ሃዋ̈ራታን ኦ̈ሳ 15 - ኦራ ጫ̈ቃ ማጻ̈ፋዎ̈ሳ ኬ̈ ቲ̈ኒዛን ዬሩሳ̈ላም ካታሚን ጋርታ̇ ሺ̈ቂኖ ሺ̈ቃ 1 ፔቲ̇ ፔቲ̇ ኣሳን ዪሁዳ ጋዳ̇ፖ̇ ቶ̈ራ ኣንጾ̈ካ ዬ̈ሪ “ዪንቲ̇ ሙ̈ሳ ሂጊ̇ን ጋልዳ̇ ጻ̈ፊንቲ̇ኖዲፌ̈ኒ ጋራ̇ዚንታ̇ካ̇ይ ኣቴ̇ጌይንዶ ፋቲ ዲጛንዳብ ዳንዳኢባ̈ሴ” ጌዪ ኣማ̇ኒኖ ኣሳን ታማ̈ርሲ ኤ̈̇ዴ። 2 ጳውሎ̈ሳኬ ባርናባ̈ሳኬ ባዝ ዪኒ̇ኮታ̇ቦ ኣሳን ዪንባር ዎይሊን ኢ̈ት ዋች ጋርታ ጌሊዴ፤ ዪ̈ኮታ̇ቦ ጳውሎ̈ሳኬ ባርናባ̈ሳ ኣንጾ̈ካ ዎ ፔቲ̇ ፔቲ̇ ኣማኒ̇ዝ ኣሳንባር ዎልኣ ማ̈ቃ̇ሪ ዬሩሳ̈ላም ሉካ̇ር ባዝ ዪኒ̇ኮንዶ ሃዋ̈ራታንባርኬ ዎ̈ሳ ኬ̈ ጪጛሻንባር ሶ̈ሊንታ̇ምፔ̈ኒ ኢንታ̇ ኪ̈ቲ̇ ሚሺዴ። 3 ዎ̈ሳ ኬ̈ንዳሬ ኢንታ̇ ኪ̈ታ̇ ሚሺን ኢንታ̇ር ፊንቃኬ ሳማ̈ራ ጎይባራ ኣ̈̇̈ርዶሪ ኣይሁድ ዜር ባዮ̇ ኣሳን ጎዳ ኣማ̇ኒኖን ሶ̈ሊዴ። ኢና ዎ ኣማ̇ኒኖ ኣሳን ዪኖ̇ ሲስካ̇ሪ ዎይሊን ኡፋይቲ̇ዴ። 4 ኢንቲ̇ ዬሩሳ̈ላም ዬሊ̇ን ዎ̈ሳ ኬ̈ንዳ፣ ሃዋ̈ራታንኬ ዎ̈ሳ ኬ̈ ጪጛሻን ኢንታ̇ ሞኪ̇ ኤኪ̇ዴ። ዪን ኪ̈ቲንታ̇ር ሉኪ̇ኖ ኣሳንሬ ጾ̈ሲ̇ ኢንታ̇ባር ማ̈ቃ̇ር ኦ̈ኖ ባዛን ዎይ ኢንታ̇ብ ሶ̈ሊዴ። 5 ማ ፋራሳ̈ዋን ጋርታ̇ፖ ኣማ̇ኒኖ ፔቲ̇ ፔቲ̇ ኣሳን ዲንዳሪ “ኣይሁድ ዜር ባዮ̇ ኣሳን ጋራ̇ዚንታ̇ምፔ̈ንኬ ሙ̈ሶ ኢሚ̇ኖ ሂጊ̇ን ና̈ጋንዳብ ኮሺ̇̈ሬ” ጌይዴ። 6 ሃዋ̇ራ̈ታንስኬ ዎ̈ሳ ኬ̈ ጪጛሻን ባዝ ዪኒ̇ኮን ዎል ዎልኣ ሶ̈ሊንታ̇ንዳብ ሺ̈ቂዴ። 7 ኢንቲ̇ ዎልዎልኣ ዎይሊን ዋጪኖፖ̇ ዓኒ ጴ̈ጥሮ̈ሲ ዲንዳሪ ኢንታ̇ኮ “ቴ ዳባ̇ን! ኣይሁድ ማ̈ቃ̇ካ̇ዮ ኣሳን ቴ ጎይባራ ዎጛላ ሲስካ̇ሪ ጎዳ ኣማ̇ናምፔ̈ኒ ዓኒ̇ፖ̇ ቲ̈ን ዪንታ̇ ጊዳ̇ፖ ጾ̈ሲ̇ ታ̈ና ማራ̇ጺኖን ዪንቲ̇ ኤሪ̈ሬ። 8 ኣሳ ቡ̈ዳ ኤሪዝ ጾ̈ሳ̇̇̈ዲ ኑ̈ብ ጌ̈ሻ̇ ኣያ̇ና ኢሚ̇ኖ̈ዲፌ̈ኒ ኣይሁድ ዜር ባዮ̇ንባር ዪና̇ ኢዝፌ̈ኒ ጌ̈ሻ̇ ኣያ̇ና ኢማ̇ሪ ኢንታ̇ር ኢያይ ማ̈ቂ̇ኖን ኤርሲኔ። 9 ኢ ኢንታ̇ ቡ̈ዲን ኣማ̇ና ጎይስባራ ጌ̈ሺ̇ኖኮታ̇ቦ ኑ̈ናኬ ኢንታ̇ኬ ዎል ፔታ̇ን ቤቂ̇ኔ። 10 ዓት ዪ̈ዶኮ፥ ሚን ኑ ባ̈ቢንታ̇ንር ማ̈ቂ̇ን ኑ̈ናር ማ̈ቂ̇ን ቶ̈ካ̇ንዳብ ዳንዳኣካ̇ዮ ቶ̈ፊን ኣማ̇ኒዝ ኣሳንስ ቶ̈ሲ̇ ሙታ̇ ዪንቲ̇ ኣባብ ጾ̈ሳ̇̇ ፋ̈ጪ̇̈ራ? 11 ኑ̈ናር ማ̈ቂ̇ን ፋቲ ዲጛንዚንዳ ኢንታ̇ኮንዲፌ̈ኒ ጎዳ ዬሱ̈ሳ ኮሺ̇ቲባራ ማ̈ቂ̇ኖን ኑ ኣማ̇ኒ̈ሬ” ጌይዴ። 12 ጳ̈ውሎ̈ሳውኬ ባርናባ̈ሳ ጾ̈ሳ̇̇ ኢንታ̇ባር ማ̈ቃ̇ር ኣይሁድ ባዮ̇ ኣሳንስ ጊዳ̇ ኦ̈ሲ̇ኖ ታ̈ሚ̇ራ̈ታ ማላ̇ ሶ̈ላምባ̇ራ ሺ̈ቂኖ ኣሳ ዎይሲ ዚክ ጋ̈ር ሲስ̇ ኤ̈̇ዴ። 13 ኢንቲ̇ ሶ̈ሊ ዉርሲ̇ኖፖ̇ ዓኒ ዓይቆ̈ቢ ኢንታ̇ኮ “ቴ ዳባ̇ን! ቴ ጋ̈ዚን ሲስኪ̇ብቴ̇! 14 ጾ̈ሲ̇ ኣይሁድ ባዮ̇ ኣሳንቦ ቆፒ̇ኖን ቤይሳንዳቦ ቲ̈ኒታሪ ኢንታ ጋርታ̇ፖ̇ ፌ̈ብ ማ̈ቂ̇ዝ ዎርዦ ማራ̇ጺኖን ኑ ኢሻ ሲሞ̈ኒ ኑ̈ብ ዓታር ሶ̈ሊኔ። 15 ዪዚ ጾ̈ሳ̇̇ ናባንባር ሶ̈ሊኖ ቃ̈ሊንዳ̇ ዪና̇ ሲሞ̈ኒ ዓታር ጌይኖ ቆፊምባር ዎል ኤ̈̇̈ሬ። ዪ̈ዳሬ ናባን ማጻ̈ፋ ጋልዳ̇፦ 16 “ዓኒ̇ፖ ዎሃ ታ̈ኒ ማ̈ቃ̇ራ ዳ̈ዊታ ኬ̈ን ዪርዲኖን ማሃ ኬጻ̇ንዳ̇። ዪርዳር ኬዲ̇ኖን ኤሳ̇ራ ማሃ ኬ̈ጻ̇ንዳ። 17 ቴ ዪኖ̇ ዎታዚንዳ̇ ሜላን ቴ ኢንታ ጼይጊኖ ኣይሁድ ባዮ̇ ኣሳን ዎይ ታ̈ና ኮያምፔ̈ኒዬ፥ 18 ሚናፖ̇ ኤ̈̇ር ዓን ዎይ ኤርሲኖ ጾ̈ሳ̇̇̈ ታ̈ኒ ዓኖ ጋ̈ሬ” ጌይኔ። 19 “ዪዚ ቴ ጋ̈ዚንዳ̇ ጾ̈ሳ̇̇ ኣማ̇ኒዛን ኣይሁድ ዜር ባዮ̇ ኣሳን ኑ ዋ̈ዪካ̇ይ ኣቲ̇ኖክ ኮሼ̇። 20 ዪ̈ኒፖ ‘ጻላሃብ ዣ̈ርሺ̇ኖ ፊ̈ሺ ሞ̈ፒ̇ቴ፣ ኦሎላ ጋዳፒ̇ቴ፣ ጋ̈ዲ ኤ̈̇ን ዓይቂ̇ኖ ሜሃ ሞ̈ፒቴ፣ ሱ̈ር ሞ̈ፒ̇ቴ’ ጋ̈ር ኢንታ̇ብ ጻ̈ፊስቶ። 21 ሚናፖ̇ ኤ̈̇ሪ ሳምባታ ሳምባታ ጋላስ ኣይሁዳን ዎ̈ሳ ኬ̈ ጋርታ ሙ̈ሳ ሂጋ̇ ናባ̇ቢንቲ̈ሬ፥ ካታማ ጋርታ̇ር ዎይ ሙ̈ሳ ሂጋ̇ዲ ሳባ̇ኪንቲ̇̈ሬ” ጌይዴ። ሺ̈ቂኖ ኣሳን ኣይሁድ ባዮ̇ ኣማ̇ኒኖ ኣሳንቦ ጻ̈ፋር ሚሺኖ ኪ̈ታ 22 ዪኒ̇ፖ ዓኒ ሃዋ̈ራታንኬ ዎ̈ሳ ኬ̈ ጪጛሻን ዎ̈ሳ ኬ̈ ኣሳባር ዎይ ማ̈ቃ̇ር ኢንታ ሺ̈ቂኖ ኣሳ ጊዳፖ̇ ሙቃ̇ ኣስ ማራ̇ጻሪ ጳውሎ̈ሳባርኬ ባርና̈ባስባር ዎልኣ ኣንጾ̈ካ ሚሻንዳብ ቆፒ̇ዴ። ኢናፖ̇ ኢንታ̇ ጊዳ̇ ቦንቺ̇ንቲ̇ኖ ናምኢ ኣስ ባርሳባሳ ጌዪ ጼይጊንቲ̇ኖ ይሁዳኬ ሲላ̇ሳክ ዎልኣ ማራ̇ጺዴ። 23 ጻ̈ፊኖ ዳብዳቢን ኢንታ̇ባር ሚሺዴ፤ ዳብዳቢ̇ን ጋርታ̇ ጻ̈ፊኖንዳ̇፦ “ኑ̈ኒ ሃ̈ዋ̈ርታንኬ ዎ̈ሳ ኬ̈ ጪጛሻን፥ ኣንጾ̈ካ ካታማ፣ ሶ̈ራ ጋዳ̇ኬ ኪልቃ ጋዳ̇ ዎ ኣይሁድ ባዮ̇ ኑ ኢሺንታ̇ን! ዪንቲ̇ ዎዛራ ሳሮ ጌይሬ፤ 24 ኑ ጊዳፖ̇ ፔቲ̇ ፔቲ̇ ኣሳን ኑ ኢንታ ኪ̈ታካ̇ይዶን ዪንታ̇ክ ሉካ̇ሪ፥ ዪንታ̇ ታማ̈ርሲኖ ቲሚርቲ̇ንባር ዪንታ ዋ̈ዪኖን ኑ ሲስኪ̇ኔ። 25 ዪ̈ኮታ̇ቦ ኑ ዎል ፔታ̇ን ሺ̈ቃር ሶ̈ሊንቲ̇ኖፖ̇ ዓኒ ኑ ጊዳ̇ፖ̇ ኑ ካዝ ኑ ኢሺንታ̇ን ጳውሎ̈ሳኬ ባርናባ̈ሳባር ዎልኣ ዪንታ̇ክ ሚሻንዳብ ቆፒ̇ዴ። 26 ባርናባ̈ስኬ ጳ̈ውሎ̈ሲ ጎዳ ዬሱ̈ስ ክርስቶ̈ሳ ጊሻ̇ብ ፌ̈ና ኣ̈ ኢሚ̇ኖ ኣሴ። 27 ኑ ዪንታ̇ብ ጻ̈ፊኖን ጋልዳ ኖ̈ናባራር ጉጃ̇ር ዪንታ̇ብ ሶ̈ላምፔ̈ኒ ዪሁዳኬ ሲላ̇̈ሳ ዪንታ̇ብ ሚሺኔ። 28 ኑ ዓኒ̇ፖ̇ ቶ̈ራ ዪንታ̇ብ ሶ̈ሊዝ ኪ̈ታንፖ̇ ኣቲ̇ን ሜላ ዴ̈ጺ̇ዝ ባዝ ኣባካር ዪንታ ቶ̈ሳ̇ንዳብ ኮሻ̇ባሶን ጌ̈ሻ̇ ኣያ̇ና̈ብኬ ኑ̈ቦ ኮሽ̇ ማ̈ይጻር ቤንቲ̇ኔ፤ 29 ጻላሃብ ዣ̈ርሺኖ ፊ̈ሺ ሞ̈ፒቴ፤ ሱ̈ስ ሞ̈ፒ̇ቴ፤ ጋ̈ዲ ኤ̈ን ዓይቂ̇ኖ ሜሃ ኣይሽ ሞ̈ፒ̇ቴ፤ ኦሎላ ጋዳፒ̇ቴ፤ ዪን ኦ̈ዚን ጋልዳፖ̇ ዪንታ̇ ና̈ጌጌይንዶ̇ ዪንቲ̇ ኮሽ̇ ባዝ ኦ̈ኔ። ዪዚ ሳራ ዶኢብቴ” ጌይሬ። 30 ኪ̈ቲንቲ̇ኖ ኣሳንር ኬስካ̇ር ኣንጾ̈ካ ሉኪ̇ዴ፤ ኣማኒ̇ኖ ኣሳን ሺ̈ሻ̇ር ዳብዳቢ̇ን ኢንታ̇ብ ኢሚ̇ዴ። 31 ኣማ̇ኒኖ ኣሳንሬ ዳብዳቢ̇ን ናባ̇ቢ ቤቃ̇ሪ ኢዝ ጋርታ̇ ጻ̈ፊንቲ̇ኖ ሚ̈ንዝ ኪ̈ቲንባር ኡፋይቲ̇ዴ። 32 ዪሁዳኬ ሲላ̇ሲ ናቢ ማ̈ቂ̇ኖኮታ̇ቦ ኣማ̇ኒኖ ኣሳን ዎይሊንስ ቃ̈ላባር ዞሪ ሚ̈ንዴ። 33 ኢንቲ̇ ጊላ̇ ቃም̇ ኢና ዶኢኖፖ ዓኒ ኢንታ ሳሪሪ ፌ̈ና ኪ̈ቲ ሚሺኖ ኣሳንኮ ማ̈ቂ̇ ሉኪ̇ዴ። 34 [ዎቲናካር ሲላ̇ሲ ኢና ኣታ̇ንዳብ ኮዪዴ።] 35 ጳውሎ̈ሳኬ ባርና̈ባ̈ሳኬ ሜላን ኣማ̇ኒዛን ዎይሊን ኣስባር ማ̈ቃ̇ሪ ጎዳ ቃ̈ሊን ታማ̈ርሲሙታ̇ኬ ሳባ̇ኪ ሙታ̇ ሙቃ̇ ቃም ኣንጾ̈ካ ካታማ ዶኢዴ። ጳ̈ውሎ̈ሳኬ ባርናባ̈ሳክ ጊዳ̇ ዋቺ̇ ዲንዲን ዎል ፋጊንታ̇ር ዱማ ዱማ ጎይ ሉኪ̇ዴ 36 ኢንቲ ጊላ̇ ቃም̇ ኢና ጋምኢኖፖ̇ ዓኒ ጳውሎ̈ሲ ባርናባ̈ሳኮ “ኑ ማ̈ቃ̇ሪ ዓኒ̇ፖ̇ ቲ̈ን ጎዳ ቃ̈ሊን ሳባ̇ኪኖ ካታማንስ ጋርታ̇ ዎይ ዎ ኣማ̇ኒኖ ኣሳን ዎዛርፌ̈ን ዎኮ ሉካ̇ር ቤቂ̇ስቶ” ጌይዴ። 37 ባርናባ̈ሲ ማ̈ርቆ̈ሳ ጌዪ ጼይጊንቲ̇ኖ ዋ̈ኒ̇ሳ ኢንታ̇ባር ዎልኣ ሉካ̇ምፔ̈ኒ ኮዪዴ። 38 ኢንቲ̇ ኦ̈ሳብ ሉካ̇ምባራ ማ̈ርቆ̈ሲ ኢጻ̇ር ኢንታባር ሉካ̇ብዳ ጌዪ ኢና ጲንፊላ ኣቲ̇ኖኮታ̇ቦ ጳውሎ̈ሲ ኢያ ፌባር ኤኪ̇ ሉካ̇ንዳብ ኮያካ̇ዬ። 39 ዪ̈ኮታ̇ቦ ጳውሎ̈ሳኬ ባርናባ̈ሳክ ጊዳ̇ ዎይሊን ዋቺ̇ ዲንዲን ኢንቲ̇ ዎልዎልኣ ፋጊንቲ̇ዴ፤ ባርናባ̈ሲ ማ̈ርቆ̈ሳ ኤካ̇ር ማርካባ ጋርታ̇ ጌላሪ ቆጵሮስ ጋዳ̇ ሉኪ̇ዴ። 40 ጳውሎ̈ሲ ሲላ̇̈ሳ ፌባር ኤኪ̇ ሉካ̇ንዳብ ማራ̇ጺዴ፤ ኣማ̇ኒኖ ኣሳንሬ ጳውሎ̈ሲ ጎዳ ኢባር ማ̈ቃ̇ም̇ፔ̈ኒ ዎ̈ሲ̇ኖፖ̇ ዓኒ ኢ ሉኪ̇ዴ። 41 ኢያር ዎ̈ሳ ኬ̈ን ሚ̈ንሙታ̇ ሶ̈ራኬ ኪልቃ ጎይባር ኣ̈̇ዴ። |