ሃዋ̈ራታን ኦ̈ሳ 18 - ኦራ ጫ̈ቃ ማጻ̈ፋጳውሎ̈ሲ ቆሮንቶ̈ስ ካታሚን ጋርታ ሉኪ̇ዴ 1 ዪኒ̇ፖ ዎሃ ጳውሎ̈ሲ ኣቴ̈ናፖ ኬስካ̇ሪ ቆሮንቶ̇̈ስ ሉኪ̇ዴ። 2 ኢና ጳንጦ̈ሳ ጌይዝ ጋዶ̇ ኣስ ማ̈ቂ̇̈ኖ ኣቂ̈ላ ጌይዛ ፔቲ̇ ኣይሁድ ኣስዶ̈ን ኢያ ዲጚዴ። ሮ̈ማ ካ̈ታ ቄላውዶ̈ስ ጌይዛ̈ዲ ኣይሁድ ዜር ዎይ ሮ̈ማ ጋዳ̇ፖ̇ ኬስካ̇ምፔ̈ኒ ኪ̈ቲ̇ኖኮታ̇ቦ ኣቂ̈ላ ፌ ማጪ̇ን ጲስቂ̈ሊ̇ባር ዎልኣ ኢጣ̈ላፖ̇ ኬስካ̇ሪ ቆሮንቶ̈ስ ካታሚን ጋርታ̇ ቢርት ዬይኔ። ጳውሎ̈ሲ ኢንታ̇ክ ሉኪ̇ ኢንታ̇ባር ኤሪንቲ̇ዴ። 3 ኢ ኢንታ̇ኮንዲፌ̈ኒ ዱንካ̈ና ሲኪ̇ዝ ኣስ ማ̈ቂ̇ኖኮታ̇ቦ ኢንታ̇ባር ዶኣሪ ዎልኣ ኦ̈̈ሬ። 4 ኢ ሳንባታ ጋላስ ዎይ ኣይሁድ ዎ̈ሳ ኬ̈ ጋርታ̇ ሉካ̇ሪ ኣይሁዳንስኬ ግሪ̈ካን ኣማ̇ንንዳብ ኢንታ̇ ታማ̈ርሲ ኤ̈̇ዴ። 5 ሲላ̇ሳኬ ጢማ̈ቶ̈ሳክ ማቂዶ̈ናፖ ዬይን ጳውሎ̈ሲ ዬሱ̈ሲ ኢ ክርስቶ̈ሳ ማ̈ቂ̇ኖን ኣይሁዳንቦ ሚ̈ን ማርኪቲ ሙታ̇ ፌ ጊዚን ዎይ ታማ̈ርሲ ጋል ኣ̈ዴ። 6 ኣይሁዳን ኢ̈ኮን ኢጺ̇ ኢያ ቆ̈ ዎቲን ጎይልባር ፌ ኣፊሊን ኢንታ̇ ቲ̈ን ቲቂሳሪ “ዪዚ ዪንታ ጋልዳ ፊርዳ ዬይጌይንዶ ኦይጪንቲ̇ዛን ዪንታ̇! ታ̈ና ኣባካር ጌልሲዝ ባዚ ባዬ̇፤ ቴ ዪዚ ኣይሁድ ባዮ̇ ኣሳንስኮ ሉካ̇̈ሬ!” ጌይዴ። 7 ኢ ኣይሁዳን ዎ̈ሳ ኬ̈ምፖ̇ ኬስካ̇ሪ ኢና ላፊን ጋልዳ ዎ ጾ̈ሳ̇̇ብ ጎሽቲ̇ዝ ና̈ሳ ቲ̈ቶስ ዮስጦ̈ሳ ጌይዛ ኣ̈ል ሉኪ̇ዴ። 8 ቄሪስጶ̈ሳ ጌይዛ ኣይሁዳን ዎ̈ሳ ኬ̈ምቦ̇ ኣላቃ ማ̈ቂ̇ኖ̈ዲ ፌ ኣ̈ል ኣሳንባር ዎይ ዬሱ̈ሳ ኣማ̇ኒዴ፤ ቆሮንቶ̈ስ ጋዶ̇ ዎይሊን ኣሲ ጳውሎ̈ሲ ሶ̈ላዚን ሲስካ̇ሪ ዬሲ̈ሳ ኣማ̇ናር ጻማ̇ቂንቲ̇ዴ። 9 ጎዳ̈ዳር ጳውሎ̈ሳ ቃም̇ ሳጻባር “ኢ̈ጫፔ! ሶ̈ላቤ፤ ዚምዶኣፔ̇፤ 10 ቴ ኔባር ዎ፤ ካታሚን ዓኒ̇ ጋርታ̇ ታ̈ቦ ዎይሊን ኣሲ ዎኮታ̇ቦ ኔ ጋልዳ ኢ̈ታ ባዝ ኣባክ ዬልዝ ኣሲ ኦ̈ናካር ባዬ̇” ጌይዴ። 11 ዪ̈ኮታ̇ቦ ጳውሎ̈ሲ ዎርዣ ጾ̈ሳ̇̇ ቃ̈ላ ታማ̈ርሲ ሙታ̇ ፔቲ̇ ላይስኬ ባጋ̇ክ ኢና ዶኢዴ። 12 ጋ̈ሎ̈ሲ ኣካ̈ያ ጋ̈ዝ ጋዲን ኣቂሳዝ ኬሊ̇ምባራ ኣይሁዳን ዎል ፔታ̇ን ማ̈ቃ̇ሪ ጳውሎ̈ሳ ጋልዳ̇ ዲንዳ̇ር ኢያ ፊርድ ኣ̈ል ሺ̇̈ሻ̇ሪ 13 “ዓ̈ ና̈ሳ̈ዲ ሂጊ̇ን ካዪዝ ጎይባር ኣሳን ጾ̈ሳ̇̇ብ ጎሽታምፔ̈ን ዎቲ̈ሬ!” ጌይዴ። 14 ጳውሎ̈ሲ ዪ̈ቦ ቢርት ማልስ ኢሚ̇̈ሬ ጌዪ ጊ̈ጊንታ̇ር ዎን ጋርታ̇ ጋ̈ሎ̈ሲ ኣይሁዳንኮ “ኣይሁድ ኣሳን! ኢ ዪንታ̇ ጋልዳ̇ ጴ̈ች ዎንጃላ ኦ̈ኖኮ ዎን ታ̈ኒ ዪንታ̇ ሞ̈ቲን ዋይሳ ሲስካ̈ርዶ̈ን፥ 15 ዪንታ̇ ሞ̈ቲንዳ̇ ቲሚርታ ጎይ፣ ኣሳ ሱም ጎይኬ ዪንታ̇ ሂጊ̇ን ጎይ ዋጪ̇ዛኮታ̇ቦ ዪኖ̇ ዪንቲ ዪንታ̇ብ ውርሲብቴ፤ ዪ̈ዲፌ̈ኖ ባዝ ጋርታ̇ ቴ ጌላባሴ። 16 ዪኖ̇ ሶ̈ላሪ ፊርዳ ኣ̈ሊምፖ̇ ኢንታ ኬሲ̇ዴ። 17 ዪኒ̇ባራ ዎይን ሶ̈ስቴ̈ንስ ጌይዛ ኣይሁዳን ዎ̈ሳ ኬ̈ምቦ ኣላቃ ኤ̈̇ሪ ፊርድ ኣ̈ል ኢና ኢያ ቡኪ̇ዴ። ኢንቲ̇ ና̈ሳ ቡካ̇ምባራ ጋ̈ሎ̈ሲ ዚምጋ̈ር ቤቂ̇̈ሬ። ጳውሎ̈ሲ ኣንጾ̈ካ ማ̈ቂ̇ ዬይዴ 18 ጳውሎ̈ሲ ኣማ̇ኒኖ ኣሳንባራ ዎይሊን ቃም̇ ቆሮንቶ̈ስ ጋምኢኖፖ̇ ዓኒ ኣሳን ሳሪሪ ጲሪስቂ̈ላክ ኣቂ̈ላኬ ኤካ̇ሪ ማርካባባራ ሶ̈ራ ጋዳ̇ ሉካ̇ንዳብ ዴንዲዴ፤ ዎቲናካር ቃጚ ኢ̈ብ ዎኮታ̇ቦ ኢ ሉካ̇ናፖ̇ ቲ̈ን ፌ ቆሚ̇ን ኪንኪራ ጋ̈ዝ ካታሚን ጋርታ̇ ሜ̈ዲዴ። 19 ኢንቲ̇ ኤፍሶ̈ና ካታማ ዬ̈ላ̇ሪ ጲሪስቂ̈ላኬ ኣቂ̈ላ̈ክ ኢና ኣሺ̇ዴ። ኢ ኣይሁድ ዎ̈ሳ ኬ̈ ጋርታ̇ ጌላሪ ኣይሁዳንባር ፋላሚዴ። 20 ኢንታ̇ ጋርታ̇ፖ ፔቲ̇ ፔቲ̇ ኣሳን ኢያ ኢንታ̇ባር ሙቃ̇ ቃም ዶኣምፔ̈ኒ ጌሺንዶ̈ን ኢ ኢጺ̇ዴ። 21 ዎቲናካሬ “ጾ̈ ጌዬጌይንዶ̇ ሜላ ቃም ቴ ዪንታ̇ክ ማ̈ቃ̇ ዬ̈ንዳ” ጋ̈ር ማርካባ ጋርታ̇ ጌላሪ ኤፍሶ̈ናፖ̇ ዲንዳ̇ር ቂሳ̈ራ ሉኪ̇ዴ። 22 ኢ ቂሳ̈ራ ካታማ ዬላ̇ሪ ፉዳ ዬሩሳ̈ላም ኬስካ̇ር ዎ̈ሳ ኬ̈ ኣሳን ሳሪኖፖ̇ ዓኒ ቶ̈ራ ኣንጾ̈ካ ሶ̈ቢዴ። 23 ኢና ሙቃ̇ ቃም̇ ዶኣሪ ጋላ̈ታኬ ፊርጋ ጋዳን ጋርታ̇ ዎይሊን ቤስ̇ ቢሪንቲ̇ ኣማ̇ኒኖ ኣሳን ሚ̈ንዴ። ኣጵሎ̈ሲ ኤፍሶ̈ናኬ ቆሮንቶ̈ሳ ካታማን ጋርታ̇ ሉኪ̇ዴ። 24 ኢስኪንዲ̇ራ ጋዶ̇ ኣስ ማ̈ቂ̇ኖ ኣጵሎ̈ሳ ጌይዛ̈ዲ ኤፍሶ̈ና ጋዳ̇ ዬይዴ። ና̈ሳ ዪ̈ዲ ኮሽ̇ ታማ̈ሪኖ፥ ጌ̈ሻ̇ ማጻ̈ፋር ኮሺንቺ̇ ኤሪዝ ኣሴ። 25 ኢ ዋ̈ኒ̇ሳ ጺንቃቲን ሙታ̇ ኤሪርካዶናሬ ጎዳ ዬሱ̈ሳ ጎይን ታማ̈ሪኖ ኣስ ማ̈ቂ̇ኖኮታ̇ቦ ቡ̈ዳፖ̇ ማ ባሊታ̇ካ̇ይ ታማ̈ርሲ̈ሬ። 26 ኢ ኢ̈ጫካይዶሪ ኣይሁዳን ዎ̈ሳ ኬ̈ ጋርታ̇ ጌላሪ ታማ̈ርሲ ኤ̈̇ዴ። ጲሪስቂ̈ላኬ ኣቂ̈ላክ ኢ̈ኮን ሲስካ̇ሪ ኢያ ፌ ኣ̈ል ኤ̈ጛሪ ጾ̈ሳ̇̇ ጎይን ቲ̈ኖምፖ̇ ሺ ኮሺንቺ̇ ኢያ ኤርሲዴ። 27 ኣጵሎ̈ሲ ኣካ̈ያ ጋ̈ዝ ጋዲን ጋርታ̇ ሉካ̇ንዳብ ቆፒ̇ን ኣማ̇ኒኖ ኣሳን ኢ ቆፊን ኮሼ̇ ጌይዴ። ኣካ̈ያ ዎ ኣማ̇ኒኖ ኣሳንባሬ ኢያ ኮሺንቺ̇ ሞኪ̇ ኤካ̇ምፔ̈ኒ ዳብዳ̈ቢ ጻ̈ፊዴ። ኢ ኢና ዬላ̇ሪ ጾ̈ሳ̇̇ ኮሺቲ̇ንባራ ኣማ̇ና ማ̈ቃ̇ንዳብ ዳንዳኢኖ ኣሳን ዎይሊን ማ̈ዲ̇ዴ። 28 ዬሱ̈ሲ ኢ ክርስቶ̈ሳ ማ̈ቂ̇ኖን ጌ̈ሻ̇ ማጻ̈ፋ ጋልዳፖ̇ ኢንታ ቤይሲ ሙታ̇ ፋላሚ ኣይሁዳን ጋሚዴ። |