Naum 2 - Fanawbuid tagsibaliwas Fakayabian

Furuan Ninibe nu Karasras

¹ Taw Ninibe, andasug wan ay ngay fawayan laman namawayan ay namasaruayan ayu. Nu katanya, alagai tua ay furuan at alad ay banawani tua sa ay ngay dalan. Fafuli ay ngay tagfawayan ay fafalganani laman namawayan.

² Dewa am nababo taw Israel ay taw Uda kata sik tanum wat ubas at kinyango, Yawi gfafoli yay fia taw Israel ay taw Uda at fagmabalyananun.

³ Ay ngay fawayan at famalabag ay at lanbung maraska. Ay gina ay ngay fawayan gfawayan, at ngay faguyudan ganyang ay at ngay kabayu masakit nu gtarung.

⁴ At ngay faguyudan at kasakitan gawang nu glangfe sa sangay fagaweanan, ay gyamag kata sik salung ay ganinag kata sik limbad.

⁵ Fun nasugu at ngay tagfawayan at maseganama. Ay kanya fagayu kataid gina glao sat furuan at alad, ay gabanganan gfae famalabag laman at ngay fawayan wa marufa at alad.

⁶ Ay famalabag mamam umluang, ay fun at bale daul umkiklas.

⁷ Ay e nafoyung wa sabaliwa ayu te, e nanggamat ban ayu, ay nantaban sa tibak talun. Ay ginanya ban at fagsuguan fag ngay mangena gfandeng ay gwayway kata labikung nu guni, kaduge gtalaptap at mesa dubdub aroro maksvn nu kabalu.

⁸ Ngay taw at nalagyu siginans Ninibe kata sik mamam tagfamilugan siginan at marufan fag fagsuadan. At ngay fadgaloan nanguro at nalagyu laman kafoli ay nusdi sadi we nfoli.

⁹ Fagayu am at namawayan furuan Ninibe, buli wan kafag furuan at ngay salapi ay at ngay gintu aroro ngayu at ramraman.

¹⁰ Nu katanya, furuan Ninibe umrasras, umkamin, ay umbalu! Ay fagayu tagbanwan sanya umlimu, ay ummomuy, ay gfandeng ay gtadtaruyan.

¹¹ Furuan Ninibe ebi kata oma sik luib, ngay liun at fagbanwanan. Ngay liun talananan glo sanya yud e fakalimuun.

¹² Ay kanya fag ngay liun nayukfu ay nafabul at nagamat ay gbuba at ba yamas sat talnayan. Kanya nafapnu at ngay nafabul sanya fag luib.

¹³ Yawi at Mabalyanan glong te, “Am fag ngay taw Ninibe, dungugani! Ku fawayan am! Nu katanya, nangirug au ay ngay faguyudan ay ay ngay tagfawayan umbul sas fagawayanan. Namaragang kwan ay ngay fakamulun at mauri. Ay wa ban am e tagfosuk ya longan.”