3 यूहन्ना 1 - ओङ राजपूतनमस्कार 1 मैं यहून्ना, कलीसिया चा अग़ुवा हा चिठ्ठी प्यारे गयुस चे नांवे लिखे पला, जाये लारे मैं सच्चा प्रेम राखे। 2 हे प्यारे, माई हा प्राथना छै कि जिंवे तु आत्मिक बढोतरी करी पला, यूंही तु सारीया बाता मां बढ़ोतरी कर ते भला चंगा रेह। 3 कांकि जिसे बेले भावां ने आती कर दुधी वा सच्चाई ची ग़वाही ङिली, जाये उपर तु सच्चमां चली वी, तां मैं घणा खौश हुला। 4 मनु ऐचे कनु बढ़ती कर नेरी कुई खुशी कोनी हुली, कि मैं सुणे, कि माई ब़ाले सच्चाई चे मार्ग़ उपर चली पली। गयुस ची बढ़ाई 5 हे माये प्यारे, जको कोच्छ तु विश्वास करने आला भावां चे वास्ते करी, जको प्रदेसी छी, ओनु विश्वास चे रूपा मां करी। 6 ना कलीसिया चे सामणे दुधे प्रेम ची ग़वाही ङिली। अगर तु वानु ओ तरीके लारे विदा कर, जिंवे नरीकारा चे लौका चे वास्ते ठीक छै ते आच्छे छै। 7 कांकि वे मसीह चे नांवा चे वास्ते निकड़ले, ते जको नरीकारा नु ना मनी वाकनु कहीं वी ना गिही। 8 ऐवास्ते अम्ही विश्वास करने आला नु इसड़े सम्भालु, ताकि अम्ही वी वांचे लारे सच्चाई चे लारे काम करने आले हुती जऊं। दियुत्रिफेस ते दिमेत्रियुस 9 मैं कलीसिया नु कहीं लिखले हुते, पर दियुत्रिफेस जको वांचे मां बङा बणना चाहवे, अम्ची ना मनी। 10 ऐवास्ते जिसे बेले मैं आवी, ते ओचे कामा नु जको ओ करता आला याद ङिवावी। वे बेकार मां अम्चे वास्ते गन्दिया-गन्दिया बाता केहती कर दोष लावे, इतने लारे वी जी ना भरीजी, विश्वास करने आला भावां चा ते ना ते खौद्द स्वागत करे, ते ना कानु करु ङिये, ते जको वांचा स्वागत करे, वानु कलीसिया कनु ब़ाहरु काढ़ती छोड़े। 11 हे प्यारे, बुराई चा ना पर भलाई चा पीछा करा। जको भलाई करे, ऊं नरीकारा ची ओर कनु करे, जको बुराई करे, ओणे नरीकारा नु कोनी जाणले। 12 दिमेत्रियुस चे बारे मां सारा ने, बल्कि ग़वाही ङिली इठे तक वी वा सच्च वी छै। ते अम्ही ग़वाही ङिऊं पले, ते तु जाणी, कि अम्ची ग़वाही सच्ची छै। आखरी नमस्कार 13 मनु दुधे वास्ते ब़ोहत कोच्छ लिखणे तां हुते, पर कलम ते स्याही लारे लिखणे ना चाहवी। 14 मनु आस छै कि दुधे लारे जल्दी भेंट करी, तब अम्ही आमणे-सामणे बातचीत करु। 15 तनु शान्ति मिलती रिहो। इठले मित्र तनु नमस्कार किही पले। उठले मित्रा चे नां गेहती-गेहती कर नमस्कार केहती ङियो। |
CC BY-NC-ND 4.0