1 ጴጥ 2 - ኦራ ጫ̈ቃ ማጻ̈ፋሼምፓ̇ባር ዶኢዚ ሹቻ̇ዲኬ ጌ̈ሻ̇ ዎርዣ 1 ዪዚ ዪንቲ ኢ̈ቲቲ ዎይ፣ ኣስ ዳሺቺዛ ዎይ፣ ኣሳ ቲ̈ን ኮሽ ማይጻር ቤንታ̇ዚንዶ፣ ቂና̈ታኬ ዚጊርስ ጌይዝ ባዝ ዎይ ኣሺ̇ብቴ፤ 2 ቢርት ዬሊንቲ̇ኖ ናኢ ማ̈ ኡሽካ̇ንዳብ ኢኒ̇ታዚንዲፌ̈ኒ ዪንታ̇ ፋቲንባር ዲጪ̇ሙታ̇ ሉካ̇ንዳቦ ኣያ̇ናባር ዲቻዝ ኮሻ̇ ቲሚርቲ̇ንቦ ኢኒ̇ቲብቴ። 3 ዪዚ ጎዳ̇̈ዲ ኮሽ ማ̈ቂ̇ኖን ዪንቲ̇ ኤሪኔ ጌንቴ̇። 4 ኣሳ ቲ̈ን ሌቂንቲ̇ኖ ጾ̈ሳ̇ ቲ̈ን ማራ̇ጺንቲ̇ኖ ቦንቺንቲ̈̇ኖ ሼምፓባር ዶኢዝ ሹቻ̇̈ ዬሱ̈ሳኮ ኡኪ̇ብቴ። 5 ዪንቲ̇ ኢ̈ክ ኡካ̇ዚንዳ ሼምፓባሮ ሹቻንፌ̈ኒ ኣያ̇ና ኬ̈ ማ̈ቃ̇ር ኬ̈ጺንታ̇ንዳቦ፤ ዪኒ̇ባራ ዬሱ̈ስ ክርስቶ̈ሳ ጎይባራ ጾ̈ሳ̇ ኡፋይዝ ኣያና ዣርሻ ሺ̈ሻንዳቦ ዪንቲ̇ ጌ̈ሻ ቄ̈ሳ ማ̈ቂ̇̈ሬ። 6 ጌ̈ሻ̇ ማጻ̈ፋ ጋልዳ፦ “ቤ̈ቂ̇ብቴ! ማራ̇ጺንቲ̇ኖ̈ዲኬ ቦንቺንቲ̇ኖ ማ̈ቂ̇ኖ ኬ̈ንቦ ቱ̈ሳፌ̈ን ማ̈ቂ̇ዝ ሹቻ̇̈ዳ ታ̈ኒ ጺዮ̇ና ካታሚን ጋልዳ ጋዳ̇ንዳ፤ ኢባር ኣማ̇ኒንቲ̇ዝ ኣሲ ዬልቂ̇ባ̈ሴ” ጌ̈ይዝ ቃ̈ላ ጻ̈ፊንታ̇ር ዎ። 7 ዪዚ ዪና̇ ሹቺ̇ንዳ ዪንቲ ኣማ̇ኒዛንቦ ቦንቺንቲ̇ኖ ሹቼ̇፤ ኣማ̇ኒባ̈ሶንቦ “ሹች ኬ̈ ኬ̈ጺዝ ኣና̈ጻን ሌቃ̇ር ቶጚኖ ሹቺ̇ን፥ ኬ̈ምቦ ዋ̈ና̇ ቱ̈ሲምቦ ኮዪንቲ̇ዝ ሹች ማ̈ቃ̇ዴ።” 8 ማ፥ “ኣስ ብዝ ሹች፤ ማ ኣስ ብር ቶጚዝ ዛ̈ላ̇ ማ̈ቂ̇ዴ” ኢንቲ̇ ኣማ̇ናካ̇ይ ኣቲ̇ኖኮታ̇ቦ ብንቲ̈ሬ፤ ቲ̈ናር ጾ̈ሲ ኢንታ ዓኒ̇ቦ ጌዪ ጋዲ̇ኖ ኣሴ። 9 ዎቲናካሬ ዪንቲ ም ጋርታፖ ዎይሊን ጋራ̇ሚሲዝ ፎኢንንኮ ዪንታ̇ ጼይጊኖ ጾ̈ሳ̇̇̈ኮን ጴቻ ኦ̈ሲን ሶ̈ላምፔ̈ኒ ማራ̇ጺንቲ̇ኖ ዜ̈ርን፥ ካ̈ታቦ ቄ̈ሳንኬ፥ ጾ̈ሲ ፌ̈ቦ ጌዪ ቆሪ ኬሲ̇ኖ ዎርዣን። 10 ዪንቲ ሚን ጾ̈ሳ̇ ዎርዣ ጊዳካ̇ዬ፥ ዎቲናካር ዓት ዪንቲ̇ ጾ̈ሳ̇̇ ዎርዣ፤ ሚን ዪንቲ̇ ማ̈ሪቲ ዲጛካ̇ዮን፤ ዎቲናካር ዓት ማ̈ሪቲ ዲጚኔ። 11 ቴ ላጋ̇ን! ዪንቲ ዓኒ̇ ኣላሚን ጋልዳ ዛቃ̇ኬ ቤት ማ̈ቂ̇ኖኮታቦ ዪንታ̇ ሼምፒ̇ን ኦላዝ ናጋራ ኢኒ̇ን ጋልዳፖ ጎታ̇ምፔ̈ን ቴ ዪንታ̇ ጌሻ̇̈ሬ። 12 ኣሲ ዪንታ̇ “ኢንቲ̇ ኢ̈ት ኦ̈ሬ” ጌዪ ጌስቲ̇̈ርካሬ፥ ጾ̈ሳ̇ ዬይዝ ጋላስ ጾ̈ሳ̇ ኤሪባ̈ሶ ኣሳን ዪንታ̇ ኮሻ̇ ኦ̈ሲን ቤቃ̇ሪ ኢያ ጋላታምፔ̈ኒ ኢንታ̇ ጊዳ̇ ኮሽ̇ ኦ̈ሳ ኦ̈ሙታ ዶኢብቴ። ጋዣንቤኬ ሲልጣ̈ና ጋልዳ ዎንቦ ኪ̈ቲንቲ̇ብቴ 13 ጎዳ ጊሻ̇ብ ጋ̈ሪ ሲልጣና ጋልዳ ዎ ኣሳንቦ ኪ̈ቲንቲ̇ብቴ፤ ዎይፖ ሺዛ ሲልጣ̈ና ኢንታ̇ብ ዎኮታ̈ቦ ካ̈ቲንታ̇ንቦ ኪ̈ቲንቲ̇ብቴ። 14 ጋድ ኣቂ̇ሲዛንቦ ኪ̈ቲንቲ̇ብቴ፤ ኢንቲ ኢ̈ት ኦ̈ዛን ቃጣኣንዳቦ ማ ኮሽ ኦ̈ኖን ኣንጃምፔ̈ኒ ካ̈ታ ኢንታ̇ ጋዲ̇ኖ ኣሴ። 15 ዪንቲ ኮሽ ኦ̈ሙታ ዳሻንኮን ኤራ ጉ̈ጺኖ ሶ̈ሊን ዚምዶኢሳምፔ̈ኒ ጾ̈ሳ̇ ኮዪ̈ሬ። 16 ጾ̈ሳ̇̇̈ቦ ኦ̈ዚ ኣስ ማ̈ቂ̇ኖንዲፌ̈ኒ ናጻ ኬስኪ̇ኖ ኣስፌ̈ን ማ̈ቃ̇ር ዶኢብቴ ዎቲናካሬ ኑ ናጻ ኬስኪ̇ኔ ጋ̈ሪ ኢ̈ታ ባዝ ኦ̈ፒ̇ቴ፤ 17 ኣስ ዎይቦ ኮሺ̇ዝ ቦንች ኢሚ̇ብቴ፤ ኣማ̇ኒዝ ኣሳን ካብቴ፤ ጾ̈ሳ̇̇̈ቦ ኢ̈ጪ̇ብቴ፤ ጋ̈ድ ኣቂሲዝ ካ̈ታ ቦንቺ̇ብቴ። 18 ኣይላንሶ! ዪንታ̇ቦ ኮሽ̇ ማ̈ቂ̇ኖ ላ̈ንቦ ሙታ̇ ጊዳካ̇ይዶን ኢ̈ት ኦ̈ዝ ላ̈ንባራር ኪ̈ቲንቲ̇ብቴ። 19 ኣሲ ጾ̈ሳ̇ጊሻ̇ቦ ኣባክ ኢ̈ሳ̇ካይዶር ሜታ ኤኬ̇ጌይንዶ ጾ̈ሲ ኢያ ኣንጂ̈ሬ። 20 ዪንቲ ኢ̈ት ኦ̈ኖኮታ̇ቦ ሜታ ኤኪ̇ሙታ ጋ̈ርዢን ኣ ማ̈ዳ̇̈ራ? ዪንቲ ኮሽ ኦ̈ሳ ኦ̈ሪ ሜታ ኤኪ̇ሙታ̇ ጋ̈ርዤጌይን ጾ̈ሳ̇ ጋልዳፖ ኣንጃ ዲጚ̈ሬ። 21 ዪንቲ ጼይዚንቲ̇ኖንዳ ዪኒ̇ቦ፤ ዪንቲ̇ ኢ̈ኮን ቤቃ̇ሪ ኢ̈ኮንዲፌ̈ን ዎታምፔ̈ኒ ዬሱ̈ሲ ሳ̈ዝ ጋልዳ ሜታ ኤካ̇ሪ ዪንታ̇ብ ሚሳ̇ሊ ማ̈ቂ̇ኔ። 22 ኢ ኣባካር ናጋራ ኦ̈ካ̇ዬ፤ ኢ ኖ̈ና ጋርታፓ̇ሬ ኢ̈ታ ባዝ ኬስካካ̇ዬ። 23 ኢያ ቆ̈ምባር ማሂ ቆ̈ካዬ፤ ሜ̈ታ ኤኪ̈ርዶሪ ዎይቦ ጺሊ̇ቲባር ፊርዲዝ ጾ̈ሳ̇̇̈ቦ ፌ̈ና ዓዳራ ኣ̈ር ኢሚ̇ዶ̇ኬ ኢ̈ታ ባዝ ኢንታ ጋልዳ ዬልሬ ጌዪ ኢ̈ሺቻ̇ካ̇ዬ። 24 ኑ̈ኒ ናጋራ ኦ̈ሲን ኣሻ̇ሪ ጺሊ̇ቲ̇ባራ ዶኣምፔ̈ን፥ ኢ ኑ ና̈ጋ̈ርን ፌ ኣሲቲምባር ቶ̈ካ̇ሪ ማስቃላ ጋልዳ ሶቲንቲ̇ዴ፤ ኢ ጫዲንቲን ዪንቲ̇ ፋጺዴ። 25 ዪንቲ ዪኖ ዶሪፌ̈ን ዣይቲ̇ ኣቲ̇ንዶ̈ን፤ ዎቲናካር ዓት ዪንቲ̇ ዪንታ̇ ሼምፒ̇ን ና̈ጊዛኬኬ ዬ̈ጚዛክ ኢ̈ክ ማ̈ቂ̇ኔ። |