ሃዋ̈ራታን ኦ̈ሳ 3 - ኦራ ጫ̈ቃ ማጻ̈ፋጴ̈ጥሮ̈ሲ ጌሻ ጌሺዝ ቶሂ ዎብ̇ ኣስ ፋዴ 1 ፔቲ̇ ጋላስ̇ ጴ̈ጥሮ̈ሳኬ ዋ̈ኒ̇ሳኬ ዎልኣ ዎ̈ሳ ዎ̈ሲ̇ዝ ሳኣ̈ታባራ ጋላስ ሳ̈ካሊ ሳኣ̈ታ ጋልዳ̇ ጾ̈ሳ̇̇ ኬ̈̈ ጋርታ̇ ሉኪ̇̈ርዶ̈ን፥ 2 ጾ̈ሳ̇̇ ኬ̈ ጋርታ̇ ሉኪ̇ዝ ኣሳን ጋልዳፖ̇̈ ሙጻ̈ታ ጌሻምፔ̈ኒ ኣሳን ዎይ̈ ጋላስ ቶ̈ኪ ኤሄ̈ር “ቆይሲዝ ካራ̈” ጌዪንታ̇̇ዝ ጾ̈ሳ̇̇ ኬ̈ ጋርታ̇ ጌሊዝ ካሪን ጋልዳ ጋዲ̇ዝ፥ ዬሊንቲ̇ኖምፖ̇ ኤ̈̇ር ቶሂ ዎብ ማ̈ቂ̇ኖ̈ ፔቲ̇ ኣሲ ዎ̈። 3 ኢያሬ̈ ጴ̈ጥሮ̈ስኬ ዋ̈ኒ̇ስኬ ዎልኣ ኢና ጌላምባር ቤቃ̇ሪ̈ ሙጻ̈ታ ኢንታ̇ ጋልዳ ጌሺዴ። 4 ኢንቲ̇ ኮት̇ ኢያ ቤቃ̇ሪ፥ ጴ̈ጥሮ̈ሲ ኢ̈ኮ “ኔ ዓይ ኑ̈ና ቤቃ̇ቤ̈” ጌይዴ። 5 ና̈ሳ̈ዳር ኢንታ̇ ጋልዳ̇ፖ̇ ኣባክ ፔቲ̇ ባዝ ዲጛ̈ሬ̈ ጌዪ ቆፓ̇ሪ̈ ኮሺንቺ̇ ኢንታ̇ ቤቂ̇ዴ። 6 ጴ̈ጥሮ̈ሲ ጋ̈ሪ “ሚ̈ሺ̇ ታ̈ብ ባዬ̇̈፤ ማ̈ቂናካሬ̈ ታ̈ብ ዎ̈ ባዝ ኔ̈ብ ኢማ̇ንዳ̇፤ ና̈ዝሬ̈ቶ ዬሱ̈ስ ክርስቶ̈ሳ ሱምንባር ዲንዳር ዬ ̇ቢሪንታ̇ቤ” ጌይዴ። 7 ኢናፖ̇ ኢ ኡሻቻ̇ ኩሺን ኤ̈̇ር ኢያ ዲንን ኤሊ̇ባራ ኢ ቶሃንኬ̈ ቂልጫ̇ንስ ሚ̈ጚዴ̈። 8 ፉክ ጌዪ ዲንዳር ጺት̇ ኤቃ̇ሪ ዬ ኤ̈̇ዴ፤ ጌዳክ ዓኒክ ዬ̇ሙታ̇ኬ̈ ዶ̈ጚ ሙታ̇ዶ̈ሪ ጾ̈ሳ̇̇̈ዳሬ̈ ጋላቲ ሙታ̇ዶ̈ሪ̈ ኢንታ̇ባር ዎልኣ ጾ̈ሳ̇̇ ኬ̈ ኣሲ ሺ̈ቂዛ ጋርታ̇ ጌሊዴ። 9 ዎርዣ̈ዳር ዎይ ኢ ዬ̇ሙታ̇ኬ̈ ጾ̈ሳ̇̇̈ ጋላቲሙታ̇ ቢሪንታ̇ዚን ቤቃ̇ሪ፥ 10 ዓ̈ ና̈ሳ̈ዲ ዓኒ̇ፖ ቲ̈ን “ቆይሲዝ ካራ” ጋ̈ዚን ጾ̈ሳ̇̇̈ ኬ̈ ጋርታ̇ ጌላዝ ካሪን ጋልዳ ዶኣሪ ሙጻ̈ታ̈ ጌሺዛ ኢያ ማ̈ቂኖን ኤራሪ ኢ ዓት ፋጺኖን ቤቃ̇ሪ̈ ዎይሊን ጋራ̇ሚንቲ̇ዴ። ጴ̈ጥሮ̈ሲ ጾ̈ሳ̇ ኬ̈ ጋርታ ሶ̈ሊኖ ሶ̈ላ 11 ፋጺኖ̈ ና̈ሳ̈ዲ ጴ̈ጥሮ̈ሳኬ ዋ̈ኒ̇ሳ ኣሻ̇ብዳ ጋ̈ሪ ኢንታ̇ባር ዎልኣ ዎዶ̈ን ዎርዣ̈ ዎይ ጋራ̇ሚንታ̇ሪ “ሶሎሞ̈ን ባራንዳ̇” ጌያ ጼይጊንታ̇ዝ ጎይንባር ዎባራ ኢንታ̇ክ ዬይዴ። 12 ጴ̈ጥሮ̈ሲ ዪና̇ ቤቃ̇ር ኢንታኮ̈ “ኢስሬ̈ላ ዎርዣ̈ዶ! ባዝ ዓኒ̇ባር ዪንቲ̇ ኣባብ ጋራ̇ሚንቲ̇̈ራ? ኑ ኑ ዎልቃባር ዎይ ኑ ጌ̈ሺ̇ቲባራ̈ ዓ̈ ና̈ሳ ፋጻር ዬ̇ምፔ̈ኒ ዎቲኖ̈ዲፌ̈ን ፋይዳር ኑ̈ና ኮት̇ ዎታር ኣባብ ቤቂ̇̈ራ? 13 ኑ ባ̈ቢንታ̇ን ጾ̈ሳ̇̇፥ ኣብራሃ̈ማ፣ ዪሳ̈ቃኬ̈ ዓይቆ̈ባ ጾ̈ሳ̇̇̈ዲ ፌ ናኣ̈ ዬሱ̈ሳ ቦንቺ̇ዴ። ዪንቲ̇ ኢያ ዓይቃ̇ምፔ̈ኒ ኣ̈ ኢሚ̇ዴ̈። ጲላ̈ጦ̈ሲ ኢያ ቢላ̇ንዳቦ̈ ኮዪንዶ̈ኒ ዪንቲ̇ ኢያ ኢ ቲ̈ን ‘ኑ ኢያ ኮዪባሴ̇’ ጌይዴ። 14 ዪንቲ̇ ጌ̈ሻ̇̈ዳ̇ክ ጺላ̇̈ዳ “ኑ ኢያ ኮዪባ̈ሴ” ጋ̈ሪ ሼምፓ ዎኖ ዪንታ̇ብ ቢላ̇ምፔ̈ን ጌሺዴ። 15 ሼምፓ ኢሚ̇ዛ ዪንቲ̇ ኢያ ዎዴ፤ ዎቲናካሬ̈ ጾ̈ሲ̇ ኢያ ዓይቃ ጋርታ̇ፖ̇ ዲንዴ̈፤ ኑ̈ናር ዪኒ̇ቦ̈ ማርካ̇። 16 ዓ̈ ዪንቲ̇ ቤቂ̇ዛ̈ዲኬ̈ ኤሪዛ̈ ና̈ሳ̈ዲ ፋጺኖ̈ዲ̈ ዬሱ̈ሳ ሱምባ̇ራ̈ ኣማ̇ኒኖ̈ኮታ̇ቦ̈። ዪንቲ̇ ዎይን ቤቃ̇ዚንዲፌ̈ኒ ዪ ና̈ሳ̈ዲ ዉርሲ̇ ፋጻምፔ̈ኒ ዎቲኖ̈ዲ ዬሱ̈ሳ ሱምንዲኬ̈ ዬሱ̈ሳ ጎይባራ̈ ቤንቲ̇ኖ̈ ኣማ̇ኒንዶ̈። 17 “ቴ ኢሺንታ̇ን̈! ዪንታ̇̇ር ዪንታ̇ ኣላቃንፌ̈ኒ ኤራካ̇ይዶ̈ር ዓና̇ ዎቲኖን ቴ ኤራ̈ሬ። 18 ዎቲናካሬ̈ ጾ̈ሲ̇ ፌዪ ማ̈ቂ̇ኖ ክርስቶ̈ሲ ሜታ ኤካ̇ምፔ̈ኒ ቲ̈ኒታር ናባን ዎይን ኖ̈ናባር ሶ̈ሊኖን ፎቲኔ። 19 ዪዚ ዪንታ̇ ናጋራ̈ ዪንታ̇ቦ̈ ኣቶ̇ ጌዪንታ̇ምፔ̇̈ንኬ ጎዳ ዪንታ̇ ማ̈ዲ̇ዝ ላይ ዬ̈ምፔ̈ኒ ማ̈ሪቲ ጌላር ጎዳ̈ክ ማ̈ቂ̇ብቴ። 20 ቲ̈ኒታር ዪንታ̇ቦ ጌዪ ዎ̈ ክርስቶ̈ሳ ኢያሬ ዬሱ̈ሳ ዪንታ̇ብ ሚሺ̈ሬ። 21 ጾ̈ሲ̇ ቲ̈ኒታር ጌ̈ሻ̇ ናባን ኖ̈ናባር ሶ̈ሊኖንዲፌ̈ኒ ፌ ኦ̈ኖ ባዛን ዎይ ኦራ ማሂዝ ዲራ̈ስ ዬሱ̈ሲ ኣፋ ጋምኣንዳብ ኮሺ̇̈ሬ። 22 ሙ̈ሳር ኢንታኮ̈ ‘ዪንታ̇ ጎዳ ጾ̈ሳ̇̇̈ዲ ታ̈ና ኬሲ̇ኖ̈ዲፌ̈ኒ ዪንታ̇ ጋርታ̇ፖ̇̈ ሜላ ናቢ ዪንታ̇̇ቦ ኬሲ̇̈ሬ̈፤ ኢ ዪንታ̇ብ ሶ̈ላዚን ዎይ ሲስኪ̇ብቴ̈። 23 ዪ̈ ናባ̈ኮን ሲስኪባ̈ሶ ኣሲ ዎይ ዎርዣ̈ ጋርታ̇ፖ̇ ቆሪንታ̇ር ዮ’ ጌይኔ። 24 “ማ ናባ̈ ሳሞ̈ልኬ̈ ኢ̈ፖ ዎሃ ዎ̈ ናባን ዎይ ኬል̇ ዓና̇ ጋርታ̇ ማ̈ቃ̇ዝ ባዚን ሶ̈ሊኔ። 25 ዪንቲ̇ ጾ̈ሲ̇ ፌ ናባንባር ሶ̈ሊኖ̈ ታስፋ ቃ̈ሊንዲኬ ጾ̈ሲ̇ ኣብራሃ̈ማቦ ‘ሳ̈ዝ ጋልዳ̇ ዎ̈ ኣሲ ዎይ ኔ ዜርባራ̈ ኣንጂንቲ̈ሬ̈’ ጌዪ ዪንታ̇ ባ̈ቢንታ̇ንብ ጫ̈ቂ̇ኖ̈ ጫ̈ቂን ኤኪ̇ዝ ኣሴ። 26 ዪ̈ኮታ̇ቦ̈ ጾ̈ሲ̇ ቲ̈ኒታር ፌ ናኣ̈ ዪንታ̇ክ ሚሺ̈ዴ̈። ኢ ዪ̈ ዎቲኖ̈ዲ ዪንቲ̇ ዎይ ዪንታ̇ ኢ̈ታ ኦ̈ሲን ጋርታ̇ፖ̇ ማ̈ሃሪ ዪንታ̇̇ ኣንጃንዳቦ” ጌይዴ። |