ሳጻ 21 - ኦራ ጫ̈ቃ ማጻ̈ፋኦራ ኣፎ ሳ̈ዝኬ ኦራ ሳ̈ዶ̇ ሳ̈ዝ 1 ኢናፖ̇ ኦራ ኣፎ ሳ̈ዝኬ ኦራ ሳ̈ዶ̇ ሳ̈ዝ ቴ ቤቃ̇ዴ፤ ቲ̈ኖ ኣፎ ሳ̈ዚንዲኬ ቲ̈ኖ ሳ̈ዶ ሳ̈ዚን ዪኔ፤ ባሃ̈ራር ዓኒፖ ጌዳ ዶኢባ̈ሴ። 2 ጌ̈ሻ̇̈ ካታሚንዳ፥ ኦራን ዬሩሳ̈ላማ ፌ ኣስና̈ቦ ፌ̈ና ጌ̈ዚንር ዬ̈ዝ ኢሲንዲፌ̈ን ጊ̈ጊንታ̇ራ ኣፋ ጾ̈ሳ̇ ቲ̈ናፖ ቶ̈ራ ሶ̈ባምባ̇ር ቴ ቤቃ̇ዴ፤ 3 ኢናፖ ዙፋ̈ኒን ጋርታ̇ፖ “ጾ̈ሳ̇̈ ዶኣዚንዳ ኣሳ ጊዳ̇ ማ̈ቂ̇ኔ፥ ኢ ኢንታ̇ባር ዶኢ̈ሬ፥ ኢንታ̇ሬ ኢ ዎርዣ ማ̈ቂ̇̈ሬ፤ ጾ̈ሳ̇ ፌ ቆሚ̇ን ኢንታ̇ባር ማ̈ቂ̇̈ሬ ማ ኢንታ ጾ̈ስ ማ̈ቂ̇̈ሬ፤ 4 ኢንታ ኣብን ዎይ ኢንታ ኣ̈ፊን ጋልዳፖ ቁቺ̇̈ሬ፤ ቲ̈ኖ ዎጋ ዎይ ኣ̈ኖኮታ̇ቦ ዓይቃ ዎይ ኣዛና ዎይ ዬ̈ፊ ዎይ ቢጻ ዓኒፖ̇ ጌዳ ዶኢባ̈ሴ” ጋ̈ሪ ሾክ̇ ጌይኖ ቆ̈ባራ ሶ̈ላምባር ሲስካ̇ዴ። 5 ዙፋ̈ኒን ጋልዳ ዶኢኖዳሬ ታ̈ኮ “ቤቂ̇ብቴ! ታ̈ኒ ዎይ ባዝ ኦራ ማሃንዳ!” ጌይዴ ኢናፖ “ዪ ቃ̈ላ̈ዲ ኣማ̇ኒንቲ̇ኖዳኬ ኪን ማ̈ቂ̇ኖኮታ̇ቦ ጻ̈ፋቤ” ጌይዴ። 6 ዪኒፖ ዓኒ ታ̈ኮ “ፎቲንቲ̇ዴ! ኣልፋሬ ኦሜ̈ጋሬ፥ ቲ̈ኖዳሬ ጋሶ̈ዳሬ ታ̈ና፤ ባርሲንቲኖ̈ቦ ሼምፓ ኢሚ̇ዝ ዋ̈ ዶቃ ጋርታ̇ፖ ኣባካር ጪጋካ̇ይዶን ቴ ሜላ̇ ኢማ̇ንዳ። 7 ጋሚኖ̈ዲ ዓኖ ኤኪ̇̈ሬ፤ ታ̈ኒ ኢ̈ብ ጾ̈ስ ማ̈ቃ̇ንዳ፤ ኢያር ታ̈ብ ናኢ ማ̈ቂ̇̈ሬ፤ 8 ዎቲናካሬ ኢ̈ጪ̇ዛን፣ ኣማ̇ና ባዮን፣ ቄጺ̇ኖን፣ ኣስ ዎዛን፣ ኦሎላ ጋዲ̇ዛን፣ ቢታን፣ ኣሳ ኩሽባር ኦ̈ንቲ̇ኖ ባዛብ ጎሽቲ̇ዛን፣ ማቃ ማቂ̇ዛን ዎይ ኢንታ ዉርሲንዳ ዲ̈ናባር ሚጫ̇ዝ ታማ ባሃ̈ሪን ጋርታ ማ̈ቃ̇̈ሬ፤ ዪ̈ዳሬ ናምኢ ዓይቃ። ኦራን የሩሳ̈ላሞ 9 ዉርሲ ታብዛ ሜታን ኢዝ ጋርታ̇ ኩሚኖ ታብዛ ዋ̈ንጫን ኤ̈ኖ ታብዛ ኪ̈ታንቻን ጋርታፖ̇ ፔታ̇ና ዬሪ ታ̈ኮ “ዓዬ̇̈ቤ! ዶራ ማጪ̇ን ኢሲ̇ን ቴ ኔ̈ና ቤይሳስቶ” ጌይዴ። 10 ታ̈ኒ ጌ̈ሻ ኣያ̇ናባር ኦ̈ሂንታ̇ር ዎዶን ኪ̈ታንቻዲ ታ̈ና ጴች ጳሪን ኢንዳ ጋልዳ ኤጛ̈ሪ ጌ̈ሻ ካታሚን ዬሩሳላማ ኣፋ ጾ̈ሳ̇ ቲ̈ናፖ ሶ̈ባምባ̇ር ቤይሲዴ። 11 ኢዛ ጾ̈ሳ̇ ቦንቻ̇̈ባር ፎ̈ኣ̈ርዶን፤ ኢዝ ቦልቂንዳሬ ዎይሊን ቦንቺንቲኖ ሹች ኢያስጵድፌ̈ኒ ማስቶታፌ̈ን ጌዥጊ̇ኔ። 12 ኢዝቦ ታጶ ናምኢ ካራ ዎ ሹችባር ኣጺሪንቲ̇ኖ ጴችኬ ጳሪን ኣጺራ ዎ፤ ታጶ ናምኢ ካራን ጋልዳ ታጶ ናምኢ ኪ̈ታንቻ̇̈ን ኤቃ̇ር ና̈ጊ̈ሬ፤ ማ ዪን ካራን ጋልዳ ኢስሬ̈ላ ዜርን ታጶ ናምኣን ሱ̈ምን ጻ̈ፊንቲ̇ኔ። 13 ዓይዚ ካራን ኣዋፍ ኬሲ ጎይ፣ ዓይዚ ካራን ሲጛል ጎይ፣ ዓይዚ ካራን ኦፓ ጎይ፣ ማ ዓይዚ ካራን ኣዋፍ ጌላ ጎይ። 14 ካታሚንቦ ቡጊዲምባር ሹችባር ኣጺሪኖ ኣጺሪምቦ ታጶ ናምኢ ማሳራታ ዎ፤ ዪን ማሳራታን ጋልዳ ዶራ̈ ሃዋራታን ታጶ ናምኣን ሱ̈ምን ጻ̈ፊንቲ̇ኔ። 15 ታባር ሶ̈ሊንቲሙታ̇ ዎ ኪ̈ታንቻ̇̈ቦ ካታሚንዲኬ ኢዝ ካራን፥ ማ ሹችባር ኣጺሪኖ ኣጺሪን ዋ̈ዝ ዎርቃ ጉፋ ዎ። 16 ዪና ካታሚንዳ ኢዝ ጳሪንቲንዲኬ ኢዝ ዳልጊቲን ኦይዲ ኣቅጣጫንባር ዎይ ዎልፌ̈ኒዬ። ኪ̈ታንቻ̇̈ዲ ካታሚን ፌ ጉፊንባር ዋምባራ ናምኢ ሙኩላኬ ኦይዲ ጼ̈ታ ኪላ ሜ̈ቲራ ማ̈ቃ̇ዴ፤ ኢዝ ሻኪቲንዲኬ ኢ ሾኪ̇ቲንዳር ኢዝፌ̈ኔ። 17 ኪ̈ታንቻ̇̈ዲ ኣጺሪን ዋዴ፤ ኣሲ ዋዝ ዋባር ኪ̈ታንቻ ዋንባራ ፔቲ̇ ጼ̈ታኬ ኦይዲ ታጶ ኦይዲ ዋ̈ ማ̈ቃ̇̈ዴ፤ 18 ካታሚን ቡጊዲምባሮ ኣጺሪን ኦ̈ንቲኖንዳ ኢያስጲድ ጌይዝ ሹችባራ፤ ካታሚንዳ ማስቶ̈ታፌ̈ን ጌዥጊኖ ኮሽ ዎርቃባር ኦ̈ንቲ̇ኔ። 19 ካታሚን ቡጊዲምባሮ ኣጺሪን ኤሳ̇ንዳቦ ሳ̈ዳ̇ ዱማ ዱማ ቦንቺንቲኖ ቆይሲዝ ሹች ዪ̈ጺ̇ኔ፤ ዪ̈ጺ̇ኖ ሹቻን ፔታ̇ኒንዳ ኢያስጲድ፣ ናምኢንዳ ሴንፔር፣ ዓይዚንዳ ካልቃዶና፣ ኦይዲንዳ ማርጊድ፣ 20 ኢሺቺ̇ንዳ ሴርዶንኪሳ፣ ሌሂንዳ ሴርዶ̈ና፣ ታብዚንዳ ክርስቲሎ̈ባ፣ ላሚንዳ ቢሪላ̇፣ ሳኪልንዳ ዎርዎራ፣ ታጲንዳ ክርስጲራሲሳ፣ ታጶ ፔቲንዳ ያኪንት፣ ታጶ ናምኢንዳ ኣማታስጢኖ̈ሳ ጌይዝ ቦንቺ̇ንቲ̇ኖ ሹቻ̇ን። 21 ታጶ ናምኢ ካራን ታጶ ናምኢ ኢንቁባር ኦ̈ንቲ̇ኔ፤ ታጶ ናምኢ ካራን ፌ ቆሚ̇ን ቆሚ̇ን ፔቲ̇ ኢንቁባር ኦ̈ንቲኔ፤ ካታሚን ጋርቶ ጴች ዬዝ ጎይንሬ ማስቶ̈ታፌ̈ን ጌዥጊ̇ኖ ኮሽ ዎርቃባር ኦ̈ንቲኔ። 22 ዎይን ዳንዳኢኖ ጎዳ ጾ̈ሳ̇̇̈ዲኬ ዶራዲ ካታሚንቦ ጾ̈ሳ̇ ኬ ማ̈ቂ̇ኖኮታ̇ቦ ካታሚን ጋርታ ጾ̈ሳ̇ ኬ̈ ቴ ቤቃካ̇ዬ። 23 ካታሚንቦ ጾ̈ሳ̇ ቦንቻ ፎኢሲዛኮታብኬ ዶራዲ ኢዝቦ ፎኢን ማ̈ቂ̇ኖኮታ̇ቦ ኣዋ̈ፍኬ ኣጋን ፎኢን ኢዝቦ ኮሺ̇ባ̈ሴ። 24 ዎርዣን ኢዝ ፎኢን ጋርታ ዬሬ፤ ሳ̈ዝ ጋልዶ ካ̈ቲንታንሬ ፌ ቦንቺን ኢዝኮ ኤሄይሬ። 25 ዪና̇ ኢዝ ካታሚን ጋርታ ቃሚ̇ ባዮ̇ኮታቦ ኢዝ ካራዲ ዎይ ጋላስ ዪብጺንቲ̇ባ̈ሴ። 26 ዱማ ዱማ ዎርዣን ፌ ጴቺቲንዲኬ ፌ ቦንቺ̇ን ኢዝኮ ኤኪ ጌሊ̈ሬ፤ 27 ቄ̈ ማ̈ቂ̇ኖ ባዚ ዉርሲ ኢዝ ጋርታ ጌሊባ̈ሴ፤ ቄ ባዝ ኦ̈ዝ ኣስኬ ማቃ ሶ̈ሊዝ ኣሲ ዉርሲ ኢና ጌሊባ̈ሴ፤ ኢዝ ጋርታ ጌሊዛን ኢንታ ሱ̈ምን ዶራ̈ኮ ሼምፓባር ዶኢዝ ኣሳን ጻ̈ፊንቲ̇ዝ ማጻ̈ፋ ጋልዳ ጻ̈ፊንቲ̇ኖን ሙታ̇። |