Nikamonan 124 - Ojibwe Kihcimasina'ikan

Kishemanitoo Kaakanawenimaatc Opimaatisiima'

Mii 'oweni Peshik Tepit Onikamon

¹ Aaniin kekii ishihsewaakopanen Isriyalak (Israel) kiishpin kaaTipencikenitc wiiciiwikohsikwaapan? Taka hsa o'o Isriyalak ta⁠ihkitowak!

² “Kiishpin hsa kaaTipenciketc wiiciiwihsinowankipan ahpii kaakii shiinkeniminankwaa kii⁠miikaaninankwaa,

³ mii 'i iinsan kikipimaatis cikiih koninankwaapan onsaam aaniihsh kikii kihci nishki'aanaanik.

⁴ Miihsh kaye iinsan cikii nihkipanikoyankipan kaa⁠mooshka'ank, kaa⁠pimiciwanohsek kaye nipi cikii maaciiyaapokonikoyank.

⁵ Nipi kaye kaa⁠kihci mamaankaashkaak mii 'imaa kekii ishi maaciiyaa'okoyankipan.”

⁶ Taka hsa tahsh kaaTipenciketc ta⁠miikwehciwentaakosi, kaa⁠pakitinaasik kaa⁠shiinkenimiyamintwaa ci⁠shaakooci'iyamintwaa.

⁷ Kikiih shaapwiimin hsa taapishkoo pinehshiinsh kaashi shaapwiitc waa⁠ishi kaahcitinintc; eh⁠piikohsek waa⁠ishi kaahcitinikooyankipan, miihsh kaakiih shaapwiiyank.

⁸ KaaTipenciketc owiinsowinink iitok onciimakan ke⁠wiici'ikoyank, wiin kaakii oshihtootc kihcikiishik, ahki kaye.