1 ታሳ 1 - ኦራ ጫ̈ቃ ማጻ̈ፋ1 ጾ̈ሳ̇ ባ̈ባ̈ዴይኬ ዬሱ̈ስ ክርስቶ̈ሳይ ማ̈ቂ̇ኖ ታሳሎንቃ ካታማ ጋርታ ዎ ጾ̈ሳ̇ ዎርዣ̈ዶ! ጾ̈ሳ̇ ኮሺ̇ቲ̈ዲኬ ኢ ሳሪቲ ዪንታ̇ባር ማ̈ቆ̇። ዓና̇ ኪ̈ቲንዶ ታ ጳውሎ̈ሳፖ፣ ሲላ̇̈ሳፔኬ ጢማ̈ቶ̈ሳ ጋልዳፖ ዪንታ̇ብ ሚሺኔ። ታሳሎንቃ ኣሳን ጎዳ ኣማ̇ኒንኮታ̇ ጾ̈ሳ̇̇̈ብ ሺ̈ቂኖ ጋላታ 2 ኑ̈ኒ ዎይ ጋላስ ዎሲ̈ርዶር ዪንታ̇ ቆፒ̇ሙታ̇ ዪንታ̇ጊሻ̇ቦ ጾ̈ሳ̇ ጋላቲ̈ሬ። 3 ዪንቲ̇ ኣማ̇ናባር ኦ̈ኖ ኦ̈ሲንዶ፥ ካንቦ ጌዪ ዳ̈ቡሪኖ ዳ̈ቡርሲንዲኬ ዬሱ̈ስ ክርስቶ̈ሳባር ዪንታ̇ብ ዎ ታስፊንፖ ቤንቲ̇ኖ ዪንታ̇ ጋርዢን ኑ ባ̈ባ̈ ኑ ጾ̈ሳ̇ ቲ̈ን ዎይ ጋላስ ኑ ቆፒ̇̈ሬ። 4 ጾ̈ሳ̇ባር ካንቲ̈ኖ ቴ ኢሺንታ̇ን! ጾ̈ሲ ዪንታ̇ ማራ̇ጺኖን ኑ ኤሪ̈ሬ። 5 ዓና̇ ዎጛሊን ኑ ዪንታ̇ ዬልኖንዳ ኖ̈ናባራ ሙ̈ታ ጊዳካ̇ይዶን ጾ̈ሳ̇ ዎልቃባርኬ ጌ̈ሻ ኣያ̇ናባራ፥ ማ ዎጛሊንዳ ኪን ባዝ ማ̈ቂ̇ኖን ቡ̈ዳፖ ኣማ̇ናሪዬ፤ ኑ ዪንታ̇ባር ዎንባራ ዪንታኮታ̇ ጋ̈ሪ ዎዛርፌ̈ን ዶኢኖኮ ዪንቲ̇ ኤሪ̈ሬ። 6 ጴች ሜታ ዪንታ̇ ዬሊ̇ናካሬ ዪንቲ̇ ጌ̈ሻ ኣያ̇ና ጋልዳፖ ቤንቲ̇ዝ ኡፋይስባራ ጾ̈ሳ̇ ቃ̈ሊን ኤካ̇ር ኑ̈ናኬ ዬሱሳ̈ኬ ማይጺሙታ ዬዝ ኣስ ማ̈ቂ̇ኔ። 7 ዪ̈ኮታ̇ቦ ዪንቲ ሜቂዶ̈ናኬ ኣካያ ጋዳ̇ ዎ ኣማ̇ኒኖ ኣሳንቦ ኮሽ ሚሳ̇̈ሊ ማ̈ቂ̇ኔ። 8 ጾ̈ሳ̇ ቃ̈ሊን ዪንታ̇ ጋልዳፖ ኬስካ̇ራ ሲስኪ̇ንቲ̇ኖንዳ ሜቂዶ̈ናኬ ኣካ̇ያ ጋዳ̇ ሙ̈ታ ጊዳካ̇ዬ፤ ጾ̈ሳ̇ ጋ̈ልዳ ዪንታ̇ብ ዎ ኣማ̇ኒንዳ ዎይ ቤስ̇ ሲስኪንቲ̇ኖኮታ̇ቦ ባዝ ዪኒ̇ ጎይ ኑ ዓት ኣባካር ሶ̈ላንዳ̇ቦ ኮሺ̇ባ̈ሴ። 9 ኑ̈ኒ ዪንታ̇ኮ ዬይኖንባራ ዪንቲ ኑ̈ና ዎዛርፌ̈ን ሞኪ̇ ኤኪ̇ኖኮ፤ ማ ዪንቲ ኤ̈ቃ ጎይናዚን ኣሻ̇ር ሜናብ ዶኢዝ ኪን ጾ̈ሳ̇̇̈ቦ ኦ̈ንዳቦ ዎዛርፌ̈ን ኢ̈ክ ማ̈ቂ̇ኖኮ ዪን ኣሳን ፌ̈ብ ፌ ኖ̈ኒንባር ማርኪቲ̈ሬ። 10 ማ ጾ̈ሲ̇ ኢያ ዓይቃ ጋርታ̇ፖ ዲንኖ፥ ዬይዝ ጾ̈ሳ̇ ጎይሊን ጋልዳፖ ኑ̈ና ቡ̈ቲሲዛ፥ ጾ̈ሳ̇ ና̈ኣ ዬሱስ ክርስቶ̈ሳ ዬንቲ̇ን ዎዛርፌ̈ን ና̈ጊሙታ ዎኮ ዪን ኣሳን ዪንታ̇ባዝ ማርኪቲ̈ሬ። |