इफिसियां 3 - ओङ राजपूतनेरीया जातिया मां पौलुस ची सेवा 1 ऐ वजह कनु मैं पौलुस नेरीया जातिया वास्ते ईशु मसीह चा प्रचार करने आला गुलाम बणला आला छै 2 अगर तम्ही नरीकारा चे ओ अनुग्रह चे प्रबन्ध चा समाचार सुणला हो, जको तम्चे वास्ते मनु ङिला गेला, 3 यानिकि नरीकारा ने ओ भेदा नु जको मनु दर्शन चे जरिये ङिखाणला जानु मैं तम्हानु थोडे़ लिखती चुकला। 4 जानु पढ़ती तम्ही समझती गेले वी कि मैं मसीह चे भेद किठे तक समझती गेला। 5 पेहले ओ भेद लौका नु कोनी बावड़ला गेला ते हमा पवित्र आत्मा लारे भविष्यवक्ता ते प्रेरितां नु बावड़ला गेला। 6 मतलब हा छै कि, ईशु मसीह मां सुसमाचार चे जरिये नेरीया जातिया चे लौक यहूदिया लारे विरासत मां भईवाल हुती गेले, ते मसीह चे हेक ही शरीरा लारे ते वायदे मां भईवाल हुले। 7 मैं नरीकारा चे अनुग्रह चे ओ दान चे अनुसार, जको ओची सामर्थ चे प्रभाव चे अनुसार मनु ङिला गेला, ओ सुसमाचार चा सेवक बणला। 8 मैं सारे पवित्र लौका कनु छोटा छै, मनु हा वरदान मिड़ला कि मैं नेरीया जातिया मां जती कर मसीह चा बेशकीमती शान्ति चा धन चा सुसमाचार सुणावे। 9 ते मैं सारे लौका वास्ते वा भेद लारे भरली आली योजना नु प्रकट करे जको सारीया चीजा नु रचने आले नरीकारा मां संसारा चे शुरुआत मां ही लुकली आली हुती। 10 ताकि हमा कलीसिया चे जरिये, नरीकारा चा कई तरह चा ज्ञान, स्वर्ग़ा ची जग़हा मां प्रधान ते अधिकारीया चे उपर प्रकट करला जाओ। 11 वे सनातन मनसा चे अनुसार जको ओणे अम्चे मसीह ईशु मां पुरी करली हुती। 12 मसीह मां हुती कर ओचे उपर विश्वास करने लारे अम्हानु हिम्मत ते भरोसा हुला कि अम्ही नरीकारा चे गोढु जा सग़ु। 13 मैं बिनती करे पला जको क्लेश माये मां हुवी पले ओचे मां तम्ही हिम्मत ना हारा कांकि वांचे मां तम्ची महिमा छै। मसीही चा प्रेम 14 मैं ये वजह कनु ओ नरीकारा चे सामणे गोङे टेके पला, 15 जाये कनु स्वर्ग़ ते धरती उपर, हर हेक कुणम्बे चे नां राखले जाये, 16 मैं प्राथना करे कि ओ आपणी महिमा ची दौलत चे अनुसार तम्हानु हा दान ङियो कि तम्ही ओचे पवित्र आत्मा कनु आपणे दिला मां सामर्थ गेहती कर ताकतवार बणते जावा। 17 ते विश्वास लारे मसीह तम्चे मना मां बसो कि तम्ही प्रेम मां ज़हड़ पकड़ती ते नीम चे उपर टिकले रिहा । 18 सारे पवित्र लौका चे लारे भली भान्ती समझणे ची शक्ति मिली कि ओची लम्बाई चौड़ाई ऊचाई गहराई कितनी छै, 19 ते तम्ही मसीह चे ओ प्यारा नु जाणती गिहा जको समझ कनु ब़ाहर छै ताकि तम्ही नरीकारा ची भरपूरी लारे भरीती जावा। 20 हमा जको इसड़ा सामर्थी छै, कि अम्ची बिनती ते समझ कनु कहीं ज्यादा काम कर सग़े, वे सामर्थ चे अनुसार जको अम्चे मां काम करे, 21 कलीसिया मां ते मसीह ईशु मां ओची महिमा पीढ़ी कनु पीढ़ी तक युगानयुग हुती रिहो। आमीन। |
CC BY-NC-ND 4.0