2 ᑌᓴᓬᐆᓂᔭᓇᒃ 3 - ᐅᒋᐺ ᑭᒋᒪᓯᓇᐃᑲᓐᐊᓇᒥᐁᑕᒪᐎᔑᓈᒻ ᐁᐃᓈᒡ 1 ᒦᓇᐙ ᑕᔥ ᑭᑲᑴᒋᒥᓂᓂᒻ, ᑳᐐᒋᐅᑌᐺᑕᒨᒥᑰᔦᒃ, ᐊᓇᒥᐁᑕᒪᐎᔑᓈᒻ ᒋᒫᒌᔥᑳᒪᑲᓂᓂᒃ ᑳᑎᐯᒋᑫᒡ ᐅᑎᐹᒋᒧᐎᓐ, ᑲᔦᔥ ᒋᓂᑭᒋ ᐃᓀᒋᑳᑌᓂᒃ ᑖᐱᔥᑰ ᑲᔦ ᑮᓇᐙ ᐁᔑᑭᒋ ᐃᓀᑕᒣᒃ᙮ 2 ᑲᔦ ᒋᐸᐲᐃᔭᒥᓐᒡ ᐊᐊ ᑭᔐᒪᓂᑑ ᐁᑳ ᒋᐅᑎᓵᓯᐗᑭᑣ ᐃᑭ ᑳᓴᓇᑭᓯᐙᒡ, ᐃᑭ ᑲᔦ ᑳᒪᒋ ᐃᔑᐌᐱᓯᐙᒡ, ᐁᑳ ᑫᑰᓐ ᒋᑑᑕᐎᓯᔭᒥᑣ᙮ ᐋᓃᔥ ᑳᐐᓐ ᑲᑭᓇ ᐊᐎᔭ ᐅᑌᐺᑕᒧᐎᓂᓰ᙮ 3 ᑌᐺᐎᓂᐎ ᑕᔥ ᐊᐊ ᑳᑎᐯᒋᑫᒡ᙮ ᒦ ᐊᐌ ᑫᓲᑭᒪᔥᑲᐎᓰᐃᓀᒃ ᑲᔦ ᑫᒦᑖᑴᓇᒪᐎᓀᒃ ᐃᓂ ᒪᒋᐊᔭᐋᓐ᙮ 4 ᓂᑎᔑᐃᑯᓈᓐ ᐃᑕᔥ ᐊᐊ ᑳᑎᐯᒋᑫᒡ ᐁᐅᒋᑾᔭᑴᓂᒥᑰᔦᒃ, ᐋᔕ ᐁᑮᐱ ᐃᔑᒋᑫᔦᒃ ᑳᑮᐃᔑᐐᑕᒫᑰᔦᒃ ᑲᔦ ᑫᔮᐱ ᒋᐊᓂ ᐃᔑᒋᑫᔦᒃ᙮ 5 ᒫᓄ ᑕᔥ ᑳᑎᐯᒋᑫᒡ ᑭᑲᑭᑭᓄᐊᒫᑯᐙ ᐯᔑᑾᓐ ᐃᑯ ᒋᐃᔑᓵᑭᐃᐌᔦᒃ ᑖᐱᔥᑰ ᐐᓐ ᑭᔐᒪᓂᑑ ᐁᔑᒋᑫᒡ, ᑲᔦᔥ ᒋᐃᔑᒪᔥᑲᐌᑕᒣᒃ ᑖᐱᔥᑰ ᑫᐐᓐ X ᑳᑮᐃᔑᒪᔥᑲᐌᑕᕽ᙮ ᑲᑭᓇ ᐊᐎᔭ ᑕᐊᓄᑮ ᒋᐸᒥᐃᑎᓱᒡ 6 ᑳᐐᒋᐅᑌᐺᑕᒨᒥᑰᔦᒃ! ᑭᑎᔑᑲᑳᓱᒥᑰᒻ ᐅᐐᓱᐎᓂᕽ ᑳᑎᐯᓂᒥᓇᕽ ᒋᓴᔅ X: ᑭᑲᒪᓈᐐᒌᐙᐙ ᐊᐌᓀᓐ ᐃᓴ ᑯ ᐅᑌᐺᑕᒧ ᑳᐐᒥᒋᐅᑖᒋᐃᑯᓯᒡ ᐁᓵᐱᐊᓄᑮᓯᒃ, ᐁᐱᓯᑕᓯᒃ ᐃᐃ ᑭᑭᓄᐊᒫᑎᐎᓐ ᑳᑮᐐᑕᒫᑰᔦᒃ᙮ 7 ᑮᓇᐙ ᐋᓃᔥ ᐌᐌᓂ ᑭᑭᑫᑖᒻ ᒋᓈᐱᒋᑫᔦᒃ ᑳᑮᐃᔑᐙᐸᒥᔮᕽ᙮ ᑳᐐᓐ ᐃᒫ ᓂᑮᑕᔑᑭᑎᒥᓰᒥᓐ ᑳᐃᔑᐊᔮᔦᒃ᙮ 8 ᑳᐐᓐ ᓂᑮᐐᒥᒋᐊᔕᒥᑰᓰᒥᓐ᙮ ᑲᔦ ᐁᑎᐱᑲᒃ ᑲᔦ ᐁᑮᔑᑲᒃ ᓂᑮᑭᒋᐊᓄᑮᒥᓐ, ᓃᓇᐎᓐᑦ ᓂᑮᐐᐋᐸᒋᑑᒥᓐ ᓂᑕᔨᔒᐎᓂᓈᓂᓐ ᐁᑳ ᐁᐐᑯᓯᑸᐃᑰᓯᐌᒃ᙮ 9 ᐋᓇᐐᓐ ᓂᑮᑌᐃᓀᑖᑯᓯᒥᓐ ᒋᑮᐸᒥᐃᔮᑭᐸᓐ, ᔖᑰᒡ ᐃᑕᔥ ᓂᑮᐊᓄᑮᑕᒫᓱᒥᓐ, ᑮᓇᐙ ᒋᑭᑭᓇᐙᐸᒥᔮᕽ ᑳᐃᓈᑎᓯᔮᕽ᙮ 10 ᒣᒀ ᓴ ᐁᑮᐐᒋᐊᔮᒥᑰᔦᒃ ᑭᑮᐃᔑᐊᔮᒀᒥᒥᑰᒻ: ᑮᔥᐱᓐ ᐊᐎᔭ ᐃᓀᑕᓯᒃ ᒋᐊᓄᑮᒡ, ᒫᓄ ᑳᐐᓐ ᑕᐐᓯᓂᓰ᙮ 11 ᐋᓃᔥ ᓂᓅᑖᒥᓐ ᐋᓂᑕ ᐁᐊᔮᔦᒃ ᑳᒥᒋᐊᔮᓂᓯᐱᒫᑎᓯᐙᒡ, ᐁᒥᒋᓅᒋᑕᒪᐙᐙᒡ ᐸᑳᓐ ᐊᐎᔭᓐ ᐅᑕᔨᑎᐎᓂᓂ᙮ 12 ᐅᑯ ᑎᓄ ᓂᑎᔑᑲᑳᓱᒫᓈᓂᒃ ᑳᑎᐯᒋᑫᓂᒡ ᒋᓴᔅ Xᑕᓐ, ᑯᔥᒀᐙᑎᓯᐎᓂᕽ ᒋᐃᓇᓄᑮᐙᒡ ᒋᐸᒥᐃᑎᓱᐙᒡ᙮ 13 ᑳᐐᒋᐅᑌᐺᑕᒨᒥᑰᔦᒃ! ᑫᑯ ᐴᓂᑑᑫᒃ ᑭᒥᓄᐊᓄᑮᐎᓂᐙ᙮ 14 ᑮᔥᐱᓐ ᐊᐎᔭ ᑳᐐᓀᐱᒋᐱᓯᑕᓯᒃ ᐅᓄᐌᓂᐗᓐ ᑳᐃᔥᐲᐊᒫᕽ, ᑭᑭᓇᐙᑌᓂᒥᒃ ᐊᐊ ᐁᑎᓄᐎᒡ᙮ ᑫᑯ ᐐᒋᐋᑫᒃ, ᒋᐊᑲᒋᐃᑯᒡ ᐅᑎᔑᒋᑫᐎᓐ᙮ 15 ᑫᑯ ᐐᓐ ᐃᔑᓇᐙᑫᒃ ᒋᔒᑫᓂᒣᒃ, ᐋᒋᑯ ᑭᑲᑲᑮᑭᒫᐙ, ᑮᒋᔖᓂᐙ ᒋᐃᓇᑭᒣᒃ᙮ ᐅᐴᔔᐃᐌᐎᓐ 16 ᐊᐊ ᑳᑎᐯᒋᑫᒡ ᑳᓂᑖ ᒦᑭᐌᒡ ᑯᔥᒀᐙᑌᑕᒧᐎᓐ, ᐐᓐ ᐃᑯ ᑎᐱᓇᐌ ᑭᑲᒦᓂᑯᐙ ᒨᔕᒃ, ᐋᓃᓂᑯ ᐁᔑᐌᐱᓯᕽ᙮ ᑳᑎᐯᒋᑫᒡ ᑲᑭᓇ ᑭᑲᐐᒌᐎᑯᐙ᙮ 17 ᓃᓐ ᐃᑯ ᑎᐱᓇᐌ ᓂᓂᓐᒡ ᓂᑖᐸᒋᑑᓐ ᐁᐅᔑᐲᐊᒫᓐ ᐅᐅ: ᓃᓐ ᑆᓬ ᑭᐴᔔᐃᓂᓂᒻ᙮ ᒦ ᑯ ᐃᐌ ᐁᔑᐲᐃᑫᔮᓐ᙮ 18 ᐅᔕᐌᒋᑫᐎᓐ ᑳᑎᐯᓂᒥᓇᕽ ᒋᓴᔅ X ᒥᒋᑲᑭᓇ ᑭᑲᐊᔑᒋᐐᒌᐎᑯᒻ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society