᒫᓇᒑᓂᔐᓴᒃ ᑲᔦ᙮ ᔑᒀᔥ ᑲᔦ ᐸᑴᔑᑲᓂᐎ ᐸᑭᑎᓂᑫᐎᓇᓐ, ᒥᓂᑴᐎ ᐸᑭᑎᓂᑫᐎᓇᓐ ᑲᔦ ᒋᐸᑭᑎᓇᒣᒃ ᐁᔑ ᐸᑭᑎᓈᓱᕽ ᑭᑭᔐᒪᓂᑑᒥᐙ ᐅᑭᒋ ᐊᓇᒥᐁᐎᑲᒥᑯᕽ ᐁᔮᓂᒃ ᒉᕒᐆᓴᓬᐊᒥᕽ᙮ 18 ᐋᓃᓐ ᓴ ᐱᑯ ᑫᔑ ᒥᓍᐸᑕᒪᓐ, ᐃᑭ ᑲᔦ ᑭᐐᒋᐅᒌᒫᑲᓇᒃ ᑭᑲ ᐃᓈᐸᒋᐋᐙ ᐊᐊ ᑫᐃᔥᑯᓭᒡ ᐙᐹᐱᑯ ᔔᓂᔮ, ᐅᓵᐎ ᔔᓂᔮ ᑲᔦ, ᒋᐃᔑᒋᑫᐌᒃ ᑫᐃᓀᑕᒧᑴᓐ ᑭᑭᔐᒪᓂᑑᒥᐙ᙮ 19 ᔑᑾ ᑕᔥ ᒋᒦᓇᒡ ᑭᔐᒪᓂᑑ ᐁᔮᒡ ᒉᕒᐆᓴᓬᐊᒥᕽ ᑲᑭᓇ ᐋᐸᒋᒋᑲᓇᓐ ᑳᒦᓂᑰᔭᓐ ᑫᐋᐸᒋᒋᑳᑌᓂᑭᓐ ᐊᓇᒥᐁᑕᐎᓐᒡ ᑭᑭᔐᒪᓂᑑᒥᐙ ᑭᒋ ᐊᓇᒥᐁᐎᑲᒥᑯᕽ᙮ 20 ᐌᑯᓀᓐ ᐃᑕᔥ ᐃᑯ ᑫᓅᑌᓭᓂᒃ ᐅᑕᓇᒥᐁᐎᑲᒥᑯᕽ ᑭᑭᔐᒪᓂᑑᒥᐙ, ᑮᓐ ᑳᐙᐸᑕᒪᓐ ᑳᓅᑌᓭᑭᓐ ᐃᐃᒫ ᓴ ᑭᑲ ᐅᒋ ᑎᐸᐋᓐ ᑭᒋᐅᑭᒫᐎ ᔔᓂᔮᕽ᙮ 21 ᓃᓐ ᓴ ᐋᕒᑕᓴᕒᑭᓰᔅ ᑫᒋᐅᑭᒫᐎᔮᓐ ᓂᑎᓈᑯᓈᒃ ᑲᑭᓇ ᑳᓈᑲᒋᐋᐙᒡ ᔔᓂᔮᓐ ᐌᑎ ᐃᔑ ᓂᑳᐲᐊᓄᕽ ᐃᔫᐸᕒᐁᑏᔅ ᐊᑮᕽ ᔐᒫᒃ ᒋᐅᑎᓇᒪᐌᒃ ᐁᓴᕒᐊ Ezra ᐊᓇᒥᐁᐎᑭᒫ, ᑫᑭᓄᐊᒫᑫᒡ ᐅᑑᓇᔓᐌᓂᓂ ᑭᔐᒪᓂᑑᓐ ᐁᔮᓂᒡ ᑭᒋᑮᔑᑯᕽ, ᐋᓃᓐ ᐃᑯ ᑫᔑ ᑲᑴᒋᒥᓀᒃ, ᐌᐌᓂ ᒋᑑᑕᐎᓐᒡ᙮ 22 ᐱᓵᓐ ᐃᑯ ᑭᑲ ᒦᓈ ᐃᐃ ᒥᓂᒃ ᓃᔣᓯᒥᑕᓇᔑᓈᓍᒃ 7,500 ᑕᓱ ᑎᐹᐲᔥᑰᒋᑲᓐ ᐙᐹᐱᑯ ᔔᓂᔮ ᐙᐱᑰᓐ, ᓈᓍᒃ 500 ᑕᓱ ᑎᐹᐲᔥᑰᒋᑲᓐ ᐸᑴᔑᑲᓂᒥᓇᓐ, ᓈᓍᒃ ᓈᓂᒥᑕᓇ 550 ᑕᓱ ᑎᐸᐆᐹᓐ ᔔᒥᓈᐴᓂ, ᓈᓍᒃ ᓈᓂᒥᑕᓇ 550 ᑕᓱ ᑎᐹᐆᐹᓐ ᐋᓬᐃᑉ ᐱᒥᑌᓂ, ᒥᓂᒃ ᐃᑯ ᑲᔦ ᑫᓅᑌᓭᒡ ᔒᐎᑖᑲᓂᓂ᙮ 23 ᐋᓃᓐ ᓴ ᑯ ᑭᔐᒪᓂᑑ ᑭᒋᑮᔑᑯᕽ ᐁᔮᒡ ᑫᔑ ᐊᓅᑮᒡ, ᒦ ᓴ ᑯ ᐃ ᐌᐌᓂ ᑫᐃᔑᒋᑫᓈᓂᐗᓂᓂᒃ ᐅᒋ ᐅᑕᓇᒥᐁᐎᑲᒥᒃ, ᑫᑰᓐ ᑫᐅᒋ ᐊᓍᐸᑕᓯᒃ ᓂᑐᑭᒫᐎᐎᓐ, ᓂᑯᓯᓴᐞ ᑲᔦ᙮ 24 ᒦᑕᔥ ᑲᔦ ᐁᓈᑯᓂᑫᔮᓐ ᒋᑎᐸᐃᑫᐋᓯᐎᑣ ᑕᑮᔅ ᔔᓂᔮᓐ tax᙮ ᐃᑭ ᐊᓇᒥᐁᐎᑭᒫᒃ, ᓬᐄᐹᐃ ᑳᐅᑕᑳᓀᓯᐙᒡ, ᑳᓂᑲᒧᐙᒡ, ᑫᓇᐌᑕᒧᐙᒡ ᐃᔥᒀᑌᒻ, ᑭᒋ ᐊᓇᒥᐁᐗᓄᑮᐋᑲᓇᒃ ᑲᔦ, ᐊᐌᓀᓐ ᓴ ᑯ ᑫᑕᓇᓄᑮᒡ ᑭᒋ ᐊᓇᒥᐁᐎᑲᒥᑯᕽ, ᑳᐐᓐ ᑕᑎᐸᐃᑫᐋᓰᐗᒃ᙮ 25 ᑮᓐ ᐃᑕᔥ ᐐᓐ ᐁᓴᕒᐊ ᒋᐋᐸᒋᑖᐗᒡ ᑲᑮᑖᐌᑕᒧᐎᓐ ᑭᑭᔐᒪᓂᑑᒻ ᑳᒦᓂᒃ, ᐅᓇᑭᒻ ᐅᓈᑯᓂᑫᐎᑭᒫᒃ, ᑫᐅᓈᑯᓂᑫᐙᒡ ᑲᔦ, ᑫᐅᓈᑯᓈᐙᒡ ᐌᐌᓂ ᑲᑭᓇ ᐯᒫᑎᓯᓂᒡ ᐁᔮᓂᒡ ᐁᔑ ᓂᑳᐲᐊᓄᐗᕽ ᐃᔫᐸᕒᐁᑏᔅ, ᑲᑭᓇ ᑫᑫᑕᒧᐙᒡ ᐅᑑᓇᔓᐌᓂᓂ ᑭᑭᔐᒪᓂᑑᒪᓐ᙮ ᑭᑲ ᑭᑭᓄᐊᒪᐙᒃ ᓴ ᐃᑭ ᑲᔦ ᑫᑫᑕᓯᒀ᙮ 26 ᐊᐌᓀᓐ ᐃᑕᔥ ᐃᑯ ᑫᓇᐃᑕᓯᒃ ᐅᓇᔓᐌᓂᒡ ᑭᑭᔐᒪᓂᑑᒪᓐ, ᑭᒋᐅᑭᒫᓐ ᑲᔦ ᐁᓈᑯᓂᑫᓂᒡ, ᒦ ᓴ ᐊᐌ ᑫᒋᓈᒡ ᑫᐃᓈᑯᓂᓐᒡ ᒋᓂᐳᒡ, ᑯᒫ ᑲᔦ ᒋᒫᒌᓂᓐᒡ, ᑯᒫ ᑲᔦ ᒋᒪᑲᒥᓐᒡ ᐅᑕᔭᐄᒪᓐ, ᑯᒫ ᑲᔦ ᒋᑭᐸᐅᓐᒡ, ᑮᐃᔑᐲᐃᑳᑌᓂ᙮ ᐁᓴᕒᐊ ᑮᓇᓈᑯᒫᒡ ᑭᔐᒪᓂᑑᓐ 27 ᒦᔥ ᐁᓴᕒᐊ ᑳᐃᑭᑐᒡ, ᑕᑲ ᑕᒦᑴᒋᐌᓂᒫ ᑳᑎᐯᒋᑫᒡ, ᐌᑭᔐᒪᓂᑑᒥᐙᒡ ᑭᑫᑌᔭᐋᒥᓈᐸᓃᒃ, ᑳᑮ ᐃᔑᐋᒡ ᑭᒋᐅᑭᒫᓐ ᐅᑌᐃᓃᕽ ᒋᑭᑌᑕᒥᓂᒡ ᑳᑎᐯᒋᑫᒡ ᐅᐙᑳᐃᑲᓐ ᐁᔮᓂᒃ ᒉᕒᐆᓴᓬᐊᒥᕽ᙮ 28 ᑭᔐᒪᓂᑑ ᓴ ᑳᔑ ᒥᓄᑑᑕᐎᒡ ᐌᒋ ᒥᓍᐸᒥᒥᒡ ᒫᐗᒡ ᑭᒋᐅᑭᒫᓐ, ᐅᑮᑭᑑᐎᓂᓃᒥᓂ ᑲᔦ, ᐃᐃ ᑲᔦ ᑲᑭᓇ ᒣᔥᑲᐌᑖᑯᓯᓂᒡ ᐅᑖᓂᑫᐎᑭᒫᒥᓂ᙮ ᑳᑎᐯᒋᑫᒡ ᓴ ᓂᑭᔐᒪᓂᑑᒻ ᐁᑮ ᐐᒌᐎᒡ, ᑳᑮ ᐅᒋ ᒫᐗᑑᓇᒀ ᑳᓃᑳᓂᓯᐙᒡ ᐃᓂᓂᐗᒃ ᐃᐃᒫ ᐅᒋ ᐃᔅᕒᐃᔭᓬ ᒋᐱᑮᐌ ᐐᒌᐎᐙᒡ ᐅᐅᒫ ᐃᔅᕒᐃᔭᓬᐊᑮᕽ, ᑮᐃᑭᑐ ᐁᓴᕒᐊ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society