Alubad. 95 - Fanawbuid tagsibaliwas Fakayabian

Alubad 95 Famauseganan fag Alubad

¹ Gewan, guro tam ay galubad guseganan sas Yawi, tam tagfalangfe ay tam fagsarirungan fag gang.

² Anud, nangakbang watam sit daga salubangan laman guro gfauseganan.

³ Aroro Yawi wan at mabalyanan fag Dius. Ay sia tua at mabalyanan fag Fun sas fagayu fagsegan.

⁴ Sia wan tagagbilug sas daga-daga, ay anggan ngay tungud buksul.

⁵ Sia yangay tagagbilug dagat anggan daga, ay sia wan at nawat kafag dua.

⁶ Gewan garungan watam ay gseg Yawi, at nawat antam,

⁷ aroro sia wan tam Dius ay itam wan at ngay taw, kanya galaga ay gulit antam kata ngay tupa. Fagayu am, dungugani Dius at longan!

⁸ Dius glong te, “Lag am kamaogatun kata ay ngay mangaguyang at nafakamulun, gina kanya fagayu sis Meriba, ay sis Masa, sit yud e taw fag talun.

⁹ Kanya fagayu, dewa nalag ku ngay nafakamulun, nafaskud yay angku.

¹⁰ Kaduge ufatk safuluk banwa maksvn nu kadotama au anya fagayu, ay nalong au te, ‘Kanya fag ngay taw natalyuyan angku ay wa nafaning ku ngay foyungan.’ ”

¹¹ Nu katanya, andotama au maksvn, ay nafatuyanan au te, “Kanya ban fagayu wa madasug sa ku fagnamonun fag daga, at fagfiangalayan.”