ሮሜ 3 - ኦራ ጫ̈ቃ ማጻ̈ፋጾ̈ሳ̇̇̈ዲ ኣማ̇ኒንቲ̇ኖ ጾ̈ሴ̇ 1 ዪዚ ኣይሁዳን ኣይሁድ ባዮንፖ̇ ኣብዝባር ሺ̈ራ? ኣሲ ጋራዚንታ̈ዚን ኣብዝ ማ̈ዳ̇̈ራ? 2 ኣይሁድ ማ̈ቃ̇ዚንዳ ዎይሊን ጎይባራ ሺሬ፤ ዎይፖ̇ ቲ̈ን፥ ጾ̈ሳ̇̈ዲ ፌ ቃ̈ሊንዶ ኣይሁዳንቦ ዓዳራ ኢሚ̇ኔ። 3 ኣይሁዳን ጋርታፖ̇ ፔታ̇ን ፔታ̇ናን ኣማ̇ናካ̇ይ ኣቲ̇ኒሼ? ኢንቲ̇ ኣማ̇ናካ̇ይ ኣቲ̇ኖንዳ ጾ̈ሳ̇̇̈ዲ ኣማ̇ኒንቲ̇ኖ ማ̈ቃ̇ዚን ካያ̈ራ? 4 ዉ̈ርሳ ካያባሴ! “ኔ ሶ̈ላዝ ቃ̈ሊንዳ ኔ ኪን ማ̈ቂ̇ኖን ኤርሳ̈ሬ፤ ኔ ጻላ̈ታዳር ኔ ሞ̈ታ ዎ̈ሬ” ጋ̈ሪ ጻ̈ፊንቲ̇ኖንዲፌ̈ን ኣሲ ዎይ ዎርዳ ማ̈ቂናካሬ ጾ̈ሳ̇̇̈ዲ ኪን ማ̈ቂ̇ኖን ኤሪንቶ̇። 5 ዎቲናካሬ ኑ ናጋራ̈ዲ ጾ̈ሳ̇̇̈ ጺሊቲን ኮሺንቺ̇ ቤይሲ̈ርኮ ዪዚ ኑ ኣብዝ ጋ̈ኔ? ጾ̈ሳ̇̇̈ ኑ ናጋሪምቦ ኑ ጋልዳ ጎይላ ኤሄጌይንዶ ኢ ኪን ፊርዲባ̈ሴ ጌንታ? ዪኒ ጋልዳ ቴ ኣሳ ቆፊፌ̈ን ሶ̈ላ̈ሬ። 6 ዪ̈ፌ̈ን ማ̈ቃ̇ንዳቦ ዳንዳኢባ̈ሴ። ዪ̈ፌ̈ን ማ̈ቄ̇ጌዪን ጾ̈ሲ ኣላሚን ጋርታ ዎ ኣሳን ጋልዳ ዎዛርታ̇ር ፊርዳንዳብ ዳንዳኢ̈ራ? 7 “ታ̈ኒ ማቃ ማቂ̇ዝ ኣስ ማ̈ቂ̇ኖንዳ ጾ̈ሳ̇̈ ኪንቲን ቤይሳ ኢ̈ቦ ቦንች ጉጃ̈̇ርኮ፤ ታ̈ና ናጋራንቻ̇ ጌዪ ጾ̈ሲ̇ ኣባቦ ታ ጋልዳ ፊርዲ̈ራ?” ጋ̈ሪ ዋጪዝ ኣሲ ዶኣንዳ̇ብ ዳንዳ̇ኢ̈ሬ። 8 ዓት ዪ̈ዶኮ “ኮሽ ባዚ ዬ̈ምፔ̈ን ኢ̈ት ባዝ ኦ̈ስቶ” ጋ̈ሪ ኑ̈ኒ ሶ̈ሊባ̈ሳ? ኪን ፔቲ̇ ፔቲ̇ ኣሳን “ኢንቲ̇ ዪ̈ዲፌ̈ን ጌዪ ታማ̈ርሲ̈ሬ” ጋ̈ሪ ኑ̈ና ቆ̈̈ሬ፤ ዪ̈ኮታ̇ቦ ዪን ኣሳን ጋልዳ ዬይዝ ፊሪዳ̈̇ዲ ኪን። ኣሲ ዎይ ናጋራንቻ 9 ዪዚ ኑ ኣብዝ ጋኔ? ኑ̈ኒ ኣይሁድ ባዮ̇ ኣሳንፖ ሺራ? ኣባካር ሺባሴ! ኣይሁዳር ማ̈ቆ̇ ኣይሁድ ባዮ̇ንር ማ̈ቆ̇ ዎይን ናጋራንቻ̇ ማ̈ቂ̇ኖን ታ̈ኒ ቲኒታ̇ር ኤርሲኔ። 10 ጌ̈ሻ ማጻ̈ፋ ጋልዳ ጻ̈ፊንቲ̇ኖንዲፌ̈ኒ፥ “ጺላ ኣሲ ኦ̈ናካር ባዬ̇፤ ሜላ ኣቲን ፔታ̇ናር ባዬ̇። 11 ቆፒ̇ዝ ኣሲ ባዬ̇፤ ጾ̈ሳ̇̈ ኮዪዝ ኣሲ ፔታ̇ና̇ር ባዬ̇። 12 ዎ̈ይን ባሊቲ̇ኔ፤ ዎይን ዎልኣ ፔታ̇ን ማዲባሶ ማ̈ቂ̇ኔ። ኮሽ ባዝ ኦ̈ዝ ኣሲ ኦ̈ናካር ባዬ̇ ሜላ ኣቲ̇ን ፔታ̇ናር ባዬ። 13 ኢንታ̇ ኖ̈ና ጋርታፖ ኬስኪ̇ዝ ሶ̈ላዲ ጋራፌ̈ን ጫጚ̈ሬ። ኢንቲ̇ ዎይ ጋላስ ማቃ ማ̈ቂ̇ሬ። ኢንታ̇ ኖ̈ና ጋርታ ሾ̈ሽ ማርዛ ዎ። 14 “ኢንታ̇ ኖ̈ና ሳዳ፤ 15 “ኢንቲ̇ ኣስ ዎንዳቦ ባርቢታ̇ር ሉኪ̈̇ሬ። 16 ኢንቲ̇ ኣ̈̇ኖ ቤስ̇ ዎይ ኣሳ ጋልዳ ይሲኬ ማኒ̇ሲ ዬልሬ። 17 ኢንቲ̇ ሳ̈ሪቲ ቆፊ ቆፒ̇ ኤሪባ̈ሴ። 18 ኢንቲ̇ ጾ̈ሳ̇ቦ ዉርሲ ኢ̈ጪ̇ባሴ።” 19 ሂጊ̇ን ጋርታ ሶ̈ሊንቲ̇ኖ ባዚን ዎይ ሂጊ̇ን ጻና ዎ ኣሳንብ ሶ̈ሊንቲ̇ኖን ኑ̈ኒ ኤሪሬ። ኢዛ ኬስኪ̇ኖንዳ̇ ኣሲ ዎይ ሶ̈ሊ ማሂዝ ባዚ ኢንታ̇ ዪን ዚም ጋምፔ̈ንኬ ሳ̈ዝ ጋልዳ ዎ ኣሲ ዎይ ጾ̈ሳ̇ ቲ̈ን ፊርዳብ ሺ̈ቃምፔ̈ኒዬ። 20 ዪ̈ኮታ̇ቦ ኦ̈ናካር ኣሲ ጾ̈ሳ̇ ቲ̈ን ሂጊ̇ን ጋ̈ዚን ኦ̈ ፎታ̇ሪ ጺሊ̇ባ̈ሴ፤ ሂጊ̇ንዳ ኣሲ ዎይ ናጋራቻ̇ ማ̈ቂ̇ኖን ቤይሳ̈ሬ። ጺሊቲ̇ ኣማ̇ናባር ቤንቲ̇̈ሬ 21 ዎቲናካሬ ዓት̇ ኣሲ ጺላ̇ ማ̈ቂ̇ዛ̈ዲ ሂጋ̇ ና̈ጊ ፎታር ጊዳካ̇ይዶ̈ን ጺሊ̇ቲ ጾ̈ሳ̇̇̈ ጋልዳፖ ቤንቲ̇ዛ ኤሪንቲ̇ኔ። ዪ̈ዳሬ ሙ̈ሳ ማጻ̈ፋ ጋልዳኬ ናባን ማጻ̈ፋ ጋልዳ ጻ̈ፊንቲ̇ኔ። 22 ዪኖ̇ ጺሊ̇ቲን ጾ̈ሲ ኦ̈ናካር ኣስ ፋጋካ̇ይዶር ዬሱ̈ስ ክርስቶ̈ሳ ኣማ̇ኒዛን ዎይንቦ ኢሚ̈̇ሬ። 23 ኣሲ ዎይ ናጋራ ኦ̈ኔ፤ ጾ̈ሳ̇̇ ቦንቺ̇ን ኢንታ ጋልዳፖ ፋኪ̇ኔ። 24 ዪዚ ዬሱ̈ስ ክርስቶ̈ሲ ኣስ ፋንዳቦ ማስቃላ ጋልዳ ዓይቂ̇ኖ ዓይቂንባርኬ ጾ̈ሳ̇ ካንንባር ኣባክ ጪጋካ̇ይ ሜላ̇ ዓሪ ጺሊ̇̈ሬ። 25 ኢያ ኣማ̇ኒኖ ኣሳን ዎይ ኢ ሱ̈ባር ኢንታ̇ ናጋሪን ኢንታ̇ብ ኣቶ̇ ጌዪንታ̇ምፔ̈ኒ ጾ̈ሳ̇̇̈ዲ ዬሱ̈ስ ክርስቶ̈ሳ ዣርሻ ኣ̈ ኢሚ̇ኔ። ጾ̈ሲ ዪኖ̇ ዎቲኖንዳ ኢ ፌ ዳንዳኣባራ ሚን ኦ̈ንቲ̇ኖ ናጋራን ባዮ̈̇ዲፌ̈ን ማሃር ፋይዳሪ ኢ ኪን ፊርዳ ፊርዲ̇ዛ ማ̈ቂ̇ኖን ቤይሳንዳ̇ቦ። 26 ዎቲናካር ዓቶ̇ ኬ̈ሊንባራ ኢ ፌ̈ ጺሊ̇ቲን ቤይሲዛ̈ዲ፥ ዬሱ̈ሳ ኣማ̇ኒኖ ኣሳን ጺላ̇ ማሃዝ ጎይንባራ። 27 ዓት ዪ̈ዶኮ ኑ̈ና ኦቲርሲ̇ዝ ባዚ ኣብዚ ዎ? ኑ̈ና ኣባካር ኦቲርሲ̇ዝ ባዚ ባዬ! ኑ̈ና ኦቲርሳ̇ዚን ኣብዛ? ሂጊ̇ን ፎታ̇ዚን ኮታ̇? ጊዳካዬ! ኑ̈ኒ ኣማ̇ኒኖኮታ̇። 28 ጾ̈ሲ ኣስ ጺላ̇ ማሂዛ̈ዲ ኣሲ ሂጊ̇ን ጋ̈ዚን ፎቲኖ ጊሽ ጊዳካ̇ይዶ̈ን ኣማ̇ናባር ማ̈ቂ̇ኖን ኑ̈ኒ ኤሪ̈ሬ። 29 ዎይ ጾ̈ሳ̇ዲ ኣይሁዳንቦ ሙታ̇ ጾ̈ሳ̇? ኣይሁድ ማ̈ቃ̇ካዮንቦ ጾ̈ስ ጊዳካያ? ኢ ኣይሁድ ባዮ̇ንባሬ ጾ̈ሴ̇። 30 ጾ̈ሲ ፔታ̇ኔ፤ ኣይሁዳር ማ̈ቆ̇ ኣይሁድ ባዮ̇ ኣሳንር ማ̈ቆ̇ ዎይን ኢ ጺላ̇ ማሂዛ̈ዲ ኣማ̇ና ጎይባራ። 31 ዓት̇ ዪዶኮ ኣማ̇ናጊሻ̇ቦ ኑ̈ኒ ሂጊ̇ን ቡጊድ ቶጛር ኣሺ̇̈ራ? ጊዳካ̇ዬ! ሂጊ̇ን ሚን ኤ̈̈ርዶኬ። |