Cenisihs 35 - ᐅᒋᐺ ᑭᒋᒪᓯᓇᐃᑲᓐᒉᑲᑉ ᑮᔕᐌᓂᒥᑯᒡ ᑭᔐᒪᓂᑑᓐ 1 ᑭᔐᒪᓂᑑᓐ ᓴ ᒉᑲᑉ Jacob ᐅᑮᐃᑰᓐ, ᐌᑎ ᐯᑕᓬ Bethel ᐆᑌᓈᕽ ᐃᔑ ᐊᑕᐎ ᑲᐯᔑᓐ᙮ ᒦᑕᔥ ᐌᑎ ᑫᔑ ᐅᔑᑕᒪᐎᔭᓐ ᐸᑭᑎᓈᓱᐎᓐ᙮ ᓃᓐ ᐄᑐᒃ ᑭᔐᒪᓂᑑ ᑳᑮ ᓈᑯᓰᑕᐎᓈᓐ ᐊᐲ ᑮᒫᒌᐸᐃᐙᓇᑎᐸᓐ ᑮᒋᑭᐌᓯ ᐄᔂ Esau᙮ 2 ᒦᑕᔥ ᒉᑲᑉ ᑳᐃᓈᒡ ᐅᐐᒋᑖᒫᑲᓇᐞ, ᐃᐃ ᑲᔦ ᑲᑭᓇ ᑳᐐᒌᐎᑯᒡ, ᐌᐱᓂᑾᒃ ᒪᔭᑭ ᒪᓂᑑᑳᓇᒃ ᐁᔮᐌᒀ, ᐯᑭᐃᑎᓱᒃ, ᑲᔦ ᑕᔥ ᒣᔥᑯᒋᑯᓇᔦᒃ᙮ 3 ᐌᑎ ᓴ ᐯᑕᓬ ᐆᑌᓈᕽ ᑭᑎᔖᒥᓐ ᐅᐅ ᑳᒫᒑᔭᕽ᙮ ᒦᑕᔥ ᐌᑎ ᑫᔑ ᐅᔑᑕᒪᐗᒃ ᑭᔐᒪᓂᑑ ᐸᑭᑎᓈᓱᐎᓐ᙮ ᐐᓐ ᐄᑐᒃ ᑳᐱ ᓈᑕᒪᐎᒡ ᑮᒫᔑᓭᐗᒃ, ᑲᔦ ᑕᔥ ᐁᐱ ᐐᒌᐎᒡ ᒥᓯᐌ ᐱᑯ ᐯᒥ ᐃᔖᐗᒃ, ᐅᑮᐃᓈᐞ᙮ 4 ᐯᒫᑎᓯᐙᒡ ᐃᑕᔥ ᐅᑮ ᒦᓈᐙᓐ ᒉᑲᐴᓐ ᑲᑭᓇ ᐅᒪᔭᑭ ᒪᓂᑑᒥᐙᐞ, ᓈᐱᑌᐱᓱᓇᐞ ᑲᔦ ᑳᑮ ᑭᑭᔥᑲᐙᐙᒡ᙮ ᒦᔥ ᒉᑲᑉ ᑳᐃᔑ ᓂᑾᐙᒡ ᐊᓈᒥ ᐆᒃ ᑎᓄᐙᑎᑯᕽ ᐯᔓ ᐌᑎ ᐯᑕᓬ ᐆᑌᓈᕽ᙮ 5 ᐊᐲ ᑕᔥ ᒉᑲᑉ, ᐃᐃ ᑲᔦ ᐯᒫᑎᓯᓂᒡ ᑳᐐᒌᐎᑯᒡ ᐁᒫᒑᐙᒡ, ᑭᔐᒪᓂᑑ ᑮᑑᑕᒻ ᐐᑫ ᒋᑯᑖᒋᓂᒡ ᐃᐃᒫ ᐆᑌᓈᑳᕽ ᐁᔮᓂᒡ ᐯᒫᑎᓯᓂᒡ᙮ ᑳᐐᓐ ᐃᑕᔥ ᐊᐎᔭᓐ ᒋᑮ ᐱᒥᓂᔕᐅᑯᐙᒡ᙮ 6 ᑮᐱ ᑕᑯᔑᓐ ᐃᑕᔥ ᒉᑲᑉ ᐃᐃ ᑲᔦ ᑲᑭᓇ ᑳᐐᒌᐎᑯᒡ ᐃᐃᒫ ᓬᐋᔅ Luz ᐁᔑ ᑭᑫᒋᑳᑌᓂᒃ ᐯᑕᓬ, ᑫᓇᓐ Canaan ᐊᑮᕽ᙮ 7 ᒦᑕᔥ ᐃᐃᒫ ᒉᑲᑉ ᑳᐃᔑ ᐅᔑᑑᒡ ᐸᑭᑎᓈᓱᓐ ᐁᑮ ᐃᔑᓂᑳᑕᕽ ᐯᑕᓬ, ᑭᔐᒪᓂᑑ ᐅᑕᔮᐎᓐ᙮ ᑭᔐᒪᓂᑑᓐ ᐄᑐᒃ ᐅᑮ ᓈᑯᓰᑖᑰᓐ ᐊᐲ ᑮᒫᒌᐸᐃᐙᓈᒡ ᐐᒋᑭᐌᓯᐗᓐ᙮ 8 ᐅᕒᐃᐯᑲ Rebekah ᓴ ᐅᒪᔥᑭᑮᐎᑴᒪᓐ ᑌᐳᕒᐊ Deborah ᐁᔑᓂᑳᓱᓂᒡ ᑮᐃᔥᒀ ᐱᒫᑎᓯᐗᓐ᙮ ᐃᐃᒫ ᓴ ᑕᔥ ᐊᓈᒪᑲᒥᒃ ᒌᑲᔭᐄ ᐆᒃ ᑎᓄᐙᑎᒃ ᑮᐃᔑ ᓇᐃᓈᐗᓐ ᒌᑲᔭᐄ ᔖᐗᓄᕽ ᐃᓇᑫ ᐯᑕᓬ ᐆᑌᓈᕽ᙮ ᒦᔥ ᑳᐃᔑᓂᑳᑕᒧᐙᒡ ᐁᔑ ᒪᐎᓈᓂᐗᕽ ᐆᒃ ᒥᑎᑯᕽ᙮ 9 ᐊᐲ ᓴ ᒉᑲᑉ ᑮᐱᐅᒋ ᑮᐌᒡ ᒣᓱᐳᑌᒥᔭ Mesopotamia, ᑭᔐᒪᓂᑑᓐ ᒦᓇᐙ ᐅᑮ ᓈᑯᓰᑖᑰᓐ ᐁᑮ ᔕᐌᓂᒥᑯᒡ᙮ 10 ᒦᔥ ᑳᐃᑯᒡ ᑭᔐᒪᓂᑑᓐ ᒉᑲᑉ ᓴ ᑭᑎᔑᓂᑳᔅ᙮ ᑳᐐᓐ ᐃᑕᔥ ᐃᐃ ᐊᐗᔑᒣ ᑭᑲ ᐃᔑᓂᑳᓱᓰ᙮ ᐃᔅᕒᐃᔭᓬ Israel ᓴ ᑭᑲ ᐃᔑᓂᑳᔅ᙮ ᒦ ᐃ ᐄᑐᒃ ᐃᔅᕒᐃᔭᓬ ᐁᑮ ᐃᔑᓂᑳᓂᑯᒡ ᑭᔐᒪᓂᑑᓐ᙮ 11 ᒦᔥ ᑲᔦ ᑳᐃᑯᒡ, ᓃᓐ ᑳᒫᐗᒋ ᒪᔥᑲᐎᓰᒡ ᑭᔐᒪᓂᑑ᙮ ᓃᐱᐗᐞ ᐊᔮᐤ ᐊᐱᓅᒌᔕᒃ᙮ ᑕᐹᑏᓉᐙᓇᑭᓯᐗᒃ ᓴ ᐯᒫᑎᓯᐙᒡ ᑫᐱ ᐅᒌᐙᒡ ᑮᓐ ᐅᒋ᙮ ᑭᒋᐅᑭᒫᒃ ᐃᓴ ᑲᔦ ᑕᓂ ᐊᔮᐗᒃ ᑮᓐ ᐅᒋ᙮ 12 ᐃᐃ ᓴ ᐊᑮᓂ ᑳᑮ ᒦᓇᒃ ᐁᐸᕒᐊᐋᒻ, ᐊᐊ ᑲᔦ ᐋᐃᓯᒃ ᑭᐐ ᒦᓂᓐ᙮ ᓂᒦᓈᒃ ᑲᔦ ᑭᐲᐌᓰᒪᒃ ᑫᓂ ᐊᔮᐙᒡ ᒥᓴᐙ ᑯ ᐃᔥᒀ ᐊᔮᔭᓐ, ᐅᑮᐃᑰᓐ᙮ 13 ᒦᑕᔥ ᑳᐃᔑ ᓇᑲᓂᑯᒡ ᑭᔐᒪᓂᑑᓐ ᐃᐃᒫ ᑳᑮ ᐃᔑ ᑲᑲᓅᓂᑯᒡ᙮ 14 ᒦ ᓴ ᐃᐃᒫ ᑳᐃᔑ ᐅᓈᐱᑭᓂᑫᒡ ᐊᓯᓃᓐ ᐁᑮ ᐸᑕᑭᓈᒡ ᑭᔐᒪᓂᑑᓐ ᑳᑮ ᑕᔑ ᑲᓅᓂᑯᒡ᙮ ᔔᒥᓈᐳ ᑲᔦ ᐁᑮ ᓰᑭᓇᒃ, ᐋᓬᐃᑉ ᑎᓄ ᐱᒥᑌᓂ ᑲᔦ, ᐁᑮ ᐸᑭᑎᓈᓱᐙᑫᒡ᙮ 15 ᐯᑕᓬ ᓴ ᑕᔥ ᐅᑮ ᐃᔑᓂᑳᑖᓐ ᐃᐃᒫ᙮ ᐅᕒᐁᒐᓬ ᑮᐃᔥᒀᐱᒫᑎᓯᒡ 16 ᐃᐃᒫ ᓴ ᑕᔥ ᐯᑕᓬ Bethel ᒉᑲᑉ ᑮᐅᒋ ᑯᓯᐗᒃ᙮ ᑫᔮᐱ ᑕᔥ ᐙᓴ ᒌᔖᐙᒡ ᒋᑆ ᐅᑎᑕᒧᐙᒡ ᐊᔮᐎᓐ ᐁᐸᕒᐊᑦ Ephrath ᒦᔕᐃ ᐅᕒᐁᒐᓬ Rachel ᑮᒫᒌ ᐋᑯᓯᒡ ᐁᐐ ᐅᑕᐱᓅᒌᔑᒥᒡ᙮ ᓇᐗᒡ ᐃᑕᔥ ᐃᑯ ᑮᑆᓇᐎᐋᐗᓱ᙮ 17 ᒫᐗᒡ ᐃᑕᔥ ᐁᐐᓴᑳᐱᓀᒡ ᐅᐅ ᐅᑮᐃᑰᓐ ᐃᑴᐗᓐ ᐌᑕᐱᓈᐗᓱᓂᒡ, ᑫᑯ ᓭᑭᓯᑫᓐ, ᒦᓇᐙ ᐅᔕ ᑸᐎᓭᔅ ᑭᑕᔮᐙ᙮ 18 ᐃᔥᒀᒡ ᐃᑕᔥ ᐁᐊᓂ ᐸᑭᑕᓈᒧᒡ ᐁᐊᓂ ᐃᔥᒀ ᐱᒫᑎᓯᒡ, ᐯᓄᓈᐃ Benoni ᐅᑮ ᐃᔑᓂᑳᓈᓐ ᐃᓂ ᐅᑯᓯᓴᓐ᙮ ᐅᑌᑌᓐ ᐃᑕᔥ ᐊᐊ ᑸᐎᓭᔅ ᐯᒋᒪᓐ Benjamin ᐅᑮ ᐃᔑᓂᑳᓂᑰᓐ᙮ 19 ᒦᔥ ᐅᕒᐁᒐᓬ ᑮᐃᔥᒀ ᐱᒫᑎᓯ᙮ ᐃᐃ ᓴ ᑕᔥ ᒦᑲᓈᕽ ᐁᓇᒧᓂᓂᒃ ᐁᐸᕒᐊᑦ ᑮᐃᔑ ᓇᐃᔑᒫ᙮ ᓅᑯᒻ ᐃᑕᔥ ᐯᑕᓬᐃᐁᒻ Bethlehem ᐃᒋᑳᑌ ᐃᐃᒫ᙮ 20 ᒉᑲᑉ Jacob ᐃᓴ ᑕᔥ ᑮᐅᓈᐱᑭᓂᑫ ᐁᑮ ᐸᑕᑭᓈᒡ ᐊᓯᓃᓐ ᑫᐅᒋ ᒫᒥᑲᐎᒡ᙮ ᑫᔮᐱ ᑕᔥ ᓅᑯᒻ ᑳᑮᔑᑲᒃ ᑭᑭᓇᐙᓯᓈᑾᓐ ᐅᕒᐁᒐᓬ ᑳᑮ ᐃᔑ ᓇᐃᓂᓐᒡ᙮ 21 ᒉᑲᑉ ᓴ ᑮᐊᓂ ᒫᒌᑯᓯ ᐁᑮ ᐃᔑ ᑲᐯᔑᒡ ᐊᑳᒪᔭᐄ ᐁᔑᐊᔮᓂᒃ ᐊᔕᐙᐲᐎᓐ ᐄᑕᕒ Eder ᐁᒋᑳᑌᓂᒃ᙮ ᒉᑲᑉ ᐅᑯᓯᓴᐞ ᐁᑕᔑᒥᒥᓐᒡ 22 ᒣᒀ ᓴ ᐌᑎ ᒉᑲᑉ ᐁᐃᔑᑖᒡ ᐃᐃᒫ ᐊᑮᕽ, ᐅᕒᐆᐱᓐ Reuben ᐅᑮ ᐐᐯᒫᓐ ᐱᓬᐊᐗᓐ Bilhah ᐯᔑᒃ ᐅᑌᑌᓐ ᐅᑖᓂᑫ ᐐᐎᓂ᙮ ᐊᐲ ᒉᑲᑉ ᑳᓅᑕᕽ ᐐᑫ ᑮᑭᒋ ᓂᔥᑳᑎᓯ᙮ ᒉᑲᑉ ᐃᓴ ᑮᒥᑖᔑᓃᔑᐗᐞ ᐅᑯᓯᓴᐞ᙮ 23 ᒦᑕᔥ ᐅᐅ ᑳᐃᔑᓂᑳᓱᐙᒡ ᓬᐄᔭᐗᓐ Leah ᑳᐅᒫᒫᐙᒡ᙮ ᐅᕒᐆᐸᓐ ᓭᓰᑭᓯᑦ, ᓯᒥᔭᓐ Simeon, ᓬᐄᐹᐃ Levi, ᒎᑕ Judah, ᐃᓴᑳᕒ Issachar, ᑲᔦ ᓭᐱᔪᓬᐊᓐ Zebulun᙮ 24 ᐃᑭ ᑕᔥ ᐌᒫᒫᐙᒡ ᐅᕒᐁᒐᓬᐗᓐ ᐅᐅ ᑮᐃᔑᓂᑳᓱᐗᒃ᙮ ᒎᓴᑉ Joseph, ᐊᐊᔥ ᑲᔦ ᐯᒋᒪᓐ Benjamin᙮ 25 ᐃᑭ ᑕᔥ ᐌᒫᒫᐙᒡ ᐃᓂ ᐱᓬᐊᐗᓐ, ᐯᒦᑖᑯᓂᒡ ᐅᕒᐁᒐᓬᐗᓐ Rachel ᐅᐅ ᑮᐃᔑᓂᑳᓱᐗᒃ᙮ ᑌᓐ Dan ᐊᐊᔥ ᑲᔦ ᓇᐱᑕᓬᐋᐃ Naphtali᙮ 26 ᐃᑭ ᑕᔥ ᐐᓐ ᐌᒫᒫᐙᒡ ᓯᓬᐸᐗᓐ Zilpah ᐯᒦᑖᑯᓂᒡ ᓬᐄᔭᐗᓐ ᐅᐅ ᑮᐃᔑᓂᑳᓱᐗᒃ᙮ ᑫᑦ Gad ᐊᐊᔥ ᑲᔦ ᐋᔕᕒ Asher᙮ ᒦᐗᐞ ᐃᓴ ᐅ ᒉᑲᑉ ᐅᑯᓯᓴᐞ ᑳᑮ ᓂᑖᐎᑭᓂᒡ ᐌᑎ ᒣᓱᐳᑌᒥᔭ Mesopotamia ᐊᑮᕽ ᑮᐊᔮᒡ᙮ ᐋᐃᓯᒃ ᑮᐃᔥᒀᐱᒫᑎᓯᒡ 27 ᒉᑲᑉ Jacob ᑮᐃᔑ ᑮᐌ ᒪᒻᕒᐃ Mamre ᐊᔮᐎᓂᕽ ᐃᔑ ᒌᑲᔭᐄ ᐃᓇᑫ ᐄᐸᕒᐊᓐ Hebron ᐆᑌᓈᕽ ᐁᔑᐊᔮᓂᒡ ᐅᑌᑌᓐ ᐋᐃᓯᑰᓐ Isaac᙮ ᒦ ᐄᑐᒃ ᐃᐃᒫ ᐁᐸᕒᐊᐋᒻ Abraham ᐊᐊ ᑲᔦ ᐋᐃᓯᒃ ᑳᐃᔑᑖᐙᑯᐸᓀᓐ᙮ 28 ᓂᑯᑣᒃ ᓂᔣᓯᒥᑕᓇ 180 ᑮᑕᓱ ᐱᐴᓉ ᐊᐊ ᐋᐃᓯᒃ᙮ 29 ᒦᔥ ᑳᐃᔑ ᐃᔥᒀ ᐱᒫᑎᓯᒡ, ᐐᑫ ᐁᑮ ᐊᑭᐌᓰᐎᒡ ᐲᓂᔥ ᐁᑮ ᑲᐎᑭᑳᒡ ᐃᓂ ᓴ ᐅᑯᓯᓴᐞ ᐄᔂᓐ, ᐃᓂ ᑲᔦ ᒉᑲᐴᓐ ᐅᑮ ᓇᐃᓂᑰᐞ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society