Nikamonan 15 - Ojibwe Kihcimasina'ikan

Kishemanitoo Kaa'antawentank Ehtashintenik

Mii 'oweni Peshik Tepit Onikamon

¹ Oo Tepencikeyan, awenen tahsh ke⁠ayaahpan kikihci anami'ewikamikonk? Awenen itahsh kaye ke⁠ishitaahpan kihci waciink kaa⁠kihtentaakosiwatc?

² Mii 'i iitok a'a kaashi pimohsetc kaashi antawentaminitc Kishemanitoon, kwayahk kaye kaa⁠nihtaa ishihciketc; ote'ink kaye kaa⁠nihtaa onci tepwetc.

³ Awiya kaa⁠nihtaa macitashimiwehsik, kaa⁠maanshi tootawaahsik kaye owiici pimaatisiin, kaa⁠papaamaacimaahsik kaye wiici pimaatisiin misiwe.

⁴ Kaa‑aanawenimaatc kaye ini kaa‑aanawenimikonitc Kishemanitoon; kaa⁠kiihtenimaatc tahsh wiin ini kaa⁠na'ihtawaanitc Kishemanitoon. Mooshak kaye kaa⁠ishihciketc kaashi ahshotamaaketc, mihsawaa ko onci wahsitaawihsetc.

⁵ Kii⁠masina'ike miikiwetc kaye shooniyaan kaawiin onankakimaahsiin, kaawiin kaye otootaahpinaahsiin aana wii⁠tipa'amawintc noociko ci‑inaacimaatc awiyan kekoon kaa⁠ishi anaamentaakosihsinik. Awenen hsa ko ono ke⁠ishihciketc kaawiin wiihkaa ta⁠wahkawinaahsii.