1 Timahti 3 - ᐅᒋᐺ ᑭᒋᒪᓯᓇᐃᑲᓐᐋᓃᓐ ᑫᐃᔑᐱᒫᑎᓯᒡ ᐊᐎᔭ ᐙᓃᑳᓂᓯᒡ ᐊᓇᒥᐋᐎᓂᕽ 1 ᑌᐺᒪᑲᓐ ᐅᐅᐌ ᐃᑭᑐᐎᓐ: ᑮᔥᐱᓐ ᐃᓂᓂ ᐊᑕᐌᑕᕽ ᒋᓃᑳᓂᓯᒡ ᐊᓇᒥᐋᐎᓂᕽ, ᐅᓂᔑᔑᓂᓂ ᐅᐅᐌᓂ ᐊᓄᑮᐎᓐ ᑳᔭᑕᐌᑕᕽ᙮ 2 ᐊᑕᐌᑖᑯᓯ ᑕᔥ ᐁᑳ ᑫᑰᓐ ᒋᐃᓈᑎᓯᓯᒃ ᐅᓃᑳᓂᓯ᙮ ᑕᐯᔑᑯᐗᓐ ᐁᑕ ᐐᐗᓐ᙮ ᔑᑾ ᑳᐐᓐ ᐃᓂᑳᓐᒡ ᐅᑲᑑᑕᓰᓐ ᐅᐱᒫᑎᓯᐎᓐ, ᑕᓂᑆᑳ ᑕᔥ ᒋᓴᑲᑲᒫᑎᓯᒡ᙮ ᐅᑲᓀᑳᒥᐲᑎᑲᓈᐞ ᐊᐎᔭᐞ ᐅᑖᐎᓂᕽ, ᐅᑲᑲᔥᑭᑑᓐ ᑲᔦ ᒋᑭᑭᓄᐊᒫᑫᒡ᙮ 3 ᑳᐐᓐ ᐃᑕᔥ ᑕᓂᑖ ᑮᐗᔥᑴᐲᓰ, ᑳᐐᓐ ᑲᔦ ᑕᔮᒀᑎᓯᓰ᙮ ᑕᓅᑳᑎᓯ ᑕᔥ, ᐌᐌᓂ ᑲᔦ ᑕᑑᑖᑫ᙮ ᑳᐐᓐ ᑲᔦ ᐅᑲᓵᑭᐋᓰᓐ ᔔᓂᔮᓐ᙮ 4 ᔑᑾ ᑾᔭᒃ ᐅᑲᑎᐯᓂᒫᐞ ᐅᑖᐎᓂᕽ ᑳᑕᔑᓂᒡ, ᐁᑲᔥᑭᐋᒡ ᐅᓃᒑᓂᓴᐞ ᒋᐱᓯᑖᑯᒡ, ᐁᑭᒋ ᐃᓀᓂᒥᑯᒡ᙮ 5 ᑮᔥᐱᓐ ᐋᓃᔥ ᐊᐊ ᐃᓂᓂ ᑭᑫᑕᓯᒃ ᑫᔑᑎᐯᓂᒫᒡ ᐅᑖᐎᓂᕽ ᑳᔭᔮᓂᒡ, ᐋᓃᔥ ᐃᓇ ᑫᔑᑲᓇᐌᓂᒫᐸᓐ ᐃᐃ ᑭᔐᒪᓂᑑᓐ ᑳᔭᓇᒥᐁᑕᐙᓂᒡ? 6 ᔑᑾ ᑳᐐᓐ ᐊᐎᔭ ᑳᐅᔥᑭᑴᑳᑎᓯᒡ ᑕᐋᐎᓰ, ᒫᑭᔖ ᐐᐸ ᑯ ᒦ ᐋᔕ ᐁᐃᔥᐯᓂᑎᓱᒡ, ᒦ ᐯᔑᑾᓐ ᑫᐃᓈᑯᓂᓐᒡ ᐃᓂ ᑳᑮᐃᓈᑯᓂᒥᓐᒡ ᒪᒋᐊᔭᐋᓐ ᐁᑮᑭᑌᓂᒧᓂᒡ᙮ 7 ᑕᐅᓈᐸᒫ ᑕᔥ ᐊᐎᔭ ᐋᔕ ᑳᒥᓋᑭᒥᑯᒡ ᐃᐃ ᐁᑳ ᑳᐅᑌᐺᑕᒧᐎᓂᓯᓂᒃ, ᐁᑳ ᒋᐸᑭᔑᓯᒃ ᒋᒣᓂᔐᑕᒥᐃᑎᓱᓯᒃ, ᐁᑳ ᑲᔦ ᒋᓇᒀᓂᑯᓯᒃ ᐃᓂ ᒪᒋᐊᔭᐋᓐ᙮ ᑫᐃᔑᐱᒫᑎᓯᐙᒡ ᐅᐐᒋᐃᐌᒃ 8 ᐃᑭ ᑕᔥ ᑲᔦ ᑳᐐᒋᑣᐙᒡ, ᐯᔑᑾᓐ ᐃᑯ ᑕᐃᔑᒥᓍᑎᓯᐗᒃ, ᐁᑳ ᒋᓂᑖ ᒥᓂᑴᓯᒀ ᔔᒥᓈᐳ, ᐁᑳ ᑲᔦ ᒋᐋᔅᑯᓈᑎᓯᓯᒀ, 9 ᐁᒥᒋᒥᓇᒧᐙᒡ ᐃᑕᔥ ᑌᐺᔦᑕᒧᐎᓐ ᑳᑭᑫᑖᑯᑑᒡ ᑭᔐᒪᓂᑑ, ᐁᑭᑫᓂᑎᓱᐙᒡ ᐁᑳ ᑫᑰᓐ ᐁᐃᔑᐊᔮᓯᒀ᙮ 10 ᐱᓇᒫ ᑕᔥ ᑕᒥᒋᑯᒋᐋᐗᒃ᙮ ᐹᓂᒫ ᑕᔥ ᓈᑫ ᐗᐐᑫ ᓴ ᑯ ᐁᑾᔭᑴᒋᑳᓱᐙᒡ ᑕᐃᓇᓄᑮᐗᒃ᙮ 11 ᒦᓴ ᑕᔥ ᐯᔑᑾᓐ ᐃᓂ ᐐᐎᐙᐞ ᑫᐃᓈᑎᓯᓂᐸᓐ, ᒥᓯᐌ ᑯ ᒋᒥᓍᑎᓯᓂᐸᓐ᙮ ᑳᐐᓐ ᒪᒋᑫᑰᓐ ᑕᓂᑖ ᐋᓂᑯᔮᒋᒧᓰᐗᐞ᙮ ᐌᐌᓂ ᐅᑲᑲᓇᐌᑕᒥᓂ ᐅᐱᒫᑎᓯᐎᓂᓂ, ᒥᓯᐌ ᑲᔦ ᒋᑌᐺᐎᓂᐎᓂᒡ᙮ 12 ᐊᐊ ᑕᔥ ᐅᐐᒋᑣ ᑕᐯᔑᑯᐗᓐ ᐁᑕ ᐐᐗᓐ, ᑾᔭᒃ ᐃᑯ ᐁᑎᐯᓂᒫᒡ ᐅᓃᒑᓂᓴᐞ, ᐅᑖᐎᓂᕽ ᑲᔦ ᒥᓂᒃ ᐊᐎᔭᐞ ᑳᐐᒋᑖᒥᑯᒡ᙮ 13 ᐃᑭ ᐋᓃᔥ ᑳᒥᓄᐊᓄᑮᐙᒡ ᐃᔑᑲᔥᑭᑕᒫᓱᐗᒃ ᒥᓋᑭᒥᑰᐎᓐ᙮ ᑳᐐᓐ ᑲᔦ ᑕᔖᑴᓂᒧᓰᐗᒃ ᐁᐐᒧᔐ ᐐᑕᒫᑫᐙᒡ ᐋᓃᓐ ᐃᐃ ᑳᐃᔑᑌᐺᑕᐙᐙᒡ X ᒋᓴᓲᓐ᙮ ᐁᑭᒋ ᐃᓀᑖᑾᓂᓂᒃ ᑳᑭᑫᑖᑯᑑᒡ ᑭᔐᒪᓂᑑ 14 ᐅᐅᐌ ᑕᔥ ᑭᑑᔑᐲᐊᒪᐎᓐ ᐋᓇᐐᓐ ᐐᐸ ᐁᐐᑲᑴᐅᑎᓯᓈᓐ᙮ 15 ᑮᔥᐱᓐ ᑕᔥ ᑭᓉᔥ ᐅᑌᑎᔮᓐ, ᑭᑲᐅᒋᑭᑫᑖᓐ ᐋᓃᓐ ᑫᐃᔑᒋᑫᐗᒡ ᐃᐃᒫ ᑭᔐᒪᓂᑑ ᑳᐃᔑᑎᐯᓂᒫᒡ ᐅᑌᐺᑕᒨᐞ᙮ ᒦ ᐅᐌ ᐅᑕᓇᒥᐋᐎᓐ ᑳᐱᒫᑎᓯᒡ ᑭᔐᒪᓂᑑ, ᒦᐗᓐ ᐃᓂ ᑳᒫᒪᐎᑎᐯᓂᒫᒡ, ᑳᐋᔂᑾᐃᑳᑳᓂᐗᕽ ᐃᐃ ᑌᐺᐎᓐ, ᒦ ᐃᒫ ᐌᒋᐋᔩᒋᓭᒃ ᐃᐃ ᑌᐺᐎᓐ᙮ 16 ᐗᐐᑫ ᓴ ᑌᐺᒪᑲᓐ, ᐋᐱᒋ ᑭᒋ ᐃᓀᑖᑾᓐ ᑭᑕᓇᒥᐋᐎᓂᓈᓐ ᑭᔐᒪᓂᑑ ᑳᑮᑭᑫᑖᑯᑑᒡ: ᑌᐺ ᑮᓈᑯᐃᑎᓱ ᐁᐃᓂᓃᐎᒡ, ᑮᐅᒋᑾᔭᑾᑭᒫ ᐁᐐᒌᐎᑯᒡ ᑭᔐᒪᓂᑑ ᐅᑕᒑᑾᓐ, ᐅᑮᐙᐸᒥᑰᐞ ᐁᒐᓬᐊᐞ, ᑮᑎᐹᒋᒫ ᑳᑕᓶᐙᓇᑭᓯᓂᒡ ᐁᑮᐐᑕᒪᐎᒥᓐᒡ, ᑮᑌᐺᔦᓂᒫ ᐊᑮᕽ, ᑮᐃᔑᐅᐱᔥᑳ ᑭᒋᑮᔑᑯᕽ᙮ |
Ojibwe Shorter Bible (Syllabic Script) © 2008 Canadian Bible Society
Canadian Bible Society