Aaiseya 55 - ᐅᒋᐺ ᑭᒋᒪᓯᓇᐃᑲᓐᑭᔐᒪᓂᑑ ᐁᓈᑯᑑᒡ ᑳᔑᑰᐹᑌᓂᒥᐌᒡ 1 ᒦ ᐁᑭᑐᒡ ᑭᔐᒪᓂᑑ, ᐊᐯᔪᒃ, ᑲᑭᓇ ᑳᑕᔑᔦᒃ ᑳᓅᑕᔮᐹᑴᔦᒃ, ᐅᐅᒫ ᐲᔖᒃ ᓂᐱ ᑳᔑ ᐊᔮᒃ; ᐲᔖᒃ ᑮᓇᐙ ᑳᐊᔮᐙᓯᐌᒃ ᔔᓂᔮ, ᐊᑖᐌᒃ, ᒋᐐᓯᓂᔦᒃ! ᐲᔖᒃ ᑳᐅᔔᓂᔮᒥᓯᐌᒃ ᒋᐊᑖᐌᔦᒃ ᔔᒥᓈᐳ, ᒎᒎᔖᐳ ᑳᐐᓐ ᒣᒬᒡ ᑫᑰᓐ ᑭᑲ ᑎᐸᐊᓰᒻ᙮ 2 ᐌᑯᓀᓐ ᐌᒋ ᐃᓈᐸᒋᐁᒃ ᑭᔔᓂᔮᒥᐙ ᐁᐊᑖᐌᔦᒃ ᑫᑰᓐ ᑫᒥᓄᔥᑳᑯᓯᐌᒃ? ᐌᑯᓀᓐ ᑲᔦ ᐌᒋ ᒑᑭᓇᒣᒃ ᑭᑲᔥᑭᒋᑫᐎᓂᐙᓐ ᐁᐊᔮᔦᒃ ᑫᑰᓐ ᑫᑌᐃᓇᒪᒋᐅᔥᑳᑯᓯᐌᒃ? ᐃᓇᔥᑫ ᐌᐌᓂ ᐱᓯᑕᐎᔑᒃ ᐁᓂᓇᑰᒃ, ᒦᒋᒃ ᒦᒋᒻ ᐌᓂᔑᔑᒃ, ᒦᔥ ᐐᑫ ᐌᐌᓂ ᒋᑌᐐᓯᓂᔦᒃ᙮ 3 ᐱᓯᑕᐎᔑᒃ ᐁᓂᓇᑰᒃ, ᐱᓈᓯᑲᐎᔑᒃ ᑲᔦ; ᐱᓯᑕᐎᔦᒃ ᐃᑕᔥ ᒦ ᐃ ᒋᐱᒫᑎᓯᔦᒃ᙮ ᑭᑲ ᐅᔑᑕᒪᐎᓂᓂᒻ ᓴ ᐊᔓᑕᒫᑎᐎᓐ ᐐᑳ ᑫᐴᓂᓭᓯᓄᒃ, ᑌᐺ ᐁᐐ ᐃᔑ ᔕᐌᓂᒥᓂᓇᑰᒃ ᑳᑮ ᐃᔑ ᐊᔓᑕᒪᐗᑭᐸᓐ ᑌᐱᑦ David᙮ 4 ᓂᑮ ᐃᔑᐋ ᓴ ᒋᑕᔑᒥᒡ ᐁᔑᐊᔮᓂᒡ ᐯᒫᑎᓯᓂᒡ ᒋᓃᑳᓃᑕᒪᐙᒡ, ᒋᑎᐯᓂᒫᒡ ᑲᔦ ᐯᒫᑎᓯᓂᒡ᙮ 5 ᑌᐺ ᓴ ᑭᑲ ᐊᑐᒫᐙᒃ ᐸᑳᓉᐙᓐ ᐯᒫᑎᓯᐙᒡ ᑳᐲᐎᑌᐌᓂᒣᒀ, ᐃᑭ ᑕᔥ ᑲᔦ ᐸᑳᓉᐙᓐ ᐯᒫᑎᓯᐙᒡ ᑳᑭᑫᓂᒥᓯᓄᐎᓀᒀ ᑭᑲ ᐱ ᓈᒋᐸᐃᐙᓂᑯᐙᒃ᙮ ᐋᓃᔥ ᑳᑎᐯᒋᑫᒡ ᑭᑭᔐᒪᓂᑑᒥᐙ ᐅᑭᑌᑖᑯᓰᒥᐙᓐ ᐃᔅᕒᐃᔭᓬᐊᒃ Israel ᑭᑲ ᐃᔑᐃᑯᐙ ᒋᑭᒋ ᐃᓀᑖᑯᓯᐌᒃ᙮ 6 ᓇᓈᑐᓀᐅᒃ ᑳᑎᐯᒋᑫᒡ ᒣᒀ ᐁᐃᔑᓭᓂᒃ ᒋᑮ ᒥᑲᐎᑎᐸᓐ, ᑲᓅᓂᒃ ᑲᔦ ᒣᒀ ᐯᔓ ᐁᑕᓀᑖᑯᓯᒡ᙮ 7 ᑕᑲ ᓴ ᑳᒪᒋᐃᔑᐌᐱᓯᒡ ᐅᑲ ᓇᑲᑖᓐ ᐅᑎᔑ ᐱᒫᑎᓯᐎᓐ, ᐊᐊ ᑲᔦ ᒪᒋᐃᓂᓂ ᐅᑲ ᓇᑲᑖᓐ ᐁᔑ ᓈᓈᑲᑕᑴᑕᕽ᙮ ᑕᑲ ᒣᔥᑾᒡ ᐅᑲ ᑴᑮᑕᐙᓐ ᑳᑎᐯᒋᑫᓂᒡ ᑭᑭᔐᒪᓂᑑᒥᓈᓂᓐ, ᒦᐗᓐ ᐄᑐᒃ ᐃᓂ ᑫᑰᐹᓯᓈᑯᒡ, ᒦᐗᓐ ᑲᔦ ᐃᓂ ᑳᐌᓅᒋᑑᓂᒡ ᑫᐅᒋ ᐴᓀᑕᒫᑯᒡ᙮ 8 ᐅᐅ ᓴ ᑳᑎᐯᒋᑫᒡ ᐃᑭᑐ, ᑳᔑ ᓈᓈᑲᑕᐌᑕᒫᓐ ᓴ ᑳᐐᓐ ᑮᓇᐙ ᑭᑎᔑ ᓈᓈᑲᑕᐌᑕᓰᒻ, ᐃᐃ ᓴ ᑲᔦ ᑳᐃᔑᑣᔦᒃ ᑳᐐᓐ ᓃᓐ ᐃᐃ ᓂᑎᔑᑣᓰ᙮ 9 ᑮᔑᑰᓐ ᓴ ᑳᐊᐲᒋ ᐙᓴ ᐃᔥᐱᒥᕽ ᑕᓀᑖᑾᑭᓐ ᐅᐅᒫ ᐊᑮᕽ, ᒦ ᓴ ᐯᔑᑾᓐ ᓂᑎᔑᑣᐎᓇᓐ ᐁᓀᑖᑾᑭᓐ ᐊᐲᒡ ᑮᓇᐙ ᑭᑎᔑᑣᐎᓂᐙᓐ, ᓂᑎᓀᑕᒧᐎᓇᓐ ᑲᔦ ᐊᐲᒡ ᑭᑎᓀᑕᒧᐎᓂᐙᓐ᙮ 10 ᓂᑎᑭᑐᐎᓐ ᓴ ᒦ ᐃ ᐁᓀᑖᑾᒃ ᑖᐱᔥᑰ ᑮᔑᑯᕽ ᑳᐅᒋ ᑭᒥᐗᕽ, ᑳᐅᒋ ᓲᑭᐳᒃ ᑲᔦ᙮ ᒦᑕᔥ ᐃᐃᒫ ᑲᑭᓇ ᑫᑰᓐ ᐊᑮᕽ ᑳᐊᔮᒃ ᐌᒋ ᔖᐳᐲᒃ, ᑫᑰᓇᓐ ᑲᔦ ᑳᐅᒋ ᓂᑖᐎᑭᑭᓐ᙮ ᑭᑎᑳᓀᓴᓐ ᐁᐅᒋ ᐅᔑᐆᒪᑲᑭᓐ ᑫᔮᐱ ᑫᐅᒋ ᑭᑎᑫᕽ, ᒦᔥ ᐃᐃᒫ ᑫᐅᑕᒋᑫᐙᒡ ᑳᐐᓯᓂᐙᒡ᙮ 11 ᒦ ᓴ ᐃ ᒪᔮ ᓂᑎᑭᑐᐎᓐ ᐁᓀᑖᑾᒃ, ᑳᐐᓐ ᐐᑳ ᓇᓇᐎᓰᒪᑲᓯᓅᓐ᙮ ᐁᐃᔑᒋᑫᒪᑲᒃ ᑳᔑ ᐊᑕᐌᑕᒫᓐ, ᐋᓃᑎ ᐱᑯ ᐁᔑᓂᔕᐊᒫᓐ ᓂᑎᑭᑐᐎᓐ ᒦ ᓴ ᑯ ᐃ ᐁᔑᓈᑾᒃ ᑳᔑ ᐊᑕᐌᑕᒫᓐ᙮ 12 ᑭᑲ ᒥᓉᑖᒻ ᓴ ᐊᐲ ᓇᑲᑕᒣᒃ ᐹᐱᓬᐊᓐ Babylon ᐊᑭ; ᐱᓵᓐ ᓴ ᑯ ᐌᐌᓂ ᑭᑲ ᓵᑭᒋᐎᓂᑰᒻ᙮ ᑭᒋ ᐗᒌᓐ, ᑳᐸᐲᑾᑎᓈᑭᓐ ᑲᔦ ᓴ ᑕᐅᒋ ᓭᓴᑰᒋ ᒫᒌ ᓂᑲᒨᒪᑲᓅᓐ᙮ ᑲᑭᓇ ᑲᔦ ᒥᑎᑰᒃ ᒥᔕᐗᑲᒥᒃ ᑳᐸᑕᑭᓱᐙᒡ ᑕᐸᐸᓯᓂᒌᐅᑎᓱᐗᒃ ᑫᐊᐲᒋ ᒥᓉᑕᒧᐙᒡ᙮ 13 ᓵᐃᐸᕒᐁᔅ Cypress ᑎᓄᐙᑎᑰᒃ ᓴ ᒣᔥᑾᒡ ᑕᓂᑖᐎᑭᐗᒃ ᑳᔑ ᓴᓴᑭ ᐅᑲᐎᒥᓇᑲᔒᑳᒃ, ᒬᑕᓬ myrtle ᑎᓄᐙᑎᑰᒃ ᑲᔦ ᑕᓂᑖᐎᑭᐗᒃ ᐐᑫ ᑳᔑ ᑳᐎᒥᓇᑲᔒᑳᓂᒃ᙮ ᒦ ᓴ ᐃᐌ ᑳᑎᐯᒋᑫᒡ ᐅᑭᑭᓇᐙᒋᒋᑲᓐ ᓀᐱᒡ ᑫᐊᔮᓂᒃ, ᒦᑕᔥ ᐃᐃᒫ ᑫᐅᒋ ᒫᒥᑲᐎᔦᒃ ᐋᓃᓐ ᑳᑮ ᐱ ᑑᑕᐎᓇᑰᒃ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society