Nikamonan 127 - Ojibwe Kihcimasina'ikan

KaaTipenciketc Ci'ahpenimonotawintipan

¹ Kiishpin hsa kaaTipenciketc oshihtoosik i'i waahkaa'ikan, mii hsa 'i anihshaa e⁠anohkii'itisowaatc iki otanohkiik; kiishpin kaye kaaTipenciketc kanawentansik ootenani kaawiin inkotano ta⁠inaapatisihsiiwak iki okanawencikek.

² Kaawiin hsa kekoon kika inaapacihtoohsiin ci⁠kihci anohkiiyampan eh⁠kakwe pimaaci'itisoyan, wiipa kikishep e⁠wanishkaayan, kinwesh kaye e⁠niipepiyan. KaaTipenciketc ohsha oka ontinamawaa' i'i kaa⁠saaki'aatc mihsawaa ko nipaanitc.

³ Apinoonciisha' hsa mii 'iweni kaaTipenciketc omiikiwewin, mii hsa i'iweni inahke eshi tipa'amaaketc.

⁴ Taapishkoo hsa shimaakanihsh kaa⁠paahtiinwaahkonank pihkwahkoon, mii hsa 'i enentaakosiwaatc iki okosihsimaak kaa‑ayaawintwaa mekwaa kii⁠oshkaatisink.

⁵ Aahpici hsa ta⁠minwentam a'a i'i kaa⁠mooshkinahtootc ini pihkwahkoon pihkwahkowashink! Kaawiin hsa ta⁠shaakoosomaahsii ahpii kiihkaamikotc kaa⁠shiinkenimikotc i'imaa kaa⁠tashi onaahkonitiwintc.