1 ቆሮ 15 - ኦራ ጫ̈ቃ ማጻ̈ፋክርስቶ̈ሲ ዓይቃ ጋርታ̇ፖ ዲንዲ̇ኔ 1 ቴ ኢሺንታ̇ን! ቴ ዪንታ̇ ታማ̈ርሲኖን ዎጛላ ቃ̈ሊን ዪንታ̇̇ብ ኤልቅ ዎታንዳ̇ብ ኮያ̈ሬ። ዪና̇ ዎጛላ ቃ̈ሊንዳ ዪንቲ̇ ኢዞ ሲስኪሙታ̇ኬ ኢዝባር ኤቂ̇ ዎንዶ። 2 ቴ ዪንታ̇ ታማርሲኖ ዎጛላ ቃ̈ሊን ዪንቲ̇ ሚ̈ንር ኤ̈ጌይንዶ ዪንቲ̇ ኢዝባር ፋጺ̈ሬ፤ ዪፖ̇ ኣቴጌዪን ዪንቲ̇ ኣማ̇ኒኖን ሜላ̇ ዓሪዬ። 3 ታ̈ኒ ኤኪ̇ኖን ዎይፖ̇ ሺ ኮሺ̇ዝ ባዝ ማ̈ቂ̇ኖ ዎጛላ ቃ̈ሊንዶ ቴ ዪንታ̇̇ብ ሶ̈ሊኔ፤ ኢዛሬ ጌ̈ሻ̇ ማጻ̈ፋን ጋ̈ዚንዲፌ̈ኒ ክርስቶ̈ሲ ኑ ናጋሪንኮታ̇ቦ ዓይቂ̇ዴ፤ 4 ዱ̈ኪንቲ̇ዴ፤ ጌ̈ሻ̇ ማጻ̈ፋን ጋልዳ ጻ̈ፊንቲ̇ኖንዲፌ̈ኒ ዓይዚ̇ ቃምባር ዓይቃ ጋርታፖ ዲንዲ̇ኔ። 5 ኢናፖ ጴ̈ጥሮ̈ሳብ ቤንቲ̇ዴ፤ ዎሃ ታ̈ጶ ናምኢ ሃዋ̈ራታንቦ ቤንቲ̇ዴ። 6 ዪኒፖ̇ ዎሃ ኢሺ̇ን ጼ̈ታ̇ፖ ሺ ማ̈ቃ̇ምፔ̈ኖ ኢ ዎሂን ዬዝ ኣሳን ዎል ፔታ̇ን ዎዶን ኢንታ̇ብ ቤንቲ̇ዴ። ኢንታ̇ ጋርታፓ̇ር ዎይሊን ዓኖ̇ ዬላ̇ር ሼምፓባር ዎ፤ ፔታ̇ን ፔታ̇ናን ዓይቂ̇ኔ። 7 ዪኒ̇ፖ ዎሃ ዓይቆ̇̈ባባር ቤንቲ̇ዴ፤ ሃዋራታን ዎይንባራር ቤንቲ̇ዴ። 8 ዉርሲ ጋልዳ ኬሊ̇ ዬላ̇ካ̇ይዶን ዬሊንቲኖፌ̈ኖ ታ̈ባር ማ ቤንቲ̇ዴ። 9 ታ̈ኒ ኣማ̇ኒኖ ኣሳን ዳካ̇ ላ̈ሊ̇ኖ ኣስ ማ̈ቂ̇ኖኮታ̇ቦ ሃዋ̈ራታን ዎይ̈ንፖ ጉ̈ጺ̇ዝ ኣሴ፤ ማ ሃዋ̈ራ ጌዪንታ̇ራር ጼይጊንታ̇ንዳብ ኮሺ̇ባ̈ሶ ኣሴ። 10 ዎቲናካሬ ታ̈ ዓት ዓና̇ ማ̈ቂ̇ኖንዳ ጾ̈ሳ̇ ኮሺ̇ቲባራ፤ ጾ̈ሲ̇ ታ̈ብ ቤይሲኖ ኢ ኮሺ̇ቲንዳሬ ኣ̈ፍ ቤይ ሜላ̇ ኣታካ̇ዬ፤ ታ̈ኒ ሜላንፖ̇ ሺ ኦ̈ሳባር ዳ̈ቡሪኔ፤ ዪኖ̇ ጾ̈ሳ̇ ፌ ኮሺ̇ቲባር ታባር ማ̈ቃ̇ር ኦ̈ንዶኬ ታ̈ና ጊዳካ̇ዬ። 11 ዪዚ ታ̈ናር ማ̈ቂ̇ን ኢንታ̇ሬ ኑ ዎይን ታማ̈ርሳዚንዳ ዪኖ̇ ኢዞ፤ ዪንቲ̇ ኣማ̇ኒኖንዳር ዪኖ̇ ኢዞ። ኣሲ ዓይቃ ጋርታፖ̇ ዲንዲ̇ዝ ጎይ 12 ዎቲናካር ኑ̈ኒ ክርስቶ̈ሲ ዓይቃ ጋርታፖ̇ ዲንዲ̇ኖን ታማ̈ርሲዝ ባዝ ማ̈ቄጌይንዶ ዪንታ̇ ጋርታፖ̇ ፔታ̇ን ፔታ̇ናን ዓይቃ ጋርታፖ̇ ዲንዳ ባዬ̇ ዎዛርፌ̈ን ጌይራ? 13 ዓይቃ ጋርታፖ̇ ዲንዳ ባዪኮ ክርስቶ̈ሲ ዓይቃ ጋርታፖ̇ ዲንዳ̇ካዬ ጌንትካ! 14 ክርስቶ̈ሲ ዓይቃ ጋርታ̇ፖ ዲንዳ̇ካ̇ይኮ ኑ ታማ̈ርሳዝ ቲሚርቲ̇ንዳር ማ̈ቂ̇ን ዪንታ̇ ኣማ̇ና̈ዳር ሜላ̇ ዓሪዬ፤ 15 ማ ዪፖ̇ ሺ ጾ̈ሲ ክርስቶ̈ሳ ዓይቃ ጋርታፖ̇ ዲንኔ ጋ̈ሪ ኑ ታማ̈ርሲኖንዳ ጾ̈ሳ̇̈ቦ ዎርዳ ማርካ ማ̈ቃ̇ር ቤንቲ̇ኔ ጌንቴ̇፤ ዪዚ ዓይቂ̇ኖ ኣሲ ዲንዲባ̈ስኮ ጾ̈ሲ ክርስቶ̈ሳ ዓይቃ ጋርታ̇ፖ̇ ዲንካ̇ዬ ጌንቴ̇። 16 ዓይቂ̇ኖ ኣሲ ዲንዲባ̈ስኮ ክርስቶ̈ሳሬ ዲንዳ̇ካ̇ዬ ጌንቴ̇። 17 ክርስቶ̈ሲ ዓይቃ ጋርታ̇ፖ̇ ዲንዳካ̇ይኮ ዪንታ̇ ኣማ̇ናዳር ሜላ̇ ዓሪዬ፤ ዪንታ̇̇ሬ ዓታ̇ብ ዬላ̇ሪ ዪንታ̇̇ ናጋሪን ጋርታ̇ፖ ኬስካካ̇ይ ዎ ጌንቴ̇። 18 ዪዚ ዪ̈ፌን ማ̈ቄ̇ጌዪን ክርስቶ̈ሳ ኣማ̇ናር ዓይቂኖን ያር ኣቲ̇ኔ ጌንቴ̇። 19 ኑ̈ኒ ክርስቶሳ ኣማ̇ኒኖንዳ ዓኒ̇ ኣላሚን ጋልዶ ዶኢብ ሙታ̇ ማ̈ቄ̇ጌይን ኣስ ዎይፖ̇ ሺ ኑ̈ብ ሚጪንታ̇ንዳብ ኮሺ̇ዝ ኣሴ። 20 ዎቲናካሬ ክርስቶ̈ሲ ዓይቂ̇ኖ ኣሳንቦ ኡስ̇ ማ̈ቃ̇ር ዓይቃ ጋርታ̇ፖ ኪን ዲንዲ̇ኔ። 21 ዓይቃ ዬይኖ̈ዲ ፔቲ̇ ኣስ ጎይባር ማ̈ቂ̇ኖንዲፌ̈ኒ፥ ዓይቃ ጋርታ̇ፖ̇ ዲንዳ̇ር ዬ̈ዚንዳ̇ ፔቲ̇ ኣስ ጎይባራ። 22 ኣዳ̇̈ማ ጎይባራ ኣሲ ዎይ ዓይቃ̇ዚንዲፌ̈ኒ ክርስቶ̈ሳ ጎይባራ ኣሲ ዎይ ሼምፓ ዲጚ̈ሬ። 23 ዪ ዲንዳ̈ዲ ታራባር ታራባር ማ̈ቂ̇̈ሬ፤ ዓይቃ ጋርታፖ̇ ዲንዳ̇ባራ ኡስ̇ ማ̈ቂ̇ኖ̈ዲ ክርስቶ̈ሳ፤ ማ ዎሃ ኢ ማ̈ቃ̇ር ዬ̈ዚምባራ ኢዬይ ማ̈ቂ̇ኖን ዎይ ዓይቃ ጋርታ̇ፖ̇ ዲንዲ̇̈ሬ። 24 ኢናፖ̇ ክርስቶ̈ሲ ካ̈ቲንታን፣ ኣላቃ ማ̈ቂ̇ኖንስኬ ዎልቃባሮን ዎይ ይሳ̇ሪ ካ̈ቲቲንዶ ጾ̈ሳ̇̇ ፌ ባ̈ባ̈ቦ ኢሚ̇ኖፖ̇ ዎሃ ኣላሚን ዉርሲ ማ̈ቃ̇̈ሬ። 25 ኢ ፌ ጻላ̈ታን ዎይ ፌ ጻና ኣ̈ዝ ዲራስ ካዉታንዳ̇ብ ኮሺ̈̇ሬ። 26 ዉርሲን ጋልዳ ጋሚንቲ̇ዝ ጻላ̈ታ̈ዲ ዓይቃ። 27 ጌ̈ሻ̇ ማጻ̈ፋ ጋልዳ “ጾ̈ሲ ዎይ ባዝ ኢ ሲልጣ̈ና ጻና ማሂኔ” ጌዪ ጻ̈ፊንቲ̇ኔ። ዎቲናካሬ “ዎይ ባዝ ኢ ሲልጣ̇̈ና ጻና ማ̈ቂ̇ኔ” ጋ̈ዚንዳ ዎይ ባዝ ኢ ሲልጣ̈ና ጻና ማ̈ቃ̇ምፔ̈ን ዎቲኖ ጾ̈ሳ̇ ባ̈ባ̈ባር ጉጃ̇ር ጊዳካ̇ዬ። 28 ዎይ ባዚ ክርስቶ̈ሳ ሲልጣ̈ናፖ̇ ጻና ማቂኖፖ̇ ዓኒ፥ ጾ̈ሳ̇ ባ̈ባ̈ቦ ዎይ ባዝ ጋልዳ ሲልጣ̈ና ኢ̈ብ ዎ ማ̈ቃ̇ምፔ̈ኒ፥ ጾ̈ሳ̇ ና̈ኣ ፌ ቆሚ̇ን ዎይ ባዝ ኢ̈ብ ፌ ጻና ኣ̈ኖ ጾ̈ሳ̇ ባ̈ባ̈ቦ ጻና ማ̈ቂ̇̈ሬ። 29 ዪዚ ዓይቂ̇ኖ ኣሳን ዲንዲባ̈ስኮ ዓይቂ̇ኖ ኣሳንኮታ̇ቦ ጻማ̇ቂንቲ̇ዝ ኣሳን ኣባብ ዋ̈ዪ̈ራ? ዓይቂ̇ኖ ኣሳን ዉርሲ ዲንዲባ̈ስኮ ኣሳን ኢንታ̇ ጊሻ̇ብ ኣባብ ጻማ̇ቂንቲ̈ራ? 30 ኑ̈ናር ማ̈ቄ̇ጌይን ዎይ ጋላስ ሜታ̇ ቤቂ̇ሙታ̇ ዶኣዚን ኣባባ? 31 ቴ ኢሺንታ̇ን! ታ̈ና ዎይ ጋላስ ዓይቃ ዬሊ̈̇ሬ፤ ኑ ጎዳ ዬሱ̈ስ ክርስቶ̈ሳ ጎይባራ ቴ ዪንታ̇̇ባር ኬርፋዝ ኬራፊንኮታ̇ቦ ቴ ዪኖ̇ ሶ̈ላንዳብ ዳንዳ̇ኢኔ። 32 ኣሲ ማ̈ታ ባዝባር ቡቲቲዛዲፌ̈ኒ ታ̈ኒ ኤፍሶ̈ና ካታማ ኣሳንባር ቡቲቲኖንዳ ሜላ̇ ዓሪ ታስፋ ባዮ̇ ኣሳንፌ̈ንኮ ቴ ዋ̈ዪንዳ ሜላ̇ ዓሪዬ። ዪዚ ዓይቂ̇ኖ ኣሲ ዲንዲባ̈ስኮ “ጊያ̈ብ ኑ ዓይቂ̇ዛኮታ̇ቦ፥ ዓይ ዬብቴ፤ ሙይስቶ፤ ኡሽኪ̇ስቶ” ጌይኖንዲፌ̈ን ማ̈ቃ̇̈ሬ። 33 ኣሲ ዪንታ̇ ዳሺቻ̇ፖጋ̈ቤ “ኢታ̇ ላጋ̇ዲ ኔብ ዎ ኮሻ̇ ኣማሊን ኢ̈ሲ̈̇ሬ።” 34 ዪንታ̇ ቡ̈ዲንባር ቆፓ̇ር ቤቂ̇ብቴ፤ ናጋራ ኦ̈ፒቴ፤ ዪንታ̇ ጊዳ̇ ፔታ̇ን ፔታ̇ናን ጾ̈ሳ̇ ኤሪባ̈ሶን ዎኮታ̇ቦ ዪንታ̇ ዬሊንዳቦ ቆፓ̇ር ታ ዪኖ̇ ጌይኔ። ዓይቃ ጋርታፖ̇ ዲንዲ̇ኖ ኣሳ ጋሊ̇ ኣ ማይጺ̈ርኮ 35 “ዓይቂ̇ኖ ኣሳን ዎዛርታ̇ር ዲንዲ̈ራ? ዓይቃ ጋርታ̇ፖ̇ ዲንዳ̇ዚምባር ኢንታ̇ ጋሊ̇ን ኣብዝ ማይጻ̈ራ?” ጋ̈ሪ ፔቲ̇ ኣሲ ኦይጫ̇ንዳ ዳንዳኢ̈ሬ። 36 ኣን ኔ ዳሻዲ! ኔ ዜርቃ̇ዝ ካን ዎ̈ቃካይዶራ ኣቴጌዪን ሼምፓ ኢዝቦ ዶኣባሴ፤ 37 ኔ̈ኒ ዜርቃ̈̇ርዶራ ዜርቃ ዜር ዎይ ሜላ ካ ዜርቃ̈ርዶኬ ዎሃ ፉዳዝ ዋይን ዜርቃ̇ባሴ። 38 ጾ̈ሲ ዜርምቦ ፌ ኮይኖንዲፌ̈ን ጋል̇ ኢሚ̇ሬ፤ ዎይ ዜርንቦ ዱማ ዱማ ጋል̇ ኢሚ̈̇ሬ። 39 ኣይሺ̇ ዎይ ፔታ̇ን ጊዳካዬ፤ ኣሳ ኣይሺ ዱማ፤ ሜሃ ኣይሺ ዱማ፤ ካፊ ኣይሺ ዱማ፤ ሞላ ኣይሻ̇ሬ ዱማ። 40 ዪና̇ ኢዝፌ̈ኒ ጾ̈ሲ̇ ኣፋ ኮቺ̇ኖ ዱማ ዱማ ባዛን ዎ፤ ሳ̈ዝ ጋልዳር ጾ̈ሲ̇ ኮቺ̇ኖ ዱማ ዱማ ባዚ ዎ፤ ዎቲናካሬ ኣፋ ዎ ባዛን ቆይሲንዳ ዱማ፤ ሳ̈ዝ ጋልዳ ዎ ባዛን ቆይሲንዳሬ ዱማ። 41 ኣዋ̈ፊንቦ ዎ ቆይሲን ዱማ፤ ኣጋናብ ዎ ቆይሲን ዱማ፤ ቤ̈ርሳብ ዎ ቆይሲን ዱማ፤ ፔቲ̇ ቤ̈ርሲን ሜላ ቤርሲምፖ ዱማ ቆይሲ ኢዝቦ ዎ። 42 ዓይቃ ጋርታፖ̇ ዲንዲዝ ኣሳን ባዚንዳር ዪዚ ዪና̇ ኢዝፌ̈ኔ። ኣሲ ዓይቃ̇ሪ ዎ̈ቂ̈̇ሬ፤ ዓይቃ ጋርታ̇ፖ ዲንዲ̈ርዶሪ ዓይቂ̇ባ̈ሶ ማ̈ቃ̇ር ዲንዲ̈ሬ። 43 ዱ̈ኪንቲ̈ርዶሪ ኣቲ̇ኖባዝ ማ̈ቃ̇ር ዱ̈ኪንቲ̇ኖ̈ዲ ዲንዲ̈ርዶሪ ቦንችባር ዲንዲ̈ሬ፤ ላ̈ፋባዝ ዱ̈ኪንታ̇ሪ ጴች ዎልቃባሮባዝ ማ̈ቃ̈̇ር ዲንዲ̈ሬ። 44 ኮቺ̇ንቲኖ ኣይሺ̇ን ዱ̈ኪንታ̇ራ ጌ̈ሻ̇ ኣያ̇ና̈ዲ ሼምፓ ኢሚ̇ን ኣራ ጋል̇ ማ̈ቃ̇ር ዲንዳ̈ሬ። ኮቺ̇ንቲኖ ጋሊ̇ ዶኤጌይን ጌ̈ሻ̇ ኣያ̇ና ሼምፓ ኢሚ̇ዝ ኦራ ጋላ̇ር ዎ። 45 ዪ̈ኮታ̇ቦ “ቲ̈ኖ ና̈ሳ ኣዳ̇̈ሚ ሼምፓባሮ ኮቺ̇ንት ማ̈ቂ̇ኔ” ጋ̈ር ጻ̈ፊንቲ̇ኔ። ዎቲናካር ዎሆ ኣዳ̇̈ሚ ኢያሬ ክርስቶ̈ሲ ሼምፓ ኢሚ̇ዝ ኣያ̇ና ማ̈ቂ̇ኔ። 46 ዎቲናካሬ ቲ̈ን ዬይኖ̈ዲ ኮቺ̇ንቲኖ ና̈ሳ̈ዲዶኬ ኣያ̇ናባሮ̈ዳ ጊዳካ̇ዬ ኣያ̇ናባሮ ዬይኖ̈ዲ ቲ̈ን ኮቺ̇ንቲ̇ኖ ና̈ሳ̈ፖ̇ ዎሃ። 47 ቲ̈ኖ ና̈ሳ ኮቺ̇ንቲኖንዳ ሳ̈ዝ ጋልዳፖ̇ ማ̈ቂ̇ኖኮታ̇ቦ ኢ ሳ̈ዝ ጋልዶ ኣሴ። ዎሃ ዬይኖ ና̈ሳዲ ኣፋፖ̇ ዬይኔ። 48 ኣሲ ዎይቦ ሳ̈ዶ̇ ና̈ሳ̈ኮንዲፌ̈ኒ ሳ̈ዝ ጋልዶ ኣይሺ ዎ፤ ዎቲናካር ኑ̈ኒ ዓይቃ ጋርታ̇ፖ ዲንዳምባ̇ራ ኑ ጋሊ̇ንዳ ኣፎ ና̈ሳ̈ኮን ማይጻ̈ሬ። 49 ኑ̈ኒ ዓት̇ ሳ̈ዶ ና̈ሳ ማይጻዚንዲፌ̈ኒ ጊዳክ ፔታ̇̈ቦ ኑ̈ኒ ኣፎ ና̈ሳ ማይጺ̈ሬ። 50 ቴ ኢሺንታን! ቴ ጋ̈ዚንዳ ዓኖ̇፤ ኣሳ ኣይሽ̇ኬ ኣሳ ሱ̈ ጾ̈ሳ̇ ካ̈ቲቲ ጋርታ ጌሊባ̈ሴ፤ ዪና̇ ኢዝፌ̈ኒ ዓይቃ̇ር ዪዝ ኣይሺ̇ ዓይቃካ̇ይ ዶኢዛ̈ዳ ኤካ̇ንዳብ ዳንዳኢባ̈ሴ። 51 ሲስኪ̇ብቴ! ቴ ዪንታ̇̇ብ ፔቲ ሚስጢራ ሶ̈ላስቶ፦ ኑ ዎይ̈ን ዓይቂ̇ባ̈ሴ፤ ዎቲናካሬ ኑ ዎይን ኦ̈ሂንቲ̇̈ሬ። 52 ዉርሲ ዛዪን ፑጊንታምባ̇ራ ኣ̈ፊ ቂብጽ ጋ̈ዚንዲፌ̈ኒ ኑ̈ናር ኤሊ̇ባር ኦ̈ሂንቲ̇̈ሬ፤ ዛዪን ፑጊንታ̈ሬ ኢናፖ̇ ዓይቂ̇ኖ ኣሳን ዪባሶ ሼምፓባሮ ማ̈ቃ̇ሪ ዲንዲ̇̈ሬ፤ ኑ̈ናር ኦ̈ሂንቲ̇̈ሬ። 53 ዪዛ̈ዲ ይባሶ፤ ዓይቂ̇ዛ̈ዲ ዓይቂ̇ባ̈ሶ ማኣንዳብ ኮሺ̈ሬ። 54 ዪዛ̈ዲ ዪባ̈ሶ ዓይቂ̇ዛዲ ዓይቂ̇ባ̈ሶ ማ̈ኤጌይንዶ “ዓይቆ ጋሚንቲ̇ዴ!” ጋ̈ሪ ጻ̈ፊንቲ̇ኖን ፎቲንታ̇̈ሬ። 55 ዪና̇ ኢዝፌኒ፥ “ኣን ዓይቆ! ዓት ኔ ጋማዚን ዎይዳ? ዓይቆ! ኔ ኣስ ዱካ̇ዝ ዪሺ̇ን ዎይዲ ዎ!” ጌዪንቲ̇̈ኔ። 56 ዓይቆ ኣስ ዱኪ̇ዝ ዪሺ̇ንዳ ናጋራ፤ ማ ናጋሮ ዎልቃ ዲጛዚንዳ ሂጋ̇ ጋልዳፖ̇። 57 ዎቲናካሬ ኑ ጎዳ ዬሱ̈ስ ክርስቶ̈ሳ ጎይባራ ጋሚዝ ዎልቃ ኑ̈ብ ኢሚ̇ዛ ጾ̈ሳ̇̇̈ቦ ጋላታ ማ̈ቆ̇! 58 ዪዚ ካንቲኖ ቴ ኢሺንታ̇ን! ሚ̈ጛር ኤቂ̇ብቴ፤ ጌዳክ ዓኒክ ጋ̈ፒ̇ቴ፤ ጎዳ ኦ̈ሳቦ ዪንቲ ዳቡራዚን ሜላ̇ ዓሪ ማ̈ቃካ̇ዮን ኤራሪ ዎይ ጋላስ ጎዳ ኦ̈ሲን ኦ̈ንዳብ ሚ̈ጚንቲ̇ብቴ። |