2 Timahti 4 - ᐅᒋᐺ ᑭᒋᒪᓯᓇᐃᑲᓐ1 ᑭᑕᔮᒀᒥᒥᓐ ᐁᐙᐸᒥᒡ ᑭᔐᒪᓂᑑ, ᐊᐊᐌ X ᒋᓴᔅ ᑲᔦ, ᑫᑎᐹᑯᓈᒡ ᐃᓂ ᐯᒫᑎᓯᓂᒡ, ᐃᓂ ᓀᐳᓂᒡ ᑲᔦ᙮ ᐅᑕᑯᔑᓄᐎᓐ ᑲᔦ ᐅᑎᐯᒋᑫᐎᓐ X ᒋᓴᔅ ᓂᑎᑭᑐᐃᑯᓐ ᐅᐅ ᐙᐃᓂᓈᓐ᙮ 2 ᑮᓐ ᐐᑕᒫᑫᓐ ᑭᔐᒪᓂᑑ ᐅᑎᑭᑐᐎᓐ᙮ ᐋᓃᓂᑯ ᐃᐊᐲ ᐁᔑᓇᐃᓈᑾᒃ ᐐᑕᒫᑫᓐ, ᒫᓄ ᓴ ᐐᓐ ᐃᔑᓈᑾᓯᓄᒃ, ᐐᑕᒫᑫᓐ᙮ ᑲᔦ ᑲᑴᑲᔥᑭᒥᐌᓐ᙮ ᑲᔦ ᒫᓈᓯᓇᒪᓐ ᑫᑰᓐ ᐅᒋᐞ ᐊᐌ ᑳᑑᑕᕽ᙮ ᑲᑳᓱᒥᐌᓐ, ᑲᑭᓇ ᑫᑰᓐ ᒋᒪᒥᓇᐗᑳᑎᓰᑲᑕᒪᓐ ᑲᔦ ᒨᔕᒃ ᒋᐃᔑᑭᑭᓄᐊᒫᑫᔭᓐ᙮ 3 ᐋᓃᔥ ᐃᑯᑎᕽ ᑕᐃᔑᐌᐸᓐ ᒋᔑᑲᓯᑕᒧᐙᒡ ᐃᐃ ᑾᔭᒃ ᑭᑭᓄᐊᒫᑫᐎᓐ, ᓇᐗᒡ ᐁᐐᒫᐗᑑᓈᐙᒡ ᐊᐎᔭᐞ ᑫᑭᑭᓄᐊᒫᑯᐙᒡ ᐃᐃᐌ ᐐᓇᐙ ᐱᑯ ᑳᐐᐱᓯᑕᒧᐙᒡ᙮ 4 ᐅᑲᐊᓂᐌᐱᓈᐙ ᑾᔭᒃ ᑌᐺᐎᓐ ᒋᓇᓈᑕ ᐱᓯᑕᒧᐙᒡ ᒪᔭᑳᒋᒧᐎᓇᓐ᙮ 5 ᑮᓐ ᐃᑕᔥ ᑫᔮᐱ ᐯᔑᑾᓐ ᐃᑯ ᑲᑴᐃᔑᑲᑮᑖᐎᓯᓐ, ᑲᑴᔕᔒᐱᐊᔮᓐ ᐊᐲ ᐁᑲᒀᑕᑭᐃᑰᔭᓐ᙮ ᒦ ᐃᐌ ᐃᔑᐊᓄᑮᓐ ᒥᓍᒋᒧᐎᓐ ᒋᐐᑕᒫᑫᔭᓐ᙮ ᑎᐱᑑᑕᓐ ᐃᐌ ᑳᐃᔑᐊᓄᑮᐃᒃ ᑭᔐᒪᓂᑑ᙮ 6 ᓃᓐ ᐃᑕᔥ ᐃᑯ, ᐋᔕ ᑫᑳ ᒦᐅ ᐊᐲ ᒋᐸᑭᑎᓈᔂᑲᓂᐎᔮᓐ᙮ ᐋᔕ ᑎᐱᓭ ᒋᒫᒑᔮᓐ᙮ 7 ᒥᓄᑲᑴᒋᑲᓂᑎᐎᓂᕽ ᓂᑮᐊᐸᑑ᙮ ᓂᑮᑮᔑᑑᓐ, ᓂᑮᐱᑲᓇᐌᑖᓐ ᐃᐃ ᑭᑌᐺᔦᑕᒧᐎᓂᓈᓐ᙮ 8 ᐋᔕ ᐌᑎ ᓂᐲᐃᑯᓐ ᓂᑎᐸᐊᒫᑰᐎᓐ ᑾᔭᒃ ᓴ ᑯ ᐁᑮᑎᐱᓴᑣᔮᓐ, ᑫᐅᒋᒦᔑᒡ ᐊᐊᐌ ᑳᑎᐯᒋᑫᒡ ᐌᑎ ᐊᐲ ᑫᐅᑮᔑᑲᓄᒥᒡ᙮ ᒦ ᐊᐌ ᐅᑭᒋᑎᐹᑯᓂᐌ ᒥᓯᐌ ᑳᐃᔑᑾᔭᑯᒋᑫᒡ᙮ ᑳᐐᓐ ᓃᓀᑕ ᓂᑲᐅᒋᒦᓂᑰᓰ, ᐃᑭᐌᓂᐗᒃ ᓴ ᑲᔦ ᒫᐗᒡ ᑳᐲᐋᐙᒡ ᒋᓈᑯᓯᓂᒡ ᐁᓵᑭᐋᐙᒡ, ᑕᒦᓈᐗᒃ᙮ ᐁᑎᐹᒋᒧᒡ ᐁᔑᐌᐱᓯᒡ ᐌᑎ 9 ᐌᔩᑉ ᐱᑲᑴᐊᑕᐙᐸᒥᔑᓐ! 10 ᐋᓃᔥ ᓂᑮᓇᑲᓂᒃ ᐊᐊ ᑏᒪᔅ Demas, ᐅᐅ ᓅᑯᒻ ᐃᑯ ᑳᐃᔑᐊᑮᐗᓂᓂᒃ ᐁᑮᓇᐗᒋᓵᑭᑑᒡ᙮ ᐊᐸᓀᔥ ᐃᐃᒫ ᑮᐃᔑᒫᒑ ᑌᓴᓬᐊᓇᐃᑳᕽ Thessalonica᙮ ᑲᕒᐁᓭᔅ Crescens ᐃᑕᔥ ᑮᐃᔖ ᑲᓬᐁᔑᔮᕽ Galatia᙮ ᔑᑾ ᑕᐃᑕᔅ Titus ᑲᔦ ᑮᐃᔑᒫᒑ ᑖᓬᒣᔖᕽ Dalmatia᙮ 11 ᒦ ᐁᑕ ᐊᐌ ᐙᒌᐎᒡ ᓬᐅᒃ Luke᙮ ᑮᓐ ᐃᑕᔥ ᐅᑎᓐ ᐊᐊ ᒫᕒᒃ Mark ᒋᐱᐐᒌᐎᒃ, ᓂᑲᐐᒋᐃᒃ ᐁᐊᓄᑮᔮᓐ᙮ 12 ᐊᐊᔥ ᑎᑭᑲᔅ Tychicus ᐃᐃᒫ ᓂᑮᐃᔑᓂᔕᐙ ᐁᐱᓴᓯᕽ Ephesus᙮ 13 ᑮᓐ ᐃᑕᔥ ᐊᐲ ᐱᒫᒑᔭᓐ, ᐲᑑᑲᓐ ᓂᑭᒋᐲᓯᑲᐙᑲᓐ ᑳᑮᓇᑲᑕᒧᐗᒃ ᐊᐊ ᑳᕒᐸᔅ Carpus ᐃᐃᒫ ᐁᐊᔮᒡ ᒐᕒᐆᐗᓯᕽ Troas᙮ ᐲᑑᑲᓐ ᑲᔦ ᐃᓂ ᒪᓯᓇᐃᑲᓇᓐ, ᒣᒥᑕᑫ ᑯ ᐃᓂ ᐸᔥᑴᑭᓄᕽ ᑳᐅᔑᐲᐃᑳᑌᑭᓐ᙮ 14 ᑭᐐᑕᒪᐎᓐ ᐁᔑᐊᔮᒡ ᐊᐊ ᐋᓬᐃᑭᓵᑕᕒ Alexander ᐅᐲᐙᐱᑯᑫ ᑳᐃᓂᓐᒡ᙮ ᐋᓃᔥ ᓂᑮᑭᒋᒪᒋᑑᑖᒃ᙮ ᑳᑎᐯᒋᑫᓂᒡ ᐃᑕᔥ ᐅᑲᑎᐸᐊᒫᑰᓐ ᐅᑎᔑᒋᑫᐎᓇᓐ᙮ 15 ᑲᔦ ᑮᓐ ᐃᑕᔥ ᐊᔮᔛᑲᑕᐤ, ᐋᓃᔥ ᐅᑮᑲᑴᐗᓈᑑᓐ ᓂᑎᐹᒋᒧᐎᓂᓈᓐ᙮ 16 ᓂᑕᒻ ᐃᑯ ᐁᑮᑎᐹᑯᓂᑰᔮᓐ ᓃᓐ ᐃᑯ ᓂᑮᑲᓅᒋᑫᑕᒫᑎᔅ, ᐊᐎᔭ ᐁᑮᐐᐐᒋᐃᓯᒃ᙮ ᑲᑭᓇ ᓂᑮᓇᑲᓂᑰᒃ᙮ ᒫᓄ ᑕᔥ ᑳᐐᓐ ᐅᑲᐊᑭᑕᒫᑯᓰᐙᓐ ᑭᔐᒪᓂᑑᓐ᙮ 17 ᐐᓐ ᐃᑕᔥ ᑳᑎᐯᒋᑫᒡ ᒨᔕᒃ ᓂᑮᐱᐐᒋᐃᒃ, ᓂᑮᒪᔥᑲᐎᓰᐃᒃ, ᐁᑮᐅᒋᑲᔥᑭᑑᔮᓐ ᑲᑭᓇ ᒋᒨᔥᑭᓀᐐᑕᒫᑫᔮᓐ ᑭᔐᒪᓂᑑ ᐅᑎᐹᒋᒧᐎᓐ, ᒦ ᐃ ᑲᑭᓇ ᑯ ᒋᐅᒋᓅᑕᒧᐙᒡ ᐃᑭ ᑳᑭᑫᓂᒫᓯᒀ ᑭᔐᒪᓂᑑᓐ᙮ ᔑᑾ ᓂᑮᔖᐾᐃᑰ ᐋᔕ ᐁᑮᑕᓀᑖᑯᓯᔮᐹᓐ ᐅᑑᓂᕽ ᐊᐊ ᒥᔑᐱᔑᐤ᙮ 18 ᑲᔦ ᓂᑲᔖᐾᐃᒃ ᑳᑎᐯᒋᑫᒡ ᑲᑭᓇ ᐃᓂ ᐋᓇᐐᒪᒋᑑᑖᑰᔮᓐ, ᓂᑲᑲᓇᐌᓂᒥᒃ ᐃᑕᔥ ᐃᒫ ᒋᐅᑎᑕᒫᓐ ᐅᑎᐯᒋᑫᐎᓂᕽ ᑭᒋᑮᔑᑯᕽ ᐁᑕᔑᑭᒫᐎᒡ᙮ ᒦ ᐊᐌ ᐊᐸᓀ ᑯ ᒨᔕᒃ ᑕᑭᑌᓂᒫ, ᐐᑳ ᓴ ᑯ ᒋᐌᒀᓭᓯᓄᒃ! ᐁᒣᓐ᙮ ᐴᔔᐃᐌᐎᓐ 19 ᐴᔔ ᓂᑎᓈᒃ ᐸᕒᐃᓯᓬᐊ Priscilla, ᐊᑶᓬᐊ Aquila ᑲᔦ, ᑲᑭᓇ ᑲᔦ ᐁᑕᔑᐙᒡ ᐊᓀᓯᑆᕒᐊᔅ Onesiphorus ᐅᐙᑳᐃᑲᓂᕽ᙮ 20 ᔑᑾ ᑭᐐᑕᒪᐎᓐ, ᐃᕒᐋᔅᑕᔅ Erastus ᑮᐃᔥᑸ ᐃᐃᒫ ᒀᕒᐃᑎᕽ Corinth᙮ ᒐᕒᐆᐱᒪᔅ Trophimus ᓂᑮᓇᑲᓈ ᐃᒫ ᒫᐃᓬᐄᑕᓯᕽ Miletus ᐁᑭᔖᑖᐱᓀᒡ᙮ 21 ᑮᓐ ᐱᑲᑴᑕᑯᔑᓂᓐ ᒋᑆ ᐱᐴᕽ᙮ ᑲᔦ ᑭᐴᔔᐃᒃ ᐃᔫᐱᔪᓬᐊᔅ Eubulus, ᐅᑯ ᑲᔦ ᐱᔫᑌᔅ Pudens, ᓬᐋᐃᓇᔅ Linus, ᑲᓬᐙᑎᔭ Claudia, ᑲᑭᓇ ᑭᐐᒋᐅᑌᐺᑕᒨᒫᑲᓂᓈᓂᒃ ᐅᐅᒫ ᑳᐊᔮᐙᒡ᙮ 22 ᒫᓄ ᑭᑕᒑᒃ ᐅᑲᐐᒌᐎᑰᓐ ᑳᑎᐯᒋᑫᓂᒡ᙮ ᐅᑭᔐᐙᑎᓯᐎᓐ ᒥᒋᑲᑭᓇ ᑭᑲᐊᔑᒋᐐᒌᐎᑯᒻ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society