Nikamonan 126 - Ojibwe Kihcimasina'ikan

Naatamaakowi'anami'aawin

¹ Weti kaakii ishi tahkonikooyaankipan kaaTipenciketc itahsh ninkiih pikiiwewinikonaan i'imaa Saayan (Zion) ecikaatek, mii hsa 'i kaa⁠inentamaank taapishkoo i'i ekii inaapantamaank.

² Wiinke ninkii kihci paahpimin, ninkii ina'aamin kaye eh⁠ciihkentamaank. Miitahsh kaakii ihkitowaatc kotak pemaatisiwaatc, “Etatawe hsa okihci minotootaakowaan kaaTipencikenitc!”

³ Tepwe hsa kaaTipenciketc ninkihci ishihcikehtamaakonaan, wiinke hsa ninciihkentaamin.

⁴ Oo Tepencikeyan, taka hsa miinawaa kiiwe minohse'ihshinaam, taapishkoo inahke kaa⁠pimiciwankin siipiin iweti nahke Nekep (Negev) ecikaatek.

⁵ Iki hsa kaa⁠oncikawaapiwaatc e⁠kihtikewaatc, ta⁠nikamowak ahpii manishikewaatc ke⁠ahpiihci minwentamowaatc.

⁶ A'a hsa kaa⁠maacaatc e⁠mawitc, eh⁠pimiwitootc mashkimot eshi piintenikin kihtikaanenhsan waa⁠kihtikaatank, mii hsa awe ke⁠pikiiwetc ci⁠nakamotc ke⁠ahpiihci ciihkentank ci⁠pimiwitootc kaakiih manishank.