Alubad. 110 - Fanawbuid tagsibaliwas Fakayabian

Alubad 110 Yawi at Nafili fag Fun

Dabid at nariruk.

¹ Yawi nalong sa ku Fun te, “Gewan, malunggung o si ku siun baliwa yakmay kban nafababawan ay nafasam daga darafa am ngay fawayan.”

² Am fagfagtainanan furuan daul Siun, ay Yawi ban gfamut yay, ay nangagbilug ban o am ngay fawayan.

³ Am ngay taw ban kaylat tua galo emu gina o namawayan am ngay fawayan. Ay kanya ban fagayu glao sa emu kata ngay damug sit masine fag ngay buksul.

⁴ Yawi di gfabadbalian at fatuyanan te, “Sik tagfon ban o fanggalangun kabavn, kata Melkisedek.”

⁵ Fun Dius ban gufud emu kabavn. Gina ban kanya andotama, gfaurianan ngay fun.

⁶ Ay gfaurianan yangay ban tibak talun at taw, gasfuan ngay fun sas fagdaul daga. Ay ngayu ban at mabulan sat ngay talun.

⁷ Kanya ban fag Fun ginum si sik bukbuan tagsis tigyangan dalan, ay gdog yay ban kabitsug ay gbabo.