ዓይ 5 - ኦራ ጫ̈ቃ ማጻ̈ፋኣሳብ ሚጪንቲ̇ባ̈ሶ ዱራንቦ ሶ̈ሊኖ ሶ̈ላ 1 ዪዚ ዪንቲ̇ ዱራን! ሲስኪብቴ̇፤ ዪንታ̇ ጋልዳ ዬ̈ዝ ሜቲንቦ̇ ዉይሲ ዬ̈ኪ̇ብቴ። 2 ዪንታ̇ ቆሊን ዎ̈ቂ̇ ኢ̈ቲኔ። ዪንታ̇ ማኢ ቢላ ሙዪ ኢ̈ሲ̇ኔ። 3 ዪንታ̇ ዎርቃዲኬ ዪንታ̇ ቢራ̈ዲ ባልቲ ኢ̈ቲኔ። ባልቲኖንዳ̇ ዪንታ̇ ኢ̈ት ኦ̈ሲንቦ ዓኒ ዪንታ̇ ጋልዳ ማርኪታ̈ሬ። ዪንታ̇ ኣይሺ̇ንዳሬ ታማፌ̈ን ሞ̈ሬ። ዪንቲ̇ ዎይሊን ቆሊን ሺ̈ሺ̇ንዶ̈ኒ፥ ላይን ውርሲ ላይ ማ̈ቂ̇ኖን ዪንቲ̇ ኤሪባ̈ሳ? 4 ዪንቲ̇ ኮሺንቻ̇ር ሲስኪብቴ̇፥ ዪንታ̇ ጋዳ̇ ዛይዳ ዬ̈ሪ ቴይሲ̇ ፌ̈ሽኪ̇ኖ̈ ኣሳንቦ ጪጋካ̇ዮ ሚ̈ሺ̇ንዳ̇ ዪንታ̇ ጋልዳ ዉይሳ̈ሬ። ኦ̈ ፌ̈ሽኪኖ̈ ኣሳን ዬ̈ፊንዳሬ̈ ዎይ ዳንዳኢዝ ጾ̈ሳ̇̇ ዋይታ̇ ኣ̈̇ኔ። 5 ዪንቲ̇ ዓና̇ ሳ̈ዚን ጋልዳ̇ ዎይ ባዝ ዪንታ̇ብ ኩሚን ኮዪኖ̈ ባዝ ኦ̈ ሙታ̇ ጋምኢኔ። ኣሲ ሜሃ ሹካ̇ንዳብ ዱዲ̇ሲዛ̈ዲፌ̈ኒ ዪንቲ̇ ዪ̈ፌን ዪንታ̇ ቡ̈ዳ̇ ዱዲ̇ሲኔ። 6 ዪንታ̇ ጋማንዳ̇ብ ዎልቂ̇ ባዮ̇ ኮሽ̇ ኣሳን ዪንቲ̇ ፊርዲሲ ዎሲኔ። ጎዳ ዬይዝ ዲራ̈ስ ሜታ ጋርታ̇ ጋርዢብቴ̇ 7 ዪዚ ቴ ኢሺንታ̇ን! ጎዳ ዬይዝ ዲራስ ጋርዢብቴ̇። ዎት ዎቲዝ ኣሲ ባልጎ̈ ኢሪንዲኬ ባርጎ̈ ኢሪን ዬ̈ራ ኢ ሳ̈ዚን ኮሽ̇ ካ ካጺ̇ዝ ዲራስ ዎዛርፌ̈ን ጋርዣር ና̈ጊርኮ ቆፒ̇ብቴ̇። 8 ዪንታ̇ር ዪዚ ዪና̇ ኢዝፌ̈ኒ ዪንታ ቡ̈ዲን ሚ̈ንር ጋርዢብቴ̇። ዪ̈ ኣባ ጌይን ጎዳ ዬንቲ̇ን ኡኪ̇ኔ̈። 9 ቴ ኢሺንታ̇ን! ዪንታ̇ ጋልዳ ፊርዲንታካ̇ዮ̈ዲፌ̈ኒ ዎል ዎልኣ ዋጫፒ̇ቴ። ፊርዲዝ ጾ̈ሳ̇̇̈ ኡክ̇ ዎ̈። 10 ቴ ኢሺንታ̇ን! ጾ̈ሳ̇̇ ሱምንባር ሶ̈ሊኖ ጾ̈ሳ̇̇̈ ናባን ዎዛርፌ̈ን ሜታ ኢንታ̇ ዬሊ̇ን ጋርዢ ኣ̈ኖኮ̇ ዪና̇ ዪንታ̇ብ ቲሚርታ̇ ማ̈ቃ̇ ጋ̈ቤ። 11 ኑ̈ኒ ዳንዳኣባር ጋርዣር ጋሚኖን ኣንጂንቲ̇ኖ ኣሴ ጋ̈ር ፋይዳዚን ዪንቲ̇ ኤሪ̈ሬ። ኤዮ̇̈ቢ ዎዛርፌ̈ን ጋርዢኖኮ ዪንቲ̇ ሲስኪ̇ናባያ? ጎዳ̈ዳር ውርሲ ጋልዳ ኣፌ̈ን ኮሽ̇ ባዝ ዎቲኖኮ ዪንቲ̇ ቤቂ̇ናባያ? ጎዳ̈ዲ ኣሳብ ዎይሊን ሚጪንቲ̇ ማ̈ሪ̈ዛ̈ዳ። 12 ቴ ኢሺንታ̇ን! ዎይ̈ፖ̇ ኣፋ ጪሊንባራር ማ̈ቂ̇ን ሳ̈ዶ̇ ሳ̈ዝባር ሜል ኣባክባራር ማ̈ቂ̇ን ጫ̈ቃ ጌይዝ ባዝ ጫ̈ቃፒቴ። ዪንታ̇ ሶ̈ሊን “ኣዓ” ጌይርኮ “ኣዓ” “ዋኣኬ” ጌይርኮ ̇“ዋኣኬ” ጌብቴ። ዪኒፖ̇ ኣቴ̇ጌይንዶ ዪንታ̇ ጋልዳ ፊርዲንቲ̇̈ሬ። ኣማ̇ናባር ዎ̈ሲ̇ኖ ዎ̈ሳ 13 ዪንታ̇ ጋርታ̇ ሜታ ዬሊ̇ኖ ኣስ ዎኮ፥ ኢ ጾ̈ሳ̇̇ ዎ̈ሳ ጋ̈ቤ፤ ኡፋይቲ̇ኖ ኣሲ ዎኮ̇̈፥ ኢ ጋላታ ማዝሙራ ዬጻ̇ ጋ̈ቤ። 14 ዪንታ̇ ጋርታ̇ፖ ማኖ ኣሲ ዎኮ፥ ኢ ዎ̈ሳ ኬ̈ ጪጛሻን ፌ̈ክ ጼይጋጋ̈ቤ። ኢንታ̇ር ጎዳ ሱምባር ኢያ ዛይት ቆቲሳር ኢ̈ብ ዎ̈ሳ̇ ጋ̈ቤ። 15 ኣማ̇ናባር ዎ̈ሲ̇ኖ ዎ̈ሲንዳ ማኖ ፋ̈ሬ። ጎዳ̈ዳር ኢያ ዲን̈ሬ። ኢ ናጋራ ኦ̈ናካራሬ ኢ̈ብ ኣቶ̇ ጌዪንቲ̇̈ሬ። 16 ዪ̈ኮታ̇ቦ ዪንታ̇ ናጋራ ዎልዎልኣ ፋ̈ጺ̇ብቴ። ፋጻምፔ̈ኒ ፔታ̇ና ፔታ̇ና̈ብ ዎ̈ሳ̇ጋ̈ቤ። ጺላ̇ ኣስ ዎ̈ሲ̇ኖ ዎ̈ሲንቦ̇ ዎልቃ̇ ዎ̈ኮታ̇ቦ ጴች ባዝ ኦ̈̈̇ሬ። 17 ኤላ̈ሲ ኑፌ̈ን ኣስዶሪ፥ ኢሪ ኬዳካ̇ይፌ̈ኒ ሚ̈ጛር ዎ̈ሲ̇ን ሳ̈ዝ ጋልዳ ኢሪ ኬዳካ̇ይሙታ̇ ዓይዚ̇ ላይኬ̈ ባጋ̇ክ ዶኢኔ። 18 ማ ማ̈ቃ̇ሪ ኢሪ ኬዳ̇ምፔ̈ን ዎ̈ሲ̇ን፥ ኣፋፖ̇ ኢሪ ኬዲ̇ን ሳ̈ዚንዳሬ̈ ካ ካጺሳዴ። 19 ቴ ኢሺንታ̇ን! ዪንታ̇ ጋርታ̇ፖ ፔቲ̇ ኣሲ ኪን ጎይምፖ̇ ባሊቲ̇ን ሜላ ኢያ ማሄጌይንዶ̇፥ 20 ናጋራ̈ ኦ̈ዝ ና̈ሳ̈ዳ ኢ ባሊቲ̇ኖ ጎይምፖ ማሂዝ ኣሲ፥ ኢ ሼምፒ̇ን ዓይቃ ጋርታፖ ፋዚንዲኬ፥ ኢ ኦ̈ኖ ዎይሊን ናጋራ ኢ̈ብ ካጛዚን ዪኖ̇ ቆፒ̇ብቴ̇̈። |