ᔂᓬᐊᒪᓐ ᐅᓂᑲᒧᓇᓐ 3 - Ojibwe Kihcimasina'ikan

¹ Kapetipihk ihsa eh⁠pimihshinaan ninipewinink, ninaanaakatawenimaa ninte'ink kaa⁠minwenimak; aanakii nanaantawaapamak itahsh, kaawiin ninkii mihkawaahsii.

² Miihsh kaakii wanishkaayaan ewii awi nanaantawaapamak weti ootenaank, kaashi mamiihkanaawaninik, kaashi pahpahke ayaanik kaye i'i ootena. Nintaanakiih nanaantone'waa ninte'ink kaa⁠minwenimak, kaawiin tahsh ninkii mihkawaahsii.

³ Iki tahsh ininiwak kaa⁠kanawencikewaatc i'imaa ootenaank eh⁠papaa naanaakacihcikewaatc ninkii waapamikook. Miihsh o'o kaa'inakwaa, “Kitoonci waapamaawaa na a'a kaa⁠minwenimak?”

⁴ Kaawiin tahsh tashi naanaake, mii 'i aasha kii⁠mihkawak a'a kaa⁠minwenimak. Miihsh kaa⁠ishi minciminak, ekiih kihciwinak piinihsh ekiih piinak nimaamaan owaahkaa'ikaniniink, pahkehcikanink kaakiih tashi nihtaawikiwak. Miihsh kaa⁠ihkitoyaan,

⁵ Ihkwewak Ceroosalamink eyaayek, kiwiintamawininim ci⁠ahpimoyek mayaki waawaashkeshiwak, iki kaye noonshe waawaashkeshiwak kaa⁠papaamipa'itiwaatc mihshawahkamik; keko wanashkwe'ihshinaahkaank o'o kaa⁠minwenintiyaank, paanimaa kiihte minwenintiyaank.