Nikamonan 122 - Ojibwe Kihcimasina'ikan

Tepit Kii'anami'ehtank Ceroosalam

Mii 'oweni Peshik Tepit Onikamon

¹ Wiinke ninkii minwentam ahpii kii'ishiwaatc, “Taka hsa ishaawaataa kaaTipenciketc owaahkaa'ikanink.”

² Inashke tahsh aasha nimpi takohshinimin kaa⁠onci niipawiyaank kihci ishkwaantenk i'imaa ootenaank Ceroosalamink (Jerusalem)!

³ Ceroosalam hsa kii‑ishihcikaate ci⁠kihci ootenaawank, wiinke iitok ayiici ayaamakan.

⁴ Mii hsa omaa kaa⁠paapahkaanwewaanakisiwaatc Isriyalak (Israel) kaaTipencikenitc tepenimikowaatc kaashi piishaawaatc ekii inaahkonaawintwaapanen cipi anta miikwehciwentamowaatc kaaTipencikenitc owiinsowinini.

⁵ Mii hsa o'omaa Isriyali kihciokimaak kaakiih tanapiwaatc e⁠onaahkonaawaatc opimaatisiimiwaa'.

⁶ Anami'ehtamok hsa Ceroosalam pisaan ci⁠ayayaak, “Taka hsa iki kaa⁠saakihtoowaatc Ceroosalam ta⁠minohsewak.

⁷ Taka kaye pisaan ta‑ayayaaniwan i'imaa piincaya'ii kaashi waahkaayaapihkinikaatek Ceroosalam, pisaan kaye ta⁠inentaakwan i'imaa kaashi aayiicihcikaatekin ahpa'iwewikamikoon.”

⁸ Iki tahsh nintinawemaakanak, kaa⁠saaki'akwaa kaye mii 'owe kaa⁠onci'itamaan Ceroosalam, “Haw, pisaan ayayaan!”

⁹ Owaahkaa'ikanink hsa kaaTipenciketc onci kiKishemanitoominaan mii hsa 'i ci⁠nanaantone'amaan ke⁠onci minohseyan kiin Ceroosalam.