ሮሜ 1 - ኦራ ጫ̈ቃ ማጻ̈ፋ1 ሃዋ̈ራ̈ ማ̈ቃ̇ምፔ̈ን ጼይጊንቲ̇ኖ፥ ጾሳ̇ ዎጛላ ታማ̈ርሳምፔ̈ን ማራ̇ጺንቲ̇ኖ ዬሱ̈ስ ክርስቶ̈ሳ ኣይላ ታ ጳውሎ̈ሳ ጋልዳፖ̇ ኪ̈ቲንቲ̇ኖ ኪ̈ታ። 2 ዪና̇ ዎጛሊንዳ̇ ጾ̈ሳ̇̈̇ዲ̇ ፌ ናባን ጎይባራ ጌ̈ሻ̇ ማጻ̈ፋ ጋልዳ ቲ̈ኒታ̇ር ታስፋ ኢሚ̇ኖ ዎጛላ። 3 ዪና̇ ዎጛሊንዳ̇ ኢ ናኣ̈ዲ ኣስ ማ̈ቂ̇ኖ ጎይባራ ዳ̈ዊታ ዜር ጋልዳፖ̇ ዬሊንቲ̇ኖን ኤሪሳ̈ሬ። 4 ማ ኢ ጾ̈ሳ̇̇ ናኢ ማ̈ቂ̇ኖን ጴች ዎልቃ̇ባራ ኤሪንቲ̇ኖንዳ ኢ ጌ̈ሻ ኣያ̇ናባራ ዓይቃ ጋርታ̇ፖ̇ ዲንዲኖኮታ̇ቦ። 5 ዎርዣ ጋርታ̇ፖ ዎይ ኣሲ ዬሱ̈ሳ ኣማ̇ናንፔ̈ንኬ ኢ̈ብ ኪ̈ቲንታ̇ምፔ̈ኒ ዎታንዳቦ ኑ̈ኒ ሃዋ̈ራ ማ̈ቃ̇ምፔ̈ን ኢዲ̇ላ ኑ̈ብ ኢሚንቲ̇ኔ። 6 ዪንታ̇̇ሬ ዬሱ̈ስ ክርስቶ̈ሳይ ማ̈ቃ̇ምፔ̈ኒ ጾ̈ሲ ጼይጊኖ ኣሳን ጋርታ ፋይዲንቲ̇ኖ ኣሴ። 7 ጾ̈ሲ ካኖንኬ ኢያይ ማ̈ቃምፔ̈ኒ ኢ ጼይጊኖ ሮ̈ማ ካታማ ጋርታ ዎ ኣሳን! ጾ̈ሳ̇̈ ኑ ባ̈ባፔኬ ኑ ጎዳ ዬሱ̈ስ ክርስቶ̈ሳፖ ኢ ኮሺቲንዲኬ ኢ ሳሪቲን ዪንታ̇̇ብ ማ̈ቆ̇ጋቤ። ጳውሎ̈ሲ ሮማ ካታሚን ጋርታ̇ ሉካ̇ንዳብ ኢኒ̇ቲዴ 8 ታ̈ኒ ዎይ ባዛፖ ቲ̈ኒታራ፥ ዪንቲ̇ ዬሱ̈ሳ ኣማ̇ኒኖንዳ̇ ሳዝ ኤ̈ሻ ዎይ ጋልዳ ሲስኪ̇ንቲ̇ኖኮታ̇ቦ ዪንቲ̇ ዎይንጊሽ̇̇ ታ̈ኒ ጎዳ ዬሱ̈ስ ክርስቶ̈ስ ሱምባራ ታ ጾ̈ሳ̇ ጋላታ̈ሬ። 9 ታ̈ኒ ዎ̈ሳ̈ርዶራ ዎይ ጋላስ ዪንታ̇ ቆፓ̇ዚንዶ፥ ታ̈ኒ ፎቲ ቡ̈ዳባር ኢ ናኣ ዎጛሊን ጎይ ታማ̈ርሳሙታ̇ ዬዝ ጾ̈ሳ̇̈̇ዲ ታ̈ቦ ማርካ̇። 10 ዓት ዉርሲን ጋልዳ ጾ̈ሲ ጌዬጌይን ታ ዪንታ̇̇ክ ሉካ̇ንዳቦ ጎይን ታ̈ብ ኮሽካ̇ምፔ̈ን ታ̈ኒ ጾ̈ሳ̇̈̇ ዎ̈ሳ̇̈ሬ። 11 ዪንቲ̇ ኣማ̇ናባራ ሚ̈ጛምፔ̈ን ዎቲዝ ኣያ̇ና ጋልዳፖ ኢሚንቲ̇ዝ ኪልሲን ዪንታ̇̇ቦ ፋጋንዳቦ ኮያራ ዪንታ̇ ቤቃ̇ንዳብ ኢኒ̇ታ̈ሬ። 12 ዪና̇ ታ̈ኒ ጋ̈ዚንዳ ታ̈ኒ ዪንታ̇ ኣማ̇ኒንባራ ዪንታ̇ር ታ ኣማ̇ኒንባራ ዎልዎልኣ ሚ̈ንምፔ̈ኔ። 13 ቴ ኢሺንታን! ሜላን ኣይሁድ ባዮ̇ ኣሳን ጊዳ̇ ታ̈ኒ ዎይሊን ኣስ ኣማ̇ንኖንዲፌ̈ኒ ዪንታ̇ ጊዳ̇ሬ ዪና̇ ኢዝፌ̈ን ኣማ̇ንንዳብ ኮዪንዶን፤ ዎቲናካሬ ዪኒ̇ቦ ቴ ዪንታ̇ክ ሉካ̇ንዳቦ ዎይሊን ጎይ ቆፒን ዓኖ ዬላ̇ር ታ̈ብ ማ̈ቃካ̇ይ ኣቲ̇ኖን ዪንቲ ኤራምፔ̈ን ቴ ኮያ̈ሬ። 14 ታ̈ኒ ታማ̈ሪኖንባር ማ̈ቂ̇ን ታማ̈ራካዮንቦ፥ ኤራንባር ማ̈ቂ̇ን ኤራ ባዮ ዎርዣንቦ ታብ ኣጫ ዎ። 15 ዪዚ ዪ̈ኮታ̇ቦ ታ̈ኒ ዪንቲ̇ ሮማ ጋዳ̇ ዎንባራሬ ዎጛላ ሳባ̇ካንዳቦ ዎይሊንስ ኢኒ̇ታ̈ሬ። ዎጛላቦ ዎልቃ ዎ 16 ታ̈ኒ ዎጛላ ቃ̈ላ ሶ̈ላንዳብ ዬ̈ልቃባሴ፤ ኣባ ጌይን ዎጛላ ቃ̈ላ̈ዲ ቲ̈ን ኣይሁዳንቦ ኢናፖ ኣይሁድ ባዮ̇ ኣሳንቦ፥ ኣማ̇ኒዝ ኣሳን ዎይ ፋንዳብ ዳንዳኢዝ ጾ̈ሳ̇̇ ዎልቃ። 17 “ጺላ̇ ኣሲ ሼምፓ ዲጚ̈ዛ̈ዲ ኣማ̇ናባራ” ጌዪ ጻ̈ፊንቲ̇ኖንዲፌ̈ኒ ዎጛላ ጋልዳ ጾ̈ሳ̇̈ዲ ኣስ ዎዛርታር ጺላ ማሂ̈ርኮ ኤሪንቲ̇ኔ፤ ዪ̈ዳሬ ኣሲ ጺሊ̇ዛ̈ዲ ሜላ ባዚ ኢና ጌላካ̇ይዶን ኣማ̇ናባር ሙታ̇። ኣሳ ናጋራ ጊሽ ዬይዝ ጾ̈ሳ̇̇ ጎይል 18 ፌ ኢቲቲንባራ ኪንን ኤሪንታካይፌ̈ኒ ዎቲዝ ኣሳን ጋልዳ ኢንታ ዉጪንኮታ̇ብኬ ኢንታ ኢ̈ቲቲንጊሻ̇ቦ ጾሳ ጎይላ̈ዲ ኣፋፖ ኢንታ ጋልዳ ዬይሬ። 19 ጾ̈ሲ ኢንታ̇ ጎይላዚንዳ፥ ኢንቲ̇ ጾ̈ሳ̇̇ ባዝ ኤራንዳብ ኮሺ̇ዝ ባዛን ኢ ኢንታ̇ ቤይሲን ኢንቲ̇ ኤራዚንኮታ̇ቦ። 20 ሳ̈ዚን ኮቺንቲ̇ኖምፖ ኤ̈̇ሪ ጾ̈ሳ̇̇̈ኮ ኣሳብ ቤንቲ̇ባ̈ሶ ሜናብ ዶኢዝ ዎልቃ̈ዲኬ ኢ ጾ̈ሲቲ̈ዲ ኢ ኮቺ̇ኖ ኮቺንታን ጎይባራ ፋላ̇ ጋልዳ ቤንቲ̇ኖኮታ̇ቦ ኣሳን ፌ ኢ̈ሲዝ ባዛንቦ “ታ ዓና̇ ኤራካ̇ይዶር ኦኔ” ጋ̈ንዳብ ዳንዳኢባ̈ሴ። 21 ኢንቲ̇ ኢ ጾ̈ስ ማ̈ቂ̇ኖን ኤሪሙታዶ̈ሪ ኢ ጾ̈ሲቲንዲፌ̈ኒ ኢ̈ቦ ቦንችኬ ጋላታኬ ኢማካ̇ዬ፤ ኢንታ ቆፋዲ ሜላ̇ ማ̈ዲባ̈ሶ ቆፊ ማ̈ቂ̇ዴ፥ ቆፒባ̈ሶ ኢንታ ቡ̈ዳ̈ዳሬ ዉርሲ ሚ̇ኔ። 22 ኢንቲ̇ ፌ̈ና “ኑ̈ኒ ኤራ” ጋ̈ዚምባራ ዳሻ ማ̈ቃ̇ር ቤንቲ̇ዴ። 23 ሜናብ ዶኢዝ ጾ̈ሳ̇̇ ቦንቻ̇ዚን ኣሻ̇ሪ ዓይቃ̇ር ዪዝ ኣሳቦ፣ ካፊቦ፣ ሜሃቦ፣ ሳ̈ዝ ጋልዳ ፌ ሚልባር ዬዝ ማታባዛን ማይጺሳር ኮቺንቲኖ ዪን ሚሲላንቦ ቦንች ኢሚ̇ዴ። 24 ዪ̈ኮታ̇ቦ ኢንቲ̇ ዎልዎልኣ ፌ ጋል ጌ̈ቲን ጋልዳ ዬልቂዝ ኦ̈ሳ ኦ̈ምፔ̈ኒ ጾ̈ሲ̇ ኢ̈ታ ኢና̇ቦ ኢንታ̇ ኣ̈ ኢሚ̇ዴ። 25 ዪ̈ ማ̈ቂ̇ኖ̈ዲ ጾ̈ሳ̇̇ ኪንቲን ኣሻ̇ሪ ማቃ ማ̈ቂ̇ኖ ባዝ ኣማ̇ኒኖኮታ̇ቦ፤ ኮቺኖ ጾ̈ሳ̇̇ ኣሻ̇ሪ ኮቺንቲ̇̇ኖ ባዛንቦ ጎሽቲ ኢንታ̇ብ ዎ̈ሲንቲ̇ኖኮታ̇ቦ፤ ዎቲናካሬ ጾ̈ሳ̇̇̈ዲ ሜናብ ጋላቲንቲ̇ኖ̈ዳ፤ ኣሚንኤ! 26 ዪኒ̇ጊሻቦ ጾ̈ሲ̇ ኢንታ̇ ማ̈ዲባ̈ሶ ዬልቂዝ ኢና̇ቦ ኣ̈ ኢሚ̇ዴ፤ ኢንታ ማጫ̇ን ጾሲ̇ ኢንታ̇ብ ኢሚ̇ኖ ዎጊን፥ ማጮ ኣቲናባር ሱርቃ̇ዚን ኣሻ̇ሪ ማጮ̇ ማጫ̇ባር ሱርቂ̇ዴ። 27 ዪና̇ ኢዝፌ̈ኒ ኣቲናንሬ ማጫ̇ባር ሱርቃዚን ኣሻሪ ኣቲናባራ ሱርቃ̇ንዳብ ኢኒ̇ቲ̈ዴ። ኣቲኖ ኣቲናባራ ሱርቂ̇ዴ፤ ኢንቲ̇ ዪኖ̇ ኦኖ ኢ̈ታ ኦሲምቦ̇ ፌ̈ብ ኮሻ̇ዝ ጎይሊን ፌ̈ብ ኤኪ̇̈ኔ። 28 ኣሳን ጾ̈ሳ̇̇ ኤራንዳ̇ቦ ኮያካ̇ዮኮታ̇ቦ ኢንቲ̇ ፋባ̈ሶ ላ̈ፋ ባዝ ኦ̈ሳምፔ̈ኒ ላ̈ፋ ቆፋቦ ኢንታ̇ ኣ̈ ኢሚ̇ዴ። 29 ኢንቲ̇ ኢ̈ታ ኦ̈ሳ ጌይዛ ዎይባራ፣ ዎይ ባዝ ታ̈ብ ማ̈ቆ̇ ጌንቲ̇፣ ዉጫባራ፣ ቂና̈ታባራ፣ ኣስ ዎባራ፣ ጎይልባራ፣ ኣስ ዳሺቺባራ ኩሚኖን። ማ ኣስ ጌስቲ̇ዛን፣ 30 ኣሳ ሱም ይሲ̇ዛን፣ ጾ̈ሳ̇̇ ኢጺ̇ዛን፣ ኣስ ቆ̈ዛን፣ ኦቲርቂ̇ዛን፣ ኢ̈ታ ባዝ ኦ̈ንዳቦ ጎይ ኮዪዛን፣ ባ̈ባብኬ ኢንዲ̇ብኬ ኪ̈ቲንቲ̇ባ̈ሶን፣ 31 ማሂ ቆፒባ̈ሶን፣ ጌሊኖ ጫ̈ቂን ና̈ጊባ̈ሶን፣ ካን ባዮ̇ን፣ ኣሳብ ሚጪንቲባ̈ሶን። 32 “ዪንፌ̈ኖ ባዛን ኦ̈ዛን ዎይንቦ ዓይቃ ኮሺ̈ሬ” ጋ̈ዝ ጾ̈ሳ̇̇̈ኮን ኪን ሂጊ̇ን ኤሪሙታ̇ዶ̈ሪ ዪና̇ ዎይ ዎቲ̈ሬ፤ ዪና̇ ዎታዚን ሙታ̇ ጊዳካ̇ይዶን ዪኖ ዎቲዝ ኣሳንር ሚ̈ንሲ̈ሬ። |