ሳጻ 7 - ኦራ ጫ̈ቃ ማጻ̈ፋፔቲ ጼ̈ታኬ ኦይዲ ታጶ ኦይዲ ሙኩላ ኢስሬ̈ላ ዜርን ጋልዳ ማ̈ይታማ ቡኪ̇ዴ 1 ዓኒፖ̇ ዎሃ ኦይዲ ኪ̈ታንቻን ሳ̈ዝ ቡጊድ ኦይዲ ኣቅጣ̈ጫን ጋልዳ ኤቂ̇ንዶን ቤቃ̇ዴ፤ ኢንቲ ሳ̈ዝ̈ ጋልዳ̇ር ማ̈ቆ ባሃራ ጋልዳ̇ሬ ዎይ ሚ ጋልዳ̇ሬ ኣባካር ኣይጊ ባቃካ̇ይፌ̈ን ኦይዲ̇ ኣቅጣ̈ጫንባር ዬይዝ ሳ̈ዝ̈ ጋልዶ ኣይጊን ዬ̈ካ̇ይፌ̈ን ካዪዴ። 2 ኢናፖ ሼምፓባር ዶኢዝ ጾ̈ሳ̇̈ ማይታሚን ኤ̈ኖ ሜላ ኪ̈ታንቻ̇ሬ ኣዋ̈ፍ ኬሲ ጎይባር ዬ̈ዚምባር ቴ ቤቃ̇ዴ፤ ዪ ኪ̈ታንቻ̈ዲ ሳ̈ዚንዲኬ ባሃ̈ሪን ጎዳኣምፔን ሲልጣ̈ና ኢንታ̇ብ ኢሚ̇ንቲ̇ኖ ኦይዲ ኪታንቻንኮ ፌ ቆ̈ ሾክ ዎታሪ፥ 3 “ኑ̈ኒ ኑ ጾ̈ሳ̇̈ ኣሽካራን ዴ̈ሚን ጋልዳ ማይታማ ቡኪ̇ዝ ዲራስ ሳ̈ዚንዳር ማ̈ቆ ባሃሪንዶ ዎይ ሚን ጎዳኣፒ̇ቴ” ጋ̈ሪ ዉይሲዴ። 4 ማይታማ ኢንታ̇ ዴ̈ሚን ጋልዳ ቡኪንቲ̇ኖ ኣሳን ፋይዲን ቴ ሲስካ̇ዴ። ኢንታ̇ሬ ኢስሬ̈ላ ዜርን ዎይን ጋርታፖ ፔቲ ጼ̈ታኬ ኦይዲ ታጶ ኦይዲ ሙኩላ ኣሴ። 5 ዪሁዳ ዜር ጋርታፖ̇ ታጶ ናምኢ ሙኩላ፤ ሮ̈ቤ̈ላ ዜር ጋርታፖ̇ ታጶ ናምኢ ሙኩላ፤ ጋ̈ድ ዜር ጋርታፖ̇ ታጶ ናምኢ ሙኩላ፤ 6 ኣሴ̈ራ ዜር ጋርታፖ̇ ታጶ ናምኢ ሙኩላ፤ ኒፍታ̈ሌማ ዜር ጋርታፖ̇ ታጶ ናምኢ ሙኩላ፤ ሚናሳ ዜር ጋርታፖ̇ ታጶ ናምኢ ሙኩላ፤ 7 ሲሞ̈ና ዜር ጋርታፖ̇ ታጶ ናምኢ ሙኩላ፤ ላዊ̈ ዜር ጋርታፖ̇ ታጶ ናምኢ ሙኩላ፤ ዪሳኮ̈ራ ዜር ጋርታፖ̇ ታጶ ናምኢ ሙኩላ፤ 8 ዛቢሎ̈ና ዜር ጋርታፖ̇ ታጶ ናምኢ ሙኩላ፤ ዮሶ̈ፋ ዜር ጋርታፖ̇ ታጶ ናምኢ ሙኩላ፤ ቢ̈ናማ ዜር ጋርታፖ̇ ታጶ ናምኢ ሙኩላ። ቦ̈ርስ ኣፊላ ማኢኖ ዎይሊን ዎርዣ 9 ኢናፖ ቴ ቲ̈ኒን ጋርታ ኦ̈ናካር ፋይዲ ዉርሲባ̈ሶ ዎይሊን ዎርዣ ቴ ቤቃ̇ዴ፤ ኢንታ̇ሬ ዎርዣ ጋርታፖኬ ዜር ዎይ ጋርታፖ̇፥ ዱማ ዱማ ኖ̈ና ሶ̈ሊዛን ዎይን ጋርታፖ̇ ቆሪንታ̇ር ኬስኪ̇ኖ ኣሴ፤ ዪን ቦ̈ርስ ኣፊላ ማ̈ኣሪ ሜ̈ጻ̇ ዋ̈ይ ፌ ኩሽታ ኤ̈ሪ ዙፋና ቲ̈ንኬ ዶራ ቲ̈ን ኤቂ̇ኔ። 10 ኢንቲ ፌ ቆ̈ ሾክ̇ ዎታር ዉይሲሙታ̇ዶ̈ሪ “ፋቲ ዙፋኒን ጋልዳ ዶኢኖ፤ ኑ ጾ̈ሳ̇̈ዴይኬ ዶራዴዬ!” ጌይዴ። 11 ኪ̈ታንቻን ዎይ ዙፋኒንቦ፥ ጪጛሻንቦኬ ሼምፓባሮ ኦይዲ ኮቺንታንቦ ቡጊዲንባራ ኤቂ̇ኔ፤ ዙፋኒን ቲ̈ን ፌ ዴ̈ሚንባር ጉፕ ጋር ጾ̈ሳ̇̈ቦ ሞ̈ኪንቲሙታ̇፦ 12 “ኣሚንኤ! ቤርኢስ፣ ጴቺቲ፣ ኤሪቲ፣ ጋላታ፣ ቦንች፣ ዎልቃ፣ ሚንቲ፣ ኑ ጾ̈ሳ̇̈ቦ ሜናብ ኢ̈ብ ማ̈ቆ! ኣሚንኤ” ጌይዴ። 13 ጪጛሻን ጋርታፖ ፔታ̇ና̈ዲ ታ̈ክ ዓኒ ማ̈ቃ̇ሪ “ዓን ቦ̈ርስ ኣፊላ ማኢኖን ኢንቲ̇ ኦ̈ኖ? ኢንቲ ዎይዲፖ ዬይና?” ጋ̈ር ታ̈ና ኦይጪ̇ዴ። 14 ታ̈ናሬ ኢኮ “ጎዳዶ! ኔ ኤራ̈ሬ” ጋ̈ዴ፤ ኢያር ታኮ “ዓን ጴቻ ሜቲን ጋማሪ ዬይኖን፤ ፌ ኣፊላንሬ ዶራ ሱ̈ንባር ሜ̈ጫ̇ሪ ቦ̈ርስ ማሂኔ፤ 15 ዪ̈ኮታ̇ቦ ጾ̈ሳ̇̈ ዙፋ̈ና ቲ̈ን ኤቃ̇ሪ ቃማ̇ሬ ጋላሳ̇ር ጾ̈ሳ̇̈ ኬ̈ ጋርታ ኢ̈ብ ኦ̈ሬ፤ ዙፋ̈ና ጋልዳ ዶኢኖዲ ኢንታ̇ብ ሺፋ ማ̈ቂ̇ሬ። 16 ዪዚ ዓኒ̇ፖ ጌዳ ጋፊ ኢንታ ዎባሴ፤ ዋ̈ሲ ኢንታ ባርሲባ̈ሴ፤ ኣዋ̈ ኢንታ ዎባ̈ሴ፤ ኣዋ̈ ሶ̈ላ ኢንታ ሚቺ̇ባሴ። 17 ዙፋና ጊዳ̇ ዎ ዶራ̈ዲ ኢንታ ዬ̈ጚ̈ሬ፤ ሼምፓ ኢማ̇ዝ ዋ̈ንኮ ኢንታ ቲ̈ናር ኤጚ̈ሬ፤ ጾ̈ሳ̇̈ዲ ኢንታ ኣብን ዎይ ኢንታ ኣ̈ፊን ጋልዳፖ̇ ቁቺ̇̈ሬ” ጌይዴ። |