Nikamonan 121 - Ojibwe Kihcimasina'ikan

KaaTipenciketc Kaanaatamawinank

¹ Weti nintinaap ishpimink kaashi pihkwatinaak; aanti tahsh inaa ke⁠onciikipan ke⁠naatamaakoyaan?

² KaaTipenciketc ohsha kaa⁠naatamawitc, kaakii oshihtootc kiishik, ahkiini kaye.

³ Kaawiin hsa kika pakitinikohsii ci⁠pisokehshinowatc; a'a hsa kaa⁠kanawenimihk kaawiin wiihkaa ta⁠noontenkwahshihsii.

⁴ Inashke, a'a kaa⁠kanawenimaatc Isriyala' (Israel) kaawiin wiihkaa ontamiinkwaamihsii kaawiin kaye wiihkaa kawinkwahshihsii.

⁵ KaaTipenciketc ohsha kaa⁠kanawenimihk; wiinke kaye pehsho kaa⁠wiiciiwihk ewii naatamawihk

⁶ Kiisihs hsa mekwaa kiishikaninik kaawiin kika wiihsakaahkisokohsii, tipihkikiisihs kaye tipihkaninik kaawiin kekoon kika inaahpinanikohsii.

⁷ KaaTipenciketc ohsha kika kanawenimik kekoon ci‑ishihsewaahsiwatc; oka kanawentaan kaye kipimaatisiwin.

⁸ KaaTipenciketc ihsa kaa⁠kanawenimihk ani maacaawatc miinawaahsh pikiiwewatc; noonkom, nehpic iko kaye kika ishihcike'ik.