ጋላ̈ታ 5 - ኦራ ጫ̈ቃ ማጻ̈ፋኑ̈ኒ ክርስቶ̈ሳባር ኣይሊቲ ጋርታፖ̇ ኬስኪ̇ኔ 1 ኑ ኣይላ ጋርታፖ̇ ኬስካ̇ር ዶኣምፔ̈ኒ ክርስቶ̈ሲ ኑ̈ና ኣይላ ጋርታፖ̇ ኬሲ̇ኔ፤ ዪ̈ኮታ̇ቦ ሚ̈ጛር ኤቂ̇ብቴ፤ ማ̈ቃ̇ር ኣይሊቲ ቃምባ̇ራ ጋርታ̇ ጌላፒ̇ቴ። 2 ሲስኪ̇ብቴ̇! ቴ ጳውሎ̈ሲ ዪንታ̇ብ ሶ̈ላዚንዳ፥ ዪንቲ̇ ኑ “ጋራ̇ዚንታ̇ንዳብ ኮሺ̇̈ሬ” ጋ̈ር ጋራ̇ዚንቴጌይን ክርስቶ̈ስ ዪንታ̇ብ ኦ̈ኖ ኦ̈ሳ̈ዲ ዪንታ̇ ኣባካር ማ̈ዲ̇ባ̈ሴ። 3 “ታ ጋራ̇ዚንታንዳብ ኮሻ̇̈ሬ” ጌይዝ ኣሲ ዎይ “ሂጊ̇ን ጋ̈ዚን ዎይ ፎታንዳብ ኮሺ̇̈ሬ” ጋ̈ራ ማሃር ኮሺንቻ̇ ቴ ኢ̈ብ ሶ̈ላ̈ሬ። 4 ዪንቲ̇ ሂጋ̇ ና̈ጊ ፎታሪ ጺላ̇ንዳብ ዋዪዛን ዎይ ክርስቶ̈ሳ ጋልዳፖ̇ ፋጊንቲ̇ኔ፤ ጾ̈ሳ̇̇ ማ̈ሪቲን ጋልዳፓር ጎቲ̇ኔ። 5 ኑ̈ኒ ዎቲናካሬ ጾ̈ሳ̇̇ ኣያ̇ና ጎይባራ ኣማ̇ናባር ጺላ̇ንዳብ ታስፋባር ና̈ጊ̈ሬ። 6 ኑ̈ኒ ዬሱ̈ስ ክርስቶ̈ሳባር ማ̈ቄ̇ጌይን ኑ̈ና ማ̈ዳ̇ዚንዳ ካንባራ ቤንቲ̇ዝ ኣማ̇ኒንዳ̇ዶኬ ኔ ጋራ̇ዚንቲ̇ናር ጋራ̇ዚንታ̇ካ̇ይ ኣቲ̇ናር ኣባካር ማ̈ዳ̇ባሴ። 7 ዪንቲ ቲናፖ̇ ኤ̈ር ኮሽ̇ ኦ̈ ሙታ̇ ዎ፤ ዓት ዪንቲ̇ ኪን ባዛብ ኪቲ̇ንታካ̇ፌ̈ን ዪንታ̇ ካያ̈ ኦ̈ኖ? 8 ዪ̈ፌኖ ዞራ̈ዲ ዪንታ̇ ጼ̈ይጊኖ ጾ̈ሳ̇̇ ቲ̈ናፖ̇ ዬይኖ ባዝ ጊዳካ̇ዬ። 9 ዪ̈ዳሬ “ጊላ̇ ኢርሺንዳ ሙኑቂን ዎይ ሹጚቻ̇̈ሬ” ጋ̈ዚንዲፌ̈ኔ። 10 ዎቲናካሬ ዪኒ̇ፖ ሜላ ቆ̈ፊ ዉርሲ ዪንታ̇ብ ባዮ̇ን ቴ ኪን ጎዳ̈ባር ኣማ̇ኒንታ̇̈ሬ። ዪንታ̇ ዋ̈ዪዝ ኣሲ ዎኮ ኢ ኦ̈ናካር ማ̈ቂ̇ን ጾ̈ሳ̇̇ ጋልዳፖ̇ ፌ ፊርዲን ፌ̈ብ ኤኪ̇̈ሬ። 11 ቴ ኢሺንታን! ቴ ዓኖ̇ ዬላ̇ር ዪንታ̇ “ኣሲ ጺላ̇ንዳቦ ጋራ̇ዚንታንዳ ኮሺ̇̈ሬ” ጌያሙታ ሳባካ̈ርኮ ኣሲ ታ̈ና ኣባብ ዳኪ̇̈ራ? ጋራ̇ዚንቲ̇ዛ ኮሺ̇̈ሬ ጌይኖኮ ዎኒ ክርስቶ̈ሳ ማስቃ̇ሊን ጎይ ቴ ሳባ̇ኪኖን ኣማ̇ናንዳቦ ኣሳንቦ ፊ ማ̈ቃ̇ባሴ። 12 ዪዚ ዪንታ̇ ዋ̈ዪዝ ኣሳን ጋራዚንቲ̇ዛ ሙ̈ታ ጊዳካ̇ይዶን ኮዬጌይን ፌ̈ና ጉዚኖኮ ቴ ዶሳ̈ርዶ̈ን። 13 ቴ ኢሺንታ̇ን! ዪንቲ̇ ኣይላ ጋርታ̇ፖ̇ ኬስካምፔ̈ን ጼይጊንቲ̇ኔ፤ ዪና̇ ዪንቲ ኣይላ ጋርታፖ̇ ኬስኪ̇ኖንዳ̇ ኢ̈ታ ባዝ ኦ̈ንዳቦ ዪንታ̇ብ ጎይ ፊርቂ̇ኖ ማይጻፖ̇ጋ̈ቤ፤ ዪኒ̇ፖ ፔታ̇ና̈ዲ ካንባራ ሜላ̈ ማዳ̇ጋ̈ቤ። 14 ሂጋ̇ ዎይ “ኔ ኔ̈ና ካዚንዲፌ̈ኒ ኣስ ዎይ ካቤ” ጋ̈ዝ ፔቲ̇ ቃ̈ሊምባር ቃቺንቲ̇ኔ። 15 ዎቲናካር ዪንቲ ዎል ዎልኣ ዱኪንቲ̇ሙታ̇ኬ ቂንቲ̇ሙታ̇ ዶኤጌይንዶ ዪንቲ ዎል ዎልኣ ኤኪ̇ ያዚን ኤሪብቴ̇። ጌ̈ሻ̇ ኣያ̇ናዲኬ ናጋራ ኣሲቲኬ 16 ዪዚ ዪንቲ ጌ̈ሻ̇ ኣያና̇ ዪንታ̇ ቲ̈ኒን ዶኢብቴ ጋሬ፤ ዪ ማ̈ቄጌይንዶ ዪንቲ̇ ዪንታ̇ ናጋራ ኣሲቲ ኢኒ̇ን ኦ̈ባ̈ሴ። 17 ኣባ ጌይን ናጋራ ኣሲቲ ቆፊ ጌ̈ሻ̇ ኣያ̇ና ቆፊን ኢጺ̇̈ሬ፤ ማ ጌ̈ሻ̇ ኣያ̇ና̈ዲ ናጋራ ኣሲቲ ቆፊን ኢጺ̇̈ሬ። ዪን ናምኣን ዎል ዎልኣ ኢጺ̇̈ሬ። ዪ̈ኮታ̇ቦ ዪንቲ̇ ኦ̈ንዳብ ኮዪኖን ኦ̈ንዳብ ዳንዳኢባ̈ሴ። 18 ዎቲናካር ጾ̈ሳ̇ ኣያ̇ና̈ዲ ዪንታ̇ ቲ̈ኒን ዶኢ̈ርኮ ዪንቲ̇ ሂጋ̇ብ ኣይላ ማ̈ቂ̇ባ̈ሴ። 19 ናጋራ ኣሲቲ ኦ̈ሳን ኢንቲ ኤሪንታ̇ር ዎ፤ ኢንታ̇ሬ ኦሎ̇ላ ጋዳ̇ዚንዶ፣ ቱና ኦ̈ሳ፣ ዲርጊስ፣ 20 ኤ̈ቃብ ጎይናዚንዶ፣ ቢታ ቢታዚንዶ፣ ኣስ ኢጻ̇ዚንዶ፣ ዎል ዎልኣ ዋች̇፣ ቂና̈ታ፣ ጎይል፣ ፌ̈ና ሙታ̇ ካ፣ ፋጊቲ፣ 21 ኣሳብ ኢ̈ት ቆፊ፣ ማ፣ ዎልኣ ሺ̈ቃር ኡሽኪ̇ ዶጚ ዬጺ̇ ዎታዚንዲኬ ዪንፌ̈ኖ ባዛን፤ ዓኒ̇ፖ̇ ቲ̈ናሬ ቴ ዪንታ̇ብ ና̈ጊንቲ̇ብቴ ጋ̈ራ ሶ̈ሊኖንዲፌ̈ኒ ዓታ̇ር ማ̈ቃ̇ር ሶ̈ላ̈ሬ፤ ዪንፌኖ ባዛን ኦ̈ዝ ኣሳን ጾ̈ሳ̇ ካ̈ቲቲን ኤኪ̇ባ̈ሴ። 22 ጌ̈ሻ̇ ኣያ̇ና̈ዲ ኣሳ ሼምፓ ጋርታ̇ ቤይሲዝ ኣ̈ፋን ካ̈ን፣ ኡፋይስ̇፣ ሳሪቲ፣ ዳንዳኣ፣ ኮሺ̇ቲ፣ ኣማ̇ኒንቲ̇ዝ ኣስ ማ̈ቂ፣ 23 ኣሽኪቲ፣ ኢ̈ታ ባዝ ኦ̈ዚምፖ̇ ፌ̈ና ና̈ጋንዳብ ዳንዳኢ። ዪን ፌ̈ኖ ኮሽ̇ ባዛን ኦ̈ፖ ጋ̈ሪ ካዪዝ ሂጋ̇ ባዬ̇። 24 ዬሱ̈ስ ክሪስቶ̈ሴይ ማ̈ቂ̇ኖ ኣሳን ናጋራ ኣሲቲ ቆፊንዶ ኢ̈ታ ባዝ ኦ ኦ ጋ̈ዝ ኢዝ ኢኒ̇ንባር ዎልኣ ኣሲ ማስቃላ ጋልዳ ሶቲንታ̇ዚንዲፌ̈ኒ ኢንታ̇ር ኢዞ ሶታ̇ር ኣሺ̇ኔ። 25 ኑ̈ኒ ጌ̈ሻ̇ ኣያ̇ናባር ዶኢዛ ማ̈ቂ̇ኖኮታ̇ቦ ኑ̈ና ቲ̈ኒዛ ጌ̈ሻ̇ ኣያ̇ና ኢያ ማ̈ቆ̇ጋ̈ቤ። 26 ፔታ̇ና ፔታ̇ና̈ዳ ኢ̈ታ ባዝ ኦ̈ምፔ̈ኒ ዲንሙታ̇፤ ዎል ዎልኣር ቃና̇ኢሙታ̇ ሜላ̇ ኦቲርቃ̇ንዳብ ኮሺ̇ባ̈ሴ። |