2 ቆሮ 12 - ኦራ ጫ̈ቃ ማጻ̈ፋጳውሎ̈ሲ ቤቂ̇ኖ ሳ̈ጻ 1 ኬራፍ ጋርታ̇ ቤንቲ̇ዝ ባዚ ባዪካራሬ ኬርፋንዳ ኮሺ̈ርኮ ጎዳ ታ̈ብ ቤይሲኖ ሳጺንባር ኬርፋንዳ። 2 ክርስቶ̈ሴይ ማ̈ቂ̇ኖ ፔቲ̇ ኣስ ቴ ኤራ̈ሬ። ዪ̈ ና̈ሳ̈ዲ ታ̈ጶ ኦይዲ ላ̈ይፖ̇ ቲ̈ን ጾ̈ሲ ኢያ ኣፋ ዓይዚ̇ ጪሊን ጋርታ ኤ̈ጚዴ። ኢያ ኤ̈ጚኖንዳሬ ኢ ኣይሺንባር ማ̈ቆ̇ ዎይ ኢ ኣይሺን ሳ̈ዳ̇ ኣቲ̇ኖ ማ̈ቆ̇ ቴ ኤራባሴ፤ ጾ̈ሲ̇ ኤሪ̈ሬ። 3 ዪ̈ ናሳ ኣፋ ጋና̇ታ ጋርታ̇ ኤኪንቲ̇ኖን ቴ ኤራ̈ሬ ኢ ፌ ኣይሺ̇ንባር ማ̈ቆ ዎይ ኢ ኣይሺ̇ን ሳ̈ዳ̇ ኣቲ̇ን ሼምፒን ሙታ̇ ሉኪ̇ኖ ማ̈ቆ̇ ቴ ኤራባሴ ጾ̈ሲ ኤሪ̈ሬ። 4 ኢ ኢና ሉካ̇ሪ ኣሲ ሶ̈ላንዳቦ ዳንዳኢባ̈ሶ ባዝኬ ኣሲ ሶ̈ላካ̇ይፌ̈ኒ ካዪንቲ̇ኖባዝ ሲስኪ̇ዴ። 5 ዪ̈ፌ̈ኖ ና̈ሳባር ቴ ኬርፋ̈ሬ። ታ̈ኒ ቴ ዳ̈ቡርሲምባር ሙታ̇ ኬርፋ̈ርዶኬ ሜላ ታ̈ና ኬርፊሲዝ ባዚ ኣባካር ባዬ̇። 6 ታ̈ኒ ኪን ሶ̈ሊዛኮታ̇ቦ ኬርፋንዳብ ኮዬጌይናር ዳሻ ማ̈ቃ̇ባሴ። ዎቲናካር ኦ̈ናካር ታ ጋልዳ ቤቃ̇ዚንዲኬ ታ ጋልዳፖ̇ ሲስካ̇ዚንፖ̇ ሺሻር ታ̈ና ቤቃካ̇ዮ̈ዲፌ̈ኒ ጋ̈ራ ኬርፋባሴ። 7 ዪን ታ̈ብ ቤንቲ̇ኖን ጴች ባዛንቦ ቴ ኦቲርቃካ̇ዮ̈ዲፌ̈ን ታ̈ና ኣጚፌ̈ን ጫዲ̇ዝ ሜታ̇ ታ̈ብ ኢሚ̇ንቲኔ፤ ዪ ሜታ ታ̈ብ ሴ̈ጣና ኪ̈ታንቻ̇ ማ̈ቃ̇ር ታ̈ና ቆጺ̇ሙታ ቴ ኦቲርቃካ̇ይፌ̈ን ዎቲ̈ሬ። 8 ዪና̇ ታ̈ና ዋ̈ዪዝ ባዚን ታ ጋልዳፖ̇ ፋይምፔ̈ን ዓይዚ̇ ቶህ ጾ̈ሳ̇ ጌሻዴ። 9 ዎቲናካሬ ኢ “ቴ ዎልቂን ጴች ቤንታ̇ዚንዳ ኣሲ ዳቡራምባር ማ̈ቂ̇ኖኮታ̇ቦ ቴ ኮሺ̇ቲ ኔ̈ብ ጊዲ̈ሬ” ጌይዴ። ዪ̈ኮታ̇ቦ ክርስቶ̈ሳ ዎልቃ ታባር ማ̈ቃር ኦ̈ምፔ̈ኒ ቲ̈ኖምፖ̇ ኣ̈ር ታ ዳቡርሲንባር ኡፋይታ̇ ሙታ̇ ኬርፋንዳ ኮያ̈ሬ። 10 ታ̈ኒ ዎልቃ ዲጛዚንዳ ዳቡርስባራ ማ̈ቂ̇ኖኮታ̇ቦ ክርስቶ̈ሳ ጊሻ̇ቦ ዳቡራምባራ፣ ቆ̈ንታ̇ምባራ፣ ሜቲታ̇ምባራ፣ ዳኪንታ̇ምባርኬ ዋ̈ያምባራ ኡፋይታ̇ዚንዳ ዪኒ̇ኮታ̇ቦ። ጳውሎ̈ሲ ቆሮንቶ̈ስ ኣሳን ጊሽ̇ ቆፒ̇ዴ 11 ታ̈ኒ ኬርፊኖንዳ ዳሻ ኣስፌ̈ን ማ̈ቂ̇ኔ። ዓኒፌ̈ን ሶ̈ላምፔ̈ኒ ታ̈ና ዎቲኖን ዪንታ̇̇፤ ታ ባዝ ማርኪታንዳብ ኮሺ̇ዛን ዪንታ̇̇ዶን፤ ታ̈ኒ ዉርሲ ኣ̈ናኮ ኤሪንታ̇ካ̇ዮ ኣስ ማ̈ቂናካሬ ጴች ሃዋራ ጌይዛንፖ̇ ኣባካር ጉ̈ጻ̇ባሴ። 12 ታ̈ኒ ዪንታ̇ ጊዳ̇ ዎዶራ ዱማ ዱማ ማላ̇ንኬ ታ̈ሚራ̈ታን ጴች ጋርዣባር ቴ ጎይባራ ኦ̈ንቲ̇ኔ፤ ባዝ ዪን ታ̈ኒ ኪን ሃዋ̈ራ ማ̈ቂ̇ኖን ቤይሲ̈ሬ። 13 ሜላን ዎሳ ኬ̈ን ጋርታፖ̇ ቴ ዪንታ̇ ጉ̈ኖን ኣብዝባሪያ? ቴ ዪንታ̇ ዋ̈ዪካይ ኣቲ̇ኖን ጊሻ̇ብቤ̇? ዪና̇ር ኢ̈ት ማ̈ቃ̇ ቤንታዲኮ ታ̈ብ ኣቶ̇ ጌብቴ̇። 14 ቴ ዓት ዪንታ̇̇ክ ሉካ̇ንዳብ ጊ̈ጊንቲ̇ኖንዳ ዓና ዓይዚ̇ ጎይ፤ ቴ ዪንታ̇ ዋ̈ዪንዳብ ኮያባሴ፤ ቴ ዪንታ̇ ኮያ̈ርዶኬ ዪንታ̇ ሚ̈ሺ̇ን ጊዳካ̇ዬ። ፌ ናኣንቦ ቆሊን ሺ̈ሺ̇ዛን ባ̈ባክ ኢንዲክዶኬ፥ ናኣን ፌ ባ̈ባብኬ ፌ ኢንዲብ ቆሊን ሺ̈ሺ̇ባ̈ሴ። 15 ቴ ዪንታ̇ ጊሻ̇ብ ቴ ሚ̈ሺ̇ን ኣቲ̇ን ታ ታ̈ና ኣ̈ ኢማ̇̈ርካር ዎይሊን ታ̈ና ኡፋይሳ̈̇ሬ፤ ዪዚ ታ̈ኒ ዪ̈ዲፌ̈ን ዎይ ዪንታ̇ ካዚምባ̇ራ ዪንቲ̇ ታ̈ና ካዚንዳ ዪኒ̇ፌ̈ን ጊላ̇? 16 ዪ̈ፌ̈ን ማ̈ቂ̇ናካሬ ዓታ̇ር ቴ ዪንታ̇ ዋ̈ዪካ̇ዬ፤ ዪንቲ ̇“ኢ ኑ̈ና ዉጫባርኬ ማቃባር ኤ̈ኔ” ጋ̈ንዳብ ዳንዳኢ̈ሬ። 17 ሜላ ኣቲ̇ን ቴ ዪንታ̇ክ ኪ̈ታ̇ር ሚሺኖ ኣሳን ጎይባር ዪንታ̇ ጋልዳፖ̇ ኣባክ ማቃ̇ር ኤኪ̇ኖ ባዚ ዎ? 18 ቲ̈ቶ ዪንታ̇̇ክ ሉካ̈ምፔ̈ን ቴ ኢያ ጌሻዴ፤ ፔቲ ኑ ኢሻ̈ዳር ኢባር ሚሻዴ፤ ዓት̇ ኢ ቲ̈ቶ ዪንታ̇ ጋልዳፖ̇ ማቃ̇ር ኣባክ ኤኪ̇ኖ ባዚ ዎ? ታ̈ናኬ ኢያክ ዎልኣ ዪንታ̇ ታማ̈ርሲ ዪንታ̇ ማ̈ዲ̇ኖንዳ ፔቲ̇ ቆፊባር ጊዳካ̇ያ? ኑ ኦ̈ዝ ጎይን ፔታ̇ን ጊዳካ̇ያ? 19 ዓኖ̇ ዬላ̇ር ዪንቲ̇ ቆፓ̇ዚንዳ ኑ ዪንታ̇̇ ቲ̈ን ኤቃ̇ሪ ኑ ኑ̈ና ማ̈ዳ̇ንዳቦ ሶ̈ሊዛ ዪንታ̇ክ ማይጺ̈ራ? ኑ̈ኒ ክርስቶ̈ሳባር ማ̈ቃ̇̈ሪ ጾ̈ሳ̇ ቲ̈ን ሶ̈ሊ̈ሬ፤ ኑ ላጋ̇ን! ኑ ዓ ዎይ ዎቲዛ̈ዲ ዪንታ̇ ሚ̈ንንዳቦ ጋ̈ሪዬ። 20 ቴ ዪንታ̇̇ክ ዬ̈ዚምባራ ዪንቲ̇ ቴ ኮያዚንዲፌ̈ን ማ̈ቃ̇ር ቤንታካ̇ይ ኣታ̇ንዳብ ዳንዳኢ̈ሬ ዎይ ታ̈ኒ ዪንቲ̇ ኮያዚንዲፌ̈ን ማ̈ቃ̇ር ቤንታካ̇ይ ኣታ̇ንዳብ ዳንዳኣ̈ሬ ጌያ ኢ̈ጫ̇̈ሬ። ዪንታ̇ ጊዳ ዋ፣ ቂና̈ታ፣ ጎይል፣ ፌ̈ና ሙታ̇ ካ፣ ኣሳ ሱም ይሲ፣ ጌስት፣ ኦቲራኬ ዋች ዶኣንዳብ ዳንዳኢ̈ሬ ጋ̈ር ኢ̈ጫ̇̈̃ሬ። 21 ማ̈ቃ̇ር ቴ ዪንታ̇̇ክ ዬ̈ዚምባ̇ራ ቴ ጾ̈ሳ̇ዲ ዪንታ̇ ቲ̈ን ታ̈ና ዬ̈ሊ̇ንዳዶ̈ኔ ጌያ ኢጫ̇̈ሬ፤ ዓኒፖ̇ ቲ̈ን ናጋራ ኦ̈ሪ ዪና̇ ፌ ኦ̈ኖ ቄ ባዚምቦ፣ ኦሎ̇ሊንቤኬ ዲርጊሲምቦ ማ̈ሪቲ ጌላካ̇ዮ ዎይሊን ኣሳን ጊሽ̇ ታ̈ና ኣዛንዝዳ ጌያ ኢ̈ጫ̇̈ሬ። |