ሮሜ 9 - ኦራ ጫ̈ቃ ማጻ̈ፋ

ጾ̈ሳ̇̇̈ዲ ኢሲሬ̈ላ ዎርዣ ማራ̇ጺዴ

¹ ክርስቶ̈ሲ ታ ማርካ̇ ቴ ኪንን ሶ̈ላ̈ሬ፤ ማቃ̇ባሴ፤ ታ ማቃ̇ባሶን ቴ ቡ̈ዲንዳ ጌ̈ሻ̇ ኣያ̇ናባር ታ̈ብ ማርኪ̇ታ̈ሬ።

^2-3 ቴ ዜርን ኣይሁዳን ጊሽ̇ ታ̈ቦ ጴች ኣዛናኬ ታ ጋልዳፖ̇ ፋኪባ̈ሶ ቆፊ ቴ ቡ̈ዲን ጋርታ ዎ። ታ̈ኒ ኢንታ̇ ጊሻ̇ቦ ጋ̈ራ ክርስቶ̈ሳ ጋልዳፖ̇ ፋጊንታ̇ራ ጾ̈ሳ̇ ጎይላ ታ ጋልዳ ዬ̈ይርካር ቴ ዶሳርዶ̈ን።

⁴ ኢንቲ̇ ኢስሬ̈ላ ዜር፤ ጾ̈ሲ ኢንታ̇ ፌ ናኢ ማሂኔ፤ ፌ ቦንቺ̇ን ኢንታ̇ብ ቤይሲኔ፤ ኢንታ̇ባር ቃ̈ላ ጌሊኔ፤ ኢንታ̇ብ ሂጋ̇ ኢሚ̇ኔ፤ ጾ̈ሳ̇ዳ ኪንባር ጎሽታ̇ዝ ጎይን ኢንታ̇ ቤይሲኔ፤ ታስፋ ቃ̈ላ ኢንታ̇ብ ኢሚ̇ኔ።

⁵ ኢንቲ̇ ሚኖ ኢስሬ̈ላንቦ ባ̈ቢንታ̇ ማ̈ቂ̇ኖን ጋልዳፖ ዬሊንቲ̇ኔ፤ ክርስቶ̈ሳር ኢንታ̇ ዜር ጋርታ̇ፖ ዬሊንቲ̇ኔ፤ ኢ ዎይፖ ሾክ ጌይኖ̈ዳ፤ ማ ኢ ሜናብ ኣንጂንቲ̇ኖ ጾ̈ሴ̇። ኣሚንኤ!

⁶ ማ̈ቂኔካሬ ጾ̈ሳ̇ ቃ̈ላዲ ኣቲ̇ኔ ጌንት ጊዳካ̇ዬ፥ ኢስሬ̈ላ ዜር ዎይ ኪን ኢስሬ̈ላ ጊዳካ̇ዬ።

⁷ ዪና̇ ኢዝፌ̈ኒ ኣብራሃ̈ማ ዜር ዎይ ኣብራ̈ሃማቦ ናኤ ጌንት ጊዳካ̇ዬ፤ ጾ̈ሲ̇ ኣብራሃ̈ማኮ “ኔ̈ብ ዜር ኬስኪ̇ዛዲ ዪሳ̈ቃ ጋርታፖ̇” ጌይኔ።

⁸ ዪና̇ ጌዪንቲ̇ኖንዳ ኣሳ ቆፊፌ̈ን ዬሊንቲኖን ጾ̈ሳ̇ብ ናኢ ጊዳካ̇ዬ፤ ዎቲናካሬ ኣብራሃ̈ማ ዜር ማ̈ቂ̇ ፋይዲንቲ̇ዛን ጾ̈ሲ ኢሚ̇ኖ ታስፋ ቃ̈ሊምባራ ዬሊንቲ̇ኖ ናኣን።

⁹ ዪ̈ዳሬ ጾ̈ሲ ኢማ̇ንዳ ጌዪ ሶ̈ሊኖ ታስፋ ቃ̈ሊንዳ “ጊዴቤር ኬ̈ል ዓኖ̇ ቴ ዬ̈ንዳ፤ ሳ̈ራሬ ኣቲና ናኢ ዬላ̈ሬ” ዪዝ ጌይዝ ቃ̈ላ።

¹⁰ ዪ̈ ሙታ̇ ጊዳካ̇ይዶን ኢርቢቃ ኑ ባ̈ባ̈ ዪሳ̈ቃ ጋልዳ ሜንቲ ናኣን ዎዳጻ̇ዴ።

^11-12 ጾ̈ሲ ኣስ ማራ̇ጺዛዲ ኣሳ ኦ̈ሳባር ጊዳካ̇ይዶን ጾ̈ሳ̇ዲ ፌ ኮዪኖንዲፌ̈ኒ ጼይጋዚን ኣሳብ ኤሪንታ̇ምፔ̈ን ናኣን ሜንታ̇ን ዬሊንታ̇ካ̇ይዶ̈ንኬ ኢ̈ት ባዚ ዎይ ኮሽ ባዝ ኦ̈ናፖ̇ ቲ̈ን፥ ጾ̈ሳ̇ዲ ኢርቢቂኮ “ኢሻ̈ዲ ጌ̈ዳ̈ቦ ኪ̈ቲንቲ̈ሬ” ጌይዴ።

¹³ ዪ̈ዳሬ ጌ̈ሻ ማጻ̈ፋ ጋልዳ “ታ̈ኒ ዓይቆ̈ባ ካዴ፤ ኤ̈ሳ̇ ኢጻ̇ዴ” ጋ̈ሪ ጻ̈ፊንቲ̇ኖንዲፌ̈ኔ።

¹⁴ ዪዚ ኑ ዎዛር ጋ̈ኔ? ጾ̈ሲ ኣስ ዎልፌ̈ን ቤቂ̇ባ̈ሴ ጋ̈ንዳብ ዳንዳኢ̈ራ? ጾ̈ሳ̇̇̈ ኣስ ዎልፌ̈ን ቤቂ̇ባ̈ሴ ጋ̈ንዳብ ዉርሲ ዳንዳኢባ̈ሴ።

¹⁵ ጾ̈ሳ̇̇̈ዲ ሙ̈ሳኮ “ታ̈ኒ ማ̈ራንዳብ ኮዪኖ ማ̈ራ̈ሬ፤ ቴ ሚጪንታ̇ንዳብ ኮይኖ̈ቦ ሚጪንታ̇̈ሬ” ጌይኔ።

¹⁶ ዪ̈ኮታ̇ቦ ጾ̈ሳ̇ ኣስ ማራ̇ጺዛዲ ኣሲ ኮዪኖዲፌ̈ንኬ ኣሳ ኦ̈ሳባር ጊዳካ̇ይዶን ጾ̈ሳ̇ ፌ ማ̈ሪቲባር ኣስ ማራ̇ጺ̈ሬ።

¹⁷ ጌ̈ሻ ማጻፋ ጋልዳ ጊብጻ ካ̈ታ ፋ̈ሮ̈ናኮ “ታ̈ኒ ኔባራ ቴ ዎሊቂን ቤይሳንዳ̇ብኬ ቴ ሱምንዳ ኣላማ ጋልዳ ዎይ ኤሪንታ̇ምፔ̈ኒ ቴ ኔ̈ና ካዉቲሲኔ” ጌይዝ ቃ̈ላ ጻ̈ፊንቲ̇ኔ።

¹⁸ ዪ̈ኮታ̇ቦ ጾ̈ሲ ፌ ኮዪኖ ኣስ ማ̈ሪ̈ሬ ማ ፌ ኮዪኖ ኣሳን ቡዲን ዛቢሲ̈ሬ።

ጾ̈ሳ̇ ጎይላ̈ዲኬ ጾ̈ሳ̇ ማ̈ሪቲ̈ዲክ

¹⁹ ዪ̈ኮታ̇ቦ “ጾ̈ሲ̇ ፔቲ̇ ባዝ ኦ̈ንዳ ጌዬጌይን ‘ዪ̈ ማ̈ቂ̇ባ̈ሴ’ ጋ̈ሪ ኢያ ካዪዝ ኣሲ ባዬ̇፤ ዓት ዪ̈ዶኮ ኢ ዓኒ ማ̈ቃ̇ሪ ‘ኔ ዪኖ̇ ኣባብ ዪስታካ̇ይ ኣቲ̇ዬ?’ ጋ̈ሪ ኣባብ ኦይጪ̇̈ራ?” ጋ̈ራ ኔ ታ̈ና ኦይጫ̇ዝዳ።

²⁰ ኣን ና̈ሳ ዓ̈ዶ! ጾ̈ሳ̇̇ባር ዋጫንዳብ ኔ ኦ̈ኖ? ኦቲ ፌ̈ና ኮቺ̇ኖ ና̈ሳ̈ኮ “ኔ ኣባብ ዓኒ̈ፌን ዎታር ታ̈ና̈ ኮቺ̇?” ጋ̈ንዳብ ዳንዳኢ̈ራ?

²¹ ኦት ኮቺ̇ዝ ናሳ̈ዲ̇ ፌ ቶቅሊንዶ ፌ ኮይኖ ባዝ፥ ዶካ̇ን ቦንች ባዛቦ ማ ዶ̈ካን ጊ̈ላ̇ ፋባ̈ሶ ኦ̈ሳቦ ማ̈ቃ̇ምፔ̈ኒ ማሃር ኦ̈ንዳብ ዳንዳኢባ̈ሳ?

²² ጾ̈ሳ̇̈ ፌ ጎ̇ይላ ቤይሳንዳብኬ̇ ፌ ዎልቂ̈ን ኤርሳንዳብ ኮያሪ ያብኬ ጾ̈ሳ̇̇ ጎይላብ ጊ̈ጊንቲ̇ኖ ኣሳን ኢንታ̇ ዎይሊን ጋርዣር ዳንዳኢናካር ኔ ዎይዲ ኤራ̈ራ?

²³ ኢ ዪ̈ኖ̇ ዎቲ̇ኖ̈ንዳ ኢ ቲ̈ኒ̈ታር ፌ ቦንቺ̇ን ኢንታ̇ብ ኢማ̇ንዳቦ ጊ̈ጊሲኖ ማ̈ሪቲ ዲጛንዳብ ኮሺ̇ዝ ኣሳንቦ ፌ ቦንቺ̇ን ዎይሊንን ቤይሳንዳቦ።

²⁴ ኢ ኑ̈ና ማ̈ሪ̇ቲ̈ብ ኮቺ̇ኖ ኣሳን ኣይሁዳን ጋርታ̈ፖ̈ ሙታ̈ ጊዳካይዶን ኣይሁድ ባዮ̇ንር ጼይጊ̈ኔ።

²⁵ ጾ̈ሲ ናባ̈ ሆ̈ሳኢባር ማ̈ቃ̇ር ሶ̈ሊ̈ርዶሪ፤ “ታ̈ኒ ቴ ዎርዣ ጊዳካዮን ‘ቴ ዎርዣ’ ጌያ ጼይጋንዳ፤ ካንቲ̈ባሶ ዎርዣን ‘ካንቲ̈ኖን’ ጌያ ጼጋ̈ንዳ፤

²⁶ ኢንቲ ‘ቴ ዎርዣ ጊዳካ̇ዬ’ ጌይኖ ቤስ̇ ጋልዳ ‘ዓይቂ̇ባ̈ስ ሼምፓባር ዶኢዝ ጾ̈ሳ̇̇ ና̈ኣን’ ጌዪ ጼይጊንቲ̇̈ሬ” ጌይኔ።

²⁷ ናባ̈ ኢሳ̈ሲ ኢስሬ̈ላ ኣሳን ባዝ ሶ̈ሊ̈ርዶሪ ፌ ቆ̈ ሾክ̇ ዎታሪ “ኢስሬ̈ላ ና̈ኣን ሜላ ኣቲ̈ን ባሃራ ጋርቶ ሻ̇ማ̈ፌ̈ን ዎይሊናካሬ፥ ኢንታ̈ ጋርታ̈ፖ ፋጺዛን ጊላ̇።

²⁸ ኣባ ጌዪን ጎዳ̈ዲ ሳዛ ጋልዳ ዎ ኣሳ ዎይ ጋልዳ ኤሊር ውርሲ ፊርዲ̈ሬ” ጌይኔ።

²⁹ ዪ̈ዳሬ ናባ̈ ኢሳ̈ሲ ቲ̈ኒታር “ዎይቦ ጎዳ̈ዲ ኑ̈ቦ ዜር ኣሻካ̇ይፌንኮ ዎን፤ ኑ̈ኒ ሶ̈ዳ̇ማ ካታሚንዲፌ̈ንኬ ጋሞ̈ራ ካታሚንዲፌ̈ን ዪ̈ርዶ̈ን” ጋ̈ሪ ሶ̈ሊኔ።

³⁰ ዪዚ ኑ ዎዛር ጋ̈ኔ? ጺ̈ሊ̇ቲ ኮያካ̇ዮ ኣይሁድ ዜር ባዮ̇ ኣሳን ኣማ̇ናባር ቤንታ̈̇ዝ ጺሊ̇ቲን ዲጚዴ።

³¹ ዎቲናካሬ ጺላ̇ ማሃዝ ሂጊ̇ን ኮዪሙታ̇ ዎ ኢስሬ̈ላን ጺላ̇ ማ̈ቃ̇ንዳብ ዳንዳኣካ̇ዬ።

³² “ኢንቲ̇ ኣባቦ ጺላ̇ ማ̈ቃ̇ንዳብ ዳንዳኣካ̇ይ ኣቴ̈?” ጌይን ኢንቲ̇ ጺሊ̇ቲ ዲጛንዳብ ኮዪኖንዳ ኣማ̇ናባር ጊዳካ̇ይዶን ኦ̈ሳባራ ማ̈ቂ̇ኖንኮታ̇ቦ ፊ ሹቺ̈ምባር ብንቲ̇ዴ።

³³ ዪና̇ሬ፥ “ቤቂ̇ብቴ! ኣስ ብዝ ሹች̇ ጺዮ̈ና ካታሚን ጋርታ ጋዳ̇ንዳ፤ ዪ ሹቻ̈ዲ ኣስ ብሪ ቶጚዝ ሹቼ̇፤ ዎቲናካር ኢያ ኣማ̇ኒዝ ኣሲ ዬ̈ልቂ̇ባ̈ሴ” ጋ̈ሪ ጌ̈ሻ ማጻ̈ፋ ጋልዳ ጻ̈ፊንቲ̇ኖንዲፌ̈ኔ።