Alubad. 12 - Fanawbuid tagsibaliwas Fakayabian

Alubad 12 Darangin laman Dius Ggubuk

Laman sa tagfangguna alubad: Dabid at alubad. Gasfuan nu gfawang fagfawangun ke bakyang.

¹ Yawi, gubuki angku, aroro we gfaning ya emu, ay we matuyan ya.

² Kanya fagayu kamuagan way sat ngay faduksay, ay gfantabugan way laman gdaya at iba.

³ Yawi, faragangi wan ngay tagfandaya ay takamatungudun.

⁴ Ay kanya fagayu glong te, “Siginan tam aringang, mafabul tam nusnga setaw tam fakaylatun, ay gbabo tam, ay we taw mafaragang antam.”

⁵ Yawi nalong te, “Kadasug kwan, aroro ngay yud e kwa gafalingunan, ay ngay tagidapan gurungan get sa angku. Ay namae fagmanabayanun au anya fagayu kata at fagetun.”

⁶ Yawi at ngay fatuyanan mafanud, kasine sik sanbung salapi tagfitu ginan kafasine sat masugba fia fag afuy.

⁷ Yawi, nasaful ami te, gdiri tua ban o emi, ay kabavn gfalangfe o emi,

⁸ aroro dewa nday e ngay taw mauri. Ay kanya fagayu guseganan sat mauri fag ngay fakamulun.