2 ᑲᕒᐃᑎᔭᓇᒃ 2 - ᐅᒋᐺ ᑭᒋᒪᓯᓇᐃᑲᓐ1 ᒦᑕᔥ ᑳᑮᐅᒋ ᐃᓀᑕᒫᓐ ᒋᐊᑕᐙᐸᒥᓯᓄᐎᓇᑰᒃ ᒦᓇᐙ, ᒫᑭᔖ ᓴ ᑭᑖᐅᒋᒫᓀᑖᒻ᙮ 2 ᐋᓃᔥ ᑮᔥᐱᓐ ᐅᒋᒫᓀᑕᒣᑭᐸᓐ ᐁᐙᐸᒥᓇᑰᒃ, ᐊᐌᓀᓐ ᑕᔥ ᐊᐎᔭ ᑫᒥᓉᑕᒥᐃᐸᓐ, ᐋᓃᔥ ᑲᑭᓇ ᓂᑖᒫᓀᑕᒧᐋᒃ ᑫᑮᒥᓉᑕᒥᐃᐙᐸᓐ᙮ 3 ᒦᑕᔥ ᑳᑮᐅᒋ ᐅᔑᐲᐊᒪᐎᓇᑰᒃ, ᑳᐐᓐ ᓂᑮᐃᓀᑕᓰ ᐊᐲ ᐅᑎᓯᓇᑰᒃ ᒋᒫᓀᑕᒥᐃᐙᐸᓐ ᐃᑭ ᐯᒫᑎᓯᐙᒡ ᑫᑮᒥᓉᑕᒥᐃᐙᐸᓐ᙮ ᒦᑕᔥ ᐁᔑᑫᒋᓈᐅᔮᓐ ᑮᔥᐱᓐ ᑮᒥᓉᑕᒫᓐ ᑫᑮᓇᐙ ᐁᒥᓉᑕᒣᒃ᙮ 4 ᐊᐲ ᓴ ᑮᐅᔑᐲᐊᒪᐎᓇᑰᒃ, ᐋᐱᒋ ᓂᑮᑭᒋᒥᑯᔥᑳᑌᑕᒻ, ᐁᑮᑯᓯᑯᑌᐁᔮᓐ ᑲᔦ, ᐋᓃᔥ ᑳᐐᓐ ᓂᑎᓀᑕᓰ ᐁᐐᒫᓀᑕᒥᐃᓇᑰᒃ᙮ ᐃᐃ ᓴ ᒋᐙᐸᑕᒣᒃ ᒋᑭᑫᑕᒣᒃ ᑲᔦ ᐋᓃᓐ ᐁᐲᒋᓵᑭᐃᓇᑰᒃ᙮ ᑫᔑᐴᓀᑕᒪᐎᓐᒡ ᐊᐊ ᑳᒪᒋᑑᑕᐎᓀᒃ 5 ᑮᔥᐱᓐ ᑕᔥ ᐊᐎᔭ ᑮᒫᓀᑕᒥᐃᐌᒡ, ᑳᐐᓐ ᑕᔥ ᓃᓐ ᐁᑕ ᓂᑮᒫᓀᑕᓰ, ᑫᑮᓇᐙ ᓴ ᑲᑭᓇ ᑳᑕᔑᔦᒃ ᑭᑮᒫᓀᑖᒻ᙮ ᒦᑕᔥ ᑳᐅᒋ ᐃᑭᑐᔮᓐ, ᑳᐐᓐ ᓂᑎᓀᑕᓰ ᒋᓴᓇᑭᐊᒃ᙮ 6 ᒦᑕᔥ ᐗᐊ ᑳᑮᑑᑕᐎᓀᒃ, ᐋᔕ ᑌᒥᓂᒃ ᑭᑮᑲᒀᑕᑭᐋᐙ ᐃᐃ ᑳᑮᑑᑕᐌᒃ᙮ 7 ᓅᑯᒻ ᐃᑕᔥ ᐴᓀᑕᒪᐎᒃ, ᑲᓅᓂᒃ ᑲᔦ ᐌᐌᓂ ᒋᐱᒫᑎᓯᒡ; ᒫᑭᔖ ᐅᐅ ᑑᑕᐙᓯᐌᒃ ᑕᓂᒫᓀᑕᒻ ᐲᓂᔥ ᑲᔦ ᐐᑫ ᑕᓂᐸᑭᒌ᙮ 8 ᒦᑕᔥ ᐁᔑᐸᑯᓭᓂᒥᓂᓇᑰᒃ, ᒋᑭᑫᑕᕽ ᐐᑫ ᐁᓵᑭᐁᒃ᙮ 9 ᑭᑮᐅᔑᐲᐊᒪᐎᓂᓂᒻ ᓴ ᐅᐅ ᐅᔑᐲᐃᑲᓐ ᐁᑮᐊᑕᑭᑫᓂᒥᓂᓇᑰᒃ ᑮᔥᐱᓐ ᑌᐺ ᒨᔕᒃ ᒋᐊᔛᔦᒃ ᒋᐃᔑᒋᑫᔦᒃ ᐃᐃ ᑳᑮᐃᔑᑭᑭᓄᐊᒪᐎᓇᑰᒃ᙮ 10 ᐊᐲ ᓴ ᑮᐴᓀᑕᒪᐌᒃ ᐊᐎᔭ ᐋᓃᓂᑯ ᑳᑮᐃᔑᒋᑫᒡ, ᑫᓃᓐ ᓴ ᓂᐴᓀᑕᒪᐙ᙮ ᐊᐲ ᓴ ᑫᓃᓐ ᑮᐴᓀᑕᒫᑫᔮᓐ, ᑮᔥᐱᓐ ᑯᑕ ᑮᐊᔮᒃ ᑫᑰᓐ ᒋᐴᓀᑕᒫᓐ, ᓂᑎᔑᒋᑫ ᓴ ᐅᐅ X ᐁᓈᓴᒦᒡ ᑮᓇᐙ ᐅᒋ᙮ 11 ᐋᓃᔥ ᑳᐐᓐ ᑭᓇᑕᐌᓂᒫᓯᐙᓈᓐ ᒪᒋᐊᔭᐋ ᓭᑕᓐ ᒋᔖᑰᒋᐃᓇᕽ᙮ ᑭᑭᑫᑕᒧᐙᒥᓐ ᐋᓃᔥ ᐋᓃᓐ ᐙᐊᓂ ᐃᔑᒋᑫᒡ᙮ ᑆᓬ ᐁᑮᐅᒑᓂᒣᑕᕽ ᐃᐃᒫ ᒐᕒᐆᐗᓯᕽ 12 ᐊᐲ ᓴ ᐁᑮᑕᑯᔑᓈᓐ ᐌᑎ ᒐᕒᐆᐗᔅ Troas ᐆᑌᓈᕽ ᐁᐐᑲᑮᒀᑕᒫᓐ ᒥᓍᒋᒧᐎᓐ ᐁᐐᑕᔑᒪᒃ X, ᓂᑮᐃᔑᒥᑳᓐ ᓴ ᐋᔕ ᑳᑎᐯᒋᑫᒡ ᐁᑮᑕᐎᓇᒪᐎᒡ ᐱᓵᓂᑯ ᓃᓐ ᒋᐊᓄᑮᐗᒃ᙮ 13 ᒦᑕᔥ ᐃᐃ ᑳᐅᒑᓂᒣᑕᒫᓐ ᐋᓃᔥ ᑳᐐᓐ ᓂᑮᒥᑲᐙᓰ ᓃᑕᓇᒥᐋ ᑕᐃᑕᔅ Titus᙮ ᒦᑕᔥ ᓂᑮᐴᔔᐋᒃ ᐯᒫᑎᓯᐙᒡ ᐌᑎ ᐁᑮᓇᑲᓇᒀ, ᒫᓯᑑᓂᔭ Macedonia ᐊᑮᕽ ᐃᓇᑫ ᐁᑮᐊᓂ ᐃᔑᒫᒑᔮᓐ᙮ X ᑳᒦᓂᓇᕽ ᔖᑰᒋᑣᐎᓐ 14 ᑕᑲ ᒦᑴᒋᐌᓂᒫᑖ ᑭᔐᒪᓂᑑ᙮ ᐐᓐ ᐄᑐᒃ ᑳᑮᐃᔑᓈᑯᓯᐃᔭᒥᓐᒡ ᒋᐃᔑᓈᑯᓯᔮᕽ ᑕᑯᓂᑲᓇᒃ ᑳᐱᒥᐎᓂᑣ X ᐁᓃᑳᓃᒡ ᐁᑮᔖᑰᒋᑣᒡ᙮ ᐐᓐ ᓂᑖᐸᒋᐃᑯᓈᓐ ᒥᓯᐌ ᒋᐅᒋᑭᑫᓂᒥᓐᒡ ᑖᐱᔥᑰ ᑫᑰᓐ ᑳᒥᓄᒫᑾᒃ᙮ 15 X ᓂᑖᐸᒋᐃᑯᓈᓐ ᐁᒥᓈᓴᒪᐎᓐᒡ ᑭᔐᒪᓂᑑ᙮ ᐃᑭ ᑕᔥ ᑳᐱᒫᒋᐃᑣ ᐃᑭ ᑲᔦ ᑳᓂ ᓂᔑᐗᓈᑎᓯᐙᒡ ᐅᒥᓈᑖᓈᐙ ᒥᓈᓯᑲᓐ᙮ 16 ᐃᑭ ᐋᓃᔥ ᑳᓂᓂᔑᐗᓈᑎᓯᐙᒡ ᑖᐱᔥᑰ ᓂᐳᐎᓂᕽ ᐅᑎᔑᒫᑖᓈᐙ, ᐃᑭ ᑕᔥ ᑳᐱᒪᒋᐃᑣ, ᐱᒫᑎᓯᐎᓂᕽ ᐅᑎᔑᒫᑖᓈᐙ᙮ ᐊᐌᓀᓐ ᑕᔥ ᑫᑌᐱᓭᐸᓐ ᐅᐅᐌ ᒋᐃᓇᓄᑮᒡ? 17 ᑳᐐᓐ ᐃᑕᔥ ᐐᓐ ᓂᑑᑕᓰᒥᓐ ᐃᐃ ᑭᔐᒪᓂᑑ ᐅᑎᑭᑐᐎᓐ ᑖᐱᔥᑰ ᐋᓂᑕ ᑳᐹᑏᓄᐙᒡ ᑳᑑᑕᒧᐙᒡ ᐁᐐᐅᑎᓈᐙᒡ ᑌᐱᓈᒃ ᔔᓂᔮᓐ᙮ ᑳᐐᓐ ᓃᓇᐎᓐᑦ ᐃᐃ ᓂᑎᔑᒋᑫᓰᒥᓐ᙮ ᐋᓃᔥ ᑭᔐᒪᓂᑑ ᓂᑮᐃᔑᓂᔕᐅᑯᓈᓐ ᐌᐌᓂ ᒋᑳᑮᑭᑐᔮᕽ ᐁᓈᓴᒦᒡ, ᑖᐱᔥᑰ X ᐅᑕᓄᑮᐋᑲᓇᐞ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society