Nikamonan 130 - Ojibwe Kihcimasina'ikan

Keshi'anami'aankipan Awiya Cipoonentamawintc

¹ Tepencikeyan, taapishkoo awiya weti waahsa anaamiintim kaa⁠kakwaatakentank mii 'i eshi'ayaayaan e⁠onci shaakoweyaan.

² Oo Tepencikeyan, noontawihshin o'o kaa⁠kanooninaan! Pisintawihshin kiih⁠shaakowaaninaan ci⁠wiici'iyan!

³ Kiin kihkinawaacipii'amampan macitootamowinan, awenen tahsh ke⁠kashkihtoohpan ci⁠niipawihpan enaahsamiiwatc.

⁴ Shaakooc tahsh kiin kaa⁠poonentamaakeyan macitootamowinan miitahsh kaa⁠onci kohtaanenimikooyan.

⁵ Nimpii'aa hsa kaaTipenciketc misiwe piko nimpimaatisiwinink, nintepwehtamowaanan hsa otihkitowinan.

⁶ Misiwe hsa ko nintishi pii'aa kaaTipenciketc ahpiihc wiin a'a okanawencike kaashi piihtootc ci⁠kishepaawakaninik, ahpiihc wiin a'a okanawencike kaashi piihtootc ci⁠kishepaawakaninik.

⁷ Kiinawaa Isriyalak (Israel) ahpenimonotawihk kaaTipenciketc, aaniihsh osaaki'iwewin kaawiin wiihkaa poonihsehsinini, wenootanini kaye opimaaci'iwewin.

⁸ Wiin hsa piko oka pimaaci'aa' opimaatisiima' Isriyala' kahkina piko kaakii ishi macitootaminitc.