ኢብ 13 - ኦራ ጫ̈ቃ ማጻ̈ፋጾ̈ሳ̇̈ ኡፋይሲ̇ዝ ኦ̈ሳ 1 ዎይ ጋላስ ዎልዎልኣ ኢሺኬ ጌ̈ድኬፌ̈ኖ ካን ዪንታ̇ብ ዶኣጋ̈ቤ፤ 2 ዛቃ̇ ሞኪ ኤካ̇ዚን ቦቲጛፒ̇ቴ፤ ዪኒፌ̈ን ዛቃ̇ን ሞኪ̇ሙታ ፔቲ̇ ፔቲ̇ ኣሳን ኤራካ̇ይዶሪ ጾ̈ሳ̇̈ ኪታንቻ ሞኪ̇ ኤኪ̇ኔ። 3 ኢንታባር ዎልኣ ቃቺንቲኖ̈ዲፌ̈ን ማ̈ቃ̇ሪ ቃቺንቲኖ ኣሳን ቆፒ̇ብቴ፤ ኢንታ̇ፌ̈ን ሜታ ኤኪ̇ዝ ኣስ ማ̈ቃር ሜታ ኤኪ̇ዛን ቆፒ̇ብቴ። 4 ኣስኒኬ ማቺ̇ኬ ዎልዎልኣ ፔታ̇ና ፔታ̇ና̈ቦ ኣማ̇ኒንቲኖ ማ̈ቃ̇ሪ ዎይ ፌ ኣ̈ሊን ቦንቾጋ̈ቤ። ኦሎላ ጋዲ̇ዛንኬ ፌ ኣ̈ላብ ኣማ̇ኒንቲ̇ባሶን ጋልዳ ጾ̈ሲ ፊርዲ̇̈ሬ። 5 ሚ̈ሽ ካዚን ኣሺ̇ብቴ፤ ዪንታ̇ብ ዎን ጊዳሬ̈፤ ጾ̈ሲ “ውርሳ ቴ ኔ̈ና ቶጛባሴ፤ ውርሳ ቴ ኔ̈ና ኣሻ̇ባሴ” ጌይኔ። 6 ዪ̈ኮታ̇ቦ ኢባር ኣማ̇ኒንታሪ ኑ̈ኒ፤ “ጎዳ ታ̈ና ማ̈ዲ̇̃̈ሬ፤ ኢ̈ጫ̇ባሴ፤ ኣሲ ታና ኣብዝ ዎታንዳ ዳንዳኢራ?” ጌይሬ። 7 ጾ̈ሳ̇̈ ቃ̈ላ ዪንታ̇ብ ቲ̈ን ሶ̈ሊኖ ዪንታ̇ ቲ̈ኒዝ ኣሳን ቦቲጛፒቴ፤ ኢንታ ዶኢንዲኬ ኢንታ ኦ̈ሲን ቆፒሙታ̇ዶሪ ኢንታ ኣማ̇ኒን ዎሂን ዬብቴ። 8 ዬ̈ሱ̈ስ ክርስቶ̈ሲ ዚና̈ባር ዓታ̇̈ባር ሜናባሬ ኢ ኢያ፤ ላ̈ሚንቲ̇ባ̈ሴ። 9 ኤሪንታ̇ካዮ ዱማ ዱማ ኦራ ቲሚርታ̇ባር ካ̈ቲንታ̇ር ሉካፒ̇ቴ፤ ኑ ቡ̈ዲንዳ ፊ̈ሻ ዎጋ ና̈ጋባር ጊዳካይዶን ጾ̈ሳ̇̈̇ ኪልስባር ሚ̈ጚኖኮ ኮሼ̇፤ ዪኖ̇ ፊ̈ሻ ዎጊን ና̈ጊዝ ኣሳን ኣባካር ጻቃ̇ሚንታካ̇ዬ። 10 ዱንካ̇̈ኒን ጋርታ ኦ̈ዝ ኣሳን ኢ ጋልዳፖ ኤኪ̇ ሞ̈ንዳቦ ካዪንቲ̇ኖ ካ̈ሻ̇ ቤሲ̇ን ኑ̈ብ ዎ። 11 ቄ̈ሳ ኣላቃን ናጋራ ጋርታፖ ማ̈ሪሳዝ ሜሃ ሱ̈ ኤ̈ሪ ዎይፖ ሺ ጌ̈ሻ ኬ̈ን ጋርታ ጌሊ̈ሬ፤ ሜሃ ኣይሺ̇ንዶ ዎቲናካሬ ሳፋሪምፖ ቡጊድ ኬሳ̇ሪ ሚቺ̇̈ሬ። 12 ዬሱ̈ሳር ማ ዎርዣ ፌ ሱ̈ባር ጌ̈ሻ̇ንዳቦ ካታሚንፖ ቡጊድ ኬስካ̇ር ሜታ ኤኪ̇ዴ። 13 ኑ̈ናር ሳፋራፖ ኬስካ̇ሪ ኢ̈ክ ሉኪ̇ስቶ፤ ኢ ኤካ̇ዝ ውርዳቲን ኑ̈ናር ኤኪ̇ስቶ። 14 ኑ̈ኒ ቢርት ዬ̈ዝ ካታሚን ና̈ጊርዶኬ ያካ̇ይ ሜናብ ዶኢዝ ካታሞ ሳ̈ዝ ጋልዳ ኑ̈ብ ባዬ̇። 15 ዪዚ ዬ̈ሱ̈ስ ክርስቶ̈ሳ ጎይባራ ጋላታ ዣ̈ርሻ ዎይ ጋላስ ጾ̈ሳ̇̈ቦ ሺ̈ሺ̇ስቶ፤ ዪ̈ዳሬ ኢ ሱ̈ምንቦ ማርኪቲዝ ኣሳን ጎይባራ ጾ̈ሳ̇̇̈ቦ ሺ̇̈ቂዝ ጋላታ ዣ̈ርሻ። 16 ኮሽ̇ ባዝ ኦ̈ዚንዲኬ ዪንታ̇ብ ዎ ባዚን ሜላንቦ ፋጋዚን ቦቲጛፒቴ፤ ጾ̈ሳ̇̈ ኡፋይሲዛ̈ዲ ዪ̈ፌኖ ዣ̈ርሻ። 17 ዪንታ̇ ቲ̈ኒዝ ኣሳንቦ ኪ̈ቲንቲ̇ብቴ፤ ኢንታ ሲልጣ̈ኒን ጻና ዶኢብቴ፤ ኢንቲ ዪንታ̇ኮታ ኦይጪንቲ̇ዛኮታ̇ቦ ዪንታ̇ኮታ̇ብ ሚ̈ጛር ኦ̈ሬ፤ ዪንቲ ኢንታብ ኪ̈ቲንቲ̇ዝ ባዝ ማ̈ቄ̇ጌዪን ኢንቲ ፌ ኦ̈ሲን ኡፋይስባራ ኦ̈ሬ፤ ዪኒፖ ኣቴይን ሺን̇ ጌዪሙታ̇ዶር ኦ̈ሬ፤ ዪንቲ̇ ኢንታ̇ብ ኪ̈ቲንታካ̇ይ ኣቴ̇ጌይን ዪንታ̇ብ ኮሽ̇ ጊዳካ̇ዬ። 18 ኑ̈ብ ዎ̈ሲ̈ብቴ፤ ኮሽ̇ ቆፊ ኑ̈ብ ዎን ኑ̈ኒ ኤሪ̈ሬ፤ ኑ̈ኒ ዎይ ጋላስ ዎይ ጎይባራ ኮሽ̇ ጻባያባር ዶኣንዳብ ኮዪ̈ሬ። 19 ቴ ዪንታ̇ ሺ ጌሻዚንዳ ታ̈ኒ ኤሊ̇ር ዪንታ̇ክ ዬ̈ምፔ̈ኒ ዪንቲ̇ ታ̈ብ ሚ̈ጛር ጾ̈ሳ̇ ዎ̈ሳ̇ምፔ̈ኔ። ውርሲ ዎ̈ሳኬ ሳሪቲ 20 ዶራንቦ ጴች ዬ̈ን ናእ ማ̈ቂ̇ኖ ኑ ጎዳ ዬሱ̈ስ ክርስቶ̈ሳ ሜናብ ዶኢዝ ጫ̈ቃ ሱ̈ንባራ ዓይቃ ጋርታፖ ዲንኖ ሳሪቲ ጾ̈ሳ̇̇̈ዲ፥ 21 ዪንቲ ኢ ጌይኖን ኦ̈ዝ ኣስ ማ̈ቃ̇ምፔኒ ኮሽ ባዝ ዎይባራ ዪንታ̇ ሚ̈ንር ኤሶ̇ጋ̈ቤ፤ ዬሱ̈ስ ክርስቶ̈ሳ ጎይባራ ፌ̈ና ኡፋይሲዝ ባዝ ኑባር ማ̈ቃ̇ር ኦ̈ጋ̈ቤ፤ ዬሱ̈ስ ክርስቶ̈ሳቦ ሜናፖ ሜናቦ ቦንች ማ̈ቆ̇፤ ኣሚንኤ። 22 ቴ ኢሺንታ̇ን! ዓና̇ ቴ ዪንታ̇ብ ጻ̈ፊኖ ኪ̈ቲንዳ ጊላ̇ ቃቢን ማ̈ቂ̇ኖኮታ̇ቦ ቴ ዪንታ̇ ዞራዝ ዞሪን ዋ̈ዲቴ ጋርዣር ሲስኪ̇ብቴ። 23 ኑ ኢሻ ጢማቶ̈ሲ ቃሺ ኣ̈ላፖ ኬስኪ̇ኖን̇ ዪንቲ ኤራምፔ̇̈ን ቴ ኮያሬ፤ ኢ ኤሊር ዓይዲ ዬይዶኮ ቴ ኢባር ዎልኣ ሉካ̇ራ ዪንታ̇ ቤቃ̇ንዳ። 24 ዪንታ̇ ቲ̈ኒዝ ኣሳንኬ ጎዳ ኣማ̇ኒዝ ኣሳን ዎይን ሳሮ ጌብቴ፤ ጻ̈ላን ጋዳ̇ፖ ዬ̈ሪ ዓይዲ ዎ ኣማ̇ኒዝ ኣሳን ዪንታ̇ ሳሮ ጌይኔ። 25 ጾ̈ሳ̇̈ ካን ዪንቲ ዎይንባር ማ̈ቆ̇። ኣሚንኤ! |