2 ቆሮ 8 - ኦራ ጫ̈ቃ ማጻ̈ፋሜቲንቲ̇ዝ ኣሳን ማ̈ዲ̇ዝ ጎይ 1 ኑ ኢሺንታ̇ን! ሜቂዶ̈ና ጋዳ̇ ዎ ዎ̈ሳ ኬ̈ንቦ ጾ̈ሲ̇ ፌ ኮሺ̇ቲባር ኦ̈ኖ ኦ̈ሲን ዪንቲ̇ ኤራምፔ̈ን ኑ ኮዪ̈ሬ። 2 ኢንቲ̇ ዎሊን ሜታ ቤቂ̇ኔ፤ ማ̈ቂናካሬ ኢንታ̇ ኡፋይሳ̇̈ዲ ጴቼ̇፤ ኢንቲ̇ ዎርባያ ማ̈ቂ̇ናካሬ ዶሳሪ ዎይሊን ኢሚ̇ኔ። 3 ፌ̈ብ ዳንዳኢንቲ̇ኖንዲፌ̈ንኬ ማ ኢዝፓር ሺ ዶሳር ኢሚ̇ኖምቦ ታ̈ኒ ኢንታ̇ብ ማርካ። 4 ኢንቲ̇ “ዪሁዳ ዎ ኣማ̇ኒዝ ኣሳን ኑ ኢንታ̇ ማ̈ዳ̇ዚን ኑ̈ና ካያፒ̇ቴ” ጋ̈ሪ ሚ̈ንር ኑ̈ና ጌሺዴ። 5 ኢንቲ̇ ኦ̈ኖ ኦ̈ሳ̈ዲ ኑ̈ኒ ቆፒ̇ኖምፖ̇ ሺ፤ ኢንቲ̇ ቲ̈ኒታር ፌ̈ና ጾ̈ሳ̇̇̈ቦ ኣ̈ ኢሚ̇ዴ። ኢናፖ̇ ጾ̈ሲ ጌዪኖንዲፌ̈ን ኑ̈ብ ፌ̈ና ኣ̈ ኢሚ̇ዴ። 6 ዓና̇ ኦሲ̇ን ቲ̈ኒታር ኤ̈ኖዲ ቲ̈ታ̇ ማ̈ቂ̇ኖኮታ̇ቦ ኦ̈ሲ̇ን ዉርሲን ዬልምፔ̈ን ኑ ኢያ ጌሺኔ። 7 ዪንቲ̇ ኣማ̇ናባራ፣ ሶ̈ላባራ፣ ኤራባራ፣ ሚ̈ጛር ኦ̈ሳባራ፣ ኑ̈ብ ዎ ካንምባራ ዎይ ባዝባር ሺር ቤንቲ̇ኖንዲፌ̈ኒ ዓታ̇ር ዓና̇ ሚሻ̇ባር ኣስ ማ̈ዲ̇ዝ ኦ̈ሲምባራሬ ዎይፖ̇ ሺር ቤንቲ̇ብቴ። 8 ዓት̇ ዓና̇ ታ ጋ̈ዚንዳ ዪንታ̇ ኪ̈ታ̇ባሴ። ዎቲናካሬ ሜላን ኢማ̇ዚን ቤቃ̇ንዳብኬ ዪንቲ̇ ኢማ̇ዚን ቤቃ̇ምባራ ዪንታ̇ኮ ካንን ኪን ማቂ̇ኖን ኤራንዳቦ። 9 ኑ ጎዳ ዬሱ̈ስ ክርስቶ̈ሳ ኮሺ̇ቲን ዪንቲ̇ ኤሪ̈ሬ። ኢ ዎርባያ ማ̈ቂ̇ን ዪንቲ̇ ዱር ማ̈ቃ̇ምፔ̈ን፤ ኢ ዱርዶሪ ዪንታ̇ ጊሻ̇ቦ ጋ̈ሪ ዎርባያ ማ̈ቂ̇ኔ። 10 ዪ̈ኮታ̇ቦ ዓኒ̇ ጎይባር ዪንታ̇ ማ̈ዳ̇ምፔ̈ኖ ዞራ ቴ ዪንታ̇̇ብ ኢሞ፤ ዚኔቤር ዪንቲ̇ ኢማ̇ንዳብ ሙታ̇ ጊዳካ̇ይዶን ዓኖ̇ ኦ̈ንዳቦ ቲ̈ኒታር ቆፒ̇ኖን ዪንታ̇̇። 11 ዓታ̇ር ዪንቲ̇ ኤ̈̇ኖ ኦ̈ሲ̇ን ፎቲብቴ፤ ዪንቲ̇ ኢማ̇ንዳ ጌይ ቆፒ̇ኖን ዎይ ኦ̈ሳ ጋል ፌ̈ሺ̇ብቴ። 12 ፔቲ̇ ኣሲ ፔ̇ቲ̇ ባዝ ኢማ̇ንዳ ጌይዝ ኮሻ̇ ቆፊ ኢ̈ብ ዎኮ ጾ̈ሲ ና̈ሳ̈ዲ ፌ̈ብ ዎንዲፌ̈ን ኢሞ̇ ጌይርዶኬ ባዮ̇ ባዝ ኢሞ̇ ጋ̈ባሴ። 13 ዪና̇ ታ ጋ̈ዚንዳ ዎይን ዎልፌ̈ን ማ̈ቃ̇ምፔ̈ንዶኬ ዪንቲ̇ ኢማ̇ንዳ̇ብ ሜቲንቲን ሜላን ሼምፖ ጋ̈ር ጊዳካ̇ዬ። 14 ጊዳን ዪንቲ̇ ሜቲንታ̇ምባራ ኢንታ̇ ቆሊን ዪንታ̇ ሜታ̇ብ ፌ̈ሽካ̇ምፔ̈ኒ ዓት ማ ዪንታ̇ ቆሊን ኢንታ̇ ሜታብ ፌ̈ሽካጋ̈ቤ። ዪዚ ዪኒ̇ባራ ዪንቲ̇ ኢንታ̇ባር ዎልፌ̈ን ማ̈ቂ̇ሬ። 15 ዪዳሬ “ዎይሊን ሺ̈ሺ̇̈ኖ̈ባሬ ሺካዬ፤ ጊላ̇ ሺ̈ሺ̇̈ኖ̈ባር ጉ̈ጻካዬ” ጋ̈ሪ ጻ̈ፊንቲ̇ኖንዲፌ̈ኔ። 16 ቴ ዪንታ̇̇ብ ቆፓ̇ዚንዲፌ̈ኒ ቲ̈ታ̇ሬ ዪንታ̇̇ብ ፌ ቡ̈ዳ ጋርታፖ̇ ቆፓ̇ምፔ̈ን ዎቲኖ ጾ̈ሳ̇̇̈ቦ ጋላቲ ዬሎ̇። 17 ቲ̈ቶ ዪንታ̇̇ክ ዬ̈ዚንዳ ፌ ቡ̈ዳባር ቆፓ̈ሪ ኡፋይስባር ዬይርዶኬ ኑ ኢያ ጌሺኖንኮታ̇ብሙታ̇ ጊዳካ̇ዬ። 18 ዎጛላ ኦ̈ሳባራ ዎ̈ሳኬ̈ ዎይ ጋርታ ኣንጂንቲ̇ኖ ኑ ኢሻ̈ዳር ኢባር ኑ ዪንታ̇̇ብ ሚሻንዳ። 19 ዪፖ̇ ኣ̈ሪ ዪ̈ ኑ ኢሻ̈ዲ ኑባር ሉካ̇ሪ ኑ ኦ̈ዝ ኦ̈ሲን ኑባር ኦ̈ምፔ̈ኒ ዎ̈ሳ ኬ̈ን ኢያ ማራ̇ጺኔ። ኑ̈ኒ ዪኖ̇ ኮሻ̇ ኦ̈ሲ̇ን ኦ̈ዚንዳ ጾ̈ሳ̇ ቦንቻ̇ብኬ ኢንታ̇ ማ̈ዳ̇ንዳብ ኑ̈ብ ዎ ኢኒ̇ን ቤይሳንዳቦ። 20 ዪኖ̇ ኣሳን ዶሳር ኢሚ̇ኖ ሚ̈ሺ̇ን ኣሳንቦ ፋጊ ኢማ̇ምባራ ኣሲ ኑ ጋልዳ ኢ̈ታ ሱም ጋዳካ̇ይፌ̈ኒ ኑ ኑ̈ና ና̈ጊ̈ሬ። 21 ኑ̈ኒ ጎዳ ቲ̈ን ሙታ̇ ጊዳካ̇ይዶን ኣሳ ቲ̈ናሬ ኮሽ ማ̈ቂ̇ኖ ባዝ ኦ̈ንዳቦ ቆፒ̈ሬ። 22 ዎይ ጋላስ ዎይ ጎይባራ ማሊ̇ ቤቃ̇ምባራ ኦ̈ሳብ ሚ̈ን ማ̈ቂ̇ኖ ኑ ኢሻ ዓ̈ዳ ኑ ኢያ ቲ̈ታ̇ባሮንባር ሚሺኖን ዪኒኮታ̇ቦ፤ ኢ ዪንታ̇ባር ዎይሊን ኣማ̇ኒንቲ̇ዛኮታ̇ቦ ዓኒ ኦ̈ሲ̇ምባራ ማ̈ዳንዳቦ ኢ̈ብ ዎ ሚ̈ንቲንዳ ቲ̈ኖንፖ̇ ሺ̈ሬ። 23 ቲ̈ታ̇ ባዝ ኤራንዳ ኮዬጌዪን፥ ኢ ዪንታ̇ ማ̈ዳ̇ንዳብ ታባር ዎልኣ ኦ̈ዛ ታ ላጋ̈̇ዳ። ኢባር ዬይዛን ሜላን ኣማ̇ኒኖ ኢሺንታ̇ንር ማ̈ቂ̇ን ኢንቲ̇ ዎ̈ሳ ኬ̈ ሱምባራ ኪ̈ቲንቲ̇ኖ ክርስቶ̈ሳ ቦንቻ̇ብ ኤቂ̇ኖ ኣሴ። 24 ዪ̈ኮታ̇ቦ ዪንታ̇ ካንን ኢንታ̇ብ ቤይሲብቴ፤ ዪኒባራ ዪንታ̇ ካንዲኬ ኑ ዪንታ̇ ጋልዳ ኦቲርቃዚን ሜላ̇ ባይ ማ̈ቂ̇ኖን ዎ̈ሳ ኬ̈ን ኤርሲብቴ። |