1 Timahti 2 - Ojibwe Kihcimasina'ikan

Aaniin keinentaakosiwaatc otanami'aak e'maawaci'itiwaatc

¹ Niikaan itahsh ninkakaansontaan cianami'ehtamawintwaa kahkina awiya ehpakohsenimonk, e'nanaahkomonk, e'nantotamaakenk kaye.

² Iki kaye ta/⁠anami'ehtamawaawak kihciokimaak, kahkina kaye awiyak kaakihtentaakosiwaatc, pisaan cionci⁠pimaatisiyank, misiwe kaye ci‑ishianami'ewaatisiyankipan kaye ciayaankwaamisiyank.

³ Amiitahsh o'oweni kaaonishihshininik kaaminonank Kishemanitoo kaapimaaci'inank,

⁴ e'antawenimaatc kahkina awiyan cipimaaci'imintc, cianikihkentaminitc kaye i'i tepwewin.

⁵ Aaniihsh peshik ayaa Kishemanitoo, shikwa peshik ayaa kepeshiko'iwetc keonciwiiciintinitc Kishemanitoon, ininiwa' kaye. Mii 'awe Ciisahs kaaininiiwitc,

⁶ kaakiihpakitinitisotc ekiiwiih⁠tipa'ikehtamawaatc kahkina awiyan, mayaa ekii'ocihcihsek cioncikihkencikaatek e'antawenimaatc Kishemanitoo kahkina awiyan cipimaatisinitc.

⁷ Mii 'owe onci ninkii'inanoonik ciotishinisha'waakanimitc Kishemanitoo, ciawikihkino'amawakwaa iki kaaCoowiwihsikwaa, owiintamaake kaye citinowiyaan, cipapaatashintamaan tepwehtamowin, tepwewin kaye. Kaawiin ninkiiwanimohsii, nintepwe hsa ko.

⁸ Misiwehkamik ninantawenimaak ininiwak cianami'aawaatc, wawiinke hsa ko kaatipenimikowaatc Kishemanitoon, kaakashkihtoowaatc ci‑ishiompinihkeniwaatc e'anami'aawaatc, aaniihsh kaawiin nishkaatisihsiiwak, kaawiin kaye kakweshaakoosontihsiiwak.

⁹ Ninantawenimaak itahsh ihkwewak kwayahk iko cikakwe⁠ishi'owaatc, nipwaahkaawinink ci‑ishi⁠kakwe⁠minohkonayewaatc. Kaawiin kaye onsaam oka⁠kakwe⁠minwaahkwa'ansiinaawaan wiinisihsiwaan, kaawiin kaye osaawi shooniyaan ciwaweshi'owaakewaatc, kaawiin kaye kaa/⁠aahkwakinsonitc naapihkaakanimina', ini kaye e'aahkwakintenikin kikishkikanan okakakwe⁠kikishkansiinaawaan.

¹⁰ Nawac itahsh ishinaakwanini 'a ihkwe ci‑ishiwaweshi'owaaketc minohcikewinan, kaainentaakosinitc ini tino ihkwewan ninkohtaanenimaa Kishemanitoo kaaihkitonitc.

¹¹ Taka hsa noohkaatisiwinink okashikakwe kihkentaanaawaa kekoonan, awaac iko pankii cikakwetipeninkehsikwaa.

¹² Kaawiin nimpakitinaahsii ihkwe cikihkino'amaakehpan kiimaawaci'itinitc otanami'aa'. Kaawiin oka‑⁠kakwe‑⁠kapihkawaahsii' ininiwa' cikakwetipenimaatc. Pisaan tapisintam.

¹³ Aaniihsh niikaan kii'oshi'aakaniwi a'a Aatam (Adam), miitahsh kewiin Iip (Eve) kii'oshi'aa.

¹⁴ Kaawiin wiin mayaa kii'wayeshimaakaniwihsii inini, 'awe hsa nihtam ihkwe kii'wayeshimaakaniwi. Mii 'awe nihtam ekiihpiikonank Kishemanitoon otinaahkonikewinini.

¹⁵ Iki tahsh ihkwewak tapimaaci'aawak aniokaakaamaawiwaatc kiishpin kaye kapeaya'ii aniayaawaatc tepwehtamowinink, saaki'iwewinink, minwaatisiwinink, ani⁠kiki⁠ayaawaatc kaye 'imaa ayaankwaamisiwinink.