ሉቃ̈ሳ 1 - ኦራ ጫ̈ቃ ማጻ̈ፋ

¹ ቦንቺ̇ንቲ̇ኖ ቶ̈ፍሎ̈ሶ! ኑ ጊዳ̇ ጋርታ̇ ኦ̈ሲንቲ̇ኖ ባዛን ሶ̈ሊዝ ታ̈ሪካ ዓኒ̇ፖ ቲ̈ን ዎይሊን ኣሲ ጻ̈ፊኔ።

² ዓና̇ ታ̈ሪኪን ኑ̈ብ ኣ̈ኖን ቲ̈ን ፌ ኣ̈ፊንባር ቤቂ̇ኖንኬ ጾ̈ሳ̇̇ ቃሊን ታማ̈ርሲኖን።

³ ታ̈ናሬ ዪና̇ ኢዝፌ̈ኒ ቲ̈ናፖ̇ ኤ̈̇ራ ዎይ ባዝ ኮሺንቻ̇ ቤቂ̇ኖፖ̇ ዓኒ ማ̈ቂ̇ኖ ባዛን ኔ̈ብ ጻ̈ፋንዳብ ኮያዴ።

⁴ ታ̈ኒ ዪኖ̇ ዎቲኖንዳ̇ ኔ ታማ̈ሪኖ ቃ̈ሊን ኪን ማ̈ቂ̇ኖን ኔ ኤራምፔ̈ኒዬ።

ጻማ̇ቂዛ ዋ̈ኒ̇ሲ ዬሊንታ̇ዚን ኪ̈ታንቻ̇ ጋብሬ̈ሊ ቲ̈ኒታር ሶ̈ሊዴ

⁵ ሄሮዶ̈ሲ ዪሁዳ ጋዲምቦ̇ ካ̈ቲ ማ̈ቂ̇ኖ ኬል̇ባራ ኣቢያ ጌይዝ ና̈ሳ ሱምባር ጼይጊንቲ̇ዝ ቄ̈ሳን ሺ̈ቂን ጋርታ̇ ኦ̈ዝ ዛካራ̈ሳ ጌይዛ ፔቲ̇ ቄ̈ሳ ዎ፤ ኢ ማጪ̇ንዳ ኣ̈ሮና ዜር ጋርታ̇ፖ̇ ዬሊንቲ̇ኖን ኤልሳቤ̈ጢ ጋ̈ዚንዶ።

⁶ ኢንቲ̇ ዎልኣ ጾ̈ሳ̇̇̈ቦ ኪ̈ቲንቲ፣ ጾ̈ሳ̇̇ ሂጊ̇ን ዎይ ና̈ጊ፣ ጌ̈ሺቲባር ጾ̈ሳ̇̇ ቲ̈ን ዎ ኣሴ።

⁷ ማ̈ቂ̇ናካሬ ኤልሳቤ̈ጣ ዬላባሶ ሚ̈ን ኣስ ማ̈ቂ̇ኖኮታ̇ቦ ናኢ ኢንታ̇ብ ባዬ̇፤ ማ ዪኒ̇ ጋርታ̇ሬ ኢንቲ̇ ዎይሊን ጪጚኔ።

⁸ ፔቲ̇ ጋላስ ዛካራ̈ሲ ኢዝ ጋርታ ዎ ቄ̈ሳን ሺ̈ቂንቦ ጾ̈ሳ̇̇ ኬ̈ ጋርታ̇ ኦ̈ንዳቦ ታራ ዬሊ̇ኖኮታ̇ቦ ኢ ጾ̈ሳ̇̇ ቲ̈ን ኦ̈ሳ ጋልዳ ዎዶ̈ን፥

⁹ ቄ̈ሳን ኦ̈ዝ ዎጊንዲፌ̈ኒ ጾ̈ሳ̇̇ ኬ̈ ጋርታ̇ ጌላሪ ኢጻ̈ና ጩይሺ̇ዝ ኢጻ ኢያ ዬሊ̇ዴ።

¹⁰ ጾ̈ሳ̇̇ ኬ̈ ጋርታ̇ ኢጻ̈ና ጩይታ̇ምባራ ዎርዣ ዎይ ዛ̈ናዶ̈ሪ ጾ̈ሳ̇̇ ዎ̈ሲ̈ሬ።

¹¹ ጾ̈ሳ̇̇ ኪ̈ታንቻ̇̈ዲ ኢጻ̈ና ጩይሻ̇ዝ ቤሲ̇ምፖ̇ ኡሻች ጎይ ኤቂ̇ንዶ̈ር ዛካራ̈ስባር ቤንቲ̇ዴ።

¹² ዛካራ̈ሲ ጾ̈ሳ̇̇ ኪ̈ታንቻ̇ ቤቃ̇ር ባቂታር ዎይሊን ኢ̈ጪ̇ዴ።

¹³ ጾ̈ሳ̇̇ ኪ̈ታንቻ̇ ኢ̈ኮ “ኣን ዛካራ̈ሶ! ኢ̈ጫፔ̇! ኔ ዎ̈ሳ ሲስኪ̇ንቲ̇ኔ፤ ኔ ማጪ̇ን ኤልሳቤ̈ጣ ኣቲና ናኢ ኔ̈ብ ዬላ̈ሬ፤ ኢ ሱም̈ዳሬ ዋ̈ኒ̇ሳ ጌያ ጋዳ̇̈ሬ።

¹⁴ ኢ ዬሊንታ̇ዚንዳ ኔ̈ቦ ኡፋይስ ማ̈ቂ̇̈ሬ፤ ዎይሊንን ኢ ዬሊንቲ̇ኖኮታ̇ቦ ኡፋይቲ̇̈ሬ።

¹⁵ ኢ ጾ̈ሳ̇̇ ቲ̈ን ጴች ኣስ ማ̈ቂ̇̈ሬ፤ ዎይና ጃ̇ኬ ሜላር ኣስ ማሲሲዝ ኡሽ ዎይ ኡሽኪባ̈ሴ፤ ማ ኢ ቢርት ፌ ኢንዲ̇ ጋርታ̇ዶ̈ሪ ጌ̈ሻ̇ ኣያ̇ናባር ኩሚኖ ኣስ ማ̈ቂ̇̈ሬ፤

¹⁶ ኢስሬ̈ላ ዎርዣን ጋርታ̇ፖ̇ ዎይሊን ኣስ ኢንታ ጎዳ ጾ̈ሳ̇̇̈ኮ ማሂ̈ሬ፤

¹⁷ ኣያ̇ናባርኬ̇ ዎልቃ̇ባራ ናባ ኤ̈ላ̈ሳፌ̈ን ማ̈ቃ̇ሪ ዎርዣ̈ ጎዳ̈ቦ ጊ̈ጊሳ̇ንዳቦ ጎዳ ዬሱ̈ሳፖ ቲ̈ኒታሪ ኦ̈ሳ ዣማ̇ሪ̈ሬ፤ ባ̈ቢንታ̇ን ፌ ናኣን ማሂ ካምፔ̈ን ዎቲ̈ሬ፤ ማ ኪ̈ቲንቲባ̈ሶ ኣሳን ቡ̈ዲን ጺላ̇ ኣሳን ኤሪንኮ̇ ማሂ̈ሬ” ጌይዴ።

¹⁸ ዛካራ̈ሲ ኪ̈ታንቻ̇̈ኮ “ዪና̇ ኪን ማ̈ቃ̇ዚን ታ̈ኒ ኣባር ኤራኖ? ቴ ጪጚኒ፤ ቴ ማጪ̇ንዳር ጪጚኔ” ጌይዴ።

¹⁹ ኪ̈ታንቻ̇̈ዳሬ “ታ̈ኒ ጾ̈ሳ̇̇ ቲ̈ን ኤቂ̇ዛ ጋብሬ̈ላ፤ ዪኖ̇ ኡፋይሲ̇ዝ ሶ̈ሊን ኔ̈ብ ሶ̈ላምፔ̈ኒ ጾ̈ሳ̇̇̈ፖ̇ ኪ̈ቲንታ̇ር ዬይኔ።

²⁰ ኔ̈ኒ ፌ ኬሊ̇ን ዬሊ̇ን ፎቲንታ̇ዝ ቴ ቃ̈ሊን ኣማ̇ናካ̇ይ ኣቲ̇ኖኮታ̇ቦ፥ ዪና̇ ቴ ሶ̈ሊኖን ፎቲንቲ̇ዝ ዲራ̈ስ ኖ̈ና ሙ̈ም ማ̈ቃ̇ ዶኣ̈ሬ፤ ሶ̈ላ ሶ̈ላንዳባራር ዳንዳኣባሴ” ጋ̈ር ማሂዴ።

²¹ ዪና̇ ኢዝ ኬሊ̇ንባራ ኣሳን ዛ̈ናዶሪ ዛካራ̈ሳ ና̈ጋምባራ፥ ኢ ጾ̈ሳ̇̇ ኬ̈ን ጋርታ̇ፖ̇ ኬስካካ̇ይ ጋምኢን “ና̈ሳ ዎይቲ̇ድዶ̈ኔ” ጋ̈ሪ ጋራ̇ሚንቲ̇ዴ።

²² ዛካራ̈ሲ ጾ̈ሳ̇̇ ኬ̈ ጋርታ̇ፖ̇ ኬስካ̇ሪ ኣሳንባር ሶ̈ሊንታ̇ንዳብ ዳንዳኣካ̇ዬ፤ ዪ̈ኮታ̇ቦ ኢንቲ̇ ኢ ኬ̈ዶ̈ር ፔቲ̇ ባዝ ኣባክ ኢ̈ብ ቤንቲ̇ኖን ኤሪዴ። ኢያሬ ፌ ኩሽ ኤንኢሲሙታ̇ ኢንታ̇̇̇ብ ሶ̈ሊ ኤ̈ዴ፤ ኖ̈ናባር ሶ̈ላንዳብ ዳንዳኣካ̇ይ ኖ̈ና ሙ̈ም ማ̈ቃ̇ር ጋምኢዴ።

²³ ኢናፖ ኢ ኦ̈ሳ ኬሊ̇ን ዉሪ ፌ ኣ̈ል ሉኪ̇ዴ።

²⁴ ሙቃ̇ ጋምኢኖፖ̇ ዓኒ ኢ ማጪ̇ን ኤልሳቤ̈ጣ ዎዳጻ̇ዴ፤ ኢናፖ ኢሺ̇ን ኣጋን ኣ̈ቺ̇ንታ̇ር ኣ̈ል ዶኣዴ።

²⁵ ኢዛሬ “ጾ̈ሲ̇ ታ̈ና ፌ ማ̈ሪቲባር ቤቃ̇ሪ ዓ ፌ̈ኖ ኮሽ ባዝ ታ̈ቦ ኦ̈ዴ፤ ኣሳ ጋርታ̇ ቴ ዬ̈ልቃ̇ዝ ዬ̈ሊ̇ንዳ̇ር ቴ ጋልዳፖ ፋይዴ” ጋ̈ዴ።

ዬሱ̈ሲ ዬሊንታ̇ዚን ኪ̈ታንቻ̇ ጋብሬ̈ሊ ቲ̈ኒታር ሶ̈ሊዴ

²⁶ ኤልሳቤ̈ጣ ዎዳ ሌሂ ኣጋን ማ̈ቂ̇ንዶ̈ን ኪ̈ታንቻ̇ ጋብሬ̈ላ ጾ̈ሲ̇ ኢያ ኪ̈ታ̇ሪ ጋሊላ ጋርታ ዎ ና̈ዝሬ̈ት ካታማ፥

²⁷ ዳ̈ዊ̈ታ ዜር ጋርታ̇ፖ̇ ዬሊንቲ̇ኖ ዮሴ̈ፋ ጌይዝ ና̈ሳባር ሳ̈ ኤ̈̇ኖን ማ̈ራሚ ጋ̈ዝ ዉዲሪንኮ ሚሺዴ።

²⁸ ኢ ኢዝኮ ዬ̈ሪ “ኣ̈ሽ ጾ̈ሳ̇̇ ኣሽኪቲ ኔ̈ብ ኢሚ̇ንቲ̇ኖንዴ፥ ሳሮ! ጾ̈ሲ̇ ኔባር ዎ፤ ማጫ̇ን ጋርታ̇ፖ̇ ኔ̈ኒ ኣንጂንቲ̇ኖ ኣሴ” ጌይዴ።

²⁹ ኢዛር ኪታንቻ̇ ሶ̈ሊኖ ሶ̈ሊንባር ዎይሊን ባቂታራ “ዪ ፌ̈ኖ ኣ ሳሪቲ” ጋ̈ር ቆፓ̇ዴ።

³⁰ ኪ̈ታንቻ̇ዳር ኢዝኮ “ማ̈ራሜ! ኔ̈ኒ ጾ̈ሳ̇̇ ቲ̈ን ቦንች ዲጚኔ፤ ኢ̈ጫፔ̇።

³¹ ዪዚ ኔ ዎዳጻ̈ሬ፤ ኣቲን ናኢ ዬላ̈ሬ፤ ኢ ሱምዳር ዬሱ̈ሳ ጌያ ጋዳ̇̈ሬ።

³² ኢ ጴች ማ̈ቂ̇̈ሬ፤ ዎይ̈ፖ̇ ሾክ̇ ጌይኖ ጾ̈ሳ̇̇ ናኤ ጌዪንቲ̈ሬ፤ ጎዳ ጾ̈ሳ̇̇̈ዲ ኢ ባ̈ባ̈ ዳ̈ዊታ ካ̈ቲቲን ኢ̈ብ ኢሚ̇̈ሬ።

³³ ኢ ኢስሬ̈ላ ጋልዳ̇ ሜናብ ካውቲ̈ሬ፤ ኢ ካ̈ቲቲንባሬ ዉርሲ ባዬ̇” ጌይዴ።

³⁴ ማ̈ራማ ኪ̈ታንቻ̇̈ኮ “ታ̈ኒ ኣቲን ዬላ̇ ቤኣካ̇ዮ ዉዲሬ፤ ዪ ኔ ጌይኖ ዎዛ̈ርታ̇ር ማ̈ቃ̇ንዳብ ዳንዳኢ̈ራ?” ጋ̈ዴ።

³⁵ ኪ̈ታንቻ̇ዳር ኢዝኮ “ጌ̈ሻ̇ ኣያ̇ና̈ዲ ኔ ጋልዳ̇ ዬይ፤ ዎይ̈ፖ̇ ሾክ̇ ጌይኖ ጾ̈ሳ̇̇ ዎልቃ ኔ ጋልዳ ሺፋፌ̈ን ማ̈ቃ̇ር ኔ̈ና ካጚ̈ሬ፤ ዪዚ ኔ ጋርታ̇ፖ ዬሊንቲ̇ዝ ጌሻ̇ ናኣ̈ዲ ጾ̈ሳ̇̇ ናኤ ጌይንቲ̈ሬ።

³⁶ ኔ ዳቢ̇ን ኤልሳቤ̈ጣ ዬላባስ ሚ̈ን ጌይን ጋምኣ ጪጚንዶ̈ራ ዓት ኣቲን ናኢ ዎዳጺ̇ኖፖ̇ ዓ̈ዲሼ ኢዝቦ ሌሂ ኣጋን ማ̈ቂ̇ኔ።

³⁷ ጾ̈ሳ̇̇ ጋሚዝ ባዚ ባዬ̇” ጌይዴ።

³⁸ ዪኒ̇ፖ ዓኒ ማ̈ራማ “ታ̈ኒ ጾ̈ሳ̇̇ ኣይላ፤ ዪዚ ኔ ጌይኖንዲፌ̈ን ታ̈ብ ማ̈ቆ̇ ጋ̈ቤ” ጋ̈ዴ። ኢናፖ̇ ኪ̈ታንቻ̇̈ዲ ኢዞ ኣሻ̇ር ሉኪ̇ዴ።

ማ̈ራማ ኤልሳቤ̈ጦ ኦይጫ̇ንዳብ ሉካ̇ዴ

³⁹ ዪና̇ ኢዝ ኬሊ̇ንባር ማ̈ራማ ኤልሳቤ̈ጦ ኦይጫ̇ንዳቦ ፉዳ ጌዝ ዪሁዳ ጋዳ̇ ዎ ፔቲ̇ ካታማ ጋርታ̇ ኤሊ̇ባር ዲንዳ̇ር ሉካ̇ዴ።

⁴⁰ ኢና ዛካራ̈ሳ ኣ̈ል ጌላራ ኤልሳቤ̈ጦ ሳሪዴ።

⁴¹ ኤልሳቤ̈ጣ ማ̈ራሚ ሳሪቲን ሲስኪ̇ኖንዲፌ̈ኒ ኢዝ ጋርታ̇ ዎ ናኣ ኤንኢቲ ዶ̈ጚዴ፤ ኢዛሬ ጌ̈ሻ̇ ኣያ̇ናባር ኩማዴ።

⁴² ኢናፖ ፌ ቆ̈ ሾክ̇ ዎታራ “ኔ̈ኒ ማጫ̇ ዎይፖ̇ ኣንጂንቲኖንዶ̇፤ ኔ ጋርታ̇ፖ ዬሊንቲ̇ዝ ናኣ̈ዳር ኣንጂንቲ̇ኖ ናኤ።

⁴³ ቴ ጎዳ ኢንዲን ታ̈ና ኦይጫ̇ንዳ̇ብ ዬይኖንዳ̇ ታ̈ብ ኣ ፌ̈ኖ ጴች ቦንቻ̇!

⁴⁴ ኔ ሳሮ ጋ̈ዚን ኔ ቆ̈ን ቴ ሲስኪ̇ኖንዲፌ̈ኒ፥ ቴ ጋርታ̇ ዎ ናኣ ኡፋይስባር ኤንኢቲ ዶ̈ጚዴ።

⁴⁵ ጾ̈ሲ̇ ፌ ሶ̈ሊኖ ባዚን ዎይ ፎታዚን ኣማ̇ኒኖንዳ̇፥ ኔ ዎዛርፌ̈ን ኣንጂንቲ̇ኖ ኣሳ!” ጋ̈ዴ።

ማ̈ራሚኮ ጋላታ ማዝሙራ

⁴⁶ ማ̈ራማ ጋ̈ርዶራ፥ “ታ̈ኒ ቴ ጾ̈ሳ̇̇ ቦንቻ̇̈ሬ፤

⁴⁷ ታ̈ና ፋዛ ቴ ጾ̈ሳ̇̇ባር ታ ኡፋይታ̇̈ሬ፤

⁴⁸ ጾ̈ሲ̇ ፌ ኣይሊ̇ን ጊሊ̇ን ታ̈ና ቤቂ̇ኔ። ዬሊቲ ዎይ ዓታ̇ባፖ̇ ኤ̈̇ሪ ታ̈ና ‘ኔ ኣንጂንቲ̇ኖንዶ̇’ ጌይሬ።

⁴⁹ ኣባጌይን ጴቻ̇ ጾ̈ሳ̇̇̈ዲ ታ̈ቦ ጴች ባዝ ኦ̈ኖኮታ̇ቦ፤ ኢ ጌ̈ሻ̇ ጾ̈ሴ̇።

⁵⁰ ጾ̈ሳ̇̇̈ዲ ፌ̈ብ ኢ̈ጪ̇ዝ ኣስ ዎይ̈ዳ ናኣ ናእ ዬሊ̇ዝ ዲራ̈ስ ፌ ማ̈ሪቲባር ቤቂ̇̈ሬ።

⁵¹ ኢ ፌ ዎልቂ̇ን ሚ̈ንንባር ጴች ኦ̈ሳ ኦ̈ኔ፤ ኦቲርቂ̇ዛን ኢንታ̇ ቆፊን ኢ̈ቲንባራ ኢንታ̇ ላ̈ሊ̇ኔ።

⁵² ኢ ካ̈ቲንታ̇ን ኢንታ ሲልጣ̈ና̇ ጋልዳፖ ሶ̈ቢሲኔ፤ ፌ̈ና ዪርክ ዎቲኖን ቦንቺ̇ሻር ሾክ̇ ዎቲኔ።

⁵³ ጋፍሲንቲ̇ኖን ኮሽ̇ ባዝባር ሚሺ̇ኔ፤ ዱራን ሜላ̇ ማሂ ሚሺኔ።

^54-55 ኣብራሃ̈ማብኬ ኢ ዜር̈ንቦ ሜናብ ቤይሲኖ ማ̈ሪቲን ቆፓ̇ሪ፥ ፌ ኣይላ ኢስሬ̈ላ ማ̈ዲ̇ኔ። ዪና̇ ኢ ቲ̈ኖ ባ̈ቢንታ̇ንቦ ሶ̈ሊኖ ቃ̈ሊን ፎታንዳ̇ቦ ጋ̈ሪ ዎቲኔ” ጋ̈ዴ።

⁵⁶ ማ̈ራማ ኤልሳቤ̈ጣባር ዓይዚ̇ ኣጋን ዶኢኖፖ̇ ዓኒ ፌ ኣ̈ል ማ̈ቃ̇ ሉካ̇ዴ።

ጻማ̇ቂዛ ዋ̈ኒ̇ሲ ዬሊንቲ̇ዴ

⁵⁷ ኤልሳቤ̈ጣ ዬሊዝ ኬሊ̇ ኢዝቦ ዬሊ̇ን ኣቲና ናኢ ዬላዴ።

⁵⁸ ኢዝ ዶ̈ንኬ ኢዝ ዳባ̇ን ጾ̈ሲ̇ ኢዝቦ ኮሽ̇ ባዝ ኦ̈ኖን ሲስካ̇ሪ ኢዝባር ዎልኣ ኡፋይቲ̇ዴ።

⁵⁹ ናኣ ኣቂላ ዬሊንታ̇ር ላማካይ ቃም̇ ማ̈ቂ̇ንዶ̈ን ኢያ ጋራ̇ዚዝ ቃምባራ ዶ̈ንኬ ዳባ̇ን ሺ̈ቂዴ። ኢያ ኢ ባ̈ባ ሱምባር ዛካራ̈ሳ ጌዪ ጼይጋንዳ̇ብ ኮዪንዶ̈ን፥

⁶⁰ ኢንዲ̇ንዳ “ዪ ማ̈ቂ̇ባ̈ሴ! ኢ ሱም̈ዲ ዋ̈ኒ̇ሳ” ጋ̈ዴ።

⁶¹ ኢንታ̇ሬ “ኔ ዳባ̇ን ጋርታ̇ፖ̇ ዓኒ̇ ሱምምባር ጼይጊንቲ̇ኖ ኦ̈ናካር ባዪሽዋ” ጌይዴ።

⁶² ኢናፖ ባ̈ባ̈ኮ “ኔ ናኣ ኦ̈ና ጋ̈ር ጼይጋምፔ̈ን ኮያ̈ራ?” ጋ̈ሪ ማላ̇ባር ኢያ ኦይጪ̇ዴ።

⁶³ ዛካራ̈ሲ ጻ̈ፊዝ ባዝ ፌ̈ብ ኢማ̇ፔ̈ን ኦይጫ̇ሪ “ኢ ሱም̈ዲ ዋ̈ኒ̇ሳ” ጋ̈ር ጻ̈ፊን ዎይን ጋራ̇ሚንቲ̇ዴ።

⁶⁴ ዪና̇ ኢዝባራ ዛካራ̈ሳ ኖ̈ኒን ፊርቂ̇ንቲ̇ን ሶ̈ላንዳ̇ብ ዳንዳኢዴ፤ ኢናፖ ጾ̈ሳ̇ ጋላቲ ኤ̈̇ዴ።

⁶⁵ ዪኒ̇ፖ ዲንዳሪ ዶ̈ንር ዎይ ኢ̈ጪ̇ዴ። ሶ̈ሊንዳር ፉዳ ጌዝ ዪሁዳ ጋዳ ዎይ ሲስኪንታ̇ዴ።

⁶⁶ ዪና̇ ባዚን ሲስኪ̇ኖን ዎይ ናኣ ኣቂላባር ጾ̈ሳ̇̇ ዎልቂ̇ን ዎንኮታ̇ቦ “ናኣ ኣቂላ ዪ̈ዲ ጊዳን ኣ ማ̈ቃ̇ንዳዶ̈ኔ?” ጋ̈ሪ ዎልዎልኣ ኦይጪ̇ዴ።

ዛካራ̈ሲ ካ̈ዪኖ ካ̈ያ

⁶⁷ ናኣ ኣቂላ ባ̈ባ̈ ዛካራ̈ሲ ጌ̈ሻ̇ ኣያ̇ናባር ኩማሪ ካ̈ያ ካ̈ዪርዶሪ፦

⁶⁸ “ጾ̈ሲ̇ ዬ̈ሪ ፌ ዎርዣ̈ ቤቂ̇ኖ̈ብኬ ፋኖኮታ̇ቦ፥ ኢስሬ̈ላ ጎዳ ጾ̈ሳ̇̇̈ቦ ጋላታ ዬሎ̇።

^69-70 ኢ ቲ̈ኒታር ጌ̈ሻ̇ ናባን ኖ̈ናባር ሶ̈ሊኖንዲፌ̈ኒ ፌ ኣይላ ዳ̈ዊታ ዜር ጋርታ̇ፖ̇ ኣስ ፋዝ ዎልቃባሮ ኣስ ኑ̈ብ ኬሲ̇ዴ።

⁷¹ ኢ ኑ̈ና ኑ ጻላ̈ታንፕኬ ኑ̈ና ኢጺ̇ዝ ኣሳን ኩሽታ̇ፖ ቡ̈ቲሲ̈ሬ።

⁷² ዪና̇ ኢ ዎቲኖንዳ̇ ኑ ባ̈ቢንታንቦ ፌ ማ̈ሪቲን ቤይሳንዳብኬ ፌ ጌ̈ሻ̇ ጫ̈ቂን ፎታዚን ቆፓ̇ንዳቦ፤

⁷³ ኢ ዪኖ̇ ጫ̈ቂን ኣብራሃ̈ማብ ጫ̈ቂ̇ኖንዳ፥

⁷⁴ ኑ ጻላ̈ታን ኩሽታ̇ፖ ኑ̈ና ኬሳ̇ሪ፥ ኢ̈ች ባዪ ኢ̈ብ ኦ̈ምፔ̈ኒ፥

⁷⁵ ማ ኑ ዶኣዝ ላይን ዎይ ጌ̈ሺ̇ቲባርኬ ጺሊቲ̇ባራ ኢ ቲ̈ን ዶኣምፔ̈ኒዬ።

⁷⁶ ዪዚ ቴ ናኣ ኣቂላ̈ዶ! ጎዳ̈ብ ጎይ ኮሺንቻ̇ንዳብ ኔ ኢ ቲ̈ኒን ሉኪ̇ዛኮታ̇ቦ ኔ̈ኒ ዎይ̈ፖ̇ ሾክ̇ ጌይኖ ጾ̈ሳ̇̇̈ቦ ናቢ ጌዪንታ̇̈̇ሬ።

⁷⁷ ዎርዣ ፌ ናጋራ ቡ̈ጻር ማ̈ሪቲ ዲጛር ፋጺዝ ኤራ ኢንታ̇ብ ኢማ̇̈ሬ።

⁷⁸ ኑ ጾ̈ሳ̇̇ ጴቻ ማ̈ሪቲ̈ፖ ዲንዲኖፖ̇፥ ቦይና ኣዋ ኣፋፖ̇ ኑ̈ብ ኬስኪ̈ሬ።

⁷⁹ ዪ̈ዳሬ ም ጋርታ̇ ዶኢዛንብኬ ዓይቃ ሺፋ ጻና ዶኢዛንቦ ፎ̈ኣንዳብኬ ኑ̈ና ሳሪቲ ጎይ ቲ̈ናንዳቦ” ጌይዴ።

⁸⁰ ናኣ ኣቂላ ዲጪ̇ዴ፤ ኣያ̇ናባር ሚ̈ጚዴ፤ ኢስሬ̈ል ዎርዣ̈ብ ኬስኪ̇ ቤንቲ̇ዝ ዲራ̈ስ ባራሃ ጋርታ̇ ዶኢዴ።