ኤፍ 5 - ኦራ ጫ̈ቃ ማጻ̈ፋ1 ዪዚ ዪንቲ̇ ካንቲ̇ኖ ና̈ኢፌ̈ኒ ጾ̈ሳ̇ ማ̈ይጻር ዶኢብቴ̇። 2 ክርስቶ̈ሲ ኑ̈ና̇ ካኖንዲፌ̈ንኬ ጾ̈ሳ̇̇̈ቦ ኡፋይሲዝ ኮሽ ሳዉቂዝ ዣ̈ርሻፌ̈ን ማ̈ሃር ፌ ሼምፒ̇ን ኑ ጊሻ̇ቦ ጋ̈ር ዓይቃ̈ብ ኣ̈ ኢሚ̇ኖንዲፌ̈ኒ ዪንታ̇ር ዎልዎልኣ ካንባር ዶኢብቴ̇። 3 ዪዚ ዪንታ̇ ጊዳ̇ ኦ̈ሎላ ጋዲ̇ዛዳ ዎይ ቄ̈ ማ̈ቂ̇ኖ ባዝ ዎይ ኦ̈ዛ ኣቲ̇ን ዪ̈ፌኖ ሶ̈ላ ዪንታ̇ ጊዳ̇ ዉርሲ ሲስኪንታ̇ንዳቦ ኮሺ̇ባሴ፤ ኣባ ጌይን ዪንፌ̈ኖ ባዛን ጾ̈ሳ̇̇ ዎርዣ̈ቦ ኮሺ̇ባ̈ሶኮታ̇ቦ። 4 ኣስ ዬ̈ሊ̇ዝ ባዝኬ ፋባ̈ሶ ሶ̈ላ ዪንታ̇ብ ኮሺ̇ባሶኮታ̇ቦ ባዝ ዪን ዪንታ̇ ጊዳ̇ ዶኣፖ̇፤ ዪ̈ዲፌ̈ኖ ባዝ ኣሻ̇ሪ ጾ̈ሳ̇ ጋላቲዝ ኣስ ማ̈ቂ̇ብቴ። 5 ማ ዪንቲ̈ ኤራንዳብ ኮሻ̇ዚንዳ፥ ኦ̈ናካር ማ̈ቂ̇ን ኦሎላ̇ ጋዲ̇ዝ ኣሲ ዎይ ቄ̈ ባዝ ኦ̈ዝ ኣሲ ዎይ ዎይ ባዝ ታ̈ብ ማ̈ቆ̇ ጌይዝ ኣሲ ክርስቶ̈ሳብኬ ጾ̈ሳ̇ብ ካ̈ቲቲ ጋርታ ቤሲ̇ ኢ̈ብ ባዮ̇ን ዪንቲ̇ ኤሪብቴ። ዎይባዝ ታ̈ብ ማ̈ቆ̇ ጌይዛ̈ዲኬ ኤ̈ቃብ ጎይኒዛ̈ዲክ ዎል ፔታ̇ኔ። 6 ኦ̈ናካር ሜላ̇ ማ̈ቂ̇ባ̈ሶ ሶ̈ላባር ዪንታ̇ ቃልቂንቻ̇ካዮዲፌ̈ኒዬ። ኣባ ጌይን ዪዚ ጾ̈ሳ̇̇ ጎይላ̈ዲ ኪ̈ቲንቲ̇ባ̈ሶ ኣሳን ጋልዳ ዬይዛ̈ዲ ዪንፌ̈ኖ ባዛን ጊሻ̇ቦ። 7 ዪ̈ኮታ̇ቦ ዪን ጾ̈ሳ̇̇̈ቦ ኪ̈ቲንቲ̇ባ̈ሶ ኣሳን ኦ̈ዝ ኢ̈ታ ኦ̈ን ጋርታ̇ ዪንቲ̇ ጌላፒ̇ቴ። 8 ዪንቲ̇ ዓኒ̇ፖ̇ ቲ̈ን ም ጋርታ̇ ዎ፥ ዓት ዪንቲ̇ ጎዳ̈ባር ፔታ̇ን ማ̈ቂ̇ኖኮታ̇ቦ ፎኢን ጋርታ ዎ። ዪ̈ኮታ̇ቦ ፎኢን ጋርታ̇ ዎ ኣሳንፌ̈ን ማ̈ቃ̇ር ዶኢብቴ። 9 ኣባ ጌይን ፎኢንስ ጋርታ̇ ዎ ኣሲ ጺሊቲ̇፣ ኪንቲኬ ኮሺቲ̇ ኣ̈ፍ ኣ̈ፊ̈ሬ። 10 ዪዚ ጎዳ ኡፋይሲ̇ዝ ባዝ ኦ̈ንዳብ ኮዪብቴ። 11 ኣ̈ፊ ባ̈ዮ ም ኦ̈ሳ ጋርታ ጌሊ ኢና ቡሺንታ̇ፒ̇ቴ፤ ኢዝ ጋርታ ጌሊ ቡሺንታናፖ̇ ኢዞ ፋላ̇ ጋልዳ ኬሳ̇ር ቤይሳንዳብ ኮሺ̇̈ሬ። 12 ኢንቲ̇ ኣሲ ቤቃካ̇ይዶን ኦ̈ዝ ኦ̈ሲን ኢንታ̇ባር ኦ̈ዛ ኣቲ̇ን ኢንታ̇ ኦሲ̇ን ኖ̈ናባር ሶ̈ላንዳብ ዬ̈ሊ̇ሬ። 13 ፎኢን ፎኢኖ ቤሳ̇ ጋልዳ ዎ ባዚ ዎይ ዪ̈ሺሽ ጋ̈ር ቤንቲ̇̈ሬ። 14 ኣባጌዪን ዎይ ባዚ ቤንታ̇ምፔን ዎቲዛዲ ፎኢን፤ ዪ̈ኮታ̇ቦ፥ “ኣን ኔ ሱርቂ̇ኖዶ! ባርካ̇ቤ፥ ዓይቃ ጋርታፖ̇ ዲንዳ̇̈ቤ ክርስቶ̈ሲ ኔ̈ብ ፎኢሲ̈ሬ” ጌይኔ። 15 ዪዚ ዪንቲ̇ ዎዛርፌ̈ን ዶኣንዳብ ኮሺ̈̇ርኮ ኮሺንቻ̇ር ቆፒ̇ብቴ፥ ኤ̈ራንፌ̈ን ማ̈ቂብቴዶኬ ኤ̈ሪ̈ ባዮ̇ ኣስ ማ̈ቃፒ̇ቴ። 16 ዓና̇ ላይንዳ ኢ̈ት ማ̈ቂ̇ኖኮታ̇ቦ ዪንቲ̇ ኮሽ̇ ባዝ ኦ̈ንዳብ ዪንታ̇ብ ቤንቲ̇ኖ ኬ̈ሊን ኢዝባር ኮሽ̇ባዝ ኦ̈ብቴ። 17 ዪ̈ኮታ̇ቦ ጎዳ̇ዲ ኮያዚን ኣብዚኮ ኢዞ ቆ̈ፓ̇ር ኤሪብቴዶኬ ቦ̈ዛ ኣስ ማ̈ቃፒ̇ቴ። 18 ዪንታ̇ ይሲዝ ጎይ ቲ̈ኒዛኮታ̇ቦ ዎይና ጃ ኡሽኪ ማሲታፒ̇ቴ ዪኖ ዎታናፖ̇ ጌ̈ሻ̇ ኣያ̇ናባር ኩሚብቴ። 19 ዪንቲ ዎል ዎልኣ ሚ̈ንንዳቦ ማዝሙራ ዬጺ̇ሙታ̇፥ ማ ፎቲ ቡ̈ዳፖ ጎዳ ማዝሙራባር ጋላቲብቴ፥ 20 ኑ ጎዳ̇ ዬሱ̈ስ ክርስቶ̈ሳ ሱ̈ምባራ ዎይ ባዛቦ ጾ̈ሳ̇ ባ̈ባ̈ ዎይ ጋላስ ጋላቲብቴ። ማቺ̇ኬ ኣሲንኬ ጎይ ታማ̈ርሲኖ ቲሚርታ 21 ክርስቶ̈ሳብ ኢ̈ጫሪ ዪንታ̇ ጋርታ ፔታ̇ና ፔታ̇ና̈ቦ ኪቲ̇ንታጋ̈ቤ። 22 ማጫ̇ን! ዪንቲ̇ ጎዳ ዬሱ̈ሳብ ኪ̈ቲንታ̇ዚንዲፌ̈ኒ ዪንታ̇ ኣስኒንታ̇ንብ ኪ̈ቲንቲ̇ብቴ። 23 ክርስቶ̈ሲ ኢዞ ፋኖንዲኬ ኢዛር ኢ̈ቦ ጋል̇ ማ̈ቂ̇ኖ ዎ̈ሳ ኬ̈ምቦ ኢ ቆም̇ ማ̈ቂ̇ኖንዲፌ̈ኒ ኣስና̈ዳር ፌ ማጪ̇ምቦ ቆሜ̇። 24 ዎ̈ሳ ኬ̈ንዳ ክርስቶ̈ሳብ ኪ̈ቲንታ̇ዚንዲፌ̈ኒ ማ̈ጫ̇ንሬ ዎይ ባዛባር ፌ ኣስኒንታ̇ንቦ ኪ̈ቲንታ̇ጋ̈ቤ። 25 ኣስኒንታ̇ን! ክርስቶ̈ሲ ዎ̈ሳ ኬ̈ን ካኖንዲፌ̈ንኬ ኢዝ ጊሻ̇ብ ፌ̈ና ዓይቃብ ኣ̈ር ኢሚ̇ኖንዲፌ̈ን ዪንታ̇ር ዪንታ̇ ማጫ̇ን ካብቴ። 26 ክርስቶ̈ሲ ዪኖ̇ ዎቲኖንዳ ዎ̈ሳ ኬ̈ን ጌ̈ሻ̇ንዳብ ኮያሪዬ፤ ኢ ኢዞ ፌ ቃ̈ሊን ጎይባራ ዋ̈ባር ሜ̈ጫ̇ሪ፥ 27 ዪል ዎታክ ጌ̈ሻ̇ሪ ኢዝ ጋልዳ ኣባክ ማዛ ባዮ̇ ጌ̈ሽ̇ኬ ቆይሲዝ ዎ̈ሳ ኬ̈ ማሃር ፌ̈ክ ሺ̈ሺ̇ንዳቦ። 28 ዪና̇ ኢዝፌ̈ኒ ኣስኒንታ̇ን ፌ̈ና ካዚንዲፌ̈ን ፌ ማጫ̇ን ካንዳብ ኮሺ̇̈ሬ፥ ፌ ማጪ̇ን ካዛዲ ፌ̈ና ካ̈ሬ። 29 ኣሲ ሙዪ ኡሽኪ̇ ፌ̈ና ና̈ጊ̈ርዶኬ ፌ̈ና ሺሪንቲ̇ ኢጺ̇ዝ ኣሲ ኦ̈ናካር ባዬ፤ ክርስቶ̈ሳሬ ዎ̈ሳ ኬ̈ምቦ ዎታዚንዳ ዪና̇ ኢዝፌ̈ኔ፤ 30 ኣባ ጌይን ኑ̈ናሬ ኢ̈ቦ ጋል̇ ማ̈ቂ̇ኖኮታ̇ቦ። 31 “ዪ̈ኮታ̇ቦ ኣሲ ፌ ባ̈ባኬ ፌ ኢንዲ̇ኬ ኣሻ̈ሪ ፌ ማጪ̇ምባራ ዎልኣ ፔታ̇ን ማ̈ቂሬ፤ ኢንቲ̇ ዎልኣ ፔቲ̇ ኣይሽ ማ̈ቂ̇̈ሬ” ጋ̈ሪ ጻ̈ፊንቲ̇ኔ። 32 ዪ̈ዲ ጴች ሚስጢ̇ራ፤ ቴ ዪኖ̇ ዪንታ̇ክ ጋ̈ዚንዳ ክርስቶ̈ሳኬ ዎ̈ሳ ኬ̈ ጎይ። 33 ዎቲናካሬ ዪንታ̇ር ማ̈ቂ̇ን ኣስና̈ዲ ፌ̈ና ካዚንዲፌ̈ኒ ፌ ማጪ̇ን ካጋ̈ቤ፤ ማጪ̇ንዳሬ ፌ ኣስና ቦንቻ̇ጋ̈ቤ። |