Nikamonan 1 - Ojibwe Kihcimasina'ikan

Eshishawentaakositc Kaakwayahkwaatisitc

¹ Aahpici hsa shawentaakosi awiya kaashi pimohsehsik inahke kaa⁠ihkitonitc awiya' kaa⁠maci'ishiwepisinitc; kaa⁠wiicikaapawihtawaahsik kaye eshi pimaatisinitc omacitootamoo'; kaa⁠wiitapimaahsik kaye ci⁠wiici kakitoomaahpan i'i kaa⁠nihtaa paahpinotaakenitc.

² Tekwac itahsh kaa⁠minwentank e⁠na'ihtank enaahkonikenitc kaaTipencikenitc, kaa⁠naanaakatawentank kaye kekapekiishik, kekapetipihk kaye.

³ Miitahsh o'o keshinaakositc taapishkoo mihtik kaa⁠kihtikaasonitc ciikaya'ii kaashi pimiciwaninik nipi, kaa⁠nihtaawikihtootc shiiwimiicim ahpii kaa⁠nihtaa nihtaawikininik; otaniipiihshim kaye kaa⁠paahtehsininik. Aaniin hsa ko eshihciketc tashi minohse.

⁴ Kaa⁠maci'ishiwepisiwaatc itahsh wiin kaawiin i'i ishinaakosihsiiwak. Mii hsa wiinawaa eshinaakosiwaatc taapishkoo pahkweshikanashk kaa⁠maacii wepaahsinkin ahpii kiih⁠kisiiyaahsicikaatekin pahkweshikaniminan.

⁵ Kaa⁠maci'ishihcikewaatc itahsh wiin kaawiin ta⁠shaapwiihsiiwak ahpii tipaahkoniwenitc Kishemanitoon. Kaawiin kaye ta⁠pakitinaahsiiwak ci⁠ayaawaatc eshi maawaci ayaanitc Kishemanitoo okwayahkwaatisiimini.

⁶ Okwayahkwaatisiik hsa wiin okihkinowinikowaan, onaatamaakowaan kaye kaaTipencikenitc. Iki tahsh wiin kaa⁠maci'ishiwepisiwaatc ta⁠ishaawak nihshiwanaatisiwinink.