Nikamonan 110 - Ojibwe Kihcimasina'ikan

KaaTipenciketc Kaakii'onaapamaatc Kihciokimaan

Mii 'oweni Peshik Tepit Onikamon

¹ KaaTipenciketc okii'inaan kaaTipenimimitc, “I'imaa ishi namatapin ninkihcinihkink inahke, paanimaa hsa kika ishi'in ci⁠shaakooci'atwaa kaa⁠nishkenimihkwaa.”

² KaaTipenciketc ihsa kika miinik okimaawi mashkawisiiwin Saayanink (Zion) ci⁠onci tipencikewatc o'o ci‑inihk, “Tipenim hsa iki kaa⁠shiinkenimihkwaa.”

³ Ahpii hsa kiishikaninik miikaanimatc kaa⁠shiinkenimimihk, kipimaatisiimak hsa eshkwaaht iko ta⁠inentamok ci⁠wiici'ihkwaa. Taapishkoo kaa⁠shaapopiihkamikaak wiipa kikishep mii hsa 'i ke⁠ishinaakosiwaatc oshkiniikiwak kepi naasihkawihkwaa eshi'ayaawatc waciink kaa⁠kihtentaakwaninik.

⁴ KaaTipenciketc hsa kii⁠ahpimo ekii ahshotamaaketc kaawiin kaye ta‑aantentansii, o'o ekii ihkitotc, “Kiin hsa nehpic kikihci anami'ewikimaaw taapishkoo Melhkisitehk (Melchizedek) kaakii ishi kihci anami'ewikimaawitc.”

⁵ KaaTipenciketc ohsha kiwiiciiwik kikihcinihkiink inahke, ahpii hsa kiishikaninik nishkaatisitc wiinke hsa oka piihsipinaa' kihciokimaa'.

⁶ Oka onaahkonaa' hsa kaa⁠tahswewaanakisinitc pemaatisinitc, ci⁠ohkohshimaatc ke⁠nihsimintc kaa⁠tashi miikaatiwintc; oka shaakooci'aa' hsa kaye kahkina kihciokimaa' misiwe ahkiink.

⁷ A'a tahsh kihciokimaa ta⁠ontaakamancike i'imaa siipiinhsink kaa‑ayaanik ciikihkana ke⁠onci mashkawi manci'otc ci⁠onci shaakoocihtwaatc.