ሉቃ̈ሳ 23 - ኦራ ጫ̈ቃ ማጻ̈ፋዬሱ̈ሳ ጲላ̈ጦ̈ሳ ቲ̈ን ሺ̈ሺ̇ዴ ማ̈ቶ̈ሳ 27፡1-2 ፥ 11-14 ፤ ማ̈ርቆ̈ሳ 15፡1-5 ፤ ዋ̈ኒ̇ሳ 18፡28-38 1 ኢና ሺ̈ቂኖ ኣሳን ዎይ ዲንዳ̇ሪ ዬሱ̈ሳ ጲላ̈ጦ̈ስኮ ኤ̈ጚዴ። 2 ኢንቲ̇ ኢያ ሞ̈ቲ̈ርዶ̈ር ጌዪ “ና̈ሳ ዓ̈ዲ ኑ ዎርዣ ባሊምባር ኑ ኢያ ዲጚኔ። ሮ̈ማ ካ̈ታ ቄ̈ሳ̈ርቦ ጊ̈ራ ጊ̈ራካ̇ይፌ̈ን ኑ̈ና ካዪ̈ሬ፤ ማ ማ̈ቃ̇ሪ ‘ታ̈ኒ ክርስቶ̈ሳ፥ ካ̈ቴ’ ዪዝ ጋ̈ምባ̇ር ኑ ኢያ ዲጚኔ” ጌይዴ። 3 ጲላ̈ጦ̈ሳር “ኔ̈ኒ ኣይሁዳን ካ̈ታ” ጋር ኢያ ኦይጪ̇ዴ። ዬሱ̈ሳር ኢ̈ኮ “ኔ ጌይኖንዲፌ̈ኒዬ” ጌይዴ። 4 ጲላ̈ጦ̈ሳር ቄ̈ስ ኣላቃንብኬ ዎርዣንቦ “ቴ ና̈ሳ ዓ̈ ጋልዳ̇ ኣባካር ኢ̈ት ኢ ኦ̈ኖ ባዝ ዲጛካ̇ዬ” ጌይዴ። 5 ኢንቲ̇ ኢ̈ኮ “ዓ ና̈ሳ ጋሊላፖ̇ ኤ̈̇ሪ ዓይዲ ዲራ̈ስ ዪሁዳ ዎይ ኣታካ̇ይ ታማርሲ̇ሙታ̇ ዎርዣ ዋቻ̇ብ ዲንኔ” ዪዝ ጋ̈ር ሚ̈ንር ኢያ ሞ̈ቲዴ። 6 ጲላ̈ጦ̈ሲ ጋሊላ ጌዪኖ̇ን ሲስካ̇ሪ “ና̈ሳ ዓ̈ ጋሊላ ኣስዶኔ?” ጋ̈ር ኦይጪ̇ዴ። 7 ዬሱ̈ሲ ዬይኖ̈ዲ ሄሮዶ̈ስ ጋዳ̇ፖ̇ ማ̈ቂ̇ኖን ጲላ̈ጦ̈ሲ ኤራሪ ኢያ ሄሮዶ̈ስኮ ሚሺዴ። ሄሮዶ̈ስ ዪና̇ ኢዝ ኬሊ̇ን ጋርታ ዬሩሳ̈ላም ካታሚን ጋርታ̇ ዎ። 8 ሄሮዶ̈ሲ ዬሱ̈ሳ ቤቃ̇ንዳ̇ብ ቲ̈ናፓ̇ሬ ዎይሊን ኮዪ̈ርዶኒ ዓት ኢያ ቤቃ̇ሪ ዎይሊን ኡፋይቲ̇ዴ። ዬሱ̈ሳ ኦ̈ሲን ኢ ዓኒፖ ቲ̈ን ሲስኪ̇ኖኮታ̇ቦ ዓት ታ̈ሚ̇ራ̈ታ ኢ ኦ̈ን ቤቃ̇ንዳቦ ኢኒ̇ቲዴ። 9 ሄሮዶ̈ሲ ዎይሊን ኦይች ኢያ ኦይጪ̇ን ኢ ኣባካር ማሃካ̇ይ ኣቲ̇ዴ። 10 ቄ̈ሳ ኣላቃንኬ ሙ̈ሳ ሂጋ̇ ታማ̈ርሲዛን ኢና ኤቃ̇ሪ ሚ̈ንር ኢያ ሞ̈ቲዴ። 11 ሄሮዶ̈ሲ ፌ ዎታ̇ዳራንባር ዎል ማ̈ቃ̇ሪ ኢያ ሌቃ̇ር ኢ ጋልዳ ቃልዲዴ። ኢያ ቦንቻ̇ ኣፊላ ማኢሳሪ ማሂ ጲላ̈ጦ̈ስኮ ሚሺዴ። 12 ሄሮዶ̈ስኬ ጲላ̈ጦ̈ስኬ ሚን ባኢንዶሪ ዪና̇ ኢዝ ጋላስ ዎልኣ ኢጊንቲ̇ዴ። 13 ጲላ̈ጦ̈ሳር ቄ̈ስ ኣላቃን፥ ዳይናንኬ ዎርዣን ዎል ፔታ̇ን ሺ̈ሻ̇ሪ፥ 14 ኢንታ̇ኮ “ዪንቲ̇ ‘ዓ ና̈ሳዲ ኢ̈ት ኦ̈ሳብ ዎርዣ ዲን̈ሬ’ ጋ̈ር ታ̈ክ ኤሄይንዶ̈ን ታ̈ናሬ ዪንታ̇ ቲ̈ን ኢያ ኦይጫ̇ራ ዪንቲ̇ ኢ ጋልዳ ሺ̈ሺ̇ኖ ሞ̈ቲምቦ ፔቲ̇ ኢ̈ታ ባዝ ኢ ጋልዳፖ̇ ዲጛካ̇ዬ። 15 ማ ሄሮዶ̈ሳር ዪና̇ ኢዝፌ̈ኒ ኣባካር ኢ ጋልዳ ዲጛካ̇ዮኮታ̇ቦ ዓይ ኑ̈ክ ማሂ ሚሺኔ። ዪንቲ̇ ቤቃ̇ዚንዲፌ̈ኒ ዓ̈ ና̈ሳ̈ዲ ኢያ ዎብ ዬልዝ ኣባክ ፔቲ̇ ባዛር ኢ ዎቲኖ ባዚ ባዬ̇። 16 ዪ̈ኮታ̇ቦ ቴ ኢያ ቃጣ̇̇ኣር ቢላ̇̈ንዳ̇” ጌይዴ። [ 17 ላይን ላይን ፋ̈ሲጋ ባ̈ልባር ቃቺንቲ̇ኖ ኣስ ጋርታ̇ፖ̇ ፔታ̇ን ቢሊ̇̈ሬ።] 18 ዎርዣ ዎይ ፔቲ̇ ኖ̈ናባራ “ና̈ሳ ዓ̈ ኤሊ̇ባር ኑ̈ብ ይሳ̇ቤ! ና̈ሳ ባርባ̈ና ኑ̈ብ ቢላ̇ቤ” ጋ̈ሪ ዎል ፔታ̇ን ዉይሲዴ። 19 ባርባ̈ኒ ካታማ ጋርታ̇ ዎርዣ ጊዳ̇ ዋች ዲንርኬ ኣስ ዎሪ ቃቺንቲ̇ኖ ኣሴ። 20 ጲላ̈ጦ̈ሲ ዬሱ̈ሳ ቢላ̇ንዳቦ ኮዪኖኮታ̇ቦ ዓታ̇ር ማሃር ኢንታ̇ብ ሶ̈ሊዴ። 21 ኢንቲ̇ ማ̈ቃ̇ሪ “ኢያ ሶታ̇ቤ! ኢያ ሶታ̇ቤ!” ጋ̈ር ዉይሲዴ 22 ጲላ̈ጦ̈ሲ ኢንታ̇ኮ “ኣባ ዓ̈ ና̈ሳ ኣብዝ ኢ ኦ̈ኖ ኢ̈ት ባዚ ዎ? ኢያ ዎብ ዬልዝ ኣባክ ፔቲ̇ ኢ̈ት ባዝ ቴ ኢ ጋልዳ ዲጛካ̇ዬ፤ ዪ̈ኮታ̇ቦ ቴ ኢያ ቃጣ̇ኣር ቢላ̇ንዳ” ጌይዴ። 23 ኢንቲ̇ ፌ ቆ̈ ሾክ ዎታሪ “ኢያ ሶታ̇ቤ!” ጋ̈ር ሚ̈ንር ጌሺዴ፤ ኢንታ̇ ዉይሲንዳሬ ዎይላዴ። 24 ዪ̈ኮታ̇ቦ ጲላ̈ጦ̈ሲ ኢንቲ̇ ጌይኖን ፎቲንታ̇ምፔ̈ኒ ጋ̈ሪ ፋራ̇ዲዴ። 25 ዎርዣ ጊዳ̇ ዋች ኬሲሲኖ̈ዳኬ ኣስ ዎር ቃቺንቲ̇ኖ ባርባ̈ና ቢላ̇ሪ ዬሱ̈ሳ ኢንቲ̇ ኮዪኖንዲፌ̈ኒ ኢንታ̇ብ ኣ̈ ኢሚ̇ዴ። ዬሱ̈ሳ ሶቲ̇ዴ ማ̈ቶ̈ሳ 27፡32-44 ፤ ማ̈ርቆ̈ሳ 15፡21-32 ፤ ዋ̈ኒ̇ሳ 19፡17-27 26 ዬሱ̈ሳ ኤ̈̇ ኤኪ̇ ሉካ̇ዚምባራ ሲሞ̈ና ጌይዛ ቄሬ̈ና ጋዶ̇ ና̈ሳ ጋጻራፖ̇ ዬ̈ዚምባራ ዲጛሪ ማስቃሊን ቶ̈ሳ̇ር ዬሱ̈ሳ ዎሂን ሉካ̇ምፔ̈ኒ ዎቲዴ። 27 ዎይሊን ዎርዣኬ ፌ ቲራ ቆጺ̇ ዬ̈ኪ̇ዝ ማጫ̇ን ኢ ዎሂን ሉኪ̇ዴ። 28 ዬሱ̈ሲ ቢሪንታ̇ር ኢንታኮ “ዬሩሳ̈ላም ጋዶ̇ ማጫ̇ን! ዪንቲ̇ ዪንታ̇ ቆማ̇ብኬ ዪንታ̇ ናኣንቦ ዬ̈ኪብቴዶኬ ታ̈ብ ዬ̈ካፒ̇ቴ! 29 ‘ዉርሲ ዬሊባ̈ሶ ማጫ̇ን፤ ዬሊ ቤኣካዮ ዬላ ኬንኬ ኣባካር ኣሚ̇ሲ ቤኣካ̇ዮ ኣማ̇ን ኢንቲ̇ ኣንጂንቲ̇ኖን’ ዪዝ ጌይዝ ኬሊ̇ ቢርት ዬይሬ። 30 ዪና̇ ኢዝ ኬሊ̇ንባራ ኢንዳን ‘ኑ ጋል ኬዲ̇ብቴ’ ዴሃንሬ ‘ኑ̈ና ኣ̈ቺ̇ብቴ̇’ ጌይሬ። 31 ዪዚ ዪፌ̈ኖ ባዝ ዎይ ታ ጋልዳ ዎቲ̈ንቲ̇ኖንዳ ዪንታ̇ ጋልዳ ዎዛ̈ርታ̇ንዳዶ̈ኔ” ጌይዴ። 32 ኢባር ዎልኣ ዎምፔ̈ኒ ኢ̈ት ኦ̈ኖ ናምኢ ኣሳን ኤኪ̇ ሉኪ̇ዴ። 33 ቃራ̈ኖ ጋ̈ዝ ቤሲ̇ን ዬሊ̇ኖፖ̇ ዓኒ ኢያ ሶቲ̇ዴ። ኢ̈ት ኦ̈ኖ ናምኢ ኣሳንሬ ፔታ̇ና ኡሻች ጎይ ፔታ̇ና ዓዲርስ ጎይ ኢንታ̇ ሶቲ̇ዴ። 34 ኢናፖ̇ [ዬሱ̈ሲ “ታ ባ̈ባዶ! ኢንቲ̇ ፌ ዎታዝ ባዚን ኤሪባ̈ሶኮታ̇ቦ ኢንታ̇ብ ኣቶ̇ ጋ̈ቤ!” ጌይዴ። ዎታ̇ዳራንሬ ኢጻ ቃጻ̇ሪ ኢ ኣፊሊን ፋጊንቲ̇ ኤኪ̇ዴ። 35 ዎርዣ ኤቃ̇ር ቤቂ̇̈ርዶ̈ን፥ ኣይሁድ ኣላቃንሬ “ኢ ሜላን ፋዴ ዪዚ ኢ ጾ̈ሳ̇̇̈ባር ማራ̇ጺንቲ̇ኖ ክርስቶ̈ስ ኢያ ኮ ፌ̈ና ፋጋ̈ቤ!” ጌዪሙታ̇ ኢ ጋልዳ ቃልዲ̇ዴ። 36 ዎታ̇ዳራንሬ ኢ̈ክ ዬ̈ሪ ኢ ጋልዳ ቃልዲ̇ዴ። ሶ̈ሪኖ ዎይና ጃ̇ ኤሄ̈ር ኢ̈ብ ኢሚ̇ ሙታ̇ዶ̈ሪ፥ 37 “ኔ̈ኒ ኣይሁድ ካ̈ትኮ ኔ ኔ ቆሚ̇ን ፋኔ!” ጌንት ኤ̈̇ዴ። 38 ፉዳ ኢ ቆማ̇ ማስቃሊን ጋልዳ̇ “ዓዲ ኣይሁዳን ካ̈ቴ” ዪዝ ጌዪዝ ጹ̈ፋ ኤ̈ጚ ካጲዴ። 39 ኢባር ሶቲንቲ̇ኖ ኢ̈ት ኦ̈ኖን ጋርታ̇ፖ̇ ፔታ̇ና̈ዲ ዬሱ̈ሳኮ “ኔ̈ኒ ክርስቶ̈ስ ጊዳካ̇ያ? ዪዚ ዎይዳ ኔ ኔ ቆሚ̇ንዳሬ ኑ̈ናር ዎይ ፋቤ!” ጌዪ ሙታ̇ ኢያ ቆ̈ዴ። 40 ማ ሜላዲ “ኔ̈ናር ኢፌ̈ን ዓይቃብ ጊ̈ጊንታ̇ ዶኣራሬ ጾ̈ሳ̇̇̈ብ ኢ̈ጫ̇ባሳ? 41 ኑ ኦ̈ኖ ኢ̈ታ ኦ̈ሲንባራ ኑ̈ብ ኮሻ̇ዝ ቂጣ̈ቲን ኑ ኤኪ̇̈ሬ፤ ና̈ሳ ዓ̈ ማ̈ቄ̇ጌይንዶ̇ ኢ ኣባካር ኢ̈ት ኦ̈ኖ ባዚ ባዬ̇” ጌይዴ። 42 ኢናፖ̇ ና̈ሳ̈ዲ ዬሱ̈ሳኮ “ጎዳ̈ዶ! ኔ ኔ ካ̈ቲቲንባራ ዬ̈ዚምባራ ታ̈ና ቆፓ̇ቤ!” ጌይዴ። 43 ዬሱ̈ሳሬ ኢ̈ኮ “ቴ ኔ̈ክ ኪን ጋ̈ሬ ዓታ̇ብ ኔ ታባር ጋና̇ታ ጋርታ̇ ዶኣ̈ሬ!” ጌይዴ። ዬሱ̈ሲ ዓይቂ̇ዴ ማ̈ቶ̈ሳ 27፡45-56 ፤ ማ̈ርቆ̈ሳ 15፡33-41 ፤ ዋ̈ኒ̇ሳ 19፡28-30 44 ዪኒ̇ባራ ሌሂ ሳኣ̈ታ ማ̈ቃ̇ምፔ̈ንዶ̈ን ኣጚ ሳ̈ካሊ ሳኣ̈ታ ዬሊ̇ዝ ዲራ̈ስ ኣዋ̈ፊን ሚ̇ኖኮታ̇ቦ ሳ̈ዝ ጋልዳ ዎይ ም ማ̈ቂ̇ዴ። 45 ጾ̈ሳ̇̇ ኬ̈ ጋርታ̇ ዎ ማጋ̈ራጃ̈ዳሬ ጊዲ̇ንባር ዳርኣር ናምኢ ኬስኪ̇ዴ። 46 ዬሱ̈ሲ ፌ ቆ̈ ሾክ ዎታሪ “ታ ባ̈ባ̈ዶ፥ ቴ ሼምፒ̇ን ኔ̈ብ ዓዳራ ኢማ̇̈ሬ!” ዪዝ ጋ̈ር ዉይሲኖፖ̇ ዓኒ ኢ ካሲን ኬስካ̇ዴ። 47 ማታላቃ ዪኖ̇ ቤቃ̇ሪ “ኪን ና̈ሳ ዓ̈ ጺላ̇ ኣሴ!” ጋ̈ሪ ጾ̈ሳ̇̇ ጋላቲዴ። 48 ዪኖ̇ ቤቃ̇ንዳብ ኢና ሺ̈ቂኖ ኣሳን ዎይ፥ ማ̈ቂ̇ኖ ባዚን ቤቂ̇ኖፖ̇ ዓኒ ፌ ቲራ ቆጺ̇ ሙታ̇ዶ̈ሪ ፌ ኣ̈ል ማ̈ቂ̇ዴ። 49 ዬሱ̈ሳ ኮሺንቺ̇ ኤሪዝ ኣሳን ዎይኬ ጋሊላፖ̇ ኤ̈̇ር ኢ ዎሂን ዬ̇ ሙታ̇ ዎ ኣሳን ዪኖ̇ ቤቂ̇ሙታ̇ዶ̈ሪ ጎትባራ ኤቂ̇ኔ። ዬሱ̈ሲ ዱ̈ኪንቲ̇ዴ ማ̈ቶ̈ሳ 27፡57-61 ፤ ማ̈ርቆ̈ሳ 15፡42-47 ፤ ዋ̈ኒ̇ሳ 19፡38-42 50 ኣርማ̈ታ̈ሳ ጋ̈ዝ ኣይሁዳን ካታሚን ጋርታ̇ ዎ፥ ኣይሁድ ፊርድ ኣ̈ሎ ኣሳን ጋርታ̇ፖ ፔታ̇ና ዮ̈ሴ̈ፋ ጌይዝ ኣሲ ዎ። ና̈ሳ ዪ̈ዲ ጺላ̇ኬ ኮሽ̇ ኣሴ። 51 ኢ ኣይሁዳን ዞራ ጋርታ̇ኬ ኢንታ̇ ኢ̈ታ ሶ̈ላ ጋርታ̇ ጌላካ̇ዬ። ኢ ጾ̈ሳ̇̇ ካ̈ቲቲን ዬ̈ዚን ኢና̇ባራ ና̈ጊሙታ̇ ዎ ኣሴ። 52 ኢ ጲላ̈ጦ̈ሳክ ሉካ̇ሪ ዬሱ̈ሳ ኣሂን ፌ̈ብ ኢማ̇ምፔ̇̈ኒ ጌሺዴ። 53 ኢናፖ̇ ኣሂን ሶ̈ቢሳሪ ዱ̈ፊ ኣፊላባራ ጻቃሪ፥ ዓኒ̇ፖ ቲ̈ን ኣሲ ዱ̈ኪንታ̇ካዮ ቤስ̇ ሹች ማሳ̇ሪ ጊ̈ጊሲኖ ዱ̈ፊ ጋርታ̇ ዱ̈ኪ̇ዴ። 54 ኢዝ ጋላሲ̇ን ሳዚን ቃማ̇ምባር ሳምባታ ማ̈ቂ̇ኖኮታ̇ቦ ኢዝቦ ኣሳ ጊ̈ጊንቲ̇ዝ ኬሌ፤ ሳምባቲንዳር ጌላንዳቦ ኡኪ̇ኔ̇። 55 ጋሊላፖ̇ ኤ̈̇ሪ ዬሱ̈ሳ ዎሂን ዬይኖ ማጫ̇ን ዮ̈ሴ̈ፋባር ሉካ̇ሪ ዱ̈ፊን ቤቂ̇ዴ። ኢ ኣሂንዳሬ ዎርዛርፌ̈ን ጋዲ̇ኖኮ ቤቂ̇ዴ። 56 ኢናፖ̇ ኢንቲ̇ ፌ ኣ̈ል ማ̈ቃ̇ሪ ሺታ̇ኬ ቂባ̈ታክ ጊ̈ጊሲዴ። ሂጊ̇ን ጋ̈ዚንዲፌ̈ኒ ሳምባታ ጋላስ ኣባካር ኦ̈ካ̇ይ ሼምፒ̇ ፌ̈ሽኪ̇ዴ። |