Aaiseya 8 - ᐅᒋᐺ ᑭᒋᒪᓯᓇᐃᑲᓐᐋᐃᓭᔭ ᐅᑯᓯᓴᓐ ᐁᑕᔑᓱᓂᒡ 1 ᒦᑕᔥ ᐅᐅ ᑳᑎᐯᒋᑫᒡ ᑳᐃᔑᒡ, ᑕᑲ ᐅᑖᐱᓇᓐ ᐃᐃ ᑳᒥᒌᑲᒃ ᑳᔑ ᐅᔑᐲᐃᑫᓈᓂᐗᕽ, ᒦᑕᔥ ᐅᐅ ᑫᐃᔑᐲᐃᑫᔭᓐ ᒋᒪᒫᑭᐲᐃᑫᔭᓐ: ᑭᑖᑕᐱᐌᓅᑎᓯᐎᓐ ᑭᑖᑕᐱ ᑲᒋᔥᑳᓂᒥᐃᐌᐎᓐ Maher-Shalal-Hash-Baz᙮ 2 ᒦᑕᔥ ᐃᔑ ᐊᑐᒫᑲᓐ ᔪᕒᐋᔭ Uriah ᐊᓇᒥᐁᐎᑭᒫ, ᓭᑲᕒᐋᔭ Zechariah ᑲᔦ ᑳᐅᑌᑌᒡ ᒉᐯᕒᐅᒑᔭᐗᓐ Jeberechiah, ᒋᓃᔑᐙᒡ ᑫᐙᐸᑫᐙᒡ᙮ 3 ᓂᑮ ᐊᑕ ᐙᐸᒫ ᑕᔥ ᓂᐐᐤ᙮ ᒦᑕᔥ ᑳᐃᔑ ᑭᑭᔥᑲᐙᐙᓱᒡ ᑸᐎᓭᓴᓐ ᐁᑮ ᓂᑖᐎᑭᐋᒡ᙮ ᒦᔥ ᐅᐅ ᑳᑎᐯᒋᑫᒡ ᑳᐃᔑᒡ, ᑭᑖᑕᐱᐌᓅᑎᔅ ᑲᒋᔥᑳᓂᒥᐃᐌ ᓴ ᐃᔑᓂᑳᔥ ᐊᐊ ᑸᐎᓭᔅ᙮ 4 ᐊᐊ ᑕᔥ ᑸᐎᓭᔅ ᒋᑆ ᑭᑫᑕᕽ ᒋᐃᑭᑐᒡ ᓂᒫᒫ, ᐃᐃ ᓴ ᑳᔑ ᐌᓅᑕᒃ ᐆᑌᓇ ᑎᒫᔅᑲᔅ Damascus, ᑫᔑ ᑲᒋᔥᑳᓂᒥᐃᐌᒡ ᑲᔦ ᐆᑌᓈᕽ ᓴᒣᕒᐃᔭ Samaria, ᒦ ᓴ ᐃ ᐋᔕ ᒋᒑᑭ ᒫᒌᑑᒡ ᐊᐊ ᑭᒋᐅᑭᒫ ᐊᓰᕒᐃᔭ Assyria ᐊᑮᕽ ᑳᐅᒌᒡ, ᓂᑮᐃᒃ᙮ ᐊᓰᕒᐃᔭ ᑭᒋᐅᑭᒫ ᑮᐲᔖᒡ 5 ᒦᑕᔥ ᐅᐅ ᒦᓇᐙ ᑳᑎᐯᒋᑫᒡ ᑳᐃᔑᒡ, 6 ᐅᓵᒻ ᓴ ᐃᑭ ᐯᒫᑎᓯᐙᒡ ᐁᑮ ᐋᓇᐌᑕᒧᐙᒡ ᐃᐃ ᓂᔑᑳᒡ ᐯᒥᒋᐗᓂᓂᒃ ᓰᐱ ᔖᐃᓬᐅᐊ Shiloah ᐁᒋᑳᑌᒃ ᐁᓂᓂᑳᓂᒥᐃᑯᐙᒡ ᐃᑕᔥ ᑲᔦ ᑭᒋᐅᑭᒫᓐ ᐅᕒᐁᓯᓐ Rezin ᐁᔑᓂᑳᓱᓂᒡ, ᐃᓂ ᑲᔦ ᐌᑯᓯᓯᒥᑯᓂᒡ ᐅᕒᐁᒪᓬᐋᔭᐗᓐ Remaliah, 7 ᓃᓐ ᓴ ᑕᔥ ᑌᐯᒋᑫᔮᓐ, ᓂᑲ ᐲᓂᒫᓐ ᐊᓰᕒᐃᔭ ᑭᒋᐅᑭᒫᓐ, ᑲᑭᓇ ᑲᔦ ᐅᔑᒫᑲᓂᔒᓂ ᒋᐃᓀᑖᑯᓯᓂᒡ ᑖᐱᔥᑰ ᑳᒨᔥᑲᐊᕽ ᑳᐲᒋᒋᓇᕽ ᒣᔥᑲᐌᑖᑾᓂᓂᒃ ᐃᔫᐸᕒᐁᑏᔅ Euphrates ᓰᐱ ᐁᔑᐊᔮᐙᒡ᙮ ᒥᓯᐌ ᓴ ᑕᔑ ᒪᒨᔥᑲᐊᓐ ᐁᔑ ᓴᓰᐲᑳᒃ, ᐐᑫ ᒋᐊᔮᒥᐲᒃ ᐁᑯᐲᑳᒃ᙮ 8 ᑖᐱᔥᑰ ᐁᓂ ᓂᑭᐲᒃ ᒎᑕ Judah ᐊᑮᕽ ᐁᐲᒋ ᐹᑏᓄᓂᒡ ᐅᔑᒫᑲᓂᔒᒪᐞ ᐅᑴᑲᓂᒫᕽ ᑳᓂ ᐊᐲᑖᔭᐙᒃ᙮ ᑲᑭᓇ ᑲᔦ ᑫᑰᓐ ᑕᓂᑭᐲ᙮ ᑭᔐᒪᓂᑑ ᓴ ᐁᐐᒌᐎᓇᕽ ᑕᑌᓯᓂᑸᓂ ᒋᓈᑕᒪᐙᑕᕽ ᑭᑕᑮᒥᓈᓐ᙮ 9 ᐱᓵᓐ ᐃᓴ ᐃᔑ ᔖᑯᐌᒃ ᒋᐐ ᒦᑳᓱᔦᒃ ᑮᓇᐙ ᑳᐯᐸᑳᓉᐙᓇᑭᓯᔦᒃ ᐯᒫᑎᓯᔦᒃ! ᓇᐗᒡ ᐃᑯ ᑯᑖᓀᑕᒧᒃ! ᐱᓯᑕᒧᒃ ᑲᑭᓇ ᐙᓴ ᐁᔮᔦᒃ! ᐅᔒᑖᒃ ᒋᐐ ᒦᑳᓱᔦᒃ, ᓇᐗᒡ ᐃᑕᔥ ᐃᑯ ᑯᑖᒋᒃ! 10 ᐅᓀᑕᒧᒃ ᐋᓃᓐ ᐙᐃᔑᒋᑫᔦᒃ᙮ ᑕᐗᓇᔥᑴᓭ ᐅᔕ ᒥᓴᐙ᙮ ᐐᑕᒧᒃ ᐙᐃᔑᒋᑫᔦᒃ, ᑳᐐᓐ ᑕᑭᑫᑖᑾᓯᓅᓐ, ᑭᔐᒪᓂᑑ ᐄᑐᒃ ᓂᐐᒋᐃᑯᓈᓐ! ᑳᑎᐯᒋᑫᓂᒡ ᑳᑮᐃᔑ ᐊᔮᒀᒥᒥᑯᒡ ᐋᐃᓭᔭ 11 ᑳᑎᐯᒋᑫᒡ ᓴ ᑕᔥ ᓂᑮ ᒪᔥᑲᐎ ᑲᓅᓂᒃ ᐁᑮ ᐊᔮᒀᒥᒥᒡ ᒋᐃᔑᒋᑫᐙᓯᐗᒃ ᐁᔑᑣᓂᒡ ᐅᐅ ᐯᒫᑎᓯᓂᒡ᙮ ᒦᔥ ᐅᐅ ᑳᐃᔑᒡ, 12 ᑫᑯ ᐐᓐ ᐐᒌᐙᑫᓐ ᑳᐃᔑ ᑮᒨᒋ ᐅᓈᑯᓂᑫᐙᒡ ᐅᑯ ᐯᒫᑎᓯᐙᒡ, ᑫᑯ ᑲᔦ ᑯᑕᒧᐙᑫᓐ ᑫᑰᓐ ᑳᑯᑕᒧᐙᒡ, ᑫᑯ ᑲᔦ ᑲᒀᓂᓴᑫᑕᒧᐙᑫᓐ᙮ 13 ᑳᑎᐯᒋᑫᒡ ᑳᒫᐗᒋ ᒪᔥᑲᐎᓰᒡ ᐅᔕ ᑫᐃᓀᓂᒣᑭᐸᓐ ᐁᑭᑌᑖᑯᓯᒡ᙮ ᒦ ᐅᔕ ᐊᐊ ᑫᑯᑖᓀᓂᒣᑭᐸᓐ, ᑫᑯᓭᑭᐸᓐ ᑲᔦ᙮ 14 ᒦ ᐊᐌ ᑳᑭᑌᑖᑾᒃ ᐊᐸᐃᐌᐎᑲᒥᒃ, ᔖᑰᒡ ᐃᑕᔥ ᐃᑭᐌᓂᐗᒃ ᐯᒫᑎᓯᐙᒡ ᐃᔅᕒᐃᔭᓬ ᔑᑾ ᒎᑕ ᑖᐱᔥᑰ ᐊᓯᓃᓐ ᑕᑎᓄᐎᐗᓐ ᑳᑎᐯᒋᑫᓂᒡ ᑫᐱᓱᑫᔥᑳᑯᐙᒡ, ᒦᐗᓐ ᑲᔦ ᐃᓂ ᑫᑲᐎᐌᐱᔥᑳᑯᐙᒡ᙮ ᐯᒫᑎᓯᐙᒡ ᐃᑕᔥ ᒉᕒᐆᓴᓬᐊᒻ ᐆᑌᓈᕽ ᐁᔮᐙᒡ ᐃᓀᑖᑯᓯᐗᓐ ᑖᐱᔥᑰ ᓇᒀᑲᓐ ᑫᐅᒋ ᑲᒋᑎᓂᑣ᙮ 15 ᑕᐹᑏᓄᐗᒃ ᓴ ᐃᐃᒫ ᑫᔑ ᐱᓱᑫᔑᓄᐙᒡ, ᐸᑭᔑᓄᐙᒡ ᓴ ᒦ ᐃ ᑫᔑ ᐲᑯᔑᓄᐙᒡ ᒋᓇᒀᓱᐙᒡ, ᒋᑳᒋᑎᓂᑣ ᑕᔥ ᑲᔦ᙮ ᐁᐅᒋᐃᑎᕽ ᒋᑲᓅᓈᓯᐎᑣ ᑳᓂᐳᐙᒡ 16 ᑮᓇᐙ ᓴ ᑫᑭᓄᐊᒪᐎᓇᑰᒃ ᐃᔑᓈᑾᓐ ᒋᑲᓇᐌᑕᒣᒃ, ᒋᓈᑲᒋᑑᔦᒃ ᑲᔦ ᐃᐃ ᐃᓈᒋᒧᐎᓐ ᑭᔐᒪᓂᑑ ᑳᑮ ᒦᔑᒡ᙮ 17 ᓂᑲ ᐲᐋ ᓴ ᓃᓐ ᑳᑎᐯᒋᑫᒡ ᑳᑳᓱᑕᐙᒡ ᒉᑲᐴᕽ Jacob ᐌᑕᑳᓀᓯᓂᒡ᙮ ᐐᑫ ᓴ ᑯ ᓂᑲ ᐋᔅᑯᓂ ᓇᓈᑕᐙᐸᒫ, ᐐᓐ ᓴ ᑳᑌᐺᔦᓂᒪᒃ᙮ 18 ᐃᓇᔥᑫ ᑕᔥ ᓃᓐ ᐅᐅᒫ ᓂᑕᔮ, ᐁᐐᒌᐗᒀ ᐊᐱᓅᒌᔕᒃ ᑳᑎᐯᒋᑫᒡ ᑳᑮ ᒦᔑᒡ᙮ ᒦ ᓴ ᐃ ᐁᓀᑖᑯᓯᔮᕽ ᑖᐱᔥᑰ ᑭᑭᓇᐙᒋᒋᑲᓂᕽ᙮ ᑳᑎᐯᒋᑫᒡ ᑳᒫᐗᒋ ᒪᔥᑲᐎᓰᒡ ᑳᔑ ᑭᒋᐅᑭᒫᐗᐱᒡ ᓵᔭᓐ Zion ᐁᒋᑳᑌᓂᒃ ᓴ ᓂᑮ ᐲᒋᓂᔕᐅᑯᓈᓐ ᒋᑎᓄᐎᐗᑭᒡ ᑫᐅᒋ ᑭᑫᒋᑳᑌᓂᒃ ᐅᑎᐹᒋᒧᐎᓐ ᐃᐃᒫ ᐃᔅᕒᐃᔭᓬᐃᑳᕽ᙮ 19 ᐊᐲ ᓴ ᐃᓂᓀᒀ, ᑲᓅᓂᑾᒃ ᑳᑲᓅᓈᐙᒡ ᑳᓂᐳᓂᒡ, ᔑᑾ ᐃᑭ ᑳᓅᒋᐋᐙᒡ ᒌᐸᔭᐞ ᐁᓂᔑᑳᒋ ᓈᓇᓵᐳᐌᐙᒡ ᐁᑮᒨᒋ ᑲᑲᓅᓈᐙᒡ᙮ ᒦ ᐄᑐᒃ ᐁᔑᓈᑾᓂᓂᒃ ᐯᒫᑎᓯᐙᒡ ᑭᔐᒪᓂᑑᓐ ᒋᑲᓅᓈᐙᐸᓐ᙮ ᐌᑯᓀᓂᓂ ᑕᔥ ᑫᐅᒋ ᑲᓅᓈᐙᐸᓐ ᑳᓂᐳᓂᒡ ᒋᐐᑑᑳᑯᐙᒡ? 20 ᐅᐅ ᑕᔥ ᑭᑲ ᐃᔑ ᓇᑴᑕᐙᐙᒃ, ᐱᓯᑕᒧᐙᒃ ᐋᓃᓐ ᐁᔑ ᑭᑭᓄᐊᒪᐎᓀᒃ ᑳᑎᐯᒋᑫᒡ! ᑫᑯ ᐱᓯᑕᐙᑫᒀᓂᒃ ᑳᑲᓅᓈᐙᒡ ᑳᓂᐳᓂᒡ᙮ ᑳᐐᓐ ᐅᔕ ᑫᑰᓐ ᐃᓈᐸᑕᓯᓂᓂ ᐋᓃᓐ ᑫᐃᓂᓀᒀ᙮ ᒫᔑᓭᐎᓐ ᒋᐊᔮᒪᑲᒃ 21 ᐯᒫᑎᓯᐙᒡ ᓴ ᐗᓯᑖᐎᓭᐙᒡ, ᓅᑌᔅᑲᑌᐙᒡ ᑲᔦ ᒥᓯᐌ ᐊᑮᕽ ᑕᐸᐹᒥ ᐊᔮᐗᒃ᙮ ᐊᐲ ᑕᔥ ᑲᒀᑕᑲᔅᑲᑌᐙᒡ ᒦ ᓴ ᐃ ᒋᐊᓂ ᓂᔥᑫᑕᒧᐙᒡ᙮ ᐃᔥᐱᒥᕽ ᐃᑕᔥ ᐃᓈᐱᐙᒡ ᐅᑲ ᒪᒋᐃᓈᐱᓀᒫᐙᓐ ᐅᑭᒋᐅᑭᒫᒥᐙᓐ, ᐅᑭᔐᒪᓂᑑᒥᐙᓐ ᑲᔦ᙮ 22 ᒦᑕᔥ ᒋᑲᓇᐙᐸᑕᒧᐙᒡ ᐅᐅ ᐊᑮᓂ, ᐗᓯᑖᐌᑕᒧᐎᓐ, ᐗᓂᑎᐱᑲᓐ, ᓰᐱᔅᑳᑌᑕᒧᐎᓐ ᑲᔦ ᓴ ᐁᑕ ᐅᑲ ᐙᐸᑖᓈᐙ᙮ ᒦᔥ ᑫᔑ ᐃᔑᐌᐱᓂᑣ ᐁᔑ ᑲᔥᑮᑎᐱᑲᓂᓂᒃ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society