ሃዋ̈ራታን ኦ̈ሳ 5 - ኦራ ጫ̈ቃ ማጻ̈ፋሃ̈ና̈ናኬ ኢ ማጪ̇ን ሳ̈ጳሪኬ 1 ሃ̈ና̈ና ጌይዝ ና̈ሳዲኬ ኢ ማጪ̇ን ሳ̈ጳሪክ ዎልኣ ማ̈ቃ̇ሪ ፌ ሳ̈ዚን ዎ̈ጚዴ። 2 ኢ ማጪ̇ን ኤራዚምባራ ፌ ሳ̈ዚንባር ዎ̈ጚኖ ሚ̈ሺ̇ን ጋርታፖ ባጊ̇ን ፋጊ ኣሻ̇ሪ ባጊ̇ን ኤኪ̇ ዬ̈ሪ ሃዋ̈ራታንቦ ኢሚ̇ዴ። 3 ጴ̈ጥሮ̈ሲ ኢ̈ኮ “ኣ̈ን ሃና̈ኖ! ኔ ጌ̈ሻ̇ ኣያ̇ና ቲ̈ን ማቃ̇ራ ኔ ዎጚኖ ሚ̈ሺ̇ን ጋርታፖ ዶኪ̇ን ኣሻ̇ር ዶኪ̇ን ኤካ̇ ዬ̈ምፔ̈ን ሴ̈ጣና ኣባብ ኔ ጋርታ ጌሌ፤ 4 ሳ̈ዚን ዎ̈ጛናፖ ቲ̈ን ኢዛ ኔዪ ባያ? ኔ ዎጚኖፖ̇ ዓናሬ ሚ̈ሺ̇ን ዎይ ኔ ኩሽታ ዎባያ? ኔ ዎዛርታር ዓኒ̇ፌን ዎታንዳብ ኔ ቡ̈ዳ ጋርታ ቆ̈ፒ? ዓና̇ ኔ ጾ̈ሳ̇ ጋልዳ ማቂ̇ንዶኬ ኣሳ ጋልዳ ጊዳካ̇ዬ” ጌይዴ። 5 ሃና̈ኖ ዪና̇ ቃ̈ሊን ሲስኪ̇ኖፖ̇ ዓኒ ኬዳ̇ር ዓይቂ̇ዴ። ዪና̇ ሲስኪ̇ኖ ኣሳን ዎይ ዎይሊን ኢ̈ጪ̇ዴ። 6 ኢና ዎ ናኢቲን ዲንዳር ኣሂን ሲፊ ቃቻ̇ር ኤጚ ዱ̈ኪ̇ዴ። 7 ዓይዚ̇ ሳኣ̈ታፖ̇ ዎሃ ኢ ማ̈ጪንዳ ፌ ኣስና ዬሊ̇ኖ ባዚን ቤቃካይዶራ ዬ̈ር ጌላዴ̈። 8 ጴ̈ጥሮ̈ሲ ኢዝኮ “ዪዚ ኔ ታ̈ብ ሶ̈ሊኔ፤ ዪንታ̇ ሳ̈ዚንባር ዎ̈ጚኖ ሚ̈ሺ̇̇ን ዓኒያ?” ጋ̈ር ኦይጪ̇ን ኢዛሬ “ኣ ዓና̇ ኢዞ” ጋ̈ዴ። 9 ጴ̈ጥሮ̈ሳሬ ኢዝኮ “ዪንቲ ጾ̈ሳ̇̇ ኣያ̇ና ፋ̈ጫንዳብ ዎዛርፌ̈ን ዎልኣ ዞሪንቲ̇ቴ? ዓ̈ዲሼ ቤቃ̇ቤ! ኔ ኣስና ዱ̈ኪ̇ኖ ኣሳን ካራ ጋልዳ ዎ፤ ዓት ኔ̈ናር ኤኪ̇ ሉኪ̇ ዱ̈ኪ̇̈ሬ” ጌይዴ። 10 ኢ ዪና̇ ጋ̈ዚምባር ኢና ኢዛር ኢ ቲ̈ን ኢና ኬዳ̇ር ዓይቃ̇ዴ። ናኢቲንሬ ኬ̈ ጌላምባር ኢዛ ዓይቂ̇ንዶ̈ን ቤቃ̇ሪ ኬሳር ኤ̈ጛር ኢዝ ኣስና ላ̈ፍ ኢዞ ዱ̈ኪዴ̈። 11 ዪኖ̇ ሲስኪ̇ኖ ኣሳን ዎይኬ ዎ̈ሳ ኬ̈ን ዎይ ዎይሊን ኢ̈ጪ̇ዴ። ሃዋ̈ራታን ኩሽታ ዎይሊን ኣሲ ፋጺዴ 12 ሃዋ̈ራታን ዎርዣ̈ ጊዳ̇ ዎይሊን ታ̈ሚ̇ራ̈ታኬ ጋራ̇ሚሲዝ ኦ̈ሳ ኦ̈ዴ፤ ኣማ̇ኒኖ ኣሳንር ዎይ ዎል ፔቲ̇ ቡ̈ዳ ማ̈ቃ̇ሪ ሶ̈ሎሞና ባራንዳ ጋ̈ዝ ቤሲ̇ን ጋልዳ ዬዪ ሺ̈ቂ̈ሬ። 13 ዎርዣ ዎይ ኢንታ̇ ቦንቺ̇ዛ ማ̈ቂ̇ናካሬ ዬ̈ሪ ኢንታባር ዬ̇ንዳቦ ኢ̈ጪ̇̈ሬ። 14 ዎይሊን ኣቲናኬ ማጫ̇ን ጎዳ ኣማ̇ኒሙታ̇ ኢንታ̇ ጋልዳ ጉጂንቲ̇ዴ። 15 ሃዋ̈ራ̈ታን ዎይሊን ታ̈ሚ̇ራ̈ታ ኦ̈ሙታ̇ ዎኮታ̇ቦ ጴ̈ጥሮ̈ሲ ጎይምባር ኣ̈̇ምባራ ሜላ ኣቲ̇ን ኢ ሺፊን ኢንታ ጋልዳ ዬላ̇ራ ማኖን ፋምፌ̈ን ኢንታ̇ ዓ̈ሻባር ቶ̈ካ̇ር ኤኪ̇ ዬሪ ጎይም ጋልዳ ሱርሲ̈ሬ። 16 ዬሩሳ̈ላም ቡጊድ ዎ̇ ካታ̇ማ̇ን ጋርታፖ ዎይሊን ዎርዦ ማዝ ኣሳንኬ ኢ̈ታ ኣያ̇ናባር ቢጻ ቤቂ̇ዝ ኣሳን ኢና ኤሄይዴ፥ ዎይን ፋጺዴ። ሃዋ̈ራታን ጋልዳ ሜታኬ ዳስ̇ኬ ዬሊ̇ዴ 17 ቄ̈ሳ ኣላቃንቦ ኣላቃ̈ዲኬ ኢባር ዎልኣ ዎ ኢ ላጋ̇ንስ ሳ̈ዱቃን ዎይ ቂና̈ታ ኢንታ ኤ̈ዴ፤ 18 ሃዋ̈ርታን ኤ̈ር ቃሺ ኣ̈ል ጌልሲዴ። 19 ማ̈ቂኔካሬ ጾ̈ሳ̇ ኪ̈ታንቻ̈ዲ ቃም̇ ቃሺ ኣ̈ል ካሪን ፊርቃር ኢንታ ኬሳ̇ሪ፥ 20 “ሉኪ̇ብቴ! ጾ̈ሳ̇ ኬ̈ ጋርታ ጌላሪ ዓና̇ ሼምፓ ቃ̈ሊን ኣባካር ኣሻካ̇ይዶር ዎርዣ̈ቦ ሶ̈ሊብቴ̈” ጌይዴ። 21 ሳ̈ዚን ዎንቲ̇ን ኢንታብ ሶ̈ሊኖንዲፌኒ ጾ̈ሳ̇ ኬ̈ ጋርታ ጌላሪ ዎርዣ ታማ̈ርሲ ኤ̈ዴ። ዪና̇ ኢዝባራ ቄ̈ስ ኣላቃንቦ ኣላቃ̈ዲኬ ኢባር ዎ ኣሳን ዬ̈ሪ ኣይሁድ ፊርድ ኣ̈ሎ ኣሳንኬ ኢስሬ̈ላ ጪጛሻን ዎይ ዎልኣ ፔታ̇ን ሺ̈ሺ̇ዴ፤ ኢናፖ ቃሺ ኣ̈ል ሉካ̇ሪ ሃዋ̈ራታን ኤኪ̇ ዬ̈ምፔን ኣስ ሚሺዴ። 22 ኪ̈ቲንቲ̇ኖ ኣሳን ቃሺ ኣ̈ል ሉካ̇ሪ ሃዋ̈ራታን ዲጛካይ ሜላ̇ ማ̈ቂ̇ዴ። ኢንታ̇ር ማ̈ቃ̇ር ዬ̈ሪ ኢንታ̇ኮ፥ 23 “ቃሺ ኣ̈ሊንዳ ሚን ቁልፋባር ቁልፊንታ̇ር ዎዶን ኢና ና̈ጊዝ ኣሳንሬ ካራ ጋልዳ ኤቃ̇ር ዎዶን ኑ ዲጚዴ፤ ዎቲናካር ቃሺ ኣ̈ል ካሪን ፊርቃ̇ር ኑ ቤቃ̇ምባራ ጋርታ ኦ̈ናካር ባዬ̇” ጋ̈ር ሶ̈ሊዴ። 24 ጾ̈ሳ̇ ኬ̈ን ና̈ጊዛንቦ ኣላቃ̈ዲኬ ቄ̈ሳ ኣላቃን ዪኖ̇ ሲስካ̇ሪ “ዪ̈ፌ̈ኖ ባዛ ኣብዝዶኔ?” ጋ̈ር ጋራ̇ሚንታር ሶ̈ሊዝ ባዚ ኢንታ ዪዴ። 25 ዪና̇ ኢዝባራ ፔቲ̇ ኣሲ ዬ̈ሪ “ዪንቲ ቃሺ ኣ̈ል ጌልሲኖ ኣሳን ዓንሼ ጾ̈ሳ̇ ኬ̈ ጋርታ ኤቃ̇ር ዎርዣ ታማ̈ርሲ̈ሬ” ጋ̈ር ኢንታ̇ብ ሶ̈ሊዴ። 26 ጾ̈ሳ̇ ኬ̈ን ና̈ጊዛንቦ ኣላቃ̈ዲ ፌ ዎታ̇ዳራንባር ዎልኣ ማ̈ቃ̇ር ሉካ̇ሪ ኢንታ̇ ኤ̈̇ ኤሄይዴ። ኤሄይኖንዳሬ ዎልቃባር ጊዳካዬ̇። ኢንቲ̇ ዎርዣ ኢንታ ሹችባር ቆጻካ̇ዮ̈ዲፌ̈ን ኢጪ̇̈ኔ። 27 ሃዋ̈ራታን ኤኪ̇ ዬ̈ሪ ኣሳ ሺ̈ቂኖ ቲ̈ን ኤሳ̇ሪ ቄ̈ሳ ኣላቃንቦ ኣላቃ̈ዲ ኢንታ̇ኮ፥ 28 “ዬሱ̈ሳ ሱ̈ሚንባራ ታማ̈ርሳፒቴ ጋ̈ር ኑ ዪንታ̇ብ ኮሺንቺ ሶ̈ሊንዶ̈ን ዓት ዪንቲ ዪንታ ቲሚርቲ̇ን ዓኖ̇ ዬሩሳ̈ላም ካታሚን ዬልዴ። ዪንቲ̇ ኑ̈ና ና̈ሳ ዓ̈ ሱ̈ምቦ ኦይጪንቲ̇ዝ ኣስ ማሃንዳ̇ቦ ጊጻ̇ር ዲንዲ̇ኔ” ጌይዴ። 29 ጴ̈ጥሮ̈ሳኬ ሜላን ሃዋ̈ራታን ዎል ማ̈ቃ̇ሪ ማሂ ሶ̈ሊ̈ርዶሪ “ኑ ዪንታ̇ብ ኪ̈ቲንታ̇ናፖ̇ ጾ̈ሳ̇ቦ ኪ̈ቲንታ̇ንዳብ ኑ̈ብ ኮሺ̇̈ሬ። 30 ኑ ባቢንታ ጾ̈ሳ̇̇̈ዲ ዪንቲ̇ ሚ ጋልዳ ሶቲ̇ ዎኖ ዬሱ̈ሳ ዓይቃ ጋርታፖ̇ ዲንዴ። 31 ኢያሬ ኢስሬ̈ል ዎርዣን ጾ̈ሳ̇̇̈ክ ማ̈ቂ̇ን ኢንታ ናጋራ ኢንታ̇ብ ኣቶ ጌዪንታ̇ምፔ̈ኒ ጾ̈ሲ ኢያ ዎይ̈ቦ ላ̈ኬ ዎይ ፋዛ ማሃር ፌ ላ̈ፍ ሾክ ሾክ ዎቲዴ። 32 ኑ̈ናር ዪን ባዛንቦ ማርካ̇። ማ ጾ̈ሳ̇̇̈ቦ ኪ̈ቲ̇ንቲ̇ዛንቦ ኢሚ̇ንቲ̇ኖ ጌ̈ሻ̇ ኣያ̇ና̈ዳሬ ማርካ̇” ጌይዴ። 33 ኣሳንሬ ዪኖ̇ ሲስካ̇ሪ ኢ̈ት ጎይሊዴ̈፤ ኢንታ̇ ዎንዳባር ኮዪዴ̈። 34 ዎቲናካሬ ዎርዣ ዎይ ቲ̈ን ቦንቺንቲ̇ኖ ሂጋ̇ ኣስታማ̈ሪ ማ̈ቂ̇ኖ ጋማላ̈ላ ጌይዛ ፋራሳ̈ዊ ፔታ̇ን ዶሪ ኣይሁድ ፊርድ ኣሎ ኣሳን ቲ̈̈ን ዲንዳር ኤቃ̇ሪ ሃዋራታን ዛ̈ና ኬሳ̇ር ጊላ̇ ጋምኢሳምፔን ኪቲ̇ዴ። 35 ኢ ኣሳን ሺ̈ቂኖንኮ “ኢስሬ̈ላ ጋዶ̇ ኣሳን! ዪንቲ ዓን ኣሳን ጋልዳ ኢ̈ት ባዝ ኦ̈ናፖ̇ ቲ̈ን ዪንቲ̇ ቆፒ̇ኖኮ ኮሼ̇! 36 ዓኒፖ̇ ቲ̈ን ቴዎዳ̈ሳ ጌይዝ ናሳዲ ‘ቴ ጴች ኣሴ’ ጌዪ ዲንዲዴ፤ ኦይዲ ጼ̈ታ ማቃምፔ̈ኖ ኣሳንር ፌባር ኤኪ̇ ኬስኪ̇ን ዎሃ ኣሲ ኢያ ዎዴ፤ ኢባር ዎ ኣሳንር ዎይ ላ̈ሊ̇ንቲ̇ዴ፤ ኢ ቆ̈ፋዳር ዎይ ሜላ̇ ኣቲ̇ዴ። 37 ኢ̈ፖ̇ ዎሃ ዎርዣ ፋይዲንቲ̇ኖ ኬል̇ባራ ጋሊላ ጋዶ̇ ዪሁዳ ጌይዝ ና̈ሳ ዲንዳ̇ሪ ዎይሊን ዎርዣ ፌባር ኤካ̇ር ኬስኪን̇ዶን ኣሲ ኢያ ዎዴ፤ ኢባር ዎ ኣሳንር ላ̈ሊ̇ንቲዴ። 38 ዪ̈ኮታ̇ቦ ዓታ̇ር ቴ ዪንታ̇ክ ጋ̈ዚንዳ “ዓን ኣሳን ኣሺ̇ብቴ̇፤ ኢንታ ዎ̈ሻፒቴ̇፤ ኢንታ ቆፊንዲኬ ኢንታ ኦ̈ሲንዳ ኣሳ ቆ̈ፊ ዎይ ኣሳ ኦ̈ሳኮ ፌ̈ብ ያሬ̈። 39 ጾ̈ሳ̇̇ ቆፊኮ ይሳ̇ንዳብ ዳንዳኢባ̈ሴ። ኢንታ̇ ኦ̈ሲንዳ̇ ጾ̈ሳ̇̇̈ካፖኮ ዪንቲ̇ ጾ̈ሳ̇̇ባር ጎይሊንቲዝ ባዝ ማ̈ቂ̇ዝዳ” ጌይን ኢንታ̇ር ጋማላ̈ላ ዞ̈ሪን ኤኪ̇ዴ። 40 ኢናፖ̇ ሃዋ̈ራታን ፌ̈ክ ጼ̈ይጊሳሪ ኢንታ̇ ጋራ̇ፊሲዴ። ኢናፖ̇ ዓኒ ናምኢ ዬሱ̈ሳ ሱሚን ዲንካይፌ̈ን ኪ̇ታ̇ር ኢንታ ኣሺ̇̈ዴ። 41 ሃዋ̈ራታንሬ ዬሱ̈ሳ ሱምባራ ሜታ ኤካ̇ምፔ̈ኒ ጾ̈ሲ̇ ኢንታ̇ ማራ̇ጺኖኮታ̇ቦ ኡፋይቲ̇ሙታ̇ዶ̈ር ኣሳ ሺ̈ቂኖ ቤሳፖ̇ ኬስኪ ሉኪ̇ዴ። 42 ዎይ ጋላስ ጾ̈ሳ̇ ኬ̈ ጋርታር ማ̈ቆ̇ ፌ ኣ̈ላሬ ዬሱ̈ሲ ኢ ክርስቶ̈ሳ ማ̈ቂ̇ኖን ታማ̈ርሳዚንዲኬ ሳባ̇ካዚን ኣባካር ኣሻ̇ካ̇ዬ። |